رواية مكتمله بقلم حبيبه مصطفي ج٦

كنت صح
سعدية لأ مش عايزة أعرف و بلاش تبرر أعمالك الغلط ماشي يا زييين بييه
زين علي فكرة أنتي أول مره تكلميني كده و أوعي تنسي أني بعتبرك في مقام والدتي لأن أنتي اللي مربياني فطريقة كلامك دي هتزعلني منك علي فكرة
سعدية ما اللي مزعلني أن دي أخرة تربيتي فيك لأن انا مش ربيتك علي الخيانه أبدا يا زين
زين بحزن بلاش تحكمي عليا زي الباقي يا سعدية و قولتلك الوقت جاي و كل حاجه هتتكشف
سعدية أما نشوف
زين أنا ماشي
ذهب زين كي يشتري خواتم الخطوبة 
كانت تضحك بصوت عالي 
ورد بضحك اااه بطني وجعتني حرام عليك
يزيد بضحك منه لله بقي علي اللي عمله فيا
ورد بس أنت تستاهل والله
يزيد يلا أعملي زي أمير بقي
أمير وهو يمضغ الطعام أهو شوفت أنا و ورد نفس التفكير أزاي
يزيد أصلا كنت هستغرب لو قالت حاجة تانيه
ورد حقيقي مش عارفه أقولكوا أيه بس بجد شكرا جدا لأني كنت محتاجه الخروجة دي
أمير هقولك مليون مرة أنتي أختنا و سعادتك هيا سعادتنا بالظبط
يزيد أيوه يا ورد فرحتك هيا فرحتنا بالظبط
نظر له أمير وأنت كده غيرت أيه يا فالح
يزيد تؤ هقعد بقي أديك محاضرة أيه الفرق بين سعادة و فرحة فخليني ساكت أحسن
ورد يابني مفيش فرق بينهم
أمير ده معتقد أن في فرق اللي خلاه بيقولي أنا مش غبي أنا بفهم ببطء بس 
ورد بأبتسامه والله
يزيد بصي أنا هفهمك............
نزل الجميع و جلسوا علي السفره 
سندس أومال فين ورد يا سعدية
سعدية و هي تضع الفطار قالتلي هزور بيت أهلي
سمر يبقي أكيد هتعزمهم علي الخطوبه عشان متزعلش نيرة
سندس حرام عليك يا زين والله
الأب سليم أومال زين فين
سعدية مشي بس مقالش رايح فين
قاطع حديثهم نزول نيرة 
نيرة بأبتسامه صباح الخير
لم يرد أحد عليها 
نيرة طبعا هتقولولي أقعدي أفطري يا عروسه بس لازم أروح أشتري فستان الخطوبه
رويه يا بجاحتك بجد
نيرة أشتروا أنتوا كمان بما أنكوا هتحضروا
أسيا بصي يا نيرة أحنا هنحضر بس مش عشانك ولا عشان زين أحنا هنحضر عشان ورد بس و أه صح لو فاكرة اننا هنتقبل فكرة انك هتكوني من عيلتنا يبقي بتحلمي عشان ميشرفناش أنك تقعدي معانا حتي
نيرة عارفة مش هرد عليكي ولا هعكنن يومي بسببك
تركتها نيرة و خرجت إلي الخارج و أخذت تاكسي و ذهبت كي تشتري فستان الخطوبه 
رغد أنتوا هتلبسوا أيه يا بنات
أسيا أي حاجة من الدولاب لأن أكيد مش هنظبط نفسنا عشانهم
رغد أه والله معاكي حق
في محل الذهب 
زين علي الهاتف في محل الدهب يا أسر
أسر بتريقه مكنتش أعرف أنك مستعجل كده
زين أسر حقيقي أنا تعبت من كلامكوا
أسر تعبت من كلامنا ! بسم الله ما شاء الله من أمتي وأنت بالبجاحة دي 
زين علي فكرة أنت ظالمني
أسر لأ مش ظالمك يا حبيبي أنت اللي طلعت غبي و بيتضحك عليك يا أهطل
زين بص ينفع نتكلم لأن أنت الوحيد اللي مش هخبي عليه
أسر أيوووه بقي أتكلم بقي
زين الخطوبه دي تمثيل
أسر أه أستوعب لما قاله نعممم تمثيل أزاي
زين يعني أنت دلوقتي فرحان ولا زعلان ولا حالتك أيه
أسر زيين تعالي الكافيه اللي بنقعد فيه عشان كلامنا مش هينفع ع الفون
زين ماشي
أغلق الهاتف و قال 
زين أيوه هات الخاتم ده
الصايغ حاضر
ذهبت هي و أخواتها إلي المول 
يزيد والله حلووو
ورد بشك بجد
أمير حلو أيه يا حيوان ده ضيق شوية
يزيد أنا بالنسبالي حلووو
أمير ما عشان أحول
ورد أيوه أنا فعلا حساه ضيق
يزيد هو أنتي بتحسي أصلا أنتي التانية
ورد ولاااا أنا أختك الكبيرة
يزيد بس أنا أطول منك يا أوزعة
ورد شايف يا أمير بيتريق عليا أزاي
أمير بصراحة في دي معاه حق
ورد بزعل مصطنع والله طب شكرا
يزيد خلاص متزعليش أمير هيعزمنا علي أيس كريم من اللي أنتي بتحبيه
أمير أنت بتعزم من جيبي يا بجح
يزيد بكره أشتغل يا حبيبي و أدفعلكوا كل الفلوس اللي خدتها منكوا
أمير أيوه أيوه أنت هتقولي
ورد بصوا أنا عاجبني ده أكتر بصراحة فلو كده نشتري ده
يزيد أنا قولتلك من الأول ده جميل
ورد ذووق أخويا الحلوووو
يزيد يعدل ياقة قميصه بثقه طبعا
أبتسم أمير و قال كده خلصنا اللي عايزينه يلا نحاسب و أعزمكوا علي أيس كريم جنب المحل هنا
ورد بأبتسامة مرحي مرحي
أمير تافهة تافهة
أوقفت التاكسي و حاسبت ثم نزلت و دخلت إلي المول و لكن رن هاتفها فأبطأت خطواتها 
نيرة كنت مستنيه الأتصال ده عشان أديك الخبر
لؤي وافق صح
نيرة بسعادة أيوه و أنا حاليا روحت المول أشتري فستان الخطوبه
لؤي طب حلووو علي كده بقي هستني أتصال ورد عشان تقولي أنها تشتغل معايا تاني
نيرة مالك واثق كده ليه
لؤي لأنها هترجع الشغل عند في زين وبعدين بقي هخليها تحبني بطريقتي
نيرة طلعت مش سهل ع فكرة
لؤي أه زيك بالظبط
نيرة سلام عشان لسه هجهز الديكور بتاع الڤيلا
لؤي سلام
أغلقت الهاتف و نظرت أمامها وجدت أخواتها يقفون عند محل الأيس كريم داخل المول و يمزحون معا فذهبت إليهم 
نيرة هه ليكي نفس تهزري
نظرت لها ورد نعم!
نيرة عادت كلامها ليكي نفس تهزري بعد اللي حصل ده
ورد بأبتسامه أه طبعا ليا نفس و بعدين لو فكراني هزعل و يجيلي أكتئاب عشان خونتيني أنتي و زين تبقي غلطانه لأن اللي أهون عليه و زعلي يهون عليه يبقي هو كمان يهون عليا و بعدين مش هوقف حياتي عشانكوا يعني لتكونوا فاكرين نفسكوا مهمين
نيرة يعني أنتي مش زعلانه أني خدت زين منك
ورد تؤ تؤ خالص ده لو كنتي قولتيلي أنك عيزاه كنت أدتهولك و معاه حبة كرامة هدية عشان تعرفي تكملي حياتك بيهم علي الأقل مكنتش هتعبك عقبال ما تاخديه
نيرة مش هرد عليكي عشان النهاردة خطوبتي ومش هعكنن ع نفسي
ورد عارفة حقيقي أول مرة أشوف أنسانه كرامتها متهانه و مصممه تهينها أكتر أحب العزيمة اللي عندك في أنك عايزة تقلي من نفسك أكتر من كده
أمير فكك منها دي واحدة مريضة
نيرة بدموع مريضة
أمير أه مريضة اللي تعوز تخرب بيت أختها و تاخد جوزها دي تبقي أنسانة عاقلة يعني
يزيد تؤ أمير بالله عليك سيبها احنا مش ناقصين قرفها النهارده ده غير اننا هنحضر خطوبتها فخلينا مخزنين طاقة نكمل بقيت اليوم ده عشان انا مش طايق أبصلها حتي
نيرة بدموع والله أنا أختكوا حتي
يزيد بسسس أختنا مين أنتي هبلة ولا أيه ده أنا لو شوفتك صدفة أستعر منك
نيرة بدموع شكرا يا يزيد
يزيد متعمليش مظلومة بقي و الشغل ده دوريها في دماغك كده هتلاقي طريقتنا في الكلام معاكي دي من أفعالك هاااه
أمير يلا يا جماعة لسه فاضل يوم طويل
يزيد مسك يد ورد يلا يا وردتي ربنا يديمك في حياتي يا ست البنات
امير مسك يدها الأخري هو فيه في جمال ورد ولا نقائها
نظروا لنيرة ثم ذهبوا فوقفت تبكي لأنها المره الأولي التي يتحدثون فيها هكذا 
ورد بزعل أحنا زودناها صح
أمير صح بس اوعي تنسي انه من أفعالها يا ورد
ورد فعلا ربنا يهديها 
يزيد يارب
ورد في مكان عايزة أروحه
أمير فين
ورد هقولك ع الطريق
كان يجلس مع أبن عمه في الكافيه 
أسر بص يا زين كان المفروض تتكلم مع ورد
زين يا أسر أنا مش هتجوز نيرة و عارف أن ورد مش هتطلب الطلاق لما تلاقيني مش مستعجل فلسه عندي وقت أشوف هعمل أيه في موضوع لؤي ده
أسر معاك حق فعلا بس حاول تلاقي حل بسرعة
زين ما المشكلة أنا مش عارف أعمل أيه
أسر هنفكر في حل سوا أنا ظلمتك زيهم أنا أسف
زين لا ياعم متعتذرش و بعدين من الطبيعي أنك تشك فيا بما أني كنت فاتح معاك الموضوع من قريب
أسر ما هو ده بقي اللي أكدلي من رجوعك لنيرة
زين أنا والله بحب ورد و مش هفكر في نيرة بس الفترة دي مضطر
أسر ربنا معاك و إن شاء الله الموضوع هيتحل متقلقش
زين يارب
ذهبت إلي الڤيلا بعد شراء الفستان ثم وقفت مع الفتاة التي تنظم الديكور و قالت لها علي ما تريده 
نيرة لأ بصي أنا عايزة الكراسي دي تتعدل يعني متبقاش في الناحية دي أعكسيها
الفتاة ماشي
نيرة وحطي البلالين هنا كده
الفتاة هناك كده هيبقي أحلي
نيرة خلاص ماشي هطلع أجهز أنا
جهز الجميع و كانوا موجودين بالفعل في الحفله ما عدا ورد و أمير و يزيد 
زين قال لأسر بهمس هيا ورد فين
أسر مش عارف بس هيا مش موجوده من الصبح
زين بحزن وحشتني أوي
أسر ممكن تيجي مع عيلتها
دخلت أسرة محمد و رحب الجميع بهم فكانت حفلة عائلية ولكن لم يكن أحد سعيد بها 
سندس أه والله
جميلة متزعليش مني أنا أصلا مش طايقة نيرة بنتي او زين حتي
سندس كلنا والله كده
محمد أهلا بالأستاذ اللي بيلعب بمشاعر بنتي
زين أزيك يا عمي
نيرة ازيك يا بابا
نظر لها بقرف ثم قال لزين أنت عارف لولا أن ورد حلفتني أن أحضر الحفلة و معملش مشاكل معاك كان زماني منكد عليك دلوقتي
زين هيا ورد قالتلك كده
محمد أيوه قالتلي احضر الحفلة عشان نيرة و زين ميزعلوش و بالله عليك يا بابا متعملش مشاكل عشان ده نصيبي بنتي و قلبها الطيب بقي أعمل أيه
زين بحزن طب هيا ورد فين
محمد نزلت مع أمير و يزيد من الصبح
زين ماشي
بعد قليل جائت ورد و معها أخواتها و كانت ترتدي فستان أحمر و خمار أوڤ وايت و كان أمير يرتدي بدله سوداء هو و يزيد 
ورد بأبتسامه السلام عليكم
الجميع وعليكم السلام
نيرة بكيد كنتي فين ده كله عايزين نلبس الدبل و كنا مستنيينك
ورد جيت أهوو
زين بحزن يلا يا نيرة
و بالفعل تم تلبيس الدبل تحت أنظار الجميع و كان يعتليهم الحزن 
ورد بأبتسامه أمام الجميع مبارك يا زين
زين بحزن الله يبارك فيكي
نيرة بكيد عقبالك يا ورد ولا أنتي مش ناوية تتجوزي بعد زين
ورد بأبتسامة لأ طبعا ناوية أدعيلي أنتي بس أتطلق بسرعة و أخد أبن الحلال اللي يحافظ عليا
نيرة يارب
ورد أه صح أخرجت ورق من شنطتها وقالت أتفضل يا زين أنا وقعت عليه و واقف علي توقيعك أنت
زين بأستغراب أيه ده
ورد هيكون أيه ورق طلاقنا
______________
أنتهي البارت يا تري رد فعل زين أيه!
رأيكوا فضلا
رواية كسرة قلوب
بقلم حبيبة مصطفى 
ياقوت 
كسرة_قلوب
رواية كسرة قلوب
بقلم حبيبة مصطفى 
ياقوت
البارت التاسع عشر 
قبل الأخييير
ورد أه صح أخرجت ورق من شنطتها وقالت أتفضل يا زين أنا وقعت عليه و واقف علي توقيعك أنت
زين بأستغراب أيه ده 
ورد هيكون أيه ورق طلاقنا
زين پصدمة نعممم!
ورد مستغرب ليه ما ده