جوزك جاي بعد غيبه بقلم حنه

 جوزك جاي بعد غيبه سبع سنين قومي جهزي نفسك عشان تقابليه.
جوزي!!! 

الكلمة دي بقالي سبع سنين بسمعها وانا عمري ما شوفته! جوزي اللي بابا طلب منه يتجوزني وانا عندي 16 سنه عشان يطمن عليا قبل ما ېموت
انا عارفه ان هو وافق يتجوزني عشان خاطر بابا وعمي وبعد كتب الكتاب سافر برا مصر عشان شغله وبعدها بابا ماټ وانا روحت اعيش في بيت عمي ومن يومها معرفش حاجة عنه غير اني مرات منصور ابنهم الكبير
سبع سنين عايشه معاهم مستنيه جوزي اللي تقريبا نسي انه اتجوز كنت بستغرب لما كان بيكلمهم وميسألش عليا بس كنت بقول يمكن مش فاضي لحد متاكدت انه مش فاكرني اصلا بقيت كل يوم ابص للدبله في ايدي وادعي ربنا انه يحبني الدهب اللي ف ايدي جدي قالي انه شبكتي من منصور ومن يوم ما لبستهم ما قلعتهمش وكان ديما بيجيلي عرسان وجدي وعمي بيرفضو طبعا من برة برة وبعرف بعدين بقعد اضحك واتخيل لو منصور هنا كان هيغير عليا ولا لاء!

النهاردة احنا بنجهز لفرح كريم ابن عمي وجدي قال ان منصور جاي عشان فرح اخوة اخيرا بعد سبع سنين هشوفه. جدي اكد علي كريم يروح المطار بعد ساعة عشان يجيب منصور كل اللي اعرفه عنة انه راجل اعمال كبير اوي في البلد اللي هو فيها اكتر من كدة معرفش.
قومت عشان اتابع المطبخ لقيت عمتي بتقولي
رايحة فين
رديت بتوتر هشوف الاكل خلص ولا لا
عمتي بقي جوزك جاي بعد غيبه سبع سنين ويجي يلاقيكي بخلجاتك دي اطلعي يا بتي اتزيني اكدة والبسي زين
ابتسمت بۏجع والكل بيبصلي وقولت
مش هعشم نفسي يا عمتي هو مش فاكرني اصلا! انا كدة مرتاحة
خلصت كلامي ومشيت روحت المطبخ قبل ما حد يشوف دموعيدخلت المطبخ واكتفيت بحياتي كدا
في المطار
كريم واقف ساند علي عربيته ومستني اخوة الكبير جواه مشاعر كتير اهمها ان منصور وحشه جدا ابتسامه شقت شفايفة لما شاف اخوة خارج من بوابه المطار جري عليه وحضنه جامد اوي وهو بيقول
حمدلله على السلامه يا منصور