رواية عاصم والقدر بقلم شهد احمد -2

يقابله فيه بكره وأنه هيروح الشركه الصبح وقال ل عايشه أنها تصحيه زي كل يوم وأنه هو كويس ومفيش داعي للقلق عليه وقال إنه كل واحد يروح اوضته يرتاح لأنهم اكيد تعبوا انهارده واليوم كان طويل علي الكل وقال ل ريان أنه يبيت معاهم في البيت بدل ما يروح وياجي تاني الصبح وأنها كام ساعه والصبح يطلع وبعد إصرار من عاصم ريان وافق أنه يبيت معاهم وسليم راح ينام في اوضه بابلي علشان مينفعش تنام لوحدها وفي واحد غريب في البيت بس مرضيش يقول وعلشان محدش يحس بحاجه وكده قال ل ريان أنه يروح ينام في اوضته وريان وافق. وكلهم طالعوا يناموا وعاصم كان بيحاول ينام ومش عارف وكان بيفكر في فريده وكانت دموعه نازله علي خده ومن كتر العياط والتعب نام .......
وفي الصبح والكل بيحاول أنه يطلعه من اللي حصل معاه وفيه بهجه في البيت وكانوا قاعدين وبيفطروا وفجاه دخلت فريده وقالت عاصم 
الكل استغرب من وجود فريده وأنها جايه ليه مش خلاص اتخطبت وأنهم ما صدقوا عاصم هدي شويه 
عاصم. فريده اي اللي جابك مش اتخطبتي ولا جايه علشان نسيت امبارح اقولك مبروك قبل ما امشي وجايه دلوقتي علشان اقولك علي العموم ي ست فريده الف مبروك وي رب تكوني مبسوطه يلا ي ريان عندنا شغل وكان طالع من البيت بس فريده مسكت أيده وقالت عاصم استني. عاصم. استني اي ي فريده خلاص بقا مفيش كلام بينا انتي بقيتي مخطوبه 
فريده. بس انا مش اتخطبت ي عاصم مقدرتش اخليه يلبسني دبلته مقدرتش قلبي مقدرش وكأنه ما صدق انك جيت ليه ي عاصم انا بحبك ي عاصم لو كنت جيت من قبل سنتين وعرفتني علي كل حاجه وخلتني اختار كنت اخترت اكون معاك صحيح ريان في اليوم اللي نهيت كل حاجه فيه بينا جاه وقالي بس انا مقدرتش ارجع علشان كرامتي ي عاصم كنت مستنيه بفارغ الصبر اليوم اللي تاجي عندي فيه وتحكيلي بس استنيت كتير واهلي طول الوقت عملين يضغطوا عليه علشان أوافق اني اتجوز ولما مجتش ي عاصم قولت خلاص هوقف حياتي ليه طالما انت نسيت اللي كان بينا ونهيت كل حاجه فعلا وانك خلاص مش هتاجي 
عاصم. منستش ولا لحظه ي فريده انتي حياتي بس كنت تائهه ومش عارف اعمل اي انا بحبك ي فري 
فريده. وانا بحبك ي عصوم وعاصم. اخدها في حضنه وشالها ولف بيها والكل كان مبسوط بيهم 
وعايشه. اتمنت أن عاصم يفضل مبسوط علي طول 
فريده. بفرحه نزلني ي عاصم 
عاصم. حاضر ي قلب عاصم 
فريده. انا عايزه منك وعد ي عاصم
عاصم. وعد اي ي فريده 
فريده. انك متسبنيش تاني علشان لو عملت كده تاني صدقني ي عاصم مش هخليك تشوفني في حياتك تاني 
عاصم . لا مش هسيبك خلاص انتي ليا انا وبس 
فريده. وعد. عاصم. وعد تعالي اعرفك علي عائلتي 
بصي ده سليم اخويا ودي بابلي 
والتؤام دول اريان وغيث ودي بقا خالتي عايشه 
فريده. مامت اخواتك. عاصم. لا 
فريده. خاله اخواتك. عاصم. لا هيا شغاله هنا بس احنا بنقول لها خالتي وهيا زي امنا بالضبط وساعدتنا كتير وخصوصا انا عقبال ما اتقبلت اخواتي واتقبلوني وكده واحنا بنحبها وهتحبيها زينا 
فريده. اه اهلا ي خاله. عايشه. اهلا بيكي ي بنتي 
وفريده سلمت علي اخوات عاصم وقعدوا مع بعض واتعرفوا وكانوا مبسوطين 
ريان . اي ي صحبي مش هنروح الشركه ولا اي
عاصم. ما تروح انت بدالي انهارده ي ريان 
ريان . والميعاد اللي انت عطيته ل حسام 
عاصم. انت بلغته الميعاد. ريان. ايوه 
عاصم. طيب هو الساعه كام وانا ابقا اجي عليه 
ريان. علي 3 كده. عاصم. طيب حلو ده انا هاخد فريده ونطلع شويه وهبقا اجي علي الميعاد 
ريان. ماشي اللي تشوفه 
عاصم. اتفقنا يلا ي فريده واخدها وطلعوا راحوا يرجعوا ايام زمان وحبهم ل بعض 
عاصم. اخدها وراحوا مكان كده هادي كانوا بيروحوا عليه ايام ما كانوا مع بعض وبيحبوا بعض 
عاصم. فاكره المكان ده ي فريده ولا نستيه
فريده. اي حاجه كانت بينا ي عاصم عمري ما نستها دي كانت ذكرياتي اللي بفتكرها كل لحظه علشان تفكرني بيك واقدر أنه اكمل حياتي لانه مكنتش عارفه اكمل حياتي من غيرك. 
عاصم. انا اسف ي فريده وحقك عليا ي حبيبتي ومش هسيبك ولا لحظه وحده 
فريده. خلاص ي عاصم انسا اللي حصل وخلينا نبدء حياتنا من اول وجديد 
عاصم. وهو ده اللي هيحصل ي قلب عاصم تعالي معايا واخدها وراحوا مطعم وقعدوا يأكلوا وطلب الاكل اللي بتحبه فريده وكان بيأكلها وهيا بتأكله واشتغلت اغنيه رومانسيه وكل اثنين مرتبطين قاموا يرقصوا وعاصم شد فريده وراحوا رقصوا وهما بيرقصوا سرحوا في عيون بعض ونسوا أنه حواليهم ناس تانيه وعاصم اخدها في حضنه ولف بيها وكل اللي كان في المكان اللي صفر واللي سقف ليهم وفريده اتكسفت واستخبت في حضڼ عاصم وعاصم نزلها وقعد علي ركبته وطلع خاتم حلو وقال تتجوزيني ي فريده فريده. پصدمه مع فرحه بجد ي عاصم. عاصم. اه بجد هاا موافقه ولا اي
فريده. موافقه طبعا وعاصم لبسها الخاتم والكل بقا يسقف ويصفر ومبسوطين ليهم وعاصم اخدها ولف بيها وقالها انتي قلب عاصم بحبك. فريده. وانا بحبك 
وقضوا شويه وقت حلوين مع بعض وعاصم اتفق مع فريده أنه هو هيروح يطلبها من أهلها وفريده كانت مبسوطه أن خلاص عاصم هيكون ليها وأنه هيطلب اديها وهما قاعدين ومبسوطين ريان رن 
عاصم. الو. ريان. فينك ي عم العاشق حسام قرب يوصل عاصم. وهو باصص ل فريده وتايهه في ملامحها وقال حسام مين 
ريان. ااه بدءنا ي عم ركز معايا وتعال علي الشركه فوق ي عاااصم 
عاصم. اه خلاص شويه وجاي اهو 
فريده. كانت بتضحك على شكله وهو بيتكلم مع ريان 
عاصم. عجبك كده هههه. فريده. انا معملتش حاجه خالث مالث ههه. عاصم. ي حبيبتي ماشي يلا تعالي اوصلك علشان رايح الشركه 
فريده. بس ي عاصم ملحقناش نقعد مع بعض
عاصم. هجيبك تاني ي قلب عاصم وبعدين هنتجوز وهتكوني معايا علي طول
فريده. مش هتسبني لحظه. عاصم. ولا لحظه 
فريده. طيب يلا نمشي. عاصم. اخد فريده وصلها علي بيتها واطمن عليها وراح الشركه 
ريان. اهلا شرفت. عاصم. ايوه حسام ده وصل ولا لسه 
ريان. ايوه ومستني جوه عاصم. تمام ودخل 
حسام. اهلا ي عاصم. عاصم. اهلا حسام كنت عايزني في موضوع خير 
حسام. الموضوع هو أنه انا ابقا صاحب ابوك واحنا كان بينا صفقات وشغل وكده وكانت علاقتي حلوه ب ابوك قبل ما ېموت الله يرحمه 
عاصم. حسام ادخل في الموضوع علي طول ممكن 
حسام. ما انا جيلك في الكلام اهو ي ابني 
ابوك كان متفق معايا أنه لما تكبر وكده هيخليك تتجوز بنتي وقالي أنه بنتك مليكه هتكون مرات ابني عاصم واحنا اتفقنا أنه لما تكبروا هنجوزكم ل بعض 
عاصم. پصدمه انت بتقول اي وجواز اي واتفاق اي 
حسام. جوازك من بنتي ي عاصم 
عاصم. وانت جاي هنا علشان تقولي جواز ومش عارف اي انا مالي بكل ده مليش دعوه