رواية كامله بقلم دنيا محمد الفصل الاول والثاني

بالعافيه ووقفت كنت حاسه ان روحي بتتسحب مني مشيت لحد الباب فتحته وخرجت لقيت مكان خيال شبه ال بنشوفه ف افلام ديزني
بيت خشب عالي بس مش علي شجره لا كله خشب ونازل بسلم انا قولت ف بالي حلم تاني ده ولا ايه لقيت احمد جاي من بعيد دققت بعنيا لقيته فعلا هو وقفت مستنياه وانا ف
قمة خنقتي منه خلاص حبي ليه بيقل وجبت اخري وصل لحد عندي ومش باين علي ملامحه اي حاجه دخل البيت من جوه وكأني مش واقفه اصلا دخلت وراه لقيته بيحضر اكل
ومشغول فيه قولتله انا جيت هنا ازاي ماردش بكلمك يا احمد رد عليا انا ايه ال جابني هنا يابني ادم بكلمك 
حسيت بۏجع مسكت جنبي وقولت اه بصوت واطي لف
بسرعه وقالي اقعدي چرحك لسه طري مسك ايدي عشان يقعدني شديت ايدي منه وقولتله خليك بعيد عني رجع بكل رخامه لف ضهره وكمل ال بيعمله كنت عاوزه اضربه او اقتله
مش عارفه المهم اضايقه قعدت ارتاح علي السرير رجعت اقوله عاوزه أمشي من هنا ...... لا هتفضلي هنا علي الاقل لحد چرحك مايخف ....ولو قولتلك اني مش حابه وجودي
معاك ف مكان واحد .... اتفضلي كولي وبعدين نتكلم ...مش 
جعانه .. انتي حره .. اتغيرت اوي يا احمد كرهتني ف اليوم ال حبيتك فيه
____قولتلك انا مش احمد مش عاوزه تصدقي ليه 
دنيا يعني ايه مش احمد اصدق ازاي الجنان ال بتقوله ده ازاي
____انا اخو احمد التوأم 
دنيا بس احمد ماقلش انه عنده اخ توأم وكنت فين كل السنين دي كلها
انا اكرامي يادنيا 
__ ازاي ...اكرامي ازاي وقيمته رجعت وليه بتتهرب مني 
اكرامي رجعت لما عرفت پوفاة احمد 
دنيا والسؤال التاني 
اكرامي مالكيش دعوه 
دنيا يعني ايه ماليش دعوه انا حسه ان كل ده لعبه قذره زي لعبة موتك كده
اكرامي براحتك 
دنيا ايه الاستفزاز ده وبعدين تعالي هنا مين غيرلي هدومي 
اكرامي انا 
دنيا نععععععععم ده انت بجح كمان ...جيت ازوقه بإيدي 
مسك ايدي ووقف ورايا كتفني وقال بهمس ف ودني
_ انتي لو ملكة جمال العالم مش هبصلك فا اهدي عشان چرحك يخف بسرعه وترجعي بيت اهلك
سابني وبعد عني وراح ناحية الباب وهو بيقولي عندك فاكهه كولي منها ..قفل الباب وخرج حقييير فاكر نفسه مين يعني عشان يقولي كده دنا حتي احلي منه عااااااا مستفز قعدت
تاني مستغربه بس بقول ده مش احمد فعلا لايمكن يكون كده يعني حبيبي بجد ماټ طب ازاي اكرامي شبهه اوي كده يعني عارفه ان فيه كتير توائم ف العالم بس بيقي حد فيهم
فيه اي حاجه مختلفه لكن ده شبهه ف كل حاجه حتي ريحته ..ايه ال انا باقوله ده أتأكد ازاي بس يارب ...ايوه فيه وحمه ف ضهر احمد شوفتها وانا معاه ف المصيف مبنساش
شكلها ابدا بس ازاي هقول لده يقلع دنا اموت فيها وممكن يفهمني غلط هووووف انا هتصرف بس لما يرجع مشيت ف الاوضه البيت كله كان عباره عن غرفه كبيره وحمام وبس
وانا بمشي فيها لقيت الهدوم بتاعته ف وشي اخدتها ورميتها من الشباك يعني كده بقت ورا البيت استحاله يشوفها غير لو لف الناحية التانيه باقي بس يقلع التيشرت استنيته لما يجي
فضلت رايحه وجايه زي المجنونه عوزاه يجي وانفذ خطتي عشان ارتاح .. واخيرا سمعت صوته طالع وف ايده كوبايه فيها حاجه عملت ان چرحي واجعني وجاتلي فكره ......لما
لقيته بيديني الكوبايه وبيقولي اشربي ده هيفيدك تكوني احسن اخدتها وفضلت باصه عليه هيروح فين لقيته قعد علي كرسي بعيد عني ومديني ضهره وقفت واتسحبت لحد عنده
لما وصلت ليه لقيته بيقولي متحاوليش وقفت پخوف هو عرف ازاي ايه البني ادم الموريب ده قولتله ماحولش ايه انا جايه اقعد معاك ...قعدت ع الكرسي المقابل ليه __
دنيا احمد سوري قصدي اكرامي هو انت عرفت ازاي اني نطيت من فوق التله 
اكرامي مش شغلك 
دنيا اسلوبك مستفز اوي بجد وبعدين يبقي شغلي لما يكون يخصني علي الاقل قولي انقذتني ليه
اكرامي اسف كان المفروض اسيبك ټموتي 
دنيا يا الله ياولي الصابرين انا ماشوفتش برود كده ف حياتي 
اكرامي ولا هتشوفي
دنيا حقيقي مستفز ...... ماكنش ينفع اسيبه غير لما اكمل ال ف دماغي مسكت الكوبايه ف ايدي ومشيت جنبه وعملت اني اتعترت ووقعت الكوبايه فوقه قعدت اقوله اسفه اسفه ماكنتش اقصد هو سخن اوي طب اقلع التيش___
اكرامي ___ ابعدي ايدك عني 
دنيا هو انا هكلك الحق عليا كنت هغسلهولك 
اكرامي 
اما بني ادم بارد بصحيح ... وقف وراح ناحيه المكان ال كان فيه هدومه وقعد يدور ودخل الحمام يدور فيه كمان وخرج قالي كان فيه هدوم هنا راحت فين عملت نفسي مش فاهمه
بيتكلم عن اي هدوم وقولتله هدوم اي دي قالي بتاعتي قولتله انا مش بلبسها عشان اعرف مكانها فين وبعدين ما انت ممكن تقلع ال عليك تغسله وتسيبه ينشف وبعدين تلبسه
مش