رواية مكتملة بقلم عمرو خالد

رواية العروسه حامل كامله جميع الفصول بقلم عمرو خالد ليث
الجزء الاول " العروسة حامل "

_ هـي مالها يا دكتور! 
: هـي تبقى مراتك؟ 
_ اه
: مبروك هـي حامل 
_ إزاي! 
: هو أي اللـي إزاي؟ 
_ إحنا متجوزين من أسبوع! 
فضلت ثواني مستوعب كلام الدكتور، مش فاهم حامل إزاي وأحنا متجوزين من أسبوع بس!

روحت لـ نوران فـي الغرفة اللـي محجوزة فيها عشان اطمن عليها، وأنا وكل اللـي بيحصل ده وأنا مش مستوعب أي حاجة أصلًا .

_ الدكتور قالك أي يـا مالك؟ 
: قال أنك كويسة الحمدلله بس هتعملي شوية تحاليل عشان نطمن عليكي أكتر 

_ يعني كله تمام؟ 
: أها اطمني 
خۏفت أقولها حاجة وتشيل فـي نفسها وتتعب ويطلع كلام الدكتور غلط، وخۏفت يطلع صح ويكون في حاجة فعلاً وتعمل فـي نفسها حاجة، الف سيناريو حضر على بالـي، مبقتش عارف أعمل أي بس سبت كل حاجة لحد ما نعرف نتيجة التحاليل .
فضلت أكتر من أسبوعين مستني نتيجة التحاليل، من جوايا بقول يا رب يطلع كلامه غلط، وفـي نفس الوقت فـي همسات فـي ودنـي بتقولي كلامه صح، اللـي خاېف منه هيطلع صح، بقيت بكره دماغي من كتر الأفكار الغريبة اللـي بتجيلي . 
_ مالك أنت كويس يـا حبيبي؟ 
: اه كويس صاحية ليه لحد دلوقتي! 
_ صحيت ملقتكش جمبي قلقت عليك 
وفـي نفس اللحظة لقيت صوت معدي من جمب ودني قال جملة سريعة " قلق الأفاعي "
: قلق الأفاعي! 
_ قولت أي؟ 
حاولت أستوعب سمعت أي ورددت اللـي قولته، وبعدين حاولت ألملم اللي حصل .. 
: هاا، لا مفيش كله تمام 
بقيت ملاحظة أن مالك في الفترة الأخيرة مبقاش طبيعي، بقـي طول الوقت شارد، سرحان على طول بدون سبب، أحيانًا بيبقى غريب وبيقول كلام أغرب، بس الفترة الأخيرة دي أتغير بشكل ملحوظ وبيتصرف تصرفات غريبة، مبقاش يهتم زي الأول، كلامه بقي قليل، بيقول كلام مش مفهوم، داخلين على شهر جواز وقبلهم سنتين خطوبة وأول مرة أشوفه كده .. 
: يمكن زهق 
_ زهق من أي يـا صفاء إحنا لينا شهر متجوزين
: دي طبيعة الراجل يـا نوران، أنه يبقى مشتاق وملهوف على الحاجة وأول ما تجيله بيزهق منها 
_ ده ليه؟ 
: لأن شغفه بيبقى معتمد على تحقيق هدفه مش لتعامل معاه 
_ مش فاهمة؟ 
: الشخص بيبقى متحمس أنه يحقق الحاجة اللي ملهوف عليها، فـ شغفه بيبقى معتمد أنه يحقق الحاجة دي بس، أنما مبيبقاش عنده شغف أنه يتعامل معاها 
_ فهمت، يمكن عندك حق 
: ويمكن واحدة تاني بيوفر شغفه ليها
_ لا لا كده كتير وفري أحتمالاتك دي يـا صفاء دلوقتي أنا مش قادرة بجد

بقيت ماشـي فـي الشارع وحاسس أني تايه، تايه مابين كدبة حب 4 سنين، وبين دماغي اللـي هتتفرتك من كتر الأفكار الغريبة، وغير كم السيناريوهات اللـي بتيجي، والأغرب أني بقيت بشـوف الأفكار الغريبة فـي الحلم! 
خېانة، كدب، نفاق، والنتيجة فـي الآخر حامل، بس من جوايا بقول يا رب يطلع كل ده حلم مش حقيقة، وأنا كل ده وحاسس أني بحلم، بس لو كنت بحلم أكيد كنت هصحى، بس أنا لسه مصحتش .
_ مالك! معقول 
: منى؟ 
_ عامل أي؟ 
: أنا كويس أنتِ عاملة إيه 
_ أنا كويسة أي مالك تايه ولا أي 
: لا كنت بتمشى شوية 
_ معقول، فـي نفس المكان اللي كنّا بنتمشى فيه! 
: ماهو ده مكاني المفضل
_ مش لوحدك 
: مش لازم الحاجة اللـي بحبها تبقى ليا لوحدي، أحيانًا بتبقى الاغلبية متفقة على حب الشيء نفسه
: حصل، حتى الحاجة اللـي حبيتها طلع غيري بردو بيحبها واخدها منـي

 

كانت بتبصلي وكأن الدموع قربت تنزل من عيونها، بس كنت عايزها تفهم أننا مش شبه بعض بس .. 
: بس أنت اللـي كنت واخد الخطوة دي من الأول 
_ عشان خاېف عليكي 
: خاېف على زعلها
_ لا يـا منى هي مكانتش ظهرت أصلًا ساعتها
: هما خمس سنين لحد دلوقتي وكأنهم أمبارح يـا مالك
_ الأيام بتجري
: وأنت وحشتني
ولقيتها مرة واحدة حضنتني، حاولت أبعد عنها بس كل محاولاتي فشلت، ولقيتها فـي الآخر بتمسح دموعها ومشيت، كنت أول مرة فـي حياتي أحب، بس لقيته فـي الآخر مش شبهـي، اللهفة خلتني مشوفش الحقيقة، ملاحظتش أنا عايز أي وحابب أي، لكن كنت متسرع عشان أعيش الأجواء، لكن مكنتش مستعد أتعايش معاها .

_ يخربيتك عملتي كده بجد! 
: أيوة 
_ مش كفاية الدكتور؟ 
: يـا غبية مأنا لازم أطلع الإتنين أوحش من بعض فـي نظر بعض 
_ هيفرق فـي أي يـا أستاذة منى
: هيفرق فـي أنهم ممكن يكتشفوا لعبة الدكتور لو راحوا لدكتور تاني، فـ كده هيرجعوا، لكن لو هـي عرفت أنه بېخونها كده عمرهم ما هيرجعوا 
_ دماغك دي أي بجد
: ألماظ
_ لا سـم
: مش هتفرق يـا حفصة كده كده حقي مش هسيبه 
_ وهـي أي ذنبها؟ 
: وأنا أي ذنبي
_ ذنبكم أنتو الإتنين أنكم حبيتوا 
: فعلاً، كلنا بنتحاسب على حبنا ليه

كنت قاعدة مستنية مالك راح يجيب نتيجة التحاليل من عند الدكتور، كنت حاسة أن فـي حاجة غريبة، أنه كان الطول الوقت مش على بعضه، فـي حاجة معاه أو بيعمل حاجة وخاېف، وسرعان ما جه الرد على أفكاري، لقيت مسدج جتلي على الواتس، شفتها من بره لقيتها " أبقى حافظي على اللـي معاكي من الماضـي " 
بفتح الشات لقيت فيديو 30 ثانية، فتحته لقيت مالك واقف مع واحدة وبيتكلموا مع بعض، بس دي مش واحدة، دي منى، الحب القديم، ومرة واحدة حضنته! 
وهو حضنها عادي كمان، حاولت أترجم تصرفاته الفترة الاخيرة، وأجيب مبررات كتير، وتوقعت أكتر من حاجة، ولكن أنه يطلع خاېن دي الحاجة اللـي متوقعتهاش .

جه دوري فـي الدخول، دخلت لـ الدكتور على طول، ولسه هقوله نتيجة التحاليل طلعت أي .. 
_ حامل

يتبع ..
لـ عمرو خالد لـيث 
#الكاتب_ليث

 

 

رواية العروسه حامل الفصل الثاني بقلم عمرو خالد ليث
الجزء الثانـي .. العروسة حامل

بعد ما دخلت لـدكتور ولسه هسأله على نتيجة التحاليل طلعت ولا لا .. 
_ حامل 
: إزاي! 
_ إزاي دي مش بتاعتي أنا بقول لحضرتك نتيجة التحاليل اللـي عملناها، وحامل فـي الشهر التالت
: أكيد فـي حاجة غلط إحنا متجوزين من شهر، والطبيعي أن الحمل بيظهر بعد الـ45 يوم 
_ لو فـي حاجة غلط هتبقى من عندكم 
: قصدك أي! 
_ ممكن توطي صوتك وتتفضل؟ 
اللـي كنت خاېف منه تقريبًا حصل، بس مكنتش متوقع أنها ممكن تعمل كده أصلًا، ده أنا عمري ما فكرت حتى أحضنها، أربع سنين أقصى طموحي أسلم عليها، وبعدين اكتشف أنها حامل وفـي الشهر التالت كمان!

: أنتِ بتعملي؟ 
_ همشـي مش هقعد معاه تاني 
: يـبنتي أهدي بس
_ أهدى أي أكتر من كده، هستناه لما يخلف منها يـا صفاء 
: مش قصدي 
_ ولو بردو الموضوع منتهـي خلاص 
: طب أصبري اتكلمي معاه، أفهمي منه اللـي حصل
_ أفهم أي واي المبرر اللـي يخليهم يحضنوا بعض في الشارع، ده لو برر اللـي حصل ممكن يتجوزها بكره ويبرر جوازتهم كمان ماهـي زريبة 
: طيب هتعملي أي دلوقتي 
_ هستناه لما يرجع وأعرف نتيجة التحاليل، وبعدين همشي 
: طيب ممكن تهدي 
_ أنا تمام

دخلت من باب الشقة لقيت شنطتين ورا الباب، دخلت لقيتها قاعدة على الكنبة ولابسة هدوم الخروج بتاعتها .. 
_ رايحة فين! 
: نتيجة التحاليل فين؟ 
_ أهي 
: وطلعت أي! 
_ حامل
: أي؟ 
_ ومن 3 شهور 
: أنت بتقول أي! 
_ بقول اللـي خبيته عنك من أول أسبوع جواز لينا واللـي فضلت شايله لحد نتيجة التحاليل 
: أكيد فـي حاجة غلط 
_ هو فـي حاجة غلط فعلاً ومحتاج أعرفها 
: أنت تقصد أي، واللـي فـي دماغك ده مش صح على فكرة مفيش حاجة
_ أنا عمري ما قصرت معاكي، ولا عمري بقيت بخيل عليكي في أي حاجة سواء مشاعري أو حتى الحاجة اللـي بجيبهالك، ولا عمري اتأخرت عنك، وفـي الآخر أكتشف الخبر ده وبالصدفة، أمال لو مكنتش عرفت دلوقتي كنت هعرف أمته 
ببص عليها لقيتها بټعيط وبتحاول تمسح دموعها .. 
: أنت بتقول أي أنت مچنون
_ أنا اللـي مچنون وأنتِ اللـي شريفة
: أسكت بقا مش عايزة اسمعك
_ حقك متسمعنيش، ولا تشوفيني حتى، مأنتي لو كنتي مهمتة باللي بعمله عشانك مكنش حصل اللـي حصل
: أي اللـي حصل قولي أي اللـي حصل، رايح تجيب تحاليل وتقول أني حامل 
_ نوران أنا عملت عشانك اللـي معرفتيش تعملي نصه معايا، منى اللـي بتحاول تكلمني بقيت بقطع أي حاجة توصلها ليا عشان خاطرك وعشان خاېف على مشاعرك
: منى دي اللـي كنت حاضنها أمبارح صح
_ هي اللي قربت مني 
: وأنت الأمور بنسبالك عادي 
_ أي حاجة كانت بتضايقك مكانتش عادية بنسبالي 
: أنا همشي 
_ مع السلامة، ومش عايز أعرفك تاني وابقي شوفي اللـي فـي بطنك ده أبن مين
: أنت بني ادم مش متربي 
_ أنا اللـي مش متربي وأنتي اللـي شريفة 
: أسكت بقا حرام عليك 
أخدت شنطتي ومشيت وأنا مش قادرة أتلم على أعصابي حرفيًا، كنت حاسة أني بحلم، ومالك ده مش مالك اللـي أعرفه، ودي مش طريقته اللـي متعودة عليها، من أمته وهو بيتكلم بالطريقة دي، وحامل إزاي مش فاهمة، أنا مش مستوعبة بجد يعني ده حقيقي وأنا حامل!

_ ارتحتي! 
: اه ارتحت، وبعدين قولتلك مينفعش نضرب من حتة واحدة لازم نضرب من الناحيتين عشان اللـي يتكسر ميتصلحش 
_ يخربيت دماغك
: كده أنا أخدت حقي 
_ بس أنتي كده بوظتي علاقة أتنين ببعض عشان ترضي ضميرك
: وأنا كان مين يراضيني ساعتها
_ بس أنتِ اللـي قررتي أنكم تبعدوا
: لما لقيته خلاص مبقاش حابب وجودي مشيت
_ طب وهـي أي ذنبها 
: وأنا أي ذنبي
_ هرجع اقولهالك تاني ذنبكم أنتو الإتنين أنكم حبيتوه
: وأنا أخدت حقي
_ وهي مين هياخد حقها
: مش بتاعتي
_ أنتِ غريبة يـا منى بجد، أنا بقيت أخاف منك
: أنا مبعضش يـا حفصة أنا أخدت حقي
_ مش بالطريقة دي 
: مكنش في حل تاني كان هيرضيني
_ واللي يرضيكي أنك تخلي الإتنين شكلهم ژبالة قدام بعض
: اللـي حصل حصل بقا
_ تمام

 

كنت حاسة بالذنب تجاه اللـي عملته منى مع مالك ونوران، متوقعتش أن فـي واحدة ممكن تعمل كده عشان ترضي ضميرها، متوقعش أنها حبت أصلًا عشان تتصرف بالطريقة دي، اللـي بيحب مهما شاف عمره ما بيرد الاذية بالمثل، لكن دي عمرها ما حبت ولا الحب عدى على قلبها .

فضلت دماغـي رايحة جاية مش فاهم فـي أي، حاسس أن فـي حاجة غلط مش طبيعية، كل ما افتكر رد الدكتور بقول فـي حاجة غلط مش طبيعي يحصل كده، نوران عمرها ما تعمل حاجة زي دي، وعمرها ما تفكر أصلًا، دي أنا كنت بعرف كل حاجة فـي يومها، كنت بعرف رايحة فين وجاية منين وبتعمل أي، مستحيل تعمل حاجة زي كدا، قومت أخد التحاليل عشان أوريها لـواحد صحبي دكتور مجاش على بالي من البداية، وعشان اتأكد منه .

تايهة ومش عارفة أعمل أي، واللـي المفروض اللـي بهرب من الدنيا وبروحله دلوقتي أنا هاربة منه، بقيت خاېفة أقرب، خاېفة أتكلم، خاېفة أقول أي حاجة وخاېفة حد يعرف من أهلي، وخاېفة هو يقول أي حاجة رغم أن كل ده مش صح، وكل ده أنا مش فاهمة منه حاجة بجد، لقيت الفون بيرن جمبي وكان مالك اللـي بيرن، جريت على التليفون عشان أرد عليه بسرعة وأنا حاسة أن فـي حاجة .

_ بس نوران فصيلة ډمها A موجب مش O 
: يبقى كده نتيجة التحاليل دي فـيها لعبة 
_ لعبة! 
: أي يـا مالك فـي أي ده أنت واحد مثقف حتى، فصيلة الډم أهي غير فصيلة الډم الحقيقية 
_ يعني أي دلوقتي! 
: يعني روح لـمراتك هاتها ونعمل تحاليل من أول وجديد
_ محمد أطمن يعني! 
: أنت غريب عني يـا مالك ولا أي 
_ مش غريب لا
: أنا عارف اللـي أنت حاسس بيه دلوقتي بس أطمن أن شاء الله خير ويطلع كل ده مش صح
_ أتمنى

حاولت أتلم على أعصابي شوية بعد اللـي سمعته من محمد، كنت بردو من الأول حاسس أن فـي حاجة غلط وأتمنى أحساسي يطلع صح، رنيت عليها والغريب أنها ردت على طول .. 
_ أنتِ فين؟ 
: في بيت أهلي 
_ ممكن تيجي على العنوان اللـي هبعتهولك؟ 
: ليه؟ 
_ وريت التحاليل لواحد صاحبي واكتشفنا أن فصيلة دمك فـي التحاليل غير فصيلة الډم الحقيقية 
: وبعدين؟ 
_ هنعمل تحاليل من أول وجديد
: ابعت العنوان أنا جاية

مصدقتش اللـي سمعته من الفرحة قومت لبست ونزلت على طول من غير ما أقول لحد فـي البيت، روحت على العنوان اللـي بعتهولي عشان نعمل تحاليل من أول وجديد وأنا حاسة أن ربنا مش هيسيبني كالعادة .

_ معلـش اتأخرت الطريق زحمة
: ولا يهمك تعالـي
_ بس أنا خاېفة
: خاېفة من أي! 
_ أنت عارف أنا خاېفة من أي والمرة اللـي فاتت أتعذبت بسببها
: الحقـن!

 

_ .. 
: حقك علـى عيني والله أستحملي 
_ مش هقدر 
: عشان خاطري
_ وخاطري! 
: هعرف أطيبه
_ حاضر يـا مالك، عشان تبقى تقول أنك الوحيد اللي بتعمل 
: مش هقول حاجة تاني خلاص 
دخلت الأوضة بتاعت التحاليل وكأنها غرفة من أفلام الړعب اللـي بخاف منها، لأني عندي فوبيا من المستشفيات حرفيًا، كنت طول الوقت قاعدة خاېفة ومتوترة وببص حواليا كتير، بس أيد مالك مكانتش مفارقة أيدي طول الفترة اللـي كنت بعمل فيها التحاليل، كنت شايفة الخۏف فـي عينه، كنت حاسة بالـي هو حاسس بيه، وكأنه حاسس بۏجعي أكتر مني بجد، خلصنا التحاليل وخرجنا على طول، وقف هو مع الدكتور شوية وبعدين أخدني ومشينا . 
_ تفتكر فـي أمل؟ 
: دايمًا فـي أمل 
_ أمال عملت معايا كده لـي
: كنت متعصب بطريقة غريبة أول مرة أحس بالشعور ده 
_ وأنا بردو كنت حسّاك غريب عني مش أنت اللـي كنت أعرفك
: وبالنسبة لـ منى عرفتي حوارها إزاي 
_ فـي حد بعتلي فيديو على الواتس
: وكان فيه أني حاضنها
_ ... 
لقيتها بصتـلي ورجعت بصت للأرض، قربت منها وأخدتها فـي حضڼي .. 
_ أنتِ الحاجة الوحيدة اللـي بشكر ربنا أنه أدهالي، اللـي فـي بالك مش صح، واللـي في دماغك محصلش ولا هيحصل، أنا بحبك وحابب وجودك
: أنا من ساعة ما شفت الفيديو وأنا خاېفة منك
_ حقك عليا 
: أنا افتكرت أنك خلاص مشيت رغم أنك معايا 
_ مش همشي أنا هنا عشانك، أنا اللـي أخترتك 
: أتمنى متمشيش
_ مش همشي

مش عارف أول مرة أحس أني خاېف عليها بالطريقة دي، أول مرة أحس أني مقصر فـي حقها، أول مرة أبقى قاسې بالشكل ده، بس كنت عايز أقولها أنه ڠصب عني، وبعدين افتكرت اللـي كنت بقوله ليها " اللـي بيحب عمر القسۏة ما بتعدي عليه " بس أنا مش قاسې أنا كنت خاېف، والخۏف أول مرة يهزمني .

قعدت أسبوع مستني محمد يكلمني عشان يقولـي على نتيجة التحاليل، والمرة دي كان عندي نوع من الطمأنينة شوية بعد ما عرفت أن فصيلة الډم الحقيقية غير فصيلة الډم اللـي فـي التحاليل القديمة، بعدها بـ10 أيام كلمني محمد وقالـي تعالي عشان النتيجة طلعت، أخدت نوران ورحنا مع بعض رغم خۏفها من المستشفيات، بس كانت بتيجي على نفسها جامد، روحنا أول ما دخلنا هناك .. 
: بص يـا مالك هو أنا مش فاهم فـي أي بس التحاليل عندي بردو بتقول أنها حامل ..

يتـبع .. 
لـ عمرو خالد 
الكاتب_ذ ليث

 

رواية العروسه حامل الفصل الثالث بقلم عمرو خالد ليث
الجزء التالـت .. العروسة حامل

: بـص يا مالك هو أنا مش فاهم فـي أي بس التحاليل عندي بردو بتقول أنها حامل وفي التالت فعلاً 
_ إزاي يـا محمد
: سبب تأخير نتيجة التحاليل كانت بسبب التأكد من نتيجة التحاليل القديمة كلها سواء مطابقة ولا لا
_ وطلعت أي! 
: متطابقة فعلاً 
_ متأكد؟
: التحاليل قدامك أهي
_ تمام يـا محمد، شكرًا

أبتسملـي وسلمت عليه وخرجت، بس بجد أنا مش مستوعب يعني مطلعش فـي حاجة غلط فعلاً، وهـي حامل وفي التالت فعلاً مش غلطة تحاليل ولا غلطة دكتور، يعني طلع فـي حاجة بجد أو فـي حد غيري أصلًا ..! 
نوران : قالك أي الدكتور؟ 
كانت قاعدة مستنياني بره ومكنتش عارف هواجها إزاي باللـي عرفته، بس طالما دي النتيجة النهائية لـتحاليل وأن فـي حد غيري فعلاً ليه منعرفوش، واهو بالمرة نتعرف عليه . 
مالك : لسه بردو مفيش حاجة ظهرت 
_ تمام

ببـص عليها لقيتها متوترة وخاېفة، بس دي مش نظرات خوف من النتيجة لا، دي نظرات خوف من حاجة تانـي أكبر .

تفكيري فـي نوران بدأ ياخد منحدر غريب جدًا، والأغرب أني فـي كل مرة بتوقع فيها حاجة بتطلع صح، وأخرها عشت معاها موقف كانت بتحاول تأكدلي أني كنت بكلم صفاء على منى، والأغرب أن صفاء قالت أنه حصل وإني كنت بسأل على منى من صفاء، الغريب بقا فـي كل ده أني لا سألت على منى من عند صفاء ولا كلمت صفاء أصلًا، والعجيب لما سألت صفاء أنا سألتك عليها أمته قالتلي معاد غير المعاد اللـي قالته نوران، والمعادين أصلًا واحد كنت فيه بلعب كورة، والتاني كنت فـي الشغل، حتى هما الإتنين مكانوش عارفين يتفقوا مع بعض للأخر واكتفو أنهم يقولوا أني فعلاً سألت على منى من عند صفاء، وانتهىٰ الموضوع بأن نوران كانت حابة تتأكد إذا كنت فعلاً لسه بفكر في منى ولا لا، والعجيب أنهم كانوا بيتكلموا بثقة كبيرة جدًا خلتني أشك فـي نفسـي وإني ممكن أكون فعلاً سألت عليها، بس ستر ربنا أني كنت فاكر المعاد بتاع كل مرة كنت موجود فيه فين .

: بس ده صاحبـي 
_ وأنا اللـي المفروض هكون خطيبتك بعد فترة
: منى! 
_ بتفضله عليا؟ 
: مش كده والله
_ طيب أسمع كلامي بقا ولا يرضيك حق خطيبتك يضيع! 
: بس .. 
_ خلاص بقا هما كلمتين هتقولهم مش أكتر 
: بس أنا خاېف عليه 
_ كلنا خايفين عليه عشان كده إحنا بنعمل كده 
: بس هو ميستاهلش
_ لا يستاهل أسمع مني 
: حاضر يـا منى 
_ ايوة كده خليني أحبك
: أنتِ عارفة أنه تعبان صح! 
_ ايوة عارفة
: والحوار ده ممكن يأثر عليه جامد 
_ أنت بتفكر في اللـي بنفكر فيه ولا أي!
: تقريباً كده
_ خلاص بقا أنضم لينا 
: ليكم مين؟ 
_ هبقى أقولك، سلام
أنا كـ منى ممكن أبان من بره طيبة، ومستوية من الأطراف وسهل تأكلني بكلامك، بس الحقيقة عكس كده خالص، تقريباً مبنساش، أو مبعديش أي حاجة وخلاص، ومش بسيب حقـي، بحس أن ضميري بيأنبني جامد لما بسيب حقي، فـ مكنش فـي حل تاني غير أني أخد حقي بالطريقة دي، وأنا حقي اللي بدور عليه هي مشاعري اللـي ضيعتها، ووقتـي اللـي أخده، وحلمي اللـي سبته عشانه وقولت أنه العوض، واتاري العوض ده بيضحك عليا وكان بيضيع وقته، 4 سنين وأنا مصدقة أنه بيحبني لحد ما لقيته بدأ يبعد واحدة واحدة، لحد ما لقيته بيقولي أنا مش مرتاح! 
اللعبة اللـي جابتهاله مامته زهق منها ومبقاش مرتاح ليها، فـ قرر أنه يبعد عنها خلاص، بس اللعبة رجعت وجاية تاخد حقها، وحق حلمها، وحق شغفها وحبها اللـي ضاعوا، تشاكـي رجعت . 
منى : مالك مريض على فكرة
محمد _ ولو الحوار زاد أكتر من كده ممكن يفقد عقله بسبب الوسواس القهري اللـي عنده
منى : وبالطريقة دي نقدر نخلـي نوران تعمل اللـي إحنا عايزينه
محمد _ نوران مين! 
ولسـه بنتكلم على نوران ولقيناها جاية من ورانا .. 
: نوران أنا يـا دكتور 
عقلـي فضل واقف لمدة ثانيتين مش مستوعب هو فـي أي، ومين مع مين، ومين عايز أي! 
نوران : مالك مريض بالوسواس القهري ووصل مرحلة صعبة جدًا وكانت بيتعالج عند دكتور نفسـي قبل كده 
منى _ ايوة وأنا اللـي كنت مستحملاه فترة العلاج دي كلها 
محمد : وانتو عايزين توصلوا لـ أي! 
منى _ بسيطة نخليه يقعد في الشارع
محمد : إزاي؟ 
منى _ ماهو نوران هتـ.. 
نوران : ثواني يـا منى سيبيلي أنا الطلعة دي .. محمد لما يكتشف أني حامل هيحاول يطلقني بس أنا مش هتنازل عن حقوقي أصلًا، فـ لما هو ميدينيش حقوقي كلها هرفع قضية، كده كده أنا هرفع قضية وأطالب فيها بكل حقوقي، وفوق كل ده مش هيبقى له الحق في باقي أملاكه لأنه بأختصار قدام القانون .. 
محمد _ مچنون! 
نوران : طب مأنت فاهم أهو
حفصة _ طب وبالنسبة للعلاج اللـي قولتلكم عليه! 
صفاء : اتأخرت صح! 
نوران _ أنتِ طول عمرك متأخرة
صفاء : الطريق زحمة جدًا 
محمد : مين دي كمان! 
منى _ بنت عم نوران 
محمد : ومالك عمل معاها أي! 
صفاء _ لا هو معملش معايا حاجة بس حبيت اللعبة قولت أشارك 
منى : نرجع لـموضوعنا 
نوران _ بالنسبة للعلاج ده يا حفصة بيعمل أي! 
حفصة : بصفتي شغالة فـي معمل، وبعرف فـي المواد الكيميائيّة، فـ العلاج ده فـيه مادة كيماوية بتسيح أعصاب المخ، بتعمله تلف وكأنه مش عارف أي حاجة فـي الحياة
نوران _ بس ده هيبقى الحل الأخير 
حفصة : اكيد طبعًا
محمد : طب ثواني لما ترفعي قضية هترفعيها بصفتك أي، ومالك معاه ورق يثبت أنك حامل من قبل جوازكم 
نوران _ يبله ويشرب مېته
منى : أنت مش اديته الورق اللي إحنا ادناهولك؟ 
محمد _ ايوة 
منى : يبقى يشرب مېته فعلاً 
نوران _ ولما يقدم الورق كـ دليل مثلاً إحنا نطلب بتدخل الطب الشرعي لأنه مزور ورق التحاليل ونعمل تحاليل من جديد ويلبس هو ورق التحاليل المزور 
محمد : والتحاليل الجديدة هتقول أنك مش حامل
منى _ طب مأنت فاهم أهو أمال تاعبنا معاك ليه؟ 
حرفيًا مستغرب جدًا من دماغهم دي، إزاي وصلوا للمرحلة دي من التفكير، دول مرتبين كل حاجة مع بعض، وعارفين هيعملوا أي، ولو خطة منجحتش فـي خطة بديلة كمان، أنا مبسوط جدًا بجد بتفكيرهم، والحاجة اللـي بسطاني أكتر أنه .. 
منى : بالمناسبة الحلوة دي يـبنات كلكم معزومين على خطوبتي أنا ومحمد الجمعة الجاية 
الحاجة اللـي بسطاني أني هخطب منى طبعاً، الحاجة اللـي قولت من زمان أنها مش ليا، بس الزمن أثبتلي أن نصيبك هيجيلك لحد عندك، بس المهم أنك تبقى مؤمن بيه .

 

مبقتش عارف هتصرف إزاي مع نوران، دماغي حرفيًا فصلت من كل حاجة، وشكلي كده هرجع اتعالج من أول وجديد لأن دماغي مبقتش هادية، بقيت بحسّ بدوشة كبيرة جدًا جواها، وأفكار غريبة بتخليني أخد قرارات عبيطة، اللـي بيوقفني فـي آخر ثانية هـو القدر، حاجة بتحصل بتخليني مكملش اللـي بفكر فيه، كلمتها وقولتلها تروح اليومين دول عند أهلها عشان ترتاح شوية، بس الحقيقة كانت العكس، أن أنا اللـي محتاج أرتاح شوية، وعشان أعرف هـي عملت كده مع مين وليه، وأنا قصرت معاها في أي .

عمـر : عملتـي أي؟ 
نوران _ ممكن تهدى! 
عمر : ده ليه أن شاء الله؟ 
نوران _ عشان لما عملت التحاليل وسمعت أني حامل أتخضيت مكنتش أعرف أن منى هـي اللـي قالت لـ محمد كده
عمر : وأتخضيتي ليه! 
نوران _ أنت مش فاكر أخر مرة اللـي حصل؟ 
عمر : بس ده كان من زمان أربع أو خمس شهور تقريبًا 
نوران _ ماهو ده اللي خوفنّي 
عمر : هتتطلقوا أمته أنا مش قادر أصبر أكتر من كده 
نوران _ خلاص قربنا نخلص من الحوار وقريب هنتطلق
عمر : هو عرف ولا لسه؟ 
نوران _ عرف أي!

عدى شهر على الحوار اللي حصل، ونوران رجعت البيت من تاني، بس العلاقة مبقتش زي الأول، الكلام بقـي قليل، الإهتمام مبقاش موجود، كل حاجة بقيت مش أحسن حاجة، وكل ده وأنا مش عارف أوصل لـ أي حاجة، وهـي في الشهر الرابع وبطنها قربت تكبر، وأنا مش عارف أعمل أي، وفجاة لقيتها من كام يوم بتقولي أنا عايزة أروح عند أمي أقعد عندها، قولتلها روحي، لقيت محمد بيكلمني عشان يعزمني على فرحه، قولتله أخيرًا الواحد سمع خبر حلو ياخي، كنت مبسوطله حرفيًا، وهو ابن ناس ويستاهل كل خير، قبل الفرح بيوم كنت مشتري بدلة، وكنت مظبط نفسي، وخلاص بقا هنخرج من المود شوية .

: إزيك يـا رحمه 
_ بخير يا منى عاملة إيه؟ 
: أنا كويسة الحمدلله، كويس أنك جيتي أنا هدخل الحمام وهرجع بسرعة 
كنت جيت لـ منى قبل البنات عشان الحق أقعد معاها شوية، وعشان أساعدها ده غير أنها رفضت تروح الكوافير لأننا إحنا اللـي هنعملها كل حاجة، كنت قاعدة ماسكة التليفون لقيت الفون بتاع منى بيدي صوت أشعارات كتير جدًا، بدون مقدمات روحت مسكته، لقيته مفتوح على شات " نوران " نوران دي صحبتنا، بس ده مش شات نوران ده جروب أصلًا، بس لمحت مسدج غريبة من حفصة مكتوب فيها " جبت المادة يـا نوران أهي، بس خلي بالك زي ما قولتلك عشان ريحتها تقيلة لازم تحطيهاله فـي حاجة ليها ريحة عشان ميعرفش حاجة وميشمش ريحتها، وابقي سلميلنا عليه لما تتخلعي منه وتروحي لـ حبيب القلب " لوهلة كده مش فاهمة في أي، المادة دي هتحطها لمين، بسرعة روحت جبت QR code بتاع الواتس بتاع منى وصورته على الفون بتاعي، بحيث أن كل الشاتات بتاعت منى تبقى على الفون عندي، ودي حاجة كنت عرفتها من فترة وجربتها، وجه الوقت أني أجربها، بس اخدت معايا وقت لحد ما الشاتات كلها حملت، واللـي ساعدني أنها أخدت وقت كبير فـي الحمام .

روحت الفرح وأنا حرفيًا مبسوط جدًا، وكمان كل صحابنا اللـي فـي الكلية كانوا موجودين هناك، بس العروسة طلعت منى! 
فضلت كام ثانية بستوعب اللي شايفه، مكنتش مصدق، بس عملت نفسي عادي مش فارق سواء هـي اللـي هيتجوزها ولا لا، روحت سلمت عليهم، وباركت ليهم، وأنا وراجع لمحت نوران!

 

نوران بتعمل أي هنا، وازاي مقالتليش أنها جاية أصلًا، وجاية تبع مين هنا؟، لسه هقرب منها لقيت فـي واحد راح نحيتها وبيرقصوا سلو مع بعض، ده أي الحنية والرقة اللـي هي فيها دي، روحت طلعت تليفوني الجميل وصورتهم، الحلو فـي الموضوع أنها طلعت بتعرف ترقص سلوو، وكمان حاطة دماغها على كتفه، اللـي مش حلو بقا أنها عمرها ما عملت كده معايا، بس تمام، الأيام بتبين الناس على حقيقتها، خلينا بس نستمتع وهما بيرقصوا مع بعض .

_ مالك حاسس أنك مش مبسوطة
: لا أنا كويسة بس عايزة أمشي
_ مالك يا نوران فيكي أي! 
: تعبانة يـا عمر وعايزة أمشي
_ حاضر طيب أهدي هروحك
: يلا طيب 
حسيت بۏجع فـي رجلي جامد، مقدرش أقف تاني، فـ قررت أني امشي أفضل لأني حاسة أن الفرح ملوش طعم أصلًا، فـ أخدني عمر ومشينا .

_ أنت عزمت مالك؟ 
: ايوة 
_ أنت غبي يـا محمد بتعزمه ليه؟ 
: ومعزموش ليه أنتِ كده ممكن تخليه يشك فينا أصلًا 
_ يشك فينا أي البت نوران جايبة عمر معاها أفرض شافهم
: عمر مين ده! 
_ حبيبها يـعم
: طب وده ماله ومال مالك! 
_ ماهي نوران مرات مالك
: ايوة بس هي جيباه ليه أصلًا 
_ بس بقا خلاص أسكت أنا هشوفها  

خلص الفرح ومشيت على طول من غير ما أعمل أي مشكلة، ولا أعمل أزمة، بس قولت أعرف مين الشخص ده الاول وبعدين بناءً عليه هعرف اتعامل معاها، اللـي هي أصلًا المفروض أنها عند أهلها، والمفروض أنها مبتحبش منى ولا تعرف محمد بس هي راحت فرحهم معرفش إزاي، بس هعرف بردو كده .

كنت قاعد في المكتب والصداع هيبوظ دماغي حرفيًا، لقيت زينب بتقولي فـي واحدة عايزة حضرتك. قولتلها تدخلها نشوفها عايزة أي .. 
_ مساء الخير 
: مساء النور، خير 
_ مش حضرتك الدكتور مالك جوز نوران
: ايوة مين حضرتك؟ 
_ أنا رحمه صحبتها

يتبع ..
لـ عمرو خالد لـيث 
#الكاتب_الصغير