رواية مكتمله بقلم حبيبه مصطفي ج٥

رواية كسرة قلوب
بقلم حبيبه مصطفى
ياقوت
البارت الثالث عشر 
يزيد ورد الحقي....في واحد لابس بدله و معاه ورد و شوكولاته
ورد ايوه اعمل ايه
يزيد أمام العائله بيقول إن أسمه محمود و جاي يتقدملك
نظر الجميع پصدمه خصوصا زين 
ورد پصدمه جاي إيه
زين بغيظ ډخله يا يزيد
يزيد حاضر
دخل محمود و قال 
محمود ااا....السلام عليكم...ازيك يا عمي
محمد بإبتسامه الحمد لله يا إبني....انت عامل إيه
محمود الحمد لله...ااا....طبعا ورد قالتلكوا على سبب وجودي
محمد يحاول كتم ضحكاته لا يابني مش قالتلنا
محمود ازاي ... ده انا موقفها في الجامعه وقولتلها وهيا وافقت

زين بغيظ قولتلها ايه ان شاء الله...و اساسا توقفها في الجامعه ليه
محمود هو حضرتك بتتكلم معايا كده ليه
زين والله اتكلم براحتي....بتوقف ورد ليه بقي
محمود وانت مالك
زين بصوت عالي هو ايه انت مالك....دي مرااااتي
محمود پصدمه نعم!
ورد إهدي بس يا زين
زين صوتك مسمعهوش انتي فاهمه
أمير هو حضرتك يا أستاذ....قولت اسمك ايه 
محمود اسمي محمود
أمير ايوه....حضرتك متعرفش انها متجوزه
محمود بزعل لا والله....انا معجب بيها من زمان بس مكنتش عارف اقولها فكتبتلها رساله وحطيتها في شنطتها ولما سألتها إمبارح في الجامعه قرأتي الرساله قالتلي اه موافقه و تعالي بكره
ورد لا ثانيه انا كان قصدي اني قرأت الرساله اللي روفيده كتبتها في الجروب و قولتلك اني موافقه علي اساس اننا نعمل المشروع سوا عشان كده قولتلك بكره
محمود بحزن ااا...مش عارف اقول ايه...بس انا والله ما اعرف انك متجوزه خصوصا إنك مش لابسه خاتم
زين بضيق وإنت مركز معاها ليه
محمود بقولك معجب بيها اكيد هكون مركز معاها
زين ياعم متعجبش بيها و متبصلهاش اصلا
محمود انت مالك انا حر احب اللي احبه و ابص اللي ابصله
زين بصوت عالي لسه بيقول احب....بقولك مراتي انت غبي
محمد إهدوا يا جماعه
زين مش شايفه يا بابا بيقول إيه....معجب قال
محمود بحزن ااا....طب أستأذن أنا بقي و أسف علي اللي انا عملته
ورد بضيق بسبب اللي حصل تمام حصل خير خلاص
محمود طب هسألك سؤال معلش
ورد اتفضل
محمود لو مكنتيش متجوزه ده....كنتي هتوافقي بيا
زين ده مين....اسمي زين يا حبيبي
ورد اااا...بص...هو كنت هوافق
زين بمقاطعه نعم ياختي
محمود كملي
ورد عشان يعني انت محترم و كويس و اسفه جدا بسبب اللي حصل
محمود لا خلاص....سلام
جميلة افتح يا يزيد الباب
يزيد بضحك حاضر
و بالفعل غادر محمود بحزن ظاهر علي ملامحه 
زين كنتي هتوافقي
ورد اه كنت هوافق
زين هو ايه اللي اه....لا و بتقوليها قدامي كده عادي
ورد خلاص حصل خير
زين انتي عندك اي حاجه حصل خير....ايه الخير في كده...واحد جاي يتقدم لمراتي لا وقدامي
ورد قالك مكانش يعرف و عشان مش لابسه خاتم
زين و ماله... نجيب خاتم
أمير بضحك بنتنا جميله و ألف من يتمناها
زين بنتكوا اتجوزت خلاص فاللي يتمناها ده ينساها اصلا
ورد بس بجد اتضايقت عشانه
زين يلا يا ورد...يلا بينا عشان انا ماسك نفسي بالعافيه والله
ورد حاضر
جميلة ما تخليكوا يابني
زين وقف وقال تسلميلي يا أمي...المره الجايه بقي نقعد اكتر من كده
محمد سلم عليه نورت والله يا زين
زين بنورك والله.....اه صح بكرة إن شاء الله قراية فاتحه و خطوبه اسيا اختي و اسر ابن عمي فأكيد هتنورونا
جميلة إن شاء الله يا حبيبي
ورد سلام
نزلت ورد و معها زين و ركبوا العربية 
زين عارفه لو سمعت صوتك
ورد تحاول تكتم ضحكاتها احمم لا طبعا مش هتكلم
زين يبقي أحسن
و ذهبوا إلي الڤيلا 
أسيا إتأخرتوا كده ليه
ورد بضحك اسفه
أسيا خلاص مش مشكله...جاهزه تيجي معانا
ورد اه أنا لابسه أهو
زين أستنوا جاي معاكوا
رويه ده ليه يعني
زين عشان أروح مع ورد بالمره نجيب الخواتم بتاعتنا
رويه بتذكر أه صح ده أنتوا مش لابسين خواتم
رغد إيه اللي فكرك دلوقتي
ورد بإبتسامه أصل حصل............
رغد بضحك ياالهوووي علي الإحراج
ورد مش عارفه لو شوفته في الجامعه أعمل إيه
زين متعمليش حاجه ماشي... متتكلميش معاه ولا تقفي معاه حتي فاهمه
ورد حاضر
أسر أستني أما أجي معاكوا
و بالفعل خرجت رويه و اسيا و رغد و عنود و ورد ومعهم أسر و زين و عمر....ذهبت البنات إلي متجر الفساتين و ذهبوا الشباب إلي متجر البدل 
في الڤيلا 
رنا يا علي انت حليتها غلط
علي يابنتي لا أنتي مش فاهمه القانون ده
رنا لا بجد أنا تعبت والله حاسه أن مخي هيفرقع من كتر القوانين
علي براحه بس و هنعرف نحل
رنا بدموع خاېفه أوي
علي من إيه
رنا إن ده كله مش ييجي بنتيجه
علي عارفه ورد قالتلي جملة حلوه أوي.....أعمل اللي عليك و سيب الباقي علي ربنا و هو هيحطك في أحسن مكان فهو عالم بالغيب
رنا يارب يا علي يارب
في المتجر 
اسيا اه يا أسر حلو
أسر خلاص ماشي..... عايزين الخاتمين دول لو سمحت
الموظف حاضر
ورد لزين لا أنا عايزه حاجه أبسط من كده
زين طب بصي ده
ورد لا يا زين مبهرج أوي..... بص أنت ده كده
زين بس ده ساده يا ورد
ورد بإبتسامه ساده و شكله لطيف....أنا عايزه ده
زين خلاص ماشي و أنا هاخد الدبله السودا دي
بعد شراء أحتياجاتهم ذهبوا إلي الڤيلا 
في منزل محمد 
جميلة والله فرحانه عشان شوفت أختك
أمير أه والله يا ماما و أحلي حاجه إنها متأقلمه مع زين عادي و مفيش مشاكل بينهم
يزيد طب أقولكوا علي حاجه
أمير أرغي
يزيد زين بيحب ورد
أمير ومين اللي قالك
يزيد مشوفتش شكله كان غيران و مضايق إزاي لما اللي أسمه محمود ده أتقدم لورد
أمير تصدق أول مره تقول حاجه صح
يزيد عيب عليك
جميلة بدموع ربنا يسعدهم
أمير وضع يده علي كتفها مالك يا أمي
جميلة پبكاء شديد عايزة أطمن علي نيرة أختكوا....مهما كانت دي بنتي
أمير متقلقيش والله....أكيد ربنا واقف معاها
جميلة پبكاء يارب يا أمير
في الڤيلا 
سمر والله حلو اوي
روية متأكده يا ماما
سمر اه والله
سندس هيبقي حلو عليكي يا روية وانتي حلوة يعني أي حاجه هتليق عليكي
روية حضنت سندس والله يا سندس أنتي اللي حلوة
أسيا ماما طب إيه رأيك في ده
سندس جميل أوي يا أسيا
ثناء تؤ أنا قايمه
سندس بإستغراب مالك
ثناء ماليش وخرجت إلي الحديقه 
سندس مالها دي
سمر هيا يحصلها حاجه لو فرحت معانا لازم تنكد كده
أسيا هيا مش موافقه علي خطوبتي أنا و أسر
سندس لا طبعا يا حبيبتي و بعدين كانت كويسه أمبارح لما عرفت
أسيا بقلق كويسه إيه بس يا ماما دي معملتش رد فعل
روية و أنتي قلقانه لية طيب
أسيا مش عايزة تحصل مشاكل بينها هيا و أسر في المستقبل بسببي
ورد ياستي مش هيبقي في مشاكل إن شاء الله و بعدين أنا هكلمها
أسيا بجد
سندس لا يا ورد بلاش عشان متعملش مشكله
ورد متقلقيش يا ماما و مهما كان إحنا عيلة و هيا هتتفهم ده
سندس ماشي حاولي كده
خرجت ورد إلي الحديقه وجلست بجانب ثناء 
ورد مالك
نظرت لها ثناء وقالت ماليش
ورد واضح إنك مضايقه
ثناء تؤ ما قولت مفيش حاجه
ورد لأ في....عارفة مالك...زعلانه عشان أسر هيتجوز أسيا...كنتي عايزاه يتجوز واحده تانيه من برا العيلة و تكون غنية عشان يبقي معاه فلوس أكتر....زي ما كنتي عايزه رغد تتجوز زين عشان متاخدش واحد فقير صح
ثناء ااا....لا طبعا
ورد طنط ثناء أنا من وجودي معاكي الفترة دي أكتشفت إن حضرتك مادية وأسفه لو دا چرحك بس انا صريحه
ثناء مش مادية يا ورد....أنا أم...يعني عايزة ولادي يكونوا مبسوطين و معاهم فلوس مش يعيشوا جو الفقرا ده في يوم
ورد أنتي تفكيرك غلط....الفلوس مش هتحقق السعاده والله متهيألك....عشان الفلوس بتروح و بتيجي لكن حب الناس ده بيفضل موجود في القلب....رغد مش صغيرة و أسر مش طفل هما كبار بما فيه الكفايه عشان يعرفوا يحددوا هما عايزين إيه....واجبك كأم إنك تبعديهم عن الغلط مش تبعديهم عن الشخص اللي قلبهم أختارة....محدش يقدر يتحكم في قلبه و في مشاعرة و أسيا مش وحشه....ده أنتي عرفاها من اول ما أتولدت و عارفة إنها كويسه و هتخلي أسر مبسوط....غيري وجهة نظرك عن الفلوس و متخسريش عيلتك عشانها...العيلة كلها بتحبك لكن أنتي اللي بتبعديهم عنك بتصرفاتك...هما اللي هيفضلوا معاكي و هيقفوا جمبك وقت ما تكوني محتاجه حد فمتخليش الفلوس تلعب في عقلك
ثناء ااا....مم معاكي حق
ورد قومي باركي ل أسيا و فرحيها و أفرحي بفرحة أبنك
ثناء حضنتها شكرا يا ورد
ورد العفو إحنا عيلة
تركتها ورد و دخلت إلي الداخل 
زين كنتي فين
ورد كنت في الجنينه بتكلم مع طنط ثناء شويه
زين ليه هو في حاجة
ورد لا مفيش بس كنا بنحل شوية خلافات
دخلت ثناء وقالت تعالي يا أسيا أما أحضنك
أسيا بإستغراب أنا
ثناء أيوا أنتي....تعالي
حضنتها ثناء وقالت 
ثناء ألف مبروك يا حبيبتي و تبقي بداية حياة سعيدة ليكي أنتي و أسر
أسيا الله يبارك فيكي يا مرات عمي
ثناء لا مرات عمي أيه بقي....قوليلي ماما هو انتي مش شايفه ورد بتقول لسندس يا ماما إزاي وبتبقي حلوه منها
أسيا بإبتسامه حاضر يا ماما
أسر حصن ثناء ربنا يخليكي يا أمي
ثناء و يسعدك يا أبني
زين بصوت خاڤت لورد انتي عملتي إيه
ورد احممم ولا حاجه أتكلمنا شوية
زين ده أنتي لو سحرتيها مش هتبقي كده
ورد عارف يا زين والله هيا كويسه بس كانت محتاجه حد يقعد معاها يغير وجهة نظرها في حاجات
زين والله أنتي عملتي حاجه كبيرة أوي يا ورد....متعرفيش أسيا كانت زعلانه إزاي
ورد إحنا عيله و من الطبيعي إننا نحل الخلافات اللي بينا
زين ربنا يديمك ليا
ورد يارب عشان أفضل كده قاعده علي قلبك
زين وضع يده علي كتفها ياستي أقعدي و ربعي كمان
ورد بإبتسامه هتندم
زين لا مش هندم والله
ورد خلاص أنت اللي قولت
علي ورررد
زين بخضه يا أخي حرام عليك
ورد نعم يا علوش
علي معلش تعالي فهميني المسأله دي
زين انت بارد ليه هااه....مش لازم دلوقتي
علي لا دي مهمه
زين بس يا بابا هتحلها معاك بكرة
ورد لا طبعا.....هات الآله يا علوش و نحلها
زين صبرني يارب
جلست ورد مع علي و وقف زين مع أسر و كانوا يتحدثوا في الشغل 
بعد قليل صعد الجميع إلي غرفته 
في غرفة زين و ورد 
زين سيبي الورق عشان متزعليش
ورد والله أبدا
زين هقوملك
ورد لو جدع خوده كده
زين شوفي أنتي بتعصبيني إزاي
ورد والله
زين تصدقي إنك أكبر غشاشة في الدنيا
ورد لا على فكرة
زين أنا شوفتك بتجيبي الولد و بتحطيه عندك عشان تاخدي كل الورق اللي علي الأرض
ورد جه عندى صدفة
زين والله ! ..... ٣ ولاد في دور واحد بقوا صدفة إزاي
ورد عادى يا حبيبى مش شرط إن يكون حظي وحش زيك
زين لا أقنعتيني والله
ورد كدة أنا ٥ و أنت ٣.....يبقي أنا اللي كسبت
زين يلملم ورق الكوتشينه سيبتك تكسبى بمزاجى هااااه بمزاااجى
ورد ما هو واضح
زين سيبك بقي من لعب الكوتشينه و تعالي أقعدي جنبي عشان عايز أدردش