رواية مكتملة
وقبل ما بدا حكايتي اعرفكم بنفسي انا اسمي ريم عندي 25 سنة امي وابويا راحو وانا مليش حد غير خالتي عشان كده انا عايشة معاها هي وجوزها وبناتها الاتنين
وفي يوم رجعت من الكليه ونمت ولقيت خالتي راجعة من برة بتزعق وتقول
هي فييين هي فين يابنات هاتولي البت دي قدامي دنا هطلع عنيها دلوقتي حالا
ردت عليها علا بنتها وقالت لها
فايزة
هو في غيرها مقصوفه الرقبه ريم والنبي مانا سايبها النهاردة
علا
طيب اهدي بس وقولي لنا هي عملت ايه عشان كل اللي انتي عملاه ده ياماما
فايزة
عملها اسود ومنيل دي البت ياختي لسانها أطول منها ومفيش حد خلاص عجبها دي ماشية تجر شكل خلق الله انا زهقت منها خلاص خلاص وخالتي بصت في السقف وقالت الله يسامحك ياامال يا ختي مش هاقول ربنا يرحمك لا ربنا يسامحك عشان البلوة اللي جتيها لنا دي ورحتي وسبتيها ټحرق في دمي انا
علا
لا حول ولا قوة الا بالله هي البت ريم طيرت الشوية اللي فاضلين عندك ياماما لا اهدي كده احنا عايزينك ياست الكل
فايزة
ااه ياروح امك اټجننت انا
وراحت قالعه الشبشب وحدفت بيه علا في دماغها
علا
اعاااااااا ايه ياماما وانا عملت ايه بس
فايزة
ده عشان تقولي عليا ان عقلي خف اوي يابت اااخ ياني من مقصوفه الرقبه دي وبعدين انتي عايزاني في ايه يابت ده عايزة ربنا ياخدني عشان ارتاح من البت اللمضة دي وطولت لسانها
ندى
على فكرة بقا انتي عماله من ساعت مادخلتي وانتي عماله ټشتمي وتزعقي ومقولتيش هي عملت ايه بالظبط واحنا مش عارفين حاجة
فايزة
انا هقولكم ياولاد واحكمو بنفسكم دلوقتي البت اللمضة راحت عند السور ماركت اللي على أول الشارع وعم محمد صاحب السوبر ماركت بيهزر معاها وكده عادي تمام والراجل اد ابوها يعنى المفروض تحترم نفسها معاه صح ولا لأ
علا
صح ياماما وبعدين كملي
فايزة
المهم الراجل بيقولي انا قاعد في امان الله لقيت اللي جايه تقولي عم محمد انت عندك سكر قالها ايوه يابنتي عندي قالت له ربنا يشفيك وطلعت تجري وراحت عند سمعة الجزار تقوله ياعم سمعه عندك كبده قالها ايوه يابنتي قالت له يابختك احنا معندناش
علا وندى فضلو يضحكو ووقعو على بعض من الضحك وفايزة قالت
ولسه خالتي بتقلع الشبشب التاني عشان تحدفهم بيه جريو من قدمها وراح الشبشب جه في عم سلامة جوزها وهو داخل من باب الشقه وسرخ وقال
اااه في ايه يافايزة ايه انتي بتحدفيني بالشبشب ياوليه انتي
فايزة
يقطعني يا سلامة معلش ياخويا اصل عيالك والبت المخڤيه بنت اختي هيجبولي الضغط انا مش عارفه اعمل ايه في العيال دي
سلامة
هو انا كل مرجع من برة الاقيكي بتتخانقي ياما مع بناتك ياما مع ريم بنت اختك انتي عايزة ايه بالظبط يافايزة
فايزة
مش عايزة حاجة انا عايزة ارتاح من البيت ده ياسلامة انا عايشه في مرستان البت علا مشاغبه وبتعمل مشاكل بسبب اللماضه وطولت لسانها دي
سلامة
ومالو لما تتدلع عليكي يافايزة البت يتيمة وملهاش حد غيرنا مفيهاش حاجه عدي لها اللي بتعمله وخلاص
فايزة
ليه ياسلامة هي متخلفه يعني البت حلو وزي القمر بس مستهبلة فيها يلا ربنا يرزقها بابن الحلال اللي يسعدها ويعقلها
سلامة
امين يارب قومي بقا حضري لي لقمة أكلها
وفي الاوضة بتاعتي انا وبنات خالتي كانو وافقين قدام سريري وانا نايمة عمالين يقولو
علا
شوفتي البراءة اللي جايه عليها وهي نايمة ولا كأنها عملت حاجة خالص
ندى
هي دي عندها ډم ولا بتحس كل يوم تعمل المصېبه ااد كده واحنا اللي ناخد بالشبشب بدالها
كانو وافقين يتكلمو وانا مغمضة عنيه وسمعاهم وقولت لهم
عايزة ايه ياكلبة البحر انتي وهي على فكرة انا سمعاكم
علا
يلهوووي على السوسة ياولاد حتى وهي نايمة بتسمع وبتتكلم دي الفتاة الخارقة يابنتي
ندى
ايوه فعلا ههههه
رحت قايمة قاعده على السرير وقولت
ريم
خليكم كده غنو وردو على بعض بقا
ندى
وخليكي انتي كل يوم تعملي مشاكل بالكوم وتيجي تستخبي واحنا ناخد بالشبشب بدالك
ريم
ههههه هو الشبشب المرة جه فين بالظبط
علا
ااخ ياناري منك يابت يخربيت برودك ياشيخة انتي ايه
ريم
هاها عادي ياحبيبتي ولا بيهمني حاجة اصلا المهم انكم اخدتو بالشبشب وخلاص
راحت ندى جات تجري ورايا وقالت لي
بقا كده طيب تعالي بقا والله ماهحلك ياريم وفضلت تجري ورايا لحد ماطلعت برة الاوضه واستخبيت ورا الكرسي لقيت اللي مسكاني من ودني وقالت لي
تعالي هنا بقا تعالي بقا انتي يامفعوصة انتي كل يوم تعملي لي مشاكل مع الناس انتي يابت مش عايزة تعقلي
ريم
اي اي سيبي ودني ياخالتي سيبي والنبي اااه
فايزة
ده انا هقطعك يابت على اللي بتعمليه في الناس وفيا ده انت يابت عايزة تجلطيني
وقولت
معاش اللي يجلطك ياقمر انت ان شاالله اللي بيكرهوكي ياخالتي ياحبيبتي وبعدين هو انا عملت ايه يعني انا كنت بهزر معاهم وبس
فايزة
يابت هو انتي صغير ده انتي عروسة وزي القمر والكل بيحلف بجمالك وحلاوتك يعنى دلوقتي الناس بتقول عليكي هبله ده شريف خطيب علا بيقولها كان عريس قمر وابن ناس لبنت خالتك راحت امه اللي اشوف فيها يوم تقوله دي هبلة ينفع كده يعني
ريم
نعم يعني ام سي شريف ابو مناخير كبيرة ده وامة اللي عاملة زي برميل الطرشي طيرو مني العريس ااه اكيد عايزاه لبنتها البايرة العانس اومال ايه
فايزة
يلهوووي عليكي انتي ايه يابت حنفيه مجاري واتفتحت اخرسي اوعي بوقك ده يتفتح وبعدين انتي زعلانة انهم طفشو منك العريس ده على اساس يابت انه لو كان جه مكنتيش انتي هتطفشية زي اللي قبله واللي قبله
ريم
اكيد طبعا كنت هطفشة بس اطفشه انا بنفسي احسن ماحد من برة يطفشه صح ولا لا
فايزة بنفاذ صبر بصت للسقف وقالت
صبرني يارب على المچنونة دي يارب ريحني منها بقا يارب اجوزها وارتاح
ريم
يلهوي بتدعي عليا في مولد النبي يارمضااان
خالتي مسكت كوباية بلاستك وحدفتني بيها وقالت لي امشي يابت امشي
وفي بيت تاني في فيلا كبيرة كان ادم قاعد في اوضتة ومش بيكلم حد خالص دخلت عليه امة وقالت له
عامل ايه النهاردة ياحبيبي انت بقيت كويس ولا لسه تعبان طمني عليك
ادم
انا كويس بس حاسس اني لسه تعبان سبيني ياماما انا مش عايز اشوف حد يلا اخرجي وسبيني في حالي
الام
ليه بس يا ادم انت ياحبيبي مش حاسس بنفسك خالص مش حاسس باللي انت عامله فينا انت يابني قاعد في اوضتك 24 ساعه وقافل على نفسك هو ايه اللي حصل لده كله
ادم
مفيش حاجة وسبيني بقا في حالي يلا امشي
ومشيت مامتة من قدامة ونزلت عند ابوه وقالت له
شوفت عمايل ابنك ياكمال ده مش عايز حتى يتكلم معايا في اي حاجة ولا عايز يسمعني
كمال
قولت لك كذا مره ياسوسن سبيه في حاله ابنك لسه مخرجش من صدمة الحاډثه اللي حصلت له يعنى هياخد وقت علي مايفوق منها
سوسن
انا عايزة اطمن عليه نفسي اجوزة وارتاح نفسي اشوفه مبسوط وسعيد ياكمال ده ابني الوحيد ياناس
كمال
طيب بزمتك هو في حد يوافق يجوز بنته لواحد حصله توهان في عقله حصله عبط في مخه مين هيوافق بيه ده
سوسن
بس متقولش عبيط ياخويا ابني زي الفل وشاب زي القمر دي اي بنت في الدنيا تتمناه وتتمنى تعيش معاه اوعي اسمعك بتقول عليه كده تاني
كمال
وهو انا اللي بقول وجايب الكلام من عندي يعنى ياسوسن ماهما الدكاتره اللي قالو انا مالي بقا
سوسن
خلاص قفل على الموضوع ده وانا بقا هتصرف اشوف له عروسة زي القمر ان شاء الله
وعندنا في البيت قاعدين انا وعلا وندى بنات خالتي والساعه كانت 2 بعد نص الليل وندي قالت انا جعانة اوي ياعيال عايزة اكل انتو مش جعانين
ريم
انا عصافير بطني بتجعر من كتر الجوع مش بتصوصو
علا
وانا كمان طيب ماتيجو ندخل المطبخ ونعمل اي اكل ناكله
ندى
يلهوي انتي عايزة امك تصحي وتعمل مننا بطاطس محامير انتي ناسية انها اتحايلت علينا عشان نتعشى واحنا اللي مرضناش
ريم
اممممم طيب انا جات لي فكرة يابنات ايه رايكم نطلب بيتزا دلوقتي
علا
ياختاااي عشان خالتك تعمل معانا الجلاشة وتخلي ليلتنا مش معدية دي قالت على الله واحده تطلب اكل
ريم
الله يخربيتكم انتو عقدتوني كل ماقول حاجة تقولو امنا امنا دي اللي يسمعكم كده يقول دي امنا الغولة بقولك ايه يابت انتي وهي انا هطلب بيتزا وزي ماتيجي بقا ايه يعنى هاخد شبشبين على نافوخي منا ياما اخدت بس المهم اكل بيتزاااا
علا
عندك حق يالمضه اطلبي لي معاكي انا كمان بس واحده كبيرة
ريم
وانتي ياست ندى ها اطلب لك معانا ولا شاعايزة
ندى فكرت كده وقالت لي
اطلبي ياختي اطلبي وربنا يستر بقا لما الدليفري يجي لحد هنا شكلنا هنبات في المستشفى في قسم الكسور والچروح
ريم
خلاص خلاص اسكتوا انتو وانا هتصرف ومش هخلي امكم تحس بحاجة خالص
علا
وهتعملي ايه بقا يافالحة
ريم
هوووش اسكتي بقا واقفلي بوقك ده عشان بتصل بالمطعم
واتصلت بصاحب المطعم وقولت له
لو سمحت كنت عايزة اعمل أوردر
المطعم
اؤمري يافندم
ريم
كنت عايزة تلاتة بيتزا حجم كبير والعنوان اهو .... واديته العنوان وقولت له
بس من فضلك انا ليا طلب عند حضرتك الله يخليك
المطعم
خير يافندم
ريم
انا بس عايزة الدليفري لما يجي هنا تحت البيت ويطلع يخبط على الشقه يخبط بالراحة خالص لحسن خالتي لو حست بيه قفشته مش عايزة اقولك هتعمل ايه
الراجل سمع كده واټصدم وقالي
يعنى هي ممكن تعمل فيه ايه يافندم
ريم
ياختاااي مش عايزة اقولك هتعمل ايه دي مش بعيد تمسكني انا وهو وتنفخنا ااا
لقيت ندى وعلا اغمى عليهم من كتر الضحك قولت لهم
ماتبس يازفته انتي وهي خليني اكلم الراجل بقا
الراجل صاحب المطعم
هما مين دول اللي يسكتو يافندم انا مش فاهم حاجة
ريم
لا لا حضرتك متركزش معايا دول اللي هياكلو معايا وان شاء الله هتنفخ انا وهما وحضرتك وبتاع الدليفري كمان لو خالتي حست بينا
الراجل
نعمممم انتي بتقولي ايه يافندم
ريم
لا لا مش بقول حاجة خالص بس بالله عليه متتاخرش علينا في الاوردر اصل احنا جعانين اوي عشان مكالناش من الصبح كنا غضبانين على الاكل اصل خالتي كانت طابخة مسقعه واحنا مش بنحبها اه والله
الراجل
هو في ايه يافندم انا مش فاهم حاجة
ريم
لا مفيش المهم متتاخرش بقا يلا استنى صحيح انت اسمك ايه مقولتش يعنى
الراجل
انا اسمي إيهاب يافندم
ريم
الله انت اسمك حلو اوي وياتري بقا شكلك حلو كده زي اسمك
الراجل
هو ايه اللي حضرتك بتقوليه ده بس
ريم
لا لا خلاص بس متتاخرش بقا ياهوبه ها يلا سلام
وقفلت معاه والراجل قال
ايه البنت المرووشة دي بس والله ډمها زي العسل انت يامصطفى تعالي عشان في أوردر توصيل بس اللي طلبت الاوردر بتقولك متخبطش اوي على باب الشقه لحسن خالتك لو حست بيت هتعلقك ههههه
مصطفى
يادي طلبات نص الليل دي ربنا يستر يا استاذ انا بقيت بقلق من طلبات نص الليل دي
إيهاب
ههههه ان شاء الله هيستر
وعندي بعد مع قفلت مع الراجل صاحب المطعم لقيت علا وندى نازلين ضحك قولت لهم
ايوه اضحكو اوي كمان عشان امكم تسمعكم وتصحي تنفخنا كلنا وحتى مش هنلحق ناكل البيتزا
ندى
هههههههههه نعملك ايه ما انتي اللي مصېبة ولسانك ده عايز قصه
علا
ههههه اه والله فعلا المهم قالك هيجي امتى عايزة اكل ياناااس
ريم
ماتهدي يابت يام كرش انتي الله يكون في عونك ياشريف ده انت هتعلف جاموسة عندك
علا
ياسلام ليه بقا ياختي ده حتى على قلبة زي العسل ماهو كمان بيحب الاكل زي ريحي نفسك
ريم
ياختي اتنيلي وانا مالي انا يكش حتى تأكله بعض انتي وهو بس بقا ياريت يخلي امه اللي عامله زي الرطل دي تبطل تقول عليا هبلة بدل بصي ماروح افعصها في بعضها ماشي
ندى
ايه ده انتي عرفتي ان طنط ام شريف قالت لشريف انك هبلة هي ماما لحقت تقولك يلهوي منك يافايزة
ريم
اه ياختي قالت لي قال يعني انا عايزة اتجوز اوي ياختي يغورو بلا جواز بلا بتاع كتهم الهم كلهم رجاله
علا
مالك ياريم هو انتي عندك عقده من الرجاله ليه كده هو انتي عندك عقده عاطفية من ورانا يابت انتي واحنا منعرفش ولا ايه
ريم
ولا عاطفية ولا مهلبيه انا بس بقيت بشوف اللي متجوزين وعمايلهم في بعض ياختي اقعدي
ندى
انا بقا ليا مواصفات خاصة في فارس احلامي عايزاه كده حاجة محصلتش ولا هتحصل يابنتي
ريم
لما نشوف بكرة ياختي فارس أحلامك هايجي امتى هو الواد بتاع الدليفري اتأخر كده ليه استني لما اتصل بايهاب اساله اصل صوتة وحشني اوي
ندى
ههههه إيهاب مين ده يابنتي الله يخربيت عقلك
ريم يابت صاحب المطعم بقولك ايه انتي وهي يلا كده كل واحده تطلع بفلوسها الحلوه عشان لما يرن اطلع احاسبة
وبعد شوية لقيت التليفون بيرن وكان بتاع الدليفري وكلمته بصوت واطي خالص وقولت له
اطلع وانا هفتح الباب واستناك بس مش تعمل صوت
وطلع واخدت منه البيتزا وببص لقيت خالتي واقفه ورايا اټخضيت وقولت.......
جوزوني_عبيط
الحلقه الثانيه
لما جه بتاع الدليفري فتحت له الباب وقولت له
هوووش متعملش عايزة والنبي لحسن هتتعلق على الباب لو خالتي حست بيك حسابك كام
الدليفري
400 جنية يافندم
ريم
طيب خود دول والعشرة جنية روق بيها على نفسك
لقيته برق عنيه وقالي
بس انا يافندم اخدت خلاص فلوس التوصيل مش عايز العشرة دي
ريم
ياجدع خودها متقولش مش عايز ويلا اتكل قبل مانروح يلا
بص لي باستغراب ومشي وانا اخدت منه البيتزا ولسه بدور عشان ادخل الاوضة لقيت خالتي في وشي وقالت لي
انت بتعملي ايه يابت ها ومين ده اللي لسه ماشي وايه الي في ايدك ده
بلعت ريقي پخوف وقولت لها
ب ب بصي ياخالتي انا هفهمك اصل علا وندى كانو جعانين اوي وبعدين اتصلو وطلبو بيتزا
فايزة
طلبو بيتزا يلهوي طيب والاكل اللي انا عملاه في المطبخ ده مين هياكله
ريم
انا قولت لهم نفس الكلام ده يابت منك ليها دي خالتي عامله مسقعه زي العسل قالو لي لاااا مسقعه مين يام مسقعه المسقعه دي تاكليها انتي انما احنا هنطلب بيتزا
فايزة
بجد قالو كده ياريم دي ليلتهم طين الليلادي تعالي يابت قدامي لما اشوف ايه حكايه البيتزا دي وناوليني فردة الشبشب دي
ومسكت خالتي فردة الشبشب ودخلت معايا الاوضة وعلا پصدمة قالت
ماما هو انت صاحية
فايزة
اه انا صاحية ياختي وانتي وهي عشان اكتشف الچريمة اللي انتي بتعمليها انتي واختك يالي ټولعو بقو تتمردو على المسقعه اللي انا عملاها دنا حاطه فيها لحمة ياولاد الواطيه عشان تاكلو منها تقومو تطلبو بيتزا الساعه تلاته الفجر ياطفسه دنا مش هعدي الليلة دي على خير
علا
اهدي بس ياماما احنا مطلبناش دي ريم اللي طلبت وهي اللي اقترحت علينا عشان ناكل بيتزا
ريم
انا ياعلا اخس عليكي انا يابنتي مش اتحايلت عليكي انتي واختي وانا اقولكم كلو مسقعه خالتو هتزعل منكم وانتو صممتو انكم تجيبو بيتزا حصل ولا محصلش
ندى
يابت النصابه ياريم انتي بتسلمينا لماما وتخلي انتي ينهار اسوح الحقي ياعلا
علا
يخربيتك يامصيبة يا لمضة هتودينا في داهيه طيب والله ياماما دي هي اللي قالت حتى جايبه معانا اهيه وحتى شوفي هما تلاته بيتزا اهم
ريم
ااه تلاته مش انتي وهي قولتو هنجيب واحده زيادة ونقسمها سوا يعنى بتاعتكم انتو
ندى
ينهار اسوح ده انتي سلمتينا الجامد روحي منك لله ياشيخة ماما اضربي ياماما اضربي أصله خلاص مفيش مفر من الشبشب بتاعك ده
علا
اعاااا روحي منك لله ياريم يابنت خالتي
وصحي عمو سلامة على صوتنا وقال
هو انا مش عارف انام في البيت ده يافايزة ولا ايه
فايزة
تعالي ياسلامة شوف بناتك ياخويا طالبين بيتزا الساعة تلاته الفجر
سلامة زعق وقال
ايييه بيتزا وهي فين البيتزا دي وروني كده فين دي
ريم
اهي ياعمو
سلامة
اه صح دي بيتزا استني لما افتحها كده وفتحتها واكل منها وقال الله دي بيتزا ااه اممممم خودي حته يافايزة دوقي دي حلوه اوي ياحبيبتي
فايزة
انت بتاكل ياراجل ده بدل ماتاخد كل واحده قلمين على وشها تقوم تساعدهم في اللي هما بيعملوه اااخ انا داخله انام قبل مايجرالي حاجة منك انت وعيالك
اتكلم عمو سلامة وهو بقو مليان اكل وقال لها
رايحة فين يا فايزة تعالي كولي تعالي الحمد لله انها دخلت تنام يلا ياولاد تعالو كلو يلا دي حلوه اوي
ريم
عليا النعمة انت مفيش منك ياعمو سلامة ياعسل انت ماتجي يابت انت وهي تاكلو قبل ماتبرد
ندى
انتي عارفه انا نفسي دلوقتي البسهالك في وشك يا كدابة يالمضة بقا بتسلمينا لماما ياريم ماشي
ريم
ماخلاص بقا ياندي انتي وعلا محلصش حاجة الله بس تصدقو حلوه البيتزا اوي ايه رايك ياعمو اطلب لك دلوقتي واحده كمان
ندى پصدمة
ايه انتي عايزة تطلبي تاني روحي ربنا يهدك ياشيخة منك لله
سلامة
ماخلاص بقا ياندي دي مهما ان كانت بنت خالتك برضو
علا
دي بنت خالتنا يابابا دي ياريتها كانت خالتي الله يرحمها وهي بتخلفها كانت بركت عليها فطستها
ريم
عجبك كلام عيالك ده ياعمو سلامه انا ساكتة علشانك انت بس عشان بحبك وعارفه اني غاليه عندك انا ساكتة اهو
سلامة
انتي عاقله ياريم سيبك منهم
ريم
حبيبي انت والنبي عسسسل طيب مقولتش اطلب لك واحده كمان
سلامة
لا لا كفايه دي لحسن خالتك تخرج من الاوضه وتخليني انام على السلم الليلادي وانا عضمي مش يستحمل نومة السلم دي
وبعدها بكام يوم جه شريف خطيب علا عندنا البيت عشان يقعد معاها ودخلت قولت له
ازيك يا شريف عامل ايه بس ايه ياعم الشياكة دي كلها
شريف
ازيك ياريم اخبارك انتي ايه وبعدين مانا طول عمري شيك يابنتي انتي اول مره تشوفيني ولا ايه
ريم
لا ياسطى اول مره اشوفك ايه طيب ده انا حافظه شكلك هو انا اتوه عنك يعني منورنا والله ياشريف طيب اسيبكم بقا مع بعض عشان اكيد في كلام مينفعش يتقال قدامي وكده يلا انا بره لو احتاجت حاجة قول بس ياجزر هتلاقيني علطول في التو واللحظه وسبتهم وخرجت
وعلا قالت
غوري يابت كتك القرف بت فظيعة اعوزو بالله منها بتعمل كل مصېبه ومصېبة مقولكش عليها
شريف
ههههه بس تصدقي ډمها خفيف اوي والله بتضحكني
علا
جرا ايه ياشريف الله
شريف
انتي بتغيري ياقطتي ده انا مليش حد في الدنيا دي غيرك انتي وبس
دخلت عند. خالتي المطبخ وقولت لها
طب والله مهما يلبس او يتشيك او يعمل في نفسه البدع هتفضل مناخيرة كبيرة برضو
فايزة
هو مين ده يابت اللي مناخيرة كبيرة ده
ريم
شريف خطيب بنتك ياخالتي مناخيرة كبيرة اوي الله يكون في عونك ياعلا ياحبيبتي يلا اهو نصيبها كده
فايزة
نهارك مش فايت ياريم امشي يابت غوري على جوه يلا امشي
ريم
حاضر ماشية اهو ايه الناس دي ياربي اللي الواحد يجي يقول كلمة حق في البيت ده يطلعو فيه ياكلو انا اسكت احسن
ودخلت اوضتي واتصلت بفرح صاحبتي في الجامعة وقولت لها
ايه الاخبار يابت طمنيني عملتي البحث ولا لسه اوعي تقولي انك لسه مش عملتيه لحسن هتتنفخي وتتعلقي من زلموتك على باب الكليه
فرح
اسكتي ياريم اديني شغاله فيه اهو انا بس زعلانة متنكده اوي ومش عارفه اعمل اي حاجة ولا ليا نفس لأي حاجة اصل انا وسامح سيبنا بعض
ريم
ياختي بركة انكم سبتو بعض يابت ياموكوسه انا قولت لك خمسين مره الواد ده بيلعب بيكي ومش بتاع جواز ولا نيله تأخدك وتاخده في ساعه يابعيدة روحي
فرح
الله جرا ايه ياريم هو انا بكلمك عشان اشتكي لك تقومي تكسري مقاديفي بالمنظر ده والله حرام عليكي ياشيخة
ريم
حرمت عليكي عيشتك يابعيده يابنتي افهمي الواد ده بيتسلي بيكي ده بتاع بنات صدقيني
فرح
لا ياريم سامح مش بيحب غيري انا وبس انا عارفة كده اسكتي بقا يابومة انتي اسكتي
ريم
بقا كده يافرح انا بومة ماشي تراني تأثرت لحظه ابكي اهئ اهئ اهئ
فرح
يوووه ياريم بطلي هزار بقا على فكره الدكتور اللي انتي اتنمرتي عليه وقولت انه أقرع وبكرش سال عنك النهاردة وانا قولت له انك تعبانه ومش هتقدرى تيجي
ريم
احسن برضو وبعدين هو بيسال عليا ليه يعنى هو اټجنن في عقله الاقرع ابو كرش ده على العموم انا هاقبلك الصبح في الكليه متتأخريش يابت
فرح
ماشي يلا تصبحي على خير
وقفلت مع فرح وبعدها بكام يوم كنا انا وفرح ماشين في ساحة الكليه ورحنا ناحية الكافيه اللي في الكليه ولمحت سامح قاعد مع بنت وقولت لفرح
بقولك ايه يا فرح ماتيجي نخرج برة الكليه احسن تعالي نشرب عصير من بره تعالي انا عزماكي
فرح
ونطلع برة ليه يا ريم مانقعد في الكافتيريا بتاعت الكليه هنا احسن وخلاص بدل مانقف في الشارع قدام اللي رايح واللي جاي
ريم
لا لا كافتيريا ايه دي المشروبات عندهم تقرف الكلب يلا يابت بينا على برة
فرح.
لا ياريم انا هاروح اقعد في الكافيه انا تعبانة ومش قادرة أقف على رجلي يلا انا رايحة
ريم
طيب يابت استني عشان اختار ترابيزة حلوه نقعد عليها يخربيتك وقولت لنفسي انا مش عايزاكي تشوفي الزفت ده
وفعلا فرح سبقتني وقعدت على ترابيزة ولسه مش شافت سامح وبعدين سمعت صوته بيضحك ودروت وراحت وقفت قدامة وقالت له
مين دي ياسامح ماترد عليا مين دي
سامح
انتي عايزة ايه يافرح احنا خلاص مبقاش في بينا اي حاجة خالص
فرح
بقا دي اخرتها يا سامح تسبني عشان دي
ريم
يلا بينا يافرح وإياكي ټعيطي اللي زي ده مايستهلش دمعه واحده من عنيكي اوعي ټعيطي وبعدين ايه المناظر المفعنه دي طب وربنا انتي الكسبانة ده بص على مناظرهم عامله تصدق بالله ياسامح ان البتاعه اللي معاك دي لايقه عليك اوعي يلا مبروك عليكم
ردت البنت اللي قاعده مع سامح وقالت
هي مين دي اللي معفنه يابتاعه انتي
لما قالت لي كده رحت جنبها ومسكتها من شعرها وقولت لها
بت انا بس اللي اقول بتاعه واقول عليكي كده واقول على اللي اتخن منك انتي شكلك متعرفيش انا مين يابت
البنت
اي اي سيبي شعري انتي بتعملي ايه سيبي
سامح
لو سمحتي ياريم ميصحش اللي انتي بتعمليه ده على فكرة انا ممكن ابلغ إدارة الجامعة عن تصرفك ده
ريم
روح بلغ يا حبيبي روح ولا تكون مش عارف الطريق تحب اجي معاك ياحليتها
بعد كده مسكت البنت ونزلت فيها ضړب وحاشوها مني بالعافيه وخدونا على مكتب العميد اللي طلب خالتي وجات خرجتني من عنده بعد مكان عايز يفصلني
رجعت معاها على البيت ودخلتني وقالت لي
ادخلي يلي جايبة لي المشاكل انا مش عارفة انتي ايه يابت معجونة بماية عفاريت
ريم
لا معجونة بماية ورد ههههه لقيت خالتي مكشرة وقولت لها خلاص خلاص متزعليش
فايزة
مزعلش هو انت يابت فاكرة نفسك ايه طايحه في الخلق ولا بيهمك حد ابدا هو انا عشان دلعتك تقومي تعملي فيا كده ياريم والله حرام عليكي
ريم
ماخلاص بقا ياخالتو خلاص مش هعمل كده تاني خلاص بقا يافوزه ده انا بحبك
فايزة
ماشي لما اشوف اخرتها معاكي ايه يابنت اختي
وعدت ايام وكنت قاعده بذاكر لان امتحاناتي قربت وخلاص اخر سنه ليا في الجامعة لقيت خالتي داخله عليا وبتقولي
حبيبة خالتو عامله ايه في المذاكرة ياقلبي
ريم
الحمد لله ياخالتو اديني ماشية اهو بس مالك كده داخله فرحانة كده ليه ما تفرحيني معاكي
فايزة
اسكتي ياريم اما انتي جاي لك حته عريس انما ايه ابن ناس اغنية اوي شاب زي القمر طول بعرض بوسامة انما ايه
ريم
جرا ايه يافايزة انتي من اولها هتعكسي عريسي وانا قاعده هار اسوح ايه الست دي
فايزة
يعنى موافقه عليه صح
ريم
موافقه على مين ياخالتي هو انا شوفت حاجة خالتي انا مش عايزة
فايزة
اسمعي ياريم انتي كل يوم والتاني ترفضي عريس وانا بصراحه نفسي افرح بيكي واجوزك قبل ماروح
ريم
بعد الشړ عليكي يا خالتو متقوليش كده والنبي انا مليش حد ليا بعد ربنا غيرك انتي وعمو سلامة وندى وعلا
فايزة
يبقا توافقي انك تقعدي معاه ماشي
وفعلا جه العريس لقيته زي ماخالتي قالت عليه ويمكن احلى بكتير اوي بس حسيت انه مش مظبوط كده دخلت اقعدت معاهم وقولت
مساء الخير
حماتي اللي هو امه قالت
مساء الورد والياسمين بسم الله ماشاء الله ايه الجمال ده شوف يا ادم عروستك حلوه ازاى على فكره يا ريم ادم قليل الكلام اوي يعنى لو لقيتي مش بيتكلم معاكي كتير مش تستغربي منه هو كده
ريم
لا عادي ياطنط ده انا كمان مش بتكلم كتير وقليلة الكلام خالص ومش بحب الرغي حتى اسألي خالتو صح ياخالتو
فايزه
ها هي مين دي قليلة الكلام انتي اااه اومال ايه دي ريم دي نسمة ومش بنسمع لها حس خالص
لقيتة ابتسم كده ورجع تاني استغربت وبعدين خالتي وجوزها اتكلموا مع أمه في كل حاجة انما هو كان ساكت طول الوقت
وبعدها بأيام امتحنت وخلصت امتحانات وعملنا فرحي وفرح علا بنت خالتي في يوم واحد وانا وادم روحنا شقتنا وشريف وعلا راحو شقتهم
ودخلت الشقه وقولت لادم
تحب احضر لك حاجة تأكلها
ادم
لا متشكر انا مش عايز حاجة واتفضلي ادخلي الاوضه دي عشان انا هنام في الاوضة التانيه دي
ريم
طيب وليه بقا ان شاء الله انت تنام في اوضه وانا انام في اوضه انت بتهزر صح
ادم
لا مش بهزر انا فعلا هكون في اوضه وانتي في اوضة وخلاص خلص الكلام لحد هنا تصبحي على خير
ريم
وانت من اهله ومشي من قدامي وقولت في بالي ده الراجل الكئيب ده ياربي بقا انا ريم ام ډم خفيف اتجوز واحد نكدي زي ده لييه هو انا كان عقلي فين لما وفقت عليه لا بس الواد قمر وحليوه كده ومز اوي على العموم لما نشوف اخرتها معاه
ودخلت الحمام اغير هدومي عشان انام لبست بيجامة وخرجت ولسه بقعد على السرير لقيت النور قطع والدنيا بقت ضالمة جدا مش شايفه حاجة وقولت
يادي الليله اللي زي كالو الصوباع يعنى هي كانت ناقصه الكهربا تقطع النهاردة ده طلعت وشي نحس عبوشكلي بومة بصحيح
لما اقوم ادور على تليفوني لسه بقوم سمعت صوت بيقول اعوووووو
ركبي بقت تخبط في بعضها وقولت بسم الله الرحمن الرحيم
اعوووووو
ياماما هو في ايه ااا ادم ياااا ادم ببص لقيت حاجة سوده اترمت عليا في الضلمة زي خفاش سرخت بصوت عالي وبعدها حصل ........
جوزوني_عبيط
الحلقة التالتة والأخيرة
,ــــــــــــــــــــــ
بعد ما الكهربا قطعت وبقيت اسمع أصوات غريبة ومرعبه وفجأه الاوضه نورت نور احمر وحاجة طارت عليا زي مايكون خفاش افتكرت افلام الړعب فضلت اسرخ واقول
ادم الحقني يا ادم الحقني فجأة لقيت قدامي شبح شكلة مخيف اغمى عليا وبعد شوية بفوق لقيت ادم بيقولي
فوقي ياريم فوقي بقاااا
ريم
هااا ااادم انت كنت فين انا انا خاېفه خاېفه اوي الشقه دي مسكونة العفاريت احنا لازم نمشي من هنا بسرعه والنبي وديني عند خالتو الله يخليك
لقيت ادم بيضحك بصوت عالي وبيقول
ههههه ههههه عفاريت ايه بس ياريم مفيش الكلام ده وبعدين انتي شربتي المقلب ههههه
ريم باستغراب
مقلب! مقلب ايه يعنى ده كان مقلب انت اللي عاملة فيا المقلب ده
ادم
ااه هاهاها هاهاها تعيشي وتاخدي غيرها
ساعتها اتعصبت عليه وقومت وقفت على السرير وقولت له بصوت عالي
امش اخرج بره يا ادم امشي يلا
ادم
طيب طيب براحة بس ياريم بس تصدقي كان شكلك يفطس من الضحك وانتي مړعوبه هاهاها
رحت حدفاه بالمخدة وقولت له
اطلع برة ياادم
و اترميت على السرير ونمت من كتر التعب وبعد الليله اللي كانت مايعلم بيها الا ربنا وتاني يوم صحيت سمعت في المطبخ خبط ورزع خرجت لقيت ادم بيعمل اكل وقالي
صباحية مباركة ياعروسة ايه كل ده نوم
ريم باستغراب
عروسة عروسة ايه بقا انت خليت فيها عروسة ولا بتاع بعمايلك اللي عملتها معايا امبارح دي
ادم
خلاص بقا ياريم ميبقاش قلبك اسود كده وبعدين انا كنت بهزر معاكي فكي بقا وعلى العموم انا عاملك شوية اكل هتاكلي صوابعك وراه
ريم
هو انت بتعرف تطبخ وتعمل اكل
ادم
اومال ايه انا قضيت فترة كبيرة برة مصر وكنت عايش لوحدي وكان لازم اتعلم اعمل كل حاجة بقا وانتي عارفه الباقي
ريم
اممممم طيب هو على فكرة الاكل ريحته حلوه اوي، ياترى عامل ايه
ادم
دلوقتي تعرفي
وفضل يعمل اكل وبعد شوية لقيته بيقولي يلا عشان تدوقي وتقولي رايك انا بقا عايزك تخلصي الطبق ده كله
ريم
طيب وانت فين طبقك
ادم
اهو حالا هغرف ليا
وفضلت اكل كتير الاكل كان طعمة لذيذ وبعدين قولت لادم
الحمد لله شبعت بس بجد تسلم ايدك الصراحة الاكل جامد
ادم
بالف هنا وشفا ياريم
بعدها يعشر دقايق لقيت بطني بتكركب وجريت على الحمام وفضلت رايحة جايه على الحمام رايحة جايه وكل ده شايفه نظرات ادم اللي من تحت لتحت وبعدين قولت له
اااه بطني يا ادم مش قادرة انا كل شوية اروح الحمام الحقني
ادم
مټخافيش ده هو هيبقا مجرد اسهال بس مش اكتر من كده يعني مش هيضرك في حاجة اطمني
بصيت له كده وبرقت عنيا وفتحت بوقي وقولت له
ادم هو انت ليك علاقه باللي عندي ده ها قول بسرعه اااه
لقيته باصص وهينفجر من الضحك وقالي
بصراحة ايوه انا حطيت لك ملح انجليزي في الأكل ياريم هاهاهاها
ريم
اعاااااااا انت بتضحك على ايه ااه يابطني وجريت على الحمام وفضلت اعيط من المغص مش قادره
ادم خبط عليا وانا في الحمام وقالي َ
ريم انتي كويسة طمنيني عليكي اصلك اتاخرتي اوي في الحمام
ريم
امشي يا ااادم من عندك بدل ماطلع ارتكب فيك جناية النهارده امشيييي ااعااااااااااا
ادم
طيب انا داخل اوضتي وعلى فكرة انا سيبت لك برشامة على الكمود ابقي خوديها هتخليكي زي الفل يلا انا ماشي
وانا كنت لسه في الحمام قولت لنفسي
يخربيتك انت مچنون ولا ايه التصرفات دي مش تصرفات واحد طبيعي ابدا ااه ياني الله يسامحك ياخالتي كنتي عماله تقولي ده قمر ده وسيم اهو طلع مچنون وعقله مفوت اااه ياني ياخسارة شبابك يالوزة اااه
ايه ده يلهوي هو انا كمان بخترف بالكلام هو انا اتعديت منه ولا ايه
وبعدها خرجت واخدت البرشامة ونمت وبعد يومين والأمور تمام بيني انا وادم وهو كلامة مش كتير معايا
لقيته جاي يقولي ايه رايك اخدك ونتفسح
ريم
هنتفسح فين بقا ولا ده مقلب من مقالبك اللي مش بتخلص معايا
ادم
هاهاها لا والله مش مقلب ولا حاجة ده انا بفكر اخدك ونروح عندنا الفيلا نزور بابا وماما ايه رايك
ريم
ماشي وانا موافقه هدخل البس
ادم
ماشي بس بسرعه ها
ودخلت لبست في ثانية وخرجت وقالي ايه ده السرعة دي
ريم
هو انا كده بحب اعمل كل حاجة بسرعه اوي
اادم
طيب يلا بينا يا سريعه انتي
ورحنا الفيلا وباباه ومامته كان فرحانين بوجودنا اوي ومامته قالت
انا نفسي ياريم انتي وادم تيجو تعيشو معانا هنا في الفيلا دي اصلها واسعه عليا انا وعمك ياريم
ادم
ماما احنا هنتكلم في الموضوع ده تاني انا مش عايز اسمع اي كلام فيه ارجوكي
الام
حاضر ياحبيبي اللي تشوفه
ادم
طيب يلا بينا ياريم عشان نرجع البيت
ريم
حاضر يلا بينا
ورجعت البيت وادم قالي ممكن تعملي لي فنجان قهوة لو سمحتي ياريم
ريم
حاضر يا ادم
ودخلت وقفت على البوتجاز ومركزه في القهوة لاني خاېفه عليها لتفور واقفه وشي للبوتجاز وفجأة ادم جه من ورايا وفرقع بلون وطرقعها في وداني وانا سرخت والقهوه اندلقت على البوتجاز
ادم فضل يضحك ويقول
هاهاهاها اتخضتي ياريم
فضلت واقفه ساكتة ومش برد عليه وبعدين اڼفجرت في العياط ودخلت الاوضة فضلت اعيط
وليقته جاي ورايا بيقولي
ريم انتي بټعيطي بجد
ريم
لو سمحت اخرج بره مش عايزه اسمع منك اي حاجة بعد اذنك
ادم
ياااه ده انتي زعلانة بجد بقا على كده طيب حقك عليا انا اسف
ريم
ابعد عني وملكش دعوة بيا خالص انت سامع
ادم
طيب والله انا اسف وخلاص مش هعمل حاجة تاني تزعلك خلاص بقا ياريم فكي وبطلي عياط
ريم بټعيط
على فكره انا ممكن في مره من المرات اروح فيها من اللي بتعمله فيا ده
ادم
بعد الشړ عليكي متقوليش كده وبعدين بجد خلاص بقا كفايه كده كفاية عياط لحسن هعيط انا كمان والله
وبعدها بيومين جات لي خالتي تزروني وكانت معاها ندى وقعدو معايا وخالتي قالت لي
عاملة ايه مع جوزك ياريم انتو كويسين مع بعض
استغربت سؤال خالتي وقولت لها
احنا تمام ياخالتي الحمد لله هو في حاجه ولا ايه
فايزة بارتباك
لا لا ياحبيبتي مفيش حاجة الحمد لله اني اطمنت عليكي
ولقيت ندى بتقولي عايزاكي في كلمتين ياريم ودخلت انا وهي الاوضة ولقيتها بتقولي
عايزة اقولك على حاجه ياريم جوزك ادم دماغه مفوته انا سمعت انه كان عامل حاډثه وخرج منها عبيط وبيعمل تصرفات هبل وكده هو عامل معاكي ايه
ريم
سرحت شوية في كلام ندى وقولت لها عبيط مين اللي قال كده ادم زي الفل ياندي متقوليش عليه كده
ندى
والله انا ماجبت الكلام ده من عندي انا سمعت ماما بتحكي لبابا الكلام ده على العموم خلي بالك من نفسك ياحبيبتي
و سابوني ومشيو وادم رجع من برة وقالي ريم خودي التليفون ده حوطيه في الفيشه اللي هناك دي
ورحت احط الشاحن زي ماقالي الكهربا مسكت فيها وقولت
اااه اااه الفيشه دي بتكهرب يا ادم
ادم
ايوه مانا عارف ههههه ده كان مقلب ياريم
بصيت له ودخلت الاوضه وفضلت الم في هدومي عشان امشي دخل ادم وقالي
انتي بتعملي ايه ياريم
ريم
انا همشي من هنا ومش قاعده معاك ابدا انا لايمكن اعيش مع واحد مچنون زيك انت فاهم واحد عقله خف بسبب حاډثه انا مش هستنا لحد ماتعمل فيا حاجة انت عايز مني ايه مابدا أقرب منك تصرفاتك بتبعدني بتعمل كده ليه
ادم
اولا انا معملتش حاډثه ولا حاجة انا قولت لابويا وامي كده عشان مش عايز امسك شركة ابويا ونفسي اعمل شركة ليا لوحدي ادعيت الهبل والعبط عشان ميشغلنيش في شركتة
ريم
هو في حد يكره ان ابوه يبقا في ضهرة انت غلطان على فكرة
ادم
لا يا ريم انا مش غلطان انا نفسي اعمل كيان لنفسي وبس مش عايز مساعده من حد ارجوكي انا نفسي حد يفهمني
ريم
انا فهماك وهفضل جنبك يا ادم لحد ماتقف على رجليك وتبقا احسن رجل أعمال في الدنيا
ادم
بجد ياريم وانا مش عايز حاجة غير انك تفضلي جنبي
ريم
بس تبطل حركات دي ومتعملش فيا كده تاني ماشي
ادم
حاضر مش هعمل كده تاني عشان خاطر العيون الحلوه دي
راح ادم وضب شركتة وجهزها من كل حاجة وبدأ يشتغل وعمل حفله كبيرة اوي وعزم ناس كتير انا مش اعرفهم وكان في واحده لبسه قصير راحت عند ادم وقالت
ايه الحلاوه دي كلها يا باشمهندس معقوله الشركة دي كلها بتاعتك انت برافو عليك
ادم
متشكر ياسوزي نورتينا في الشركة
سوزي
ميرسي ياحبيبي قلبي
رحت عليهم وسمعتها بتقول لادم كده دخلت وسطهم وقولت له
ادم عايزاك لو سمحت في كلمة
ادم
حاضر يا ريم بس ده وقته انتي عارفه دي حفله وعازمين الناس طيب خليها بعد شوية لما أرحب بالناس
ريم
دلوقتي يا ادم لو سمحت ممكن وجه ادم بعيد شويه وقولت له وتطلع مين بقا اللي يجلها ۏجع في قلبها اللي بتقولك ياقلبي دي ها
ادم
دي دي سوزي
ريم
والله دي سوزي تصدق معرفتهاش انت بتهزر ياادم تطلع مين سوزي دي انطق بدل ماجبها من شعرها واخلي يومها مش معدي
ادم
براحة بس ياريم الناس حوالينا وبعدين هو انتي بتغيري عليا ولا ايه
ريم بكسوف
ياسلام وانا يعني هغير عليك من المفعنه دي دي حتى مناخيرها طويلة عامله زي زلومة الفيل ياعم بقا
ادم
ههههه مفيش فايدة فيكي
ريم
على فكرة انت جوزي ومش هسمح لاي واحده تبص لك انت سامع ولا لا
سبته ومشيت وفضل ادم يبص عليا ويبتسم ولقيته طول الحفله بيبص لي
وبعد الحفله ماخلصت رجعنا البيت لقيته عاملي مفاجأه وجايب لي ورد وخاتم دهب وقالي
اتفضلي يا احلى ريم في الدنيا
ريم
الله ايه ده يا ادم دول عشاني انا بجد حلوين اوي تسلم ايدك
ادم
ايوه جايبه عشانك اومال يعنى عشان امي
ريم
شكرا يا ادم مش عارفه اقولك ايه وبصيت في الارض رفع وشي وبص لي وقالي
هو انا كل مابص في عيونك الاقيكي تبصي في الأرض انت لسه بتتكسفي مني ياريم
ريم
لو سمحت يا ادم انا ااا هدخل اوضتي عن اذنك
ادم
استني ياريم لحظة انا عايز اقولك على حاجه انا عمري ما هعمل معاكي حاجة ڠصب عنك انا عارف ان جوزانا جه بسرعه وكمان انا كنت بعمل فيكي عشان تكرهيني ولقيت انه بالعكس كل مدى بقرب منك اكتر ومش قادر استغني عنك عشان كده ياريم انا عايز تدي فرصة تقربي مني
ريم
ارجوك يا ادم انا لسه مش عارفه اتعود عليك يعنى سبني براحتي لحد لما اخد عليك ممكن
ادم
حاضر هسيبك على راحتك
وسابني ادم وفضلت افكر فيه كتير اوي وبقيت بحس اني بخاف عليه من اي حاجة
وفي يوم كنا عند خالتي انا وادم بنزورها وقالت لنا
جرا ايه ياريم انتي وادم مش ناوين تجيبو لنا بيبي صغير كده نفرح بيه
ادم بص لي وانا اتكسفت وبصيت في الأرض وهو رد على خالتي وقالها
ان شاء الله ياطنط قريب اوي بس حضرتك عارفه ان التأخير ده يعني نصيب وكده
فايزة
ااه صح نصيب ربنا يكرمكم يارب ياحبيبي
سلامة
ان شاء الله ربنا يرزقكم بالذرية الصالحة يابني عن قريب وبعدين انتي مالك بيهم يافايزة سبيهم في حالهم ومتدخليش بينهم
ادم
سيبها ياعمو سلامة انا عارف ان طنط فايزة نفسها تفرح باولاد ريم
فايزة
اه والله يا ادم اصل ريم دي مش بنت اختي وبس لا دي بنتي انا وبحبها أغلى من بناتى كمان عشان كده عايزاك تخلي بالك منها
ريم
ياحبيبتي ياخالتو ربنا يخليكي ليا يارب
وفضلنا قاعدين نتكلم وبعدين مشينا انا وادم واحنا راجعين في الطريق قالي
خالتك دي وجوزها طيبين اوي ياريم انا بصراحة حبيتهم حسيت كده انهم عيله بجد ربنا يبارك فيهم
ريم
يارب يا ادم انا بحبهم اوي
ادم
يابختهم ياريم
اتكسفت ودورت وشي الناحيه التانية
وفي يوم قولت اروح لادم الشركه ودخلت لقيت سوزي حاضنة ادم شوفتهم اټصدمت وطلعت اجري جه ورايا ركبت تاكسي ورجعت البيت وهو جه بعربيتة بسرعة كبيرة جدا
دخلت على الدولاب عشان الم هدومي وادم دخل وقال
ريم ياريم انتي بتعملي ايه ياريم
ريم
لو قربت مني انا هولع في نفسي
ادم
خليني بس اشرح لك انتي فهمتي غلط والله الزفتة سوزي كانت بټعيط وكانت عماله تشتكي لي وبعدين عملت اللي شوفتيه ده انا مليش ذنب والله صدقيني
ريم
اسمع يا ادم انا من اول شوفت الحلوه الدلوعه ام زلومة دي وانا شكيت فيها البت دي عنيها منك صح اعترف وقول
ادم
حتى لو عنيها مني انا مالي بيها هي متخصنيش في حاجة انما انتي اللي تخصيني انا مش هقدر استغني عنك يا ريم ارجوكي
ريم
بطل كدب بقا يا ادم انت شاطر في التمثيل ايه مش فاكر انك مثلت على اهلك انك تعبان وعبيط واهبل بس انا كشفتك وعرفت كدبك انا مش هبله يا ادم وعارفة الكلام الصادق والكلام الكداب
ادم
طيب لو قولت لك اني بحبك هبقي صادق ولا كداب يعنى هتعرفي ولا لا
ريم بارتباك
هو انت ااا قولت ايه
ادم
قولت بحبك اوي اوي ياريم وعايز ااا بصراحة كده عايز ااا نفسي في......
ريم
عايز اييه هااا انطق وقول
ادم
عايز اتجوزك ياريم
سكت ومردتش
طيب حيث كده بقا يبقا السكوت علامة الرضا
وبكده تكون خلصت حكايتي
