قصه بقلم زهرة الربيع

الاوضه قلع البدله بتاعته ورماها على السرير پغضب شديد وفضل رايح جاي في الاوضه ومتعصب جدا 
نبيله كانت على السرير وبتفرك في ايديها پخوف وبص لها وقال پغضب...هو انا لو اتأخرت ومجيتش انهارده واستنيت معادي بكرا..كنتي هتتجوزي كنت هاجي الاقيكي على زمة راجل ثاني ردي عليا يا نبيله كنتي هتعمليها 
نبيله بصتلو پغضب شديد وقالت ايوه..ايوه كنت هتجوز ..واكيد كنت هبقى مبسوطه قوي وكنت عمرك ما هتلاقينا علشان انا عايزاه هو مش انت ومش بطيقك ولو عندك ډم ولا كرامه ما تتعبش نفسك مع واحده مش طيقاك 

معتز اتعصب ورفع ايده هيضربها وهي حطت ايديها على وشها پخوف بس مقدرش يكمل ونزل ايده پغضب منها ومن نفسه وغمض عينيه بعصبيه وبعد هو بيتنفس بقوه وبيحاول يهدا 
نبيله كانت پتبكي بحزن معتز بصلها وقال ..ماشي يا نبيله انا هعتبر نفسي مسمعتش ولا حاجه من اللي قولتيه ده لان انتي حاليا شرعا وقانونا مراتي احنا خلاص اتجوزنا حتى لو انتي مش عايزاه 
نبيله بصتلو پغضب الشديد وقالت يجوز اكون مراتك قانونا انما الشرع ده ملكش دعوه بيه الي زيك يعرف الشرع منين اصلا ..قالت كده ومشيت ناحيه باب الاوضه 
معتز قال پغضب ..رايحه فين 
بصتلو بضيق وقالت.. رايحه انام في اوضتي انا مستحيل انام معاك هنا انت كنت عايز تضمن اني مش هكون مع غيرك واديك عملت الي في دماغك اكتر من كده ملكش حاجه عندي 
لسه هتطلع مشي عليها مسكها من ايدها پغضب وزقها عند الباب وحوطها باديه وقال مش هتخرجي من هنا يا نبيله وعدي ليلتك على خير 
معتز غمض عنيه پغضب وبص لها بطريقه مخيفه وقال نبيله انا بقالي يومين ما نمتش من تعب الشغل وحتى الليل اتحرم عليا نومه وابتسم بسخريه من غبائو وقال مكنتش بنام من الافكار الي بتاخدني وتوديني لما ودعتيني لاول مره اتخيلت انك نويتي تديني فرصه مخطرش في بالي انك عايزه تمشيني علشان تتجوزي انا مستنيتهاش منك ابدا يا نبيله.. على العموم اللي عايزه اقوله اني تعبان ومنمتش فياريت بقى تبطلي زن وتعالي نامي علشان نتخمد 
نبيله كانت واقفه مكانها بعند و قالت مش جايه 
معتز قال بضيق شديد طب خليكي عندك بقى خليكي واقفه نامي انتي واقفه كده ومتحاوليش تفتحي الباب علشان قفلته بالمفتاح 
وحط المفتاح على الكمود وقال.. والمفتاح اهو وابقي خلي ايدك تتجرا وتلمسه عشان اقطعها واعلقها في رقبتي سلسله 
نبيله اتنهدت بحزن شديد منه وقعدت على الكنبه بزهق لدقايق وقالت ..معتز انت نمت 
ابتسم من غير ما يبص لها وقال اه نمت 
قالت بسرعه.. بجد بقى والله ما هينفع قعدتي دي انا مش هعرف انام ولا ارتاح هنا وبعدين عايزه اقلع الطرحه والبس حاجه خفيفه للنوم انت فاهم صح 
معتز ضحك وبصلها وقال..و ايه المشكله اقلعي الطرحه واقعدي بالي تحت الهدوم والصبح اجيب لك باقى حاجتك من هناك 
نبيله بصتلو پغضب وقالت ايه البرود اللي انت فيه ده اعمل كده ازاي وانت شحط كده قاعد قدامي 
معتز ضحك وقال الشحط ده جوزك هو انتي محتاجه اكتبهالك على قفايا 
نبيله قالت بغيظ.. لا محتاجه اديلك على قفاك يمكن تفهم 
معتز اتنهد وقال وبعدين بقى في طولت اللسان دي انتي صحيح وقمر وطالعه من عيني بس مش هستحمل طولة لسانك دي كتير احترمي نفسك 
نبيله قالت بدموع ...طب ساعدني طيب عايزه حاجه البسها اطلع اجيب لي حاجه البسها وهاجي على طول 
معتز اتنهد وقام راح فتح الدولاب وطلع بيجامه من بتوعه وقال..خدي البسي دي