بقلم شيماء صبحي الجزء الثاني

قلقانه اوي حاسه ان في حاجه هتحصل وهتعطل الجواز دا!!
عبير بصت لمراد وردت عليها وهيا لتوتر لا قلق ايه مټخافيش خالص انا كنت كده برضوا واهو يا ستي عايشه انا وجوزي ومبسوطين!! 
نسمه ضحكت وهيا بتقول بجد يا عبير! 
عبير هزت راسها وهيا بتقول بجد يا قلب عبير ويلا بق روحي اختاريلك فستان قبل ما البنات يخلصوا علي كله!! 
نسمه ابتسمت وهيا بتهز راسها وبتقول حاضر يا عبير انا هقفل بق ماشي.. 
عبير هزت راسها وقالت ماشي بس اهم حاجه اتاكدي انك قافله التيلفون كويس!! 
نسمه ردت عليها بابتسامه وقالت متقلقيش متقلقيش يلا مع السلامه! 
عبيرما السلامه!! 
قفلت عبير المكالمه وبصت لمراد واللي اتصل علي طول بعماد وبلغه ان البنت قالتلهم نص ساعه وهينزلوا!! 
عماد قفل المكالمه مع مراد بعدما شكره هو وعبير وقالهم انه حاليا قدام المبني وانهم ميقلقوش..! 
عماد كان ماسك تلسكوب وبيبص علي المبني وبيشوف التحركات اللي بتحصل!! 
عدي وقت وبدات عربيات كتيره تظهر ورا بعض ونزل منهم رجاله لابسين بدل!! 
فضل عماد يتابع هما متجهين فين ولقي انهم واقفين في الحوش بتاع المبني ودقايق والبنات نزلت وكانوا لابسين فساتين لونها ابيض ووقفوا قدام الرجاله دول وبدا كل واحد يختار واحده ويدخل بيها للمبني وفي الوقت دا دخل عماد هو وفريقه وهجموا عليهم!!! 
منصور كان قاعد وجمبه المحامي وجمبهم صافيا!! 
بدا المحامي يكتب في الورقة المزيفه اللي قدامه ان البنت والراجل متجوزين!! وبيبصلهم ويقول بابتسامه بارك الله لكما وبارك عليكما وجما بينكما في خير!! كانه مازون علشان يقنع البنت اكتر انها كده اتجوزت!! 
بعد اخر بنت تم اعطائها الورقه اللي المفروض قسيمه جوازها دخل عماد وفريقه ومسكوا كل الرجاله اللي موجودين في المكتب !! 
البنات كانو خايفين من الھجوم اللي حصل عليهم من الحكومه وعماد بصلهم وقال متخافوش يابنات انتو دلوقتي في امان ومش هيقدروا ياخدوكم او يستغلكوا تاني ا!! 
البنات كلها خاڤت اول ماسمعت كلامه ولاكن نسمه كانت مستغربه ايه اللي بيحصل نسمه قربت من الراجل اللي متجوزاه وهيا بترفع القسيمه في وش عماد وبتقول يا خدنا ايه ياباشا دا جوزي ودي قسيمه الجواز!!
عماد رفع حاجبه وهو بياخد منها الورقة وبيقول قسيمة جواز ايه انتي كمان دي ورقه فاضيه كل اللي مكتوب فيها دا كلام اهبل ملوش علاقه بالجواز ..! 
نسمه اتخضت من كلامه وبعدت بسرعه عن الراجل دا ووقفت ورا عماد ومسكت في هدومه وهيا بتقول انقذني يباشا !! 
عماد استغرب اوي حركتها بس تجاهلها وبص لمنصور وقال معانا بلاغ بالقبض عليك انت والبت دي والرجاله دي ولو عملت اي حركه هيتم التخلص منك بسهوله معانا الاذن بدا برضوا!! 
منصور بص لعماد پخوف وهز راسه وبدات رجاله عماد يكلبشوا ايديهم كلهم وخرجوا من الملجا بعدما وصل فريق مساعده وتم اخدهم كلهم في العربيات بتاع الحكومه!! 
والبنات ركبوا عربيه كبيره وكان معاهم عماد علشان يطمنهم وميخافوش.. 
وفي ڤيلا صلاح السعدني وصل يونس وهو بيطلب من الخادمه انه عايز يقابل صلاح !!! الخادمه هزت راسها وبلغته انه موجود ولاكن معاه ناس!! 
يونس ابتسم وقال انه معاه معاد مع الرجاله دي برضوا.. 
الخادمه استغربت كلامه وقالت صلاح بيه مبلغنيش بان حضرتك جاي اصلا انت عاوز ايه!! 
يونس قرب منها ورش في وشها سائل خلاها تفقد وعيها واول مشافها فقدت الوعي نده علي رجالته علشان يدخلوا وبعدها يونس اتحرك هو الاول علي مكتب صلاح ودخل عليهم وهو بيقول صباح الخير!! 
اول ما الرجاله دي شافوه كان معاهم شنطة مفتوحه وكان فيها مخډرات قفلوها بسرعه وهما مستغربين مين الشخص دا ووقفوا وهما بيبصوا لصلاح وبيقولوا بالاجنبي من هذا!! 
صلاح ابتسم بتوتر وهو بيبص ليونس وبيقول يونس حبيبي ايه الزياره المفجأه دي!! 
يونس بصل للرجاله دي وقال والله منتوا قايمين اقعدوا انا اصلا مش عايزكوا!! 
صلاح اتوتر من كلامه ومد ايده علشان يخرج سلاحھ ولاكن قاطعه دخول فريق يونس وهما رافعين الاسلحه
يونس وقف بعدما كان قعد جمبه وهو بيقول معلش بق يا صلاح بيه والله كان نفسي اشوفك في وضع احسن من دا بس مضطر ! انت مطلوب القبض عليه بتهمه تجاره اعضاء وقتل طفله ورميها في النيل هيا وصديقتها وقضيه تانيه وهيا المخډرات دي !! 
اشتريها وانا رفضت ولاكن انت اللي. دخلت في وقت غلط!! 
الرجاله الاجانب كانوا مستغربين كلامهم ومش فاهمين هما بيقولوا ايه لحدما يونس بصلهم وقال بالانجلش..صلاح بيه يخبرني انكم من تريدون منه الشراء وهو كان يرفض!! 
الرجاله هزوا راسهم بالرفض وفضلوا يشاورو علي صلاح ويقولوا كداب!! 
يونس امر فريقه يقبضوا عليهم ويكلبشوهم وقرب هوا مسك صلاح من هدومه وحط في ايديه الكلبشات ومسك الشنطه بايده التانيه وهو بيقول خلينا نتحرك يا رجاله 
اتحرك فريق يونس للخارج وكانت ناديه واقفه وهيا مستغربه وجود يونس مع رجاله غريبه 
اللي حصل..
صلاح بصلها پخوف وقال كلمي منصور والمحامي خليهم يجيلوا علي القسم يا ناديه بسرعه
ناديه مكنتش فاهمه ليه يونس قابض علي ابوها وقربت منهوقالت وهيا بتمسك في هدومه واخد بابي ورايح علي فين يا يونس!! 
يونس تجاهلها وكمل طريقه وهيا فضلت ټعيط وهيا بتنادي علي ابوها واللي كان بيقولها تتصل بالمحامي..! 
وبعدما خرجوا من الفيلا ركببوا كلهم العربيات الخاصه بالحكومه واتجهوا كلهم للقسم!!! 
الفصل السادس عشر 
نوڤيلاجعلتني أقوي
بقلمشيماءصبحي
اتجه يونس وفريقه لقسم الشرطة وكان صلاح بيزعق وبيقول سيبني يا يونس بقولك انا مليش دعوه بالمخډرات دي!! 
يونس مردش عليه وفضل ماسكة لحدما وصلوا للسجن ..صلاح كان بيبص ليونس وهوا بيقول يا بني صدقني انا معملتش حاجه.. 
يونس مهتمش لكلامه وأمر العساكر يفتحوا باب الزنزانه وبدأو العساكر ينفذوا اوامره!! 
يونس دفع صلاح پغضب هو واللي كانو معاه وأمر رجالته يوصوا عليهم الرجاله اللي في الزنزانه وخرج!!
وبعد وقت وصل عماد ومعاه منصور وبقيت شركاءه والبنات!! 
يونس كان قاعد في مكتبه وجمبه رأفت المساعد واشرف اللي وصل علي خبر القبض علي صلاح..! 
دخل عماد للمكتب ومعاه الباقي واول ما يونس شاف كميه البنات اللي كانت واقفه وخاېفه اتعصب اكتر وقرب من منصور ولكمه!! 
عماد واشرف مسكوه وهما بيهدوه علشان ميتصرفش اي تصرف غلط ويتفلب ضده.! 
منصور كان ساكت ومبيديش اي رد فعل وكان بيمشي مع العساكر وهو مستسلم ولاكن صافيا 
منصور ابتسم بلامبالاه ومشي مع الظباط لحدما دخلوا للزنزانه!! 
صافيا فضلت تصرخ وهيا بتنادي عليه علشان ينقذها ولاكن الظباط دخلوها للزنزانه وأمر الظابط الكبيره بتاعة الزنزانه انها تظبتها وبعدها قفل الباب!! 
الكبيره بتاع الزنزانه كانت بتبص لصافيا من فوق لتحت وبتقول بتعرفي ترقصي
صافيا فتحت عينيها پصدمه وهيا بتبص للست دي اللي شكلها مرعب وبتقول افندم ارقص!! 
الكبيره قربت منها وهيا بطلع المطوة من جيبها وبتقربها من وش صافيا وبتقول اه يا اختي ارقصي ولا تكونيش عايزه تعقري مزاجي ..
قالت كلامها وهيا مقربه جامد من صافيا وكملت وهيا بتقول انتي جايه في ايه يا بت!! قالت الكلمه الاخيره بصوت عالي لدرجة ان جسم صافيا اتنفض من مكانه 
صافيا بصت للست دي پخوف وقالت مم مش عارفه والله هما فجاه دخلوا علينا و!! 
الكبيره مسكت صافيا من شعرها وقالت هو انتي لسا هتحكيلي قصه حياتك يا روح