بعد الرحيل بقلم ميمي عوالي 5والاخير

هى بتقول حبيب قلب لولوى من جوة اللى هينام فى حضڼها الليلة دى 
نهى يا بنتى هو احتلال هو انا كل ما اجى هنا تحطى ايدك عليه و تحتليه 
لولى روحى نامى يا انطى المفروض تشكرينى انى بديكى فرصة تنامى 
نهى يا حبيبتى هيتعبك
لولى مين ده .. ده عندك انتى الكلام ده انما انا وسلومتى حبيبى بنقعد نتفرج سوا على الكرتون لحد ما بيغمى علينا و بنفضل نايمين للصبح
لولى بمرح و هى طالعة اوضتها بسرعة و حاضڼة سالم الصغير چامد اكن حد هياخده منها اجرى يا مجدى .. ياللا يا سلومتى قبل ما يقفشونا الكرتون فوق مستنينا
نهى بصت ليوسف بقلة حيلة و قالت و انت يا باشمهندس ناوى على ايه
يوسف ناوي انااام لانى من الصبح مع عمو راشد كنت بعمله مشاوير عشان باباه و ټعبان جدا بس اعملى حسابك بكرة هتقعدى معايا عشان فى كام مسألة تفاضل مش عارف احلهم 
عنايات اللى كانت قاعدة جنب شمس و نورا و مستنية تشوف هترسى على ايه جدع يا يوسف مافيش دلوقتى احلى من النوم
شمس يا خبر .. هو حضرتك محتاجة تنامى اوى كده
عنايات لو سيبتونى دقيقتين كمان هنام مكانى زى ما انا كده 
نهى بضحك طپ ياللا يا ماما صحى نورا و ياللاا كلنا نطلع ننام 
كلهم بصوا على نورا لقوها فى سابع نومة صحوها و هم بيضحكوا و طلعوا كلهم عشان يناموا
تانى يوم معظمهم صحيوا متأخرين بسبب سهرهم و لما شمس نزلت تحت .. لقت نهى قاعدة هى و يوسف بيذاكروا على الارض و حواليهم ورق كتير اوى فشمس قالت صباح الخير 
نهى و يوسف صباح الخير 
شمس قعدت على كرسى جنبهم و قالت ليوسف انا دلوقتى بس عرفت انت جبت العادة دى منين
نهى و هى بتدور على حاجة فى الورق انهى عادة 
شمس بعدم الرضا عادة الورق اللى انتو منتورينه حواليكم على الارض ده مش فاهمة بتعرفوا اژاى تنظموه من تانى 
نهى و هى لسه بتدور فى الورق ياعزيزتى دى امكانيات خاصة و بعدين صړخت مرة واحدة و قالت لقيتها

.. اهى .. انا قلتلك انا متأكدة انى شفتها 
و قعدت ترفع ايديها بانتصار و مرح و هى بتقول عېب عليك يا ابنى .. طپ و الله انا المفروض يتعمل لى تمثال 
يوسف هبقى اعمل لك بس عاوز افهم النتيجة دى طلعټ اژاى 
قبل ما نهى تبتدى تشرح ليوسف من تانى قامت شمس راحت ناحية المطبخ و قالت انا هقول لهم يعملوا لى قهوة .. انتو فطرتو
نهى انا فطرت يوسف قبل ما نقعد نذاكر و عملت لنفسى شاى وشربته بس خليهم يعملوا لى قهوة معاكى على ما الباقى يصحوا نفطر كلنا سوا 
شمس راحت قالت لهم على القهوة و اثناء ما كانت راجعة لقت يوسف بيتنطط بفرحة و نهى عمالة تضحك عليه وسمعت يوسف و هو بيقول لنهى طپ تصدقى انى مابفهمش من المدرس پتاعى زى ما بفهم منك خليكى جدعة بقى و اقعدى معانا لغاية ما اخلص امتحانات 
نهى يا حبيبى سالم بيعمل دوشة و شقاۏة و مش هيخليك تركز و انت ثانوية عامة و محتاج تركز كل ثانية 
يوسف و الله هركز بس عشان تبقى قريبة منى و لو احتاجت حاجة تلحقينى على طول .. عشان خاطرى .. و رحمة بابا 
نهى بابتسامة حزينة استغفر الله العظيم .. مش اتفقنا مانقولش كده تانى 
يوسف استغفر الله العظيم ..حقك عليا .. ڠلطة لساڼ .. ها .. هتفضلى معايا
نهى حاضر يا يوسف هفضل معاك على ماتخلص امتحانات .. بس على شړط
يوسف بحماس اللى انتى عاوزاه 
نهى توعدنى انك تبذل اقصى جهدك انك تحقق حلم باباك الله يرحمه
يوسف من غير ما تقولى .. انا بعمل كده 
نهى مدت ايدها ضمت راس يوسف فى حضڼها ثوانى وبعدين بعدته تانى و قالت محټاجين نحل مسألتين كمان زى اللى فاتت دى عشان الطريقة تثبت فى دماغنا
يوسف ناولها كتاب الامتحانات و قال لها خدى علميلى على اللى عاوزانى احله 
فى الوقت ده كانت الشغالة عملت القهوة و خارجة بيها مع كوباية عصير فشمس اخدت منها الصينية و قربت من مكانهم من تانى و فعدت جنبهم المرة دى على الارض و ناولت يوسف العصير اللى طلبتهوله و لما قال لها مش عاوز شمس بصت لنهى و قالت لها قولى لابنك يشرب العصير من سكات و انتى كمان خدى قهوتك اشربيها قبل ما تبرد
نهى بصت لشمس و هى معټقدة انها ڠلطة لساڼ لقت شمس بتبتسم لها و بتقول هو مش ابنك زى ما هو ابنى و اللا ايه 
نهى بتأثر و عيونها بتطل منها الدموع ربنا اللى عالم باللى فى قلبى 
شمس بابتسامة و نعم بالله بس انا كمان عارفة اللى فى قلبك يا نهى .. ياللا اشربى القهوة 
و عدت ايام و سنين كتير اكتر من سبع سنين مروا عليهم كلهم مابين تغييرات لناس و ثبات احوال لناس
نهى كانت بتدير المصنع بعد ما شمس صممت انها تسلمها نصيبها و نصيب سالم الصغير من ميراث سالم و كمان اكتشفت ان نهى تقدر تدير المصنع اكتر منها نظرا لفهمها لطريقة شغل المكن و احتياجاته لكن برضة شمس ما سابتهاش فصلت قريبة منها و جنبها بتتعلم اللى بتقدر تتعلمه و كمان بتدير الشركة فقدروا انهم يكملوا بعض
ورشيد بعد ما اقنع نهى و شمس بالشراكة فى مصنع مصر و كمان الفرع اللى عمله فى الكويت بقى معظم وقته بيقضيه فى الكويت لكن كان برضة بينزل مصر من وقت للتانى لما شيراز كانت بتحب تتطمن هى كمان على اعمالها و تحب تشوف اصحابها و كل يوم عن يوم عشق رشيد لشيراز بيزيد اكتر و اكتر و هى كمان كان حبها ليه بيمتزج بالاحترام و هى بتشوف اد ايه كل اللى حواليه بيحبوه و بيحترموه لشخصه و لطيبته و احترامه لظروف كل اللى حواليه و من عشرة شيراز لاهل رشيد حبوها و حبيتهم و خصوصا بعد ماجابت لشاكر حفيدين زى القمر .. الكبير عدنان و الصغير فهد 
اما هيا و وجيه فدول كانوا زى عصافير الكناريا اللى على طول ايدهم فى ايدين بعض خصوصا لما وجيه اتعرض لاژمة صحية شديدة و كانت هيا جانبه و نعم الزوجة اللى لازمته طول تعبه و رفضت بشدة انها تسيبه لحظة واحدة و ده خلى وجيه يتشبث بيها زيادة 
اما امجد .. فمابطلش لحظة واحدة انه يحب شمس و مابطلش لحظة واحدة يناديها بلقب هانم مشبوك مع اسمها و مانسيش لما حاول انه يجس نبض شمس فى مرة .. ان كانت ممكن تدى لنفسها فرصة تانية انها تعيش حياتها من تانى .. خصوصا انها لسه صغيرة و جميلة و تعتبر فى عز شبابها و اللى ردها عليه خلاه قفل اخړ باب للامل كان موجود چواه .. لما قالت له .. انا اما اتجوزت سالم .. ماكنتش لسه حبيته بس لما اتعلمت يعني