رواية مكتملة بقلم لولو محمد
المحتويات
جدا لزوقك حضرتك بس هو مفيش لزوم
ميار تبرق لمروه تضربها فى رجلها ميار تتألم و تدعك فى رجلها و تجز و تهز راسها و تبص لأمير و تبتسم و تقوم
ميار طب نستأذن احنا بقي
أمير اتفضلوا
ميار و مروه يطلعوا بره
ميار مش هتعوزى اى حاجه مننا يا مش ليلى
ليلى تكمل شغل و مش مهتمه ميار تالس عليها مروه تشدها و يمشوا ليالى وشوشه للروايات
فى شقه منى
احمد ممدد فى السرير بيقلب على الفايس بعدم اهتمام منى تدخل شايله كبايه شاى و طبق فاكهه
منى كنت حاسه انى هلاقيك صاحي ... قاعد لوحدك ليه
احمد يقوم يقعد
احمد فارد ضهرى شويه تعبتى نفسك اوى ايه كل ده
منى كنت فى السوق النهرده و جبت شويه فاكهه قولت يردوا الدمويه فى وشك اللى اتمقت من كتر الشغل
منى متاكد ان دى مش هتبقي حياتك باقي عمرك لسه فى اولاد و مدارس و دنيا تانيه بعد الجواز مصاريفها اكبر من دى بمراحل ما تقارنش عيشتك مع مروه بعيشتك مع اميره
احمد انا مش فاهم ليه الكل مصر يحط مروه فى المقارنه
منى تهز راسها فى صمت
منى طب بيني و بينك هى ما بتوحشكش خالص مش فاكر لها اى حاجه حلوه معقول قلبتها بالسرعه دى
منى دى مروه !! مروه هى الغلط
احمد انا ظلمتها حملتها شيله مش شيلتها حاولت و الله حاولت بس ما قدرتش و مش هقدر اقول انها ما قدرتش تنسيني اميره او تداوى الچرح اللى جوايا و يمكن فى وقت من الأوقات كنت فعلا بلومها هى بس ... انا اللى اتسرعت انا اللى جريت خطبت و كنت فاكر ان دى هتمسح دى ظلمت نفسي و ظلمتهم هم الاتنين
احمد هو انتى لسه بتكلميهم
منى بحاول بس بقيت تقيله عليهم و خصوصا امها بس الشهاده لله مروه ما بتردش عليا غير بكل أدب و زوق ربنا يعوضها و يراضيها
احمد آمين
منى تطبطب على كتف احمد و تقوم تمشي و تقفل الباب وراها
..........................
فى الشركه عند امير
ميار قول و الله !!! فرع تانى !!! ياما انت كريم يا رب
امير بيضحك
امير امال لو شافت المحل الجديد اللى انا اخترته هتعمل ايه
مروه بصراحه انا مش مصدقه اللى بيحصل
امير ليه بس ما الدفاتر قدامك بالارباح دا وقت مناسب اننا نعمل ليفل اعلى
مروه طب مش كان اولى نعمل مصنع عشان نزود الانتاج بدل ما احنا بنستنى كل واحده تجيب قطعه و لا اتنين
امير انتى عارفه ايه الفرق بينك و بين اى براند تانى او اى محل ملابس عموما جوه او بره مصر
مروه تفكر و تهز راسها لا
امير ان شغلكوا يونيك... قطعه واحده او اتنين من كل موديل و شغل متنوع و مختلف يرضي جميع الازواق و المقاسات انما المصنع هينتج الف قطعه من نفس الموديل مثلا ... دا غير انه تكلفه عاليه جدا يعني اقصد مكن و مواعيد حضور و انصراف و مرتبات ثابته انما شغلكوا ما فيهوش اى مصاريف عليكوا و بتتحاسبي على حسب الإنتاج تقريبا مفيش ريسك
مروه طبعا اكيد حضرتك ادرى بالحاجات دى بس فى ستات كتير جدا بتعرف تفصل و تطرز بس للاسف ظروف بيتها مش بتساعد و بعدين فى حاجات او موديلات مفيش اى مشكله لو فعلا انتجنا منها الف قطعه باللوان و مقاسات مختلفه زى فساتين البرايدز مايد مثلا او ارواب حفلات التخرج او حاجات كتير اوى و بعدين حضرتك بتتكلم فى فرع تانى يعنى محتاج شغل اكتر عشان تملاه و دا مش متاح مش هقدر اوفره الفساتين دى بتاخد وقت و مجهود عشان تطلع بالفينش ده
امير تمام هفكر فيها و اوعدك انى هرد عليكي فى اقرب وقت
ميار يعنى كدا مش هيبقي فى فرع تانى
ميار الحزن مالى وشها و عنيها بتلف بين الاتنين
امير ايه رايك لو خلينا المحل القديم ... هنقول عليه قديم دلوقت ... للقطع الهاند ميد اليونيك و خلينا الفرع الجديد لشغل التكرارات و الملابس عموما و بعنا على حس الاسم اللى اتعمل
ميار دى فكره ممتازه
امير الكلام ده مؤقتا لحد ما افكر فى موضوع المصنع و اعمله دراسه جدوى
مروه تبتسم
امير تمام ... بيتهيالي كدا خلصنا كلام فى الشغل لو ما فيش عندكوا اى حاجه تانيه مشكله او اقتراح او اى حاجه
مروه تهز راسها لا
مروه لا انا خلصت
ميار و انا كمان تمام جدا كدا الف حمد و شكر ليك يا رب
امير تمام بإذن الله يوم الخميس عيد ميلاد اختى و دا حاجه بتتعمل بشكل عائلى بس بصراحه السنادى هى متحمسه جدا تتعرف عليكوا
ميار تبص لمروه بحماس شديد جدا
ميار و انا كمان ھموت و اتعرف عليها
امير انا هتصل بوالدك و اعزمه عشان انا الحقيقه عاوزها تكون فرصه ان اهالينا يتعرفوا على بعض
مروه اكيد هيفرح بحاجه زى دى تمام
ميار طب و ابويا هتكلمه !
امير يتفاجئ و ميار مستنيه رد امير يلم الدنيا
امير اكيد باذن الله طبعا
ميار تفرح و تتعدل فى كرسيها و امير عنيه على مروه
...........................
فى شقه اميره
اميره يااااااه اخيرا انا مش قادره اصدق ان خلاص فرحنا الاسبوع الجاى
احمد و لا انا مصدق بصراحه كانت من أصعب الفترات اللى عدت على حياتى
اميره عدت يا حبيبي خلاص الف حمد و شكر ليك يا رب انت مش متخيل انا متحمسه قد ايه
عليا تدخل
عليا الحمد لله يا ولاد اطمنوا اتحلت من عند ربنا
احمد هى ايه دى اللى اتحلت يا طنط
عليا انا بطبعي ما بحبش شغل الخدامات و كل اسبوع ادوخ على واحده تيجي تنضف و تقلب البيت و فى الاخر شغلهم زى قلته بجد مش هتصدق عانيت ازاى فى الموضوع ده سنين
اميره لقيتي حد بجد يا مامى
عليا الحمد لله يا حبيبتي الشركه كلمتنى و مش فاضل غير تمضي العقد
اميره الحمد لله مش متخيل يا احمد انا كنت شايله هم الموضوع ده قد ايه
احمد و الله انا كمان نفسي افرح معاكوا بس مش فاهم
اميره انا هفهمك فى شركه متخصصه فى النضافه بتعين ناس من بره مصر و تمرنهم و بيبقوا محترفين و أمناء جدا طبعا فى ناس بتطلب ان الخدمه تكون أقامه كامله او نص أقامه و دى بتبقي مكلفه جدا بس احنا بقي يا حبيبي مش محتاجين غير زياره اسبوعيه بيجوا يخلوا الشقه عروسه
عليا كنس مسح مواعين حتى ترتيب الدولاب شغل فنادق حرفيا
احمد اه بس الموضوع مش مستاهل يعني احنا الاتنين فى الاول بس ما فيش حد هيوسخ يعني خلى الحوار ده مثلا لما ربنا يكرم ببيبي يشغل اميره طب دا حتى ده يعني مش هيبقي قبل سنه مثلا برده لما البيبي يبدا يتحرك و كدا و لا ايه
اميره يا ابنى انت فاكر انك تلاقى مواعيد عند واحده كويسه فى حدود البادجيت بتاعتك دى حاجه سهله
عليا ثوانى يا اميره انا فاهمه احمد بيتكلم عن ايه ... يا حبيبي انت بتتكلم من حكم نظرتك لوالدتك و الستات اللى حواليك لكن انت و اميره علاقتكوا مختلفه يعني و بعدين انت هتبقي مبسوط لما تدخل البيت تعبان من شغلك تلاقي اميره بالقمطه و بتمسح الارض و لا ترجع اخر الليل عاوز تقضي يوم لطيف تلاقي اميره مرهقه يا قلبي من التنظيف اكيد لا طبعا
احمد ما هى مش لازم يعني تعمل الشقه كلها فى يوم واحد
عليا طب و على ايه يا حبيبي ما هى الوقت ده برده اولى انها تقضيه فى الكوافير تعملك شعرها و لا ترسملك تاتو انتوا حتى لو ما فيش اولاد هتبقوا عرسان عاوزين تستمتعوا ببعض قبل صداع العيال و لخمتهم
اميره ايه الاحراج دا يا ماما الكلام ما بيبقاش كدا
عليا جرا ايه يا اميره انتى هتعمليهم عليا و لا ايه ما خلاص بقي دا ما عادش فاضل الا اسبوع
اميره تبص لأحمد مش مبسوط
اميره يا حبيبي ما تقلقش الموضوع ده مش مكلف خالص دا بالف و نص بس فى الشهر
احمد بجد و الله !!
عليا انت فاكر الست اللى بتيجي تنضف بتاخد كام اصلا مش اقل من متين و خمسين تلتوميه و فى الاخر بتهنكر انت هنا هتجيب واحده كل أسبوع و انت بره البيت ترتبلك الدنيا دا غير الامانه يعني لو مشبك غسيل بس ضاع ملزمين يعوضوك عنه
احمد بس يعني مش لازم تيجي كل أسبوع ما تيجي مره فى الشهر
عليا لما تبقي ايدها فى الحاجه اول بأول احسن و اريح يا حبيبي
احمد بس كتير هو انا مرتبى كله فيه كام الف و نص و بعدين انا مرتبط بجمعيات لسه ما اتسددتش
عليا انت مش عامل حسابك انك تسدها من النقطه و قولتلك ماشي
احمد ايوه بس انا مش ضامن برده النقطه دى هتطلع كام فى الاخر و هتكفى و لا لا
عليا انت هتشيل الهم من دلوقت ليه ما تسيبها على الله و بعدين صدقنى هتدعيلى
احمد انا ما عنديش الامكانيات دى دلوقت
اميره و بعدين طيب
احمد احنا مش كل ما هنقفل بند هينطلى حاجه جديده هو فى ايه
عليا انت بتكلمها كدا ليه هو فى ايه بقولك ايه لو هيبقي دا اسلوبك فى الكلام معاها بعد كدا قولى من دلوقتي احنا لسه على البر
اميره اهدى بس يا ماما ... ارجوك يا احمد دا مش فاضل غير أسبوع
احمد يا اميره ما هو برده
اميره عشان خاطرى يا احمد عشان خاطرى
احمد و الله ما هينفع
اميره طب بص فكر فيها و انا متاكده انك هتقدر تدبرها دا فاضل أسبوع
احمد طب نأجلها شويه
عليا مش هتلاقى حد
احمد يبقي يحلها حلال
عليا قصدك تبقي البت ادبست و مفيش قدامها حل مش كدا
احمد ادبست فى ايه بس يا طنط ايه الكلام ده
اميره تمام يا احمد تمام نأجلها شويه مفيش مشكله و انا متاكده ان بعد الجواز النقطه لما هتسد ديونك انت هتهدى و هنقدر نلاقي بديل دا اسبوع و لا اتنين بس يا ماما لحد ما الناس تبارك و الموضوع يتحل
عليا انا ما ليش دعوه دى حياتك و انتى حره فيها تمشيها زى ما تمشيها بس ما تجيش تعيطيلى
اميره ما تقلقيش يا ماما احمد عمره ما هيعيطنى ابدا مش كدا يا احمد
احمد اكيد طبعا
عليا تمام يا ولاد انا اصلا
متابعة القراءة
