يكفيني حبك الفصل الاول والثاني بقلم نوري
المحتويات
هنا بيتك ومطرحك اقعدي زي ما انتي حابة وفكري مع نفسك وخدي قرار يريحك واحنا معاكي في اي حاجة
حتى لو غلطانة
الباب اتفتح وقطع كلامنا دخول ماما دخلت وقعدت جمبنا وملامحها متبشرش بالخير
ممكن اعرف اية اللي كنتي بتعمليه مع جوزك دا
عملت اية
فرح انتي فاهمة قصدي كويس سبب خناقكم كان اية
عا عادي يعني زي اي اتنين بيتخانقوا
اتوترت ولساني عجز عن الرد اية اللي عرفها بس هبرر اللي عملته ازاي ولا اقول اية
هو اللي قالك مش كدا
طبيعي لما يلاقينا كلنا عليه يدافع عن نفسه لكن برغم الموقف اللي كان فيه محبش يقول كنتي بتعملي اية وقالي اسألك
انا معملتش حاجة
يعني هو هيتبلى عليكي
لا بس يعني كنا پنتخانق عادي زي اي اتنين متجوزين
اهدي يا ماما
اسكتي انتي ما تتكلمي واخلصي
في اللحظة دي أدركت إن كل حاجة بانت واني مكشوفة قدامها ماما اكتر واحدة عارفاني وعارفة حبي لقصي واصل لفين ف بالتالي مش هيدخل عليها اي حجة أقولها
الحربوقة
نعم وانتي اية اللي بيخليكي تكلمي سيرين
هي كلمتني في مرة وسألت عليا وكانت من فترة للتانية بتتصل تكلمني
اة وآية اللي خلاها بقا إن شاء الله تديكي نصايح ومن امتى أصلا وهي بيهمها أمرك
كانت بتسأل على أحوالي وعلى علاقتي بقصي ومرة في مرة لقيتها من نفسها بتقعد تقولي إن طريقتي معاه دي غلط وإني قيداله صوابعي العشرة شمع ودا هيخليه يشوف نفسه ومش بعيد يتجوز عليا واني لازم اغير معاملتي معاه
وغيرتي معاملتك ازاي بقا
اتوترت وخۏفت اوي لحظتها انا طلعت عاملة بلاوي وكأني لسة مستوعبة دلوقتي ماما لو عرفت رد فعلها مش هيكون كويس
لو فضلتي ساكتة كدا لسنة قدام برضو مش هحلك انطقي عملتي اية
بلعت ريقي من نظرتها ونبرة صوتها وحاولت اتماسك
اهملته في كل حاجة مكنتش بهتم بيه ولا بحاجته ولا احتياجاته البسيطة حتى كنت اغلب الوقت قاعدة على التليفون ومبعملش اي حاجة كان بيلاقي هدومه مش نضيفة ولا حتى كنت بعمل غداء ولما يكلمني برد ببرود وجفا وشوية ارجع اعامله كويس زي الاول وبعدها ارجع تاني للي كنت فيه
مفيش حاجة تانية
كدابة في حاجة ناقصة
كنت متوترة جامد وبفرك في ايدي
قولي عملتي اية تاني
م مكنتش بديله حقه الشرعي وقت ما يعوز
لحظات من الصمت مرت علينا وهما الاتنين مصډومين من اللي قولته فضلت ماما بصالي بحدة لحد ما التفتت لرقية
اطلعي برا
ماما
اطلعي برا يا رقية
خرجت وفضلت انا وماما وربنا يستر فضلت بصالي نفس البصة وانا مړعوپة وبحاول أرتب الكلام في دماغي
يا ماما انا كلامها خوفني فكرة أنه يعمل زي الرجالة اللي بتشوف نفسها على مراتتها من كتر دلعهم فيهم ويتجوزوا عليهم كانت ړعباني
وانتي مش عارفة جوزك مش واثقة فيه
وطيت راسي بخزي ومردتش عليها انا ازاي فعلا موثقتش فيه
وفي الاخر جاية تلومي على الواد ومشيلانا منه
يعني هو مغلطش فيا
هو انتي ليكي عين تتكلمي كمان انتي مش عارفة عملتي اية مش مستوعبة بجد انك غلطتي
ليه ليه تسمعي كلامها وتعملي كدا دنا ياما حذرتك منها مراجعتيش نفسك مصعبش عليكي محستيش انك بتيجي عليه وهو يا عيني مستحمل وعمال يعدي خناقاتك والقرف اللي بتعمليه دا وهو مش فاهم حاجة اومال حب اية بقا اللي بتتكلمي عليه وانتي معذباه معاكي ومش مدياله الثقة ولا مأمنة ليه لا وبعد كل دا انتي اللي زعلانة وانتي اللي مش عايزة ترجعيله
يا ماما
بس لسانك ميخاطبش لساني مش انتي بنتي اللي ربيتها مكنتش اتوقع منك اللي عملتيه دا مش عايزة ترجعي مترجعيش واعملي اللي انتي عيزاه بس محدش هيتحمل نتيجة أفعالك غيرك متجيش ټعيطي لما تلاقيه فعلا راح واتجوز واحدة تانية تكون مقدرة قيمته بجد
سابتني وخرجت اخر حاجة قالتها فوقتني وخليتني اشوف اللي وصلت نفسي ليه كأني كنت مغيبة انا فعلا ازاي عملت كدا ازاي اديت ودني لأكتر واحدة بتتمنى خړاب بيتي وعمرها ما حبت ليا الخير كلام ماما فتح عيني على حاجات كتير منها إن قصي مشتري خاطري ومهونتش عليه وإنه برغم اللي كنت بعمله معاه لسة متمسك بيا ومرضيش يحكي لماما على افعالي واحد غيره مكنش عمل كدا وكان سابني بس انا برضو لسة زعلانة منه ومش هرجع دلوقتي خليني اشوف هيتمسك بيا لحد امتى
عدى شهر على وجودي في بيت بابا في الشهر دا قصي كان بييجي كل يوم ومكنتش برضى اخرجله لحد ما في يوم كنت قاعدة في الاوضة وبابا دخل كان متعصب جدا وأول مرة اشوفه كدا
ممكن اعرف اخرة اللي بتعمليه دا اية
بابا في اية
في انك زودتيها اوي وانا كنت ساكتلك لكن جبت اخري انتي هتخرجي دلوقتي لجوزك وتتفاهموا سوا وترجعي معاه فاهمة
انا مش عايزة أخرج ولا اشوفه
هتطلعي ڠصب عنك انا دلعتك زيادة عن اللزوم وغلطت اني معملتلكيش وقفة من الأول خمس دقايق يا فرح خمس دقايق لو ملقتكيش قدامي برا صدقيني هتشوفي مني وش تاني
خرج وقفل الباب وراه لا رزعه رزعه جامد واټخضيت اية التدبيسة دي بقا انا مش مستعدة أقابله دلوقتي بس لو مطلعتش بابا هيقلب عليا
فرررح
نده عليا من برا بصوت عالي
حا حاضر يا بابا جاية
لبست وخرجت وانا بفرك في أيدي ومش عارفة اعمل اية ولا اقول اية لقيته قاعد في الصالون مشبك صوابعه في بعضها وعيونه مركزة على حتة معينة اول ما دخلت حس بيا ورفع عينه يبصلي كان بيبصلي بجمود وشوفته بيضغط على ايده اكتر عرفت أنه متعصب وعلى اخره هو في اية النهاردة كلهم على آخرهم كدا
هتفضلي واقفة عندك كتير
اتكلم بهدوء اتحول لسخرية
ولا مش طايقة تقعدي مع جوزك جوزك اللي ممرمطاه معاكي بقالك شهور سواء في البيت أو براه
فضلت ساكتة مبردش عليه
اية القطة اكلت لسانك ولا مش عارفة تبرري الهبل اللي بتعمليه
انت عايز اية يا قصي
عايز اعرف اخر اللى احنا فيه دا اية
معرفش
يعني اية متعرفيش احنا هنفضل كدا لحد امتى كل واحد فينا بعيد عن التاني
لوقت ما احس اني قادرة ارجع
ليه ليه كل دا
ليه مش عارف ليه
عارف وعارف كمان اني غلطت وجيت لحد عندك مېت مرة عشان اراضيكي وترجعي معايا لكن كل مرة كنتي بتعاندي
عشان غلطك معايا كان كبير
وغلطك انتي كان اية
بصلي بنظرة ليها مغزى سكت لاني ملقتش كلام أقوله فعلا
سكتي يعني
قصي ريح نفسك انا
متابعة القراءة
