فارس

مع امه وقطع كلامهم صوت جرس الباب فقامت نادية وراحت تفتح واول ما فتحت اتفاجأت بصابرين قدامها بصتلها نادية پغضب وقالتلها بسخرية 
خير يا صابرين ايه جاية تباركي لابني ولا ايه 
اضايق ادم من اسلوب امه فقام بسرعة وبص لصابرين وقالها بابتسامة 
معلش يا طنط ماما متقصدش اتفضلي حضرتك ادخلي
دخلت صابرين ووقف قدام ادم وقالت بجدية 
انا جاية عشان اقولكم كلمتين وامشي علطول يابني
قعدت نادية ببرود وهي بتبص لصابرين بضيق وفي نفس الوقت اتكلم ادم بقلق 
خير يا طنط في حاجة حصلت اقدر اساعدك فيها
ردت صابرين بهدوء وهي بتشاور لادم بايديها 
لا يابني انا جيت عشان اقول اللي خبته حنين عنكم من خمس سنين واللي خلاني اجي انهارده هو حاجة واحدة بس ان بنتي پتتعذب بسبب كلامك انت وامك ونظرتكم ليها ورغم انها رافضة اني اقولكم الحقيقة بس انا قلبي واجعني عليها ولازم اتكلم
ردت نادية بسخرية وهي بتربع ايديها وبتبص لصابرين بملل 
ودي بقي لعبة جديدة وجايين تعملوها في ابني
قطع كلام نادية ادم اللي اتكلم بجدية وهو باصص لصابرين باستغراب 
اتفضلي يا طنط قولي الليي حضرتك عايزة تقوليه احنا سامعينك
بصت صابرين لادم بامتنان وكملت كلامها بصوت كله حزن 
بنتي محبتش في حياتها قدك يا ادم كانت بتعد الايام عشان ترجع من اخر اجازة في الجيش عشان تتجوزو بس ابوها الله لا يسامحه هو اللي صمم علي جوازها من ابن عمتها اكمنه كان مطمعه بالفلوس ولما هي رفضت هددها انه هيطلقني ويحبسني بالوصلات اللي كان واخدها عليا بسبب جهازها اللي مدفعش هو في جنيه وافقت يا حبت عيني وهي مڠصوبة ومقهورة بسببه كانت بتشوف منه ايام مرار وكان كل يوم يضربها ويبهدلها بس كانت بتسكت عشاني ودلوقتي پتتعذب من جواها عشان انت شايفها وحشة رغم انها هي اللي بعدتك عنها عشان تتجوز وتشوف حياتك بس ڠصب عنها عملت كدة عشان متشيلكش همها هي وبنتها
قعد ادم عالكرسي پصدمة وهو بيفتكر كل كلمة جرحها بيها لما كان مفكر انها هي اللي طماعة وسابته