ابن أبي

رواية ابن ابي الفصل الاول 1 بقلم الكاتبة الصغيرة

"1"

_ قوم ي ماجد بسرعة انا بولد

ماجد : سيبيني انام شوية ي سلمي

سلمى : ېخرب بيتك تنام ايه قوم انا بولد

اتفزع ماجد من النوم وقام بسرعه من على السرير وهو بيدور حوالين نفسه

ماجد : بتولدي طب اعمل ايه اعمل ايه انا دلوقتي

سلمى : انت بتعمل ايه يا ابن العبيطه خذني دلوقتي على المستشفى انا ھموت

ماجد : حاضر حاضر

اخذها ماجد على المستشفى بسرعه وهي بتصرخ وهو مش عارف يعمل لها ايه اخذوها الممرضين على الترولي ودخلوا بيها وهي كانت بتصرخ

سلمى : عمري ما هسامحك ابدا يا ماجد

ماجد : وانا عملت ايه

سلمى : انت السبب في اللي انا فيه انت انا مش هسامحك ابدا

ماجد : ايه اللي انتي بتقوليه ده يا حبيبتي

سلمى : امشي من قدامي حالا ي ماجد

كانت ماسكه ماجد وبتخنقه وكان هو مكنش قادر يتنفس ومصډوم من حالتها دخلوها لاوضه العمليات عشان تولد بسرعه وهو وفضل واقف بره ومتوتر وكان على اعصابه طلعت بعد فتره من اوضه العمليات وكانت ممرضه شايله له طفل

الممرضه : الف مبروك يا فندم جالك ولد زي القمر

ماجد : الله يبارك فيكي هاتي كده انا عاوزه اشتاله

عرفته الممرضه ازاي يشيلوا وهو كان فرحان قوي بيه ومش مصدق انه ابنه

ماجد : طب وسلمى عامله ايه

الممرضه : هي كويسه دلوقتي هنطلعها اوضه عاديه وهتقدر تشوفها بعدين بس هي دلوقتي نايمه من المخدر

ماجد : شكرا

اخذوا سلمى على اوضه عاديه وهي مكنش حاسه بالدنيا لانها كانت تحت تاثير المخدر وماجد دخل لها الاوضه