حواديت مراد ومريم  مريم جميل

تسمعني للأخر من حوالي سنتين شوفت بنت وعجبتني أوي وفضلت وراها لحد ما عرفت بيتها والجامعه بتاعتها كنت دايما بروح الجامعه عشان أشوفها لحد ما في مره لقيت واحده قريبتي واقفه معاها فسألتها تعرفها منين قالتلي أنها صاحبتها الوحيده فرحت جدا وقولت إني مش هتكلم معاها غير لما أبقى جاهز إني أتقدملها وفعلا الفتره إللي فاتت كونت نفسي عشان أتقدملها والبنت دي تبقى مريم بنتك وأنا أهو بقولك إني بطلب إيديها منك رأيك إيه 
رد مراد بأنفعال 
نعم يا روح أمك عايز تطلب مين 
وأنت مالك أنت هي تخصك في إيه
دي تبقى خطيبتي 
بس هي مش مخطوبة ولا حتى مرتبطة أنا عارف عنها كل حاجه 
شهد ومريم جم على صوتهم وسمعوا مراد وهو بيقول 
أنا بحبها بقالي سنين وكلمت أهلها بس مكنتش عايز أعرفها عشان ما أشغلهاش عن دراستها سافرت وبنيت نفسي عشان لما أرجع أتجوزها
قربت منه مريم وقالت 
يعني أنت بتحبني 
رد بتنهيده 
ايوه يا مريم ووو
قاطعته بقلم على وشه
بتحبني أزاي وأنت أكتر واحد كسرتني وأتخليت عني في أكتر وقت كنت محتاجه فيه أنك تبقى جنبي ومشيت وقعدت سنه مكلمتنيش ولا حتى سألت عليا في أكتر وقت كنت محتاجه فيه أنك تدعمني وحتى لما جيت وقولتلك إني بحبك خذلتني وبتقول أنك بتحبني يا شيخ يلعن أبو الحب لو كل الحب زي حبك أنت 
مازن أتكلم 
يعني أنت بتحبيه عشان كده كنت رافضه أي حد تاني 
رد أبو مريم 
المكان هنا مش مناسب للكلام ده يلا عشان نروح 
مشيوا كل واحد راح بيته وشهد راحت مع مريم إللي أول ما وصلوا دخلت أوضتها أبوها جه يدخلها شهد وقفته 
معلش يا عمو ممكن أدخلها أشوفها ولما تهدا شويه أبقى كلمها
سابها تدخل دخلت لقيت مريم قاعده على السرير وحاطه رأسها بين إيديها قربت منها وخدتها في حضنها فا أتكلمت مريم 
راجع دلوقت بيقولي أنه بيحبني بعد أيه يا شهد شهد أنت عارفه أنا لو ضعيفة ومراد قالي الكلام إللي قالهولي قبل السفر أنا كنت وقعت في دراستي ويقولي أصل كنت بأمن مستقبلي وهو بسببه كام ممكن أبقى فاشله في دراستي 
بس يا مريم من الأول قولتلك أنه ممكن يبقى عنده عذر لأنه كان لازم يبني مستقبله عشانك 
ولو يا شهد ده مش مبرر أنه يمشي بالطريقة دي وبعدين هو بيبني مستقبله عشاني طب أفرضي كده كنت جبيت غيره وأتجوزته كان برضوا هيبقى بيبني مستقبله عشاني لأ يا شهد هو أناني مش بيفكر غير في نفسه بس أنت الغلطانه إني حبيت واحد زيه ومع كل إللي عمله بس أنا لسا بحبه يا شهد 
وفضلت ټعيط لحد ما نامت خرجت شهد وحكت لأهلها إللي حصل ومشيت
ينفع إللي بيحصل في بنتي ده أنت دايما كنت بتقولي متتكلميش في الموضوع ده بس دلوقت لأ أنا مستحيل أقبل أن بنتي تنزل منها دمعه واحده بسبب مراد تاني
بس مراد ملوش ذنب هو فعلا طلبها مني من سنين وهو سافر وأتغرب وأشتغل بدل الشغلانه أتنين وتلاته عشانها هي عشان بس تبقى ليه لو دورتي كويس هتعرفي أن مراد من زمان كان مقصر في حق نفسه عشان ميقصرش مع مريم في حاجه مراد مش وحش زي نا أنت فاكره 
أنت هتيجي على بنتك عشان مراد وبعدين أنت إيه إللي عرفك أنه أشتغل بدل الشغلانه تلاته
لأن مراد كان معايا مراد مسافرش بعيد عني