رواية مكتملة بقلم لولو محمد

و ان مروه بتنكر حزنها يوميها انا طلبت منهم يكلموها قولت تلهى نفسها فى الشغل لانى خفت جدا يبقي فى نهى تانيه 
على لا حول و لا قوه الا بالله
امير بس احترامى ليها زاد اوى لما لقيتها واقفه على رجلها و يوم بعد يوم احترامي ليها بيزيد و بيزيد معاه حاجات تانيه عمرى ما فهمتها و لا حسيتها قبل كدا ... لحد ما نهى اختى لفتت انتباهي انى فى البيت تقريبا ما بتكلمش غير عن مروه 
على يستغرب 
امير انا عارف انه مش مكانه و ان كلام زى ده المفروض يحصل عند حضرتك فى البيت و انى قليل الزوق جدا و بحرجك بس ... انا معجب بمروه و عاوز ادخل البيت من بابه 
على يبتسم بحرج 
امير انا مش عاوز من حضرتك اى حاجه الشقه هنا فيها كل حاجه و والدتى و اختى نسمه اكيد ماما إيناس و مروه هيتعاملوا معاهم دلوقت بعيد عن اى حساسيات و انا و حضرتك هنقعد نتكلم و نتعرف على بعض اكتر و لما تروح باذن الله اقعد مع نفسك و فكر و صلى استخاره و شورهم و لو فى نصيب اجى انا و امى و نتقدم رسمي ... و لو لا قدر الله ما فيش نصيب ما تقلقش خالص انا بيزنس ماټ بروفيشنال يعنى الموضوع ده مش هيقدر نهائى على شغل مروه و لا الاتيليه و لا اى حاجه يعني انا برفع عن حضرتك الحرج بكل اشكاله و بالنسبه للمهر و الشبكه 
على حيلك حيلك انت دخلت فى الغويط على طول .. انا عاوز بس اقولك حاجه ... انا اللى فهمته منك ان مروه صعبانه عليك 
امير نهائى ... يمكن فى الاول قولت تتوظف كنوع من المساعده بس بعد كدا كل ده اختفى و استحقت كل كلمه قولتها لحضرتك دلوقت عنها 
على بس انت يا ابنى ما اتجوزتش قبل كدا ايه يجبرك انك تاخد واحده مطلقه و اكيد والدتك 
امير انا مكلم امى و مرحبه جدا و نهى كمان مرحبه اوى بقول لحضرتك انا بقالى شهور ما بتكلمش هنا فى البيت غير عن مروه بنت حضرتك 
على يبتسم 
امير فكر و ما تردش دلوقت باذن الله ربنا هيقدم اللى فيه الخير 
على و نعم بالله يا ابنى و نعم بالله 
........................
فى شقه احمد 
احمد بس احنا كنا متفقين يا اميره 
اميره كنا متفقين انك تسد ديونك بنقطتك اللى هتيجى من صحابك و اهلك لكن اكيد ما اتفقناش انك تاخد كمان النقطه اللى جيالى من أهلى يا لحمد 
احمد هو احنا بقى في بينا أهلى و اهلك 
اميره طبعا احنا اه زوجين بس زمه ماليه منفصله و الفلوس دى انا هعينها للطوارئ افرض انا احتجت حاجه و انت مش معاك ازنقك او احرجك اكيد لا طبعا ساعتها هتصرف منها انت ناسي كمان انى ما بشتغلش يعني الفلوس دى هتقضيني فتره لحد ما ربنا يكرمك و تسد ديونك و تقدر ساعتها تطلعلى مصروف شهرى ثابت يقضي مصاريفي 
احمد ايه الكلام ده 
اميره ايه يا احمد بس مالك ما دا اللى بيحصل فى الدنيا كلها 
احمد دنيتكوا دى غريبه اوى بصراحه و انا اول مره اسمع عنها 
اميره يا ابنى دا شرع ربنا امال انت الدنيا عندكوا بتمشي ازاى تروح تجيب شبكه للبنت و لما تدخل عليها تروح تبيعها و تسد ديونك 
احمد انا ما طلبتش منك تبيعي شبكتك 
اميره بس طلبت تاخد النقطه اللى جيالى من أهلى 
احمد ما انا اللى هسدها 
اميره بس انا محتاجاها يا احمد انا مش هينفع اديك الفلوس كلها و امدلك ايدي كل شويه عاوزه فلوس انت عارف ان مصاريفي كتير و انت مزنوق الفتره دى 
احمد ما هو بسبب طلباتك اللى دا بتخلصش 
اميره و انا كنت طلبت ايه لنفسي ما كلو لبيتك دا انت حتى الشغاله رفضت تجيبها و قولت مش مشكله هعمل انا لحد ما ربنا يكرمه واحده غيرى كانت خدت النقطه و جابت لنفسها بيها حتتين دهب إنما أنا عشان بنت أصول قولتلك هكفى نفسى منها لحد ما ربنا يكرمك و تسد ديونك ايه انت ما فيش حاجه بترضيك أبدا
احمد اقسم بالله ما عارف ارد عليكي 
اميره يبقي ما تردش مش هتيجي دلوقت و تتخانق معايا يا احمد مش بعد كل ده هتشمت فيا الناس و تنكد عليا 
احمد كل ده ليه اصلا 
اميره شوف انت بقي 
احمد خلاص يا اميره انا موافق ... خدى اى فلوس تجيلك من اهلك بس لما تجيلهم مناسبه انا مش ملزم ارد 
اميره براحتك فى وشك انت مش فى وشي انا الكل عارف انى مش بشتغل هجيب منين يعني هسرق 
احمد لا انا اللى هسرق .. انا داخل انام 
اميره ايه دع يعني مش هنخرج زى ما وعدتني 
احمد معلش اجليها بكره لانى حقيقي مش فى المود خالص دلوقت 
اميره تمام براحتك بس خليك فاكر ان مش ده اللى وعدتني بيه وعدتني انك هتسعدنى و تعوضنى وعدتني انى عمرى ما هندم و لا دول كمان نسيتهم زى وعد الخروجه
اميره ټعيط احمد يخبط كف على كف 
احمد لا حول و لا قوه الا بالله ليه كل ده اصلا 
اميره عشان انت ما بتحبنيش انت خلاص اتجوزتنى و ضمنتني ما عدتش فارقه معاك 
احمد دا انا !! يا شيخه اتقى الله 
اميره انا اصلا مش عاوزه منك حاجه انا داخله انام 
اميره تروح الاوضه و احمد يروح وراها يصالحها 
..........................
فى شقه مروه 
إيناس و ما اتكلمتش ليه من ساعتها يا على 
على كنت بفكر و اصلى استخاره 
إيناس لا بس كان واجب تفطنا برده 
على انا اتفقت معاه انه ما يحاولش يكلمها و لا له دعوه بيها لحد ما اكلمه و اقوله على قرارى 
إيناس بركاتك يا ميوره 
على المهم انا صليت استخاره و مرتاح جدا للجدع ده 
إيناس و الله و انا كمان و من زمان 
على بس فاضل مروه لازم نكلمها بالراحه و من غير ما نضغط عليها انتى عارفه انها الفتره دى نفسيتها حساسه اوى 
إيناس خلاص خليها تلبس و خدها اتمشوا و كلو ايسكريم و اتكلموا زى ما بتعملوا على طول و ابقي هاتلى معاك و انت راجع 
على انا !!
إيناس اه كلمها انت بطريقتك انت بتعرف تأخذها على الهادى 
على تمام يا ستي احاول و امرى لله 
إيناس ربنا يعوض صبرك خير يا بنتى و يبعد عنك ولاد الحړام 
على امين يا رب امين 
..........................
فى كافيه 
مروه هو انا ممكن اروح 
على هو الكلام ضايقك اوى كدا 
مروه عادى يعني ... ما فيش حاجه ... انا بس ... انا عاوزه اروح 
على طب كلميني .. قوليلى ايه المشكله ... انتى شايفه فيه حاجه وحشه احنا مش شايفينها 
مروه لا بس ... تعبت من دور فرده الاستبن ... كل واحد ما طالش واحده عشان الماديات ياخدني لفه لحد ما ربنا يكرمه و يرجع لحبيبته بس .. بسيطه يعني 
على و انتى مين قالك ان امير زى احمد مين قالك انه 
مروه ما عادش فيا قلب اجرب ما عادش فيا حيل و لا طاقه ... الموضوع مش سهل يا بابا و الله ... انا من حقى اكون رقم واحد و لو مره واحده فى حياتى 
على حقك ... بس امير كمان هيبقي رقم اتنين بالنسبالك 
مروه تبص فى الارض 
على انا ما بقنعكيش بيه و مش فارق معايا تتجوزى و لا لا انا بس عاوزك مرتاحه و سعيده اى كان الوضع انا بس برد على كلامك 
مروه انا مش مستعده لارتباط دلوقت خالص انا لسه ما اتعافيتش 
على تمام هبلغه بردك 
مروه شكرا 
على مش عاوزه حتى تفكرى و تصلى استخاره ... خلاص خلاص مش لازم تمام هقوله انك ... بس انا صليت استخاره و مرتاحه و الجدع شكله ... خلاص خلاص تمام الموضوع ده يخصك انتى بس و اللى انتى عوزاه بس هو اللى هيكون تمام يا قلب ابوكى تمام اعتبريني قولتله رايك خلاص الموضوع انتهى 
مروه شكرا 
.......................
فى شقه احمد 
احمد و هو غسيل القمصان بتاعه شغلى و كويها كمان من اختصاص الخدامه اللى انا ما جبتهاش امال انتى لازمتك ايه 
اميره و انت بقي كنت متجوز خدامه يعني و لا ايه و بعدين هو فى ايه يا احمد ما انا اكيد ما كنتش قاصده ما اغسلهمش انا بس نسيت و بعدين انا لما بتكلم عن الخدامه بتكلم انها تشيل معايا انما انا يا استاذ ياللى مش حاسس بتعبى طول النهار بين ترويق و تنضيف و مواعين و طبيخ و لا الحاجات دى كانت بتعمل نفسها يعني ايه اللى حصل لو نسيت احط قميصين فى الغساله 
احمد الكلام ده تقوليه يا قلبي لحد تانى انما الشقه دى انا ايدي فى ايدك فيها فى كل حاجه دا انا برجع من الشغل اقف جنبك فى المطبخ نغسل المواعين سوا لحد ما الاكل يخلص 
اميره و فيها ايه يعني ما كل الرجاله فى كل حته فى العالم بتعمل كدا 
احمد و كل الستات بتعمل ايه بقي ان شاء الله عشان ابقي عارف بس 
اميره انا مش مجبره اقعد كل شويه اټخانق معاك و ابررلك و اقولك انا بعمل ايه و ما بعملش ايه انا ما حاربتش كل ده عشان تبقي دى عيشتي 
احمد و مالها عيشتك بقي ناقصك ايه ان شاء الله دا انا طافح الډم ليل نهار عشان عيشتك اللى مش عجباكى دى 
اميره ناقصني هدوء و حب و رومانسيه 
احمد الكلام ده للناس الرايقه مش للمضغوطين طول الوقت بين شغل و اوفر تايم و تارجيت و قرف عشان يكفوا بس مصاريف بيت ما فيهوش غير فردين بس 
اميره بكره يبقوا تلاته 
احمد لما يبقوا 
اميره تروح تفتح درج و تطلع تست حمل 
اميره كنت ناويه اعملهولك مفاجاه بس انت كالعاده قفلتنى من حياتى انا حامل يا احمد انا حامل افرح و انبسط و شيلنى و لف بيا و قولى اقعدى و ما تعمليش اى حاجه زى ما طول عمرنا بنحلم انما انت كل اللى بتعمله خناق و نرفزه و بس ... كل حاجه تعمل منها حوار كل حاجه تنكد عليا فيها كل حاجه تكسر فرحتى فيها انا عملتلك ايه بس لكل ده دا انا بحبك 
احمد هو ده بجد !!!
اميره انا عمرى ما هسامحك على ۏجع قلبي ده يا احمد بجد عمرى ما هسامحك 
..............................
ما بتقفش لحد 
لولو_محمد 
الحلقه الاخيره 
اميره انا مش مجبره اقعد كل شويه اټخانق معاك و ابررلك و اقولك انا بعمل ايه و ما بعملش ايه انا ما حاربتش كل ده عشان تبقي