غرام بنت العمده زهرة الربيع
ياما عيب الكلام ده
امه قالت پغضب.... العيب انك ما تسمعش كلام امك واهلك وتروح تجيب واحده زي دي وواقف معاها كده في الصاله ولا اكمنها متعوده تتجرس والناس تخش تلاقيها مع اي حد
نواره حطت ايدها على بقها بذهول
وعلام قال پصدمه وزعيق. ...اما دي مرتي انت بتقولي ايه
امه قالت پغضب ....ايوه زعق لي زعق لامك علشان مرتك اسمعي يا بت الناس انا ما قادراش اخبي عليك اكتر من كده انا في حياتي ما كنت مره عفشه ولا بوشين جوازتك من ولدي دي من اولها لاخرها مش بلعاها...كنت عايزاه يتجوز واحده تكون اول بخته مش واحده استغفر الله العظيم
امه قالت پغضب.... انت ليه مش عايز تفهم ان ما دام ابوها العمده بحاله جوزها لولد الغفير يبقى بيداري على حاجه و
بس قطعها لما قال پغضب ...اما..انا مش هسمع ولا كلمه تاني ومش قاعدين في البيت اصلا و
بس قاطعته نواره لما قالت بحزن..... انا اللي مش قاعده في البيت ثانيه تاني يا علام ..ابقى اقعد مع امك واحكيلها اللي عملتو معايا ..انا مش هسامحك على الكلام اللي سمعته ده وشدت طرحتها ولسه هتمشي مسك ايدها وقال بسرعه ....نواره ...نواره متعمليش كده ...نوره انا هفهمها اللي حصل استني...
وجريت بسرعه على بيت اهلها اللي كان يبعت خطوات بس عن البيت علام
علام حط ايده على دماغه وهو مش مصدق اللي حصل واللي اتقال قدامه
امه قالت بسرعه.... يا ولدي دي ما تستاهلكش و
علام بصلها پغضب وقال ...ليه ياما ليه .....ليه ټحرقي قلبي ده انا ما صدقت وصلت لها..يا اما ده انا ريقي نشف لحد ما وصلت لبحرها...ليه تعملي كده وتوجعي قلبي حرام عليكي حراااام
علام خرج عن شعوره و قال پغضب وزعيق ....مكانتش مع حد ياما اقسم برب العز ما كانت مع حد ولا حتى معايا انا.... انا اللي عملت اللعبه دي كلها علشان اتجوزها ما كانتش راضيه بيا لا هي ولا اخوها علشان مركزهم.. غمض عينيه واتنهد وقال... انا اتفقت مع العمده على اللعبه دي من اولها لاخرها ياما
عند نواره كانت پتبكي قدام ابوها اللي حط ايده على كتفها وقال.... هو يعني ده الموضوع اللي يخليك تهملي لبيتك بعد يومين جواز وتيجي
نواره قالت بدموع.... ليه محدش مصدقني يا ابوي والله ما عملت حاجه هو اللي دخل الاوضه لوحده وقعد يعلي صوته علشان انت تسمع معملش اي حاجه
نواره بصت له باستغراب وهو قال ....اسمعي يا بنتي عشان ما تظلميش علام... علام رايدك وبيحبك من زمان وطلب القرب بدل المره 1000 بس لا انت كنت قابله ولا هريدي كنتوا بتقولوا ولد الغفير وكيف تتجوزوا ...بس انا لاني ربيته على ايديا وعارفه راجل ولد راجل كنت راضي بيه قوي ونفسي تتجوزيه... هو صوح انهارده ما معهوش بس ده مهندس بكره ربنا يفرجها عليه ويبقى احسن مننا كلنا ولما ما لقيناش اي اي امل منك ولا من اخوكي جاني وقال
نواره اتسعت عينيها پصدمه شديده
وهو كمل وقال.... انا عملت كده لاجل اسكت هريدي واخليكي توافقي لاني عارف انو هيسعدك ...سامحيني يا بتي لو سمعت الكلام ده انهارده بسببي
نواره وقفت وقالت پصدمه.... يعني انت كنت عارف يا ابوي عارف وقبلت يتقال علي كده
ابوها وقف وقال ....لا ماقبلش يتقال عليكي كده يا ضي عيني ومحدش سمع بالكلام ده واصل انا مأفرطش فيكي ولا هقبل ارجعك كمان الا لما الوليه دي تعتذر لك...و قرب منها وقال...بس الواد ذنبه ايه ده عمل اللي ما يتعمل لاجلك علام بيحبك يا نواره مفيش راجل يقبل يتحايل الوقت ده كلو وميزهقش ومطمعانش في اي حاجه...متخسرهوش لجل حديت امه اللي ملوش ذنب فيه ...انا مش هلاقيلك راجل يحافظ عليكي كيف علام
نواره ابتسمت وقالت...و مين قال لك اني هفكر اخسره..انا كمان عايزه اكمل معاه يا ابوي
ابوها ابتسمم بسعاده وقال.... هو ده الحديت الصوح...فيه حاجات ما تتقدرش بفلوس ولا تتباع ولا بتتشرى زي الطيبه و المعامله الحسنه والحب..ده حاجات متتقاسش بالفلوس يا بنتي....يلا اطلعي اوضتك وانا هخليه يبوس راسك
نواره ابتسمت وقالت..لاه يا ابوي ...انا هرجع لجوزي هعاود لعلام ان شاله اقعد معاه في الشارع ...مهخسرهوش كل اللي تعب علشانو ..وقبلت ايد ابوها وقالت...بالاذن هبقى اجي ازورك مع جوزي
بقلم زهرة الربيع
ابوها ابتسم وضمھا
وهيه ضمته بحب وامتنان ورجعت على بيت علام بسرعه
عند علام كان حكى لامه كل حاجه
وهيه قعدت وحطت ايديها على راسها وقالت ....يا لهوي يا ولدي انا ايه اللي قولته ده ليه ما قلتليش من الاول يا علام ما تكلمتش ليه قبل ما اتسحب من لساني
علام اتنهد وقال.... الله يسامحك ياما بجد الله يسامحك..انا هروح ارجع مرتي يا اما....وانا هعرف امنلها مكان متتهانش فيه
وطلع جري هيروحلها بس تفاجئ بيها جايه واقف مكانه عند الباب بزهول
نواره وقفت قدامه وقالت بابتسامه..... والله مش قليل يا علام بتخطط ويا ابوي ضدي انا
علام ضحك بخفه وهو مش مصدق انها رجعت وقال..... لاه مخطط مع ابوك لصالحك مش ضدك يا قلب علام
نواره ابتسمت وكتفت ايديها وقالت....و مين بقى قال لك ان جوازي منك حاجه في صالحي
علام قرب منها قوي وقال.... قلبي اللي عاشقك بكل دقه فيه هو اللي قلي يا نواره
نواره ابتسمت وقربت منه وقالت.... انا جيت اقول لك اني ..اني ما زعلانهش على اللي حصل..و مبسوطه انك طلعت عامل كل ده علشاني و مبسوطه اكتر انك كنت معرف ابوي كل حاجه....و كملت پغضب وقالت..بس زعلانه من الكلام اللي قالته امك... كان لازم تحكي لها اللي حصل ..انا مش هدخل البيت ده واصل يكون في علمك...انا جيت اقول لك اني جاهزه ابقى معاك في اي مكان الا هنه
لو عايز اقعد عند ابوي لغايه ما تامن لي حته نقعد فيها انا وانت موافقه و
لسه هتكلم طلعت امه وقالت بسرعه ....انا مستعده اهمل لكم البيت كله ...حقك عليا يا بتي وحياه علام عندي ما كنت اعرف كنت مستغربه كيف ابوك العمده يتلوي دراعه بالسهوله دي مكنتش اعرف انهم متفقين كنت كيفي كيفك بالضبط والله ولو عايزه احب على راسك ا
نواره قطعتها بسرعه وقالت ....انتي بتقولي ايه يا حماتي لا طبعا ..خلاص المسامح كريم اللي هيخليني اسامح ولدك ده بعد اللي عمله ده كله
امه ضمتها بسعاده وقالت..انتي بتي من ههنه ورايح ..مهزعلكش واصل
نواره ابتسمت
بسعاده وامه قالت.... طيب يا حبايبي ربنا يخليكم لبعض انا هدخل اجهزلكم حاجه ناكلها
قالت كده ودخلت
وعلام مسك ايدها وابتسم وقال.... ما تيجي اصالحك فوق
نواره ضړبته في صدره بخفه وقالت.... هو ما ينفعش تصالحني هنا لازم فوق
علام ضحك جامد وقال...... الحق عليا اللي عايز اصالحك زين ..وحياة عيونك كنت هصالحك بزمه وضمير
نواره ضحكت وبصت له بحب وقالت.... ممصدقاش اني هقولها بس انا مبسوطه انك بقيت معايا يا علام ...مبسوطه قوي انك بتحبني قوي كده
علام ابتسم بحب شديد وقال...... واكثر من اللي في بالك ..انتي قلبي يا نواره
نواره ابتسمت بحب وقالت...نواره شكلها حبيتك يا علام ...وانت جد تستاهل الحب كله
علام ابتسم بسعاده ومسك ايديها بحنيه و قال ..اااه واخيرا قولتيها... كفاره يا نواره...ربنا اخيرا رضي عني ... انا بعشققك بعشق كل حرف في اسمك كل تفصيله في جمالك القلب ده اتخلق ليكي وبس يا نواره
