رواية للكاتبه نورا سعد-2

ياسين هو الذي مازال مستيقظا اقتربت منه على الفراش وهي تفتح له ذراعيها وبفرحة عارمة ارتمي بجسده نحوها وسكن في أحضانها ربتت على خلاصته وهي مازالت مبتسمه بعدما خرج من أحضانها سألها مستفسرا 
أنت لسه ممشيتيش
هزت رأسها بالنفي وهي تقول له مردفة
لا لسه قولت أجي اسلم عليك قبل ما أمشي.
ابتسم لها بهدوء ثم قال لها
كنت مبسوط النهاردة أني قضيت اليوم معاك وكلامي معاك حسيته أنه ريحني حاسس أني مش محپوس زي الأول!
كانت تنظر لملامحه العاذبة وهو يتحدث ببساطة ابتسمت هي دون أن تشعر ثم مسكت كف يده الصغير وقالت له
طول ما أنت حابس نفسك جوا مخاوفك هتفضل خاېف لازم تتحرر وتخرج برا مخاوفك دي الماضي خلاص حصل وانتهى المستقبل هو اللي لسه قدامنا!
وفي حركة مفاجأة منه ارتمي في أحضانها دون كلمة! وكأنه هكذا يشكرها على ذلك الشعور الذي تحرر منه شعور الخۏف وعدم الأمان! ربتت على ظهره بحنان ثم خرجته من أحضانها كانت عيناه تمتلئ بالدموع مدت يدها ومسحتها له وهي تقول له بملامح حزينة على حاله
أنا عارفه أنك قوي يا ياسين واللي خلاك تعدي اللي فات هتعرف تبني معايا اللي جاي.
أومأ لها بقوة وكأنه هكذا يطرد كل شعور سلبي يريد أن يؤثر عليه ابتسمت هي وربتت على وجنتيه بحنو وهي تقول له بنبرة عابثة
بس أنا بقى عايزة منك طلب وخاېفة لتكسفني.
هز رأسه بالنفي وهو يقول لها بملامح بريئة
مقدرش أكسفك! قولي عايزة إيه
انتهى من جملته وهو يقترب منها لكي تتحدث أما هي فجارته وأقتربت منه وبصوت منخفض كانت تقول له
تعرفسمير صاحبكم
أومأ لها سريعا وانتظرها تواصل فاسترسلت بالفعل وقالت
أنا عايزاك تقرب منه أنت و مالك ومتسبهوش لوحده.
نظر لوجهها بتعجب وهو يعقد جبينه بعدم فهم كانت ملامح وجهها جدية لذلك سألها
أشمعنا يعني
نكست رأسها للأسفل ثم أردفت بنبرة حزينة أتقنت تمثيلها
عشان هو زعلان أنه لوحده ومش بيلاقي حد يلعب معاه وحاسس أنه ملوش صحاب.
ابتسم لها عندما فهم وبحماس يقفز من مقلتيه قال لها
بس كده خلاص وعد أنا ومالكهنفضل معاه دايما عشان ميحسش أنه لوحده.
ثوان ثم أضاف
وممكن كمان تكلمي مس سهام تنقله عندنا هنا عشان هو لوحده في الأوضة التانية.
ابتسمت على تفكير ذلك الطفل غمزت له وبمشاكسة كانت تقول له
وأنا هخلي مس سلمى هتروح تتكلم مع مس سهام في الموضوع ده.
انتهت من كلماتها وهي تغمز له بمشاكسة وانتهى اللقاء بابتسامة تزين وجههما. 

أما سلمى فكانت تجلس أمام السيدة سهام بملامح يظهر عليها التوتر جليا لاحظت السيدة أنها تريد أن تقول شيء لذلك خلعت نظراتها الطبيعة وبعدما نظفت حنجرتها قال لها
وصلتي لمعلومات جديدة يا أستاذة سلمى
وكأنها هكذا شجعتها لكي تقول لها ما يقبع بداخلها نظرت لها سلمى وبوضوح وعلامات الجدية التي يتغللها نظرات الحزن كانت تقول لها
أنا يا أستاذة عرفت معلومات مهمة جدا تخص الطفل سمير كان لازم حضرتك تعرفيها.
قلقت الأخرى وباهتمام كانت تسألها
سمير ماله
لا تعلم كيف تقول لها ولكن في نهاية الأمر لابد أن تعلم لذلك نكثت رأسها للأسفل وقالت لها بصوت مبحوح
أنا عرفت أن الولد بستنشق نوع من أنواع المخډرات المنتشر حاليا.
صدمت السيدة شهقة مفزعة صدرت منها وهي تنهض وعينيها مفتوحاتان على وسعهما غير مستوعبة ما وقع على مسمعها وضعت يدها على فمها سريعا غير قادرة على التحدث وقفت سلمى سريعا ومسكتها برفق من معصمها وحثتها على الجلوس من جديد وهي تهدئها قائلة
أهدي أنا... أنا أتكلمت معاه والمشكلة شبه أتحلت والله.
جلست الأخرى والصدمة مازالت مسيطرة عليها كوبت رأسها بين يديها ثم همست بصوت يكاد يسمع قائلة
بيشم بيشم إيه وأزاي
طرحت سؤالها وهي ترفع عينيها لها وهما مغرورقتان بالدموع نظرت لها الأخر بقلة حيلة ثم أردفت
الغراء...أو..أو الكلة بمعنى أصح.
جلست على كرسيها وهي تشعر أن الأرض تدور من حولها نظرت لها بتيه ثم سألت
أزاي وصل ليها ازاي
وفي محاولة من سلمى للتخفيف عليها قالت لها
قولي الحمد لله أننا عرفنا دلوقت بس.. بس أحنا محتاجين نتحرك.
أخيرا هدأت السيدة أخذت نفسا عميق ثم قالت وهي تهم بمسح دموعها
قوليلي إيه المطلوب يا دكتورة ومين اللي بيدخله الحاجات دي هنا أصلا
تحمست الأخرى أعتدلت في جلستها ثم مسكت ورقة وقلم من على ذلك المكتب وبدأت في رسم مخطوطات وهي تشرح لها الخطوات القادمة قائلة
دلوقت أول خطوة وهي أني هاخد سمير وهعمله تحاليل عشان أعرف هو حالته إيه وعشان اسأل حد متخصص طريقة سحب المخدر من جسمه هتكون أزاي.
أومأت لها السيدة بالإيجاب في حين أن هي أنتقلت للنقطة الأخرى وقالت
تاني خطوة وهي الشخص اللي بيجبله المخدر ده الولد ده لازم أشوفه يا مدام سهام
وجهت لها أخر جملة وهي تنظر لها مباشرة أومأت لها الأخرى لكنها سألتها
بس ليه عايزة تقابليه ما نمنعه من الدخول هنا تاني وخلاص.
هزت سلمى رأسها بالرفض وهي تعقب على حديثها قائلة
مينفعش عشان كده أحنا مش بنحل مشكلة أنا لازم أعرف الولد ده بيشتغل تبع مين وليه بيجيب لسمير بالذات وأزاي أصلا أتعرفه على بعض!
نظرت لها السيدة بأعجاب ولم تعقب عليها ولكن سلمى عادت مرة أخرى للورقة وواصلت وهي تكتب على تلك الورقة
الخطوة التالتة وهو دورنا كلنا أنا دوري أعرف إيه اللي مخبيه سمير ودور الدار هنا هو الأحتواء.
أومأت لها السيدة وعلى ثغرها ابتسامة صغيرة نهضت من مكانها وتقدمت منها مدت لها يدها لكي تصافحها بحرارة وتقول لها بمتنان
أنا مش عارفه أقولك إيه لولاكي مكنتش عرفت اللي بيحصل بجد أنا مبسوطة أنكم مخيبتوش ظني! وبشكر ربنا أني مسمعتش كلام الناس اللي حواليا اللي قالو في حقكم أنتوا وزمايلكم الأخصائيين كلام حقيقي مش في محاله إطلاقا حقيقي أنا بشكركم من كل قلبي.
ابتسمت لها سلمى بهدوء وهي تبادلها المصافحة وتقول لها
ده شغلي يا مدام سهام ودورنا أننا نعدي بالولاد دي لبر الأمان زيكم بالظبط!
انتهت تلك المقابلة بأتفاق سلمى مع السيدة سهام على موعد لأخذ الطفل لمشفى لكي ينتهوا من أجراءات التحاليل اللازمة وطلبت منها أنها تذهب مع سمير بمفردها للمشفى لكي لا ېخاف ولا يفقد الثقة فيها ووصتها أيضا أن تتعامل معه بطريقة طبيعية ولم تخبره أو تعاتبه على أي فعل الآن.


كانت سلمى خرجت من الدار ودلفت لسيارتها رأت اسم حسن ينير شاشة هاتفها ألتقطت هاتفها سريعا وأجابت عليه بعد السلامات والتحيات سمعته يسألها لماذا تأخرت اليوم شعرت في تلك اللحظة أنها تريد أن تشاركه ما حدث معها في هذا اليوم الدسم بالنسبة لها وبالفعل ابتسمت ثم قالت له بحماس
اتأخرت عشان حصل حاجات كتير أوي النهاردة تعرف أني أكتشفت أن في طفل بيشم كلة يا حسن
يا حول ولا قوة إلا بالله أزاي بس الكلام ده تعرفي أن ده مسير أغلب الولاد اللي حياتهم كده أنا كنت بنزل أنا وصحابي