اسكريبت لفاطيما يوسف

 

ردت عليه عاليه بهدوء وهي بتفهمه
_طب ما انت كمان راجل غريب عني يرضيك توصلني والناس تجيب في سيرتي واحنا ساكنين في حاره شعبيه هو ده الحب اللي انت بتتكلم عنه .
رد عليها وهو بيحاول يهدي نفسه وقال لها
_اقلي كلامك يا عاليه وما تقوليش غريب انت اللي بتعصبيني اهو
انا هوصلك بره الحاره خالص وإنتي تمشي الحته دي لحد بيتكم لكن مش هسيبك تركبي مع حد غريب .

وقعدت تجيبه يمين وتجيبه شمال وهو اللي في دماغه في دماغه وفعلا وصلها
و عدت الايام وغيرت عاليه المدرس ده خالص وراحت عند واحد غيره ومجتهده جدا في المذاكره علشان تجيبي المجموع اللي هي عايزاه وكل ده كل شويه ياسين يبعت لها رسايل يطمن عليها وهي بترد عليه وبدات تستريح له وتتعلق بيه جدا وخاصه اني ببعت لها صوره اول باول مع الرسائل
واثناء ان هي قاعده في مره لقيت بيرن على التليفون بتاعها ردت عليه على طول لانها كانت نفسها تسمع صوته واول ما قالت له الو على طول رد عليها وقال لها 
_انا تعبت يا عاليه ما بقتش قادر اني ما اسمعش صوتك ولا قادر على بعدك ليه كده تحكمي علينا ان احنا نبعد عن بعض كنت سبتيني اتقدم ونتخطب حتى لحد ما تخلصي الثانويه بس يبقى مخطوبين وبنكلم بعض انا مش قادر على بعدك مش كفايه بقى .
صوته وهمسه رجولته في الكلام دوبت عليها وردت عليه برقه ونفس الهمس وقالت له
_انت كمان وحشتني قوي يا ياسين ومعلش فات كثير ما بقى الا القليل اصبر كلها شهر وهخليك تيجي تتقدم وهقنع بابا علشان انا موافقه .
ياسين قلبه طار من الفرحه وما بقاش مصدق نفسه وقال لها وهو بيدور حوالين نفسه في الاوضه
_انا بحبك قوي يا عاليه الغاليه ما تتصوريش فرحتي بيكي وكلامك قد ايه فرحه ما تكفيش الدنيا بحالها
وعلشان الامل والكلمتين الحلوين اللي انت اديتهم لي دول انا هستحمل ۏجع بعيدك لحد ما تخلصي بس برده هكلمك من فتره للثانيه اطمن عليكي 
وكمل بتحذير لما افتكر موقف معين وقال لها
_وبالنسبه لاصحابك الشباب اللي انت بتقفي بعد كل درس انت واصحابك البنات تتناقشوا في الدرس ممنوع منعا باتا يا عاليه يحصل كده تاني 
ما تفكريش اني ما اعرفش عنك حاجه انا عارف عنك كل حاجه راعي غيرتي الشديده عليك وحبي .
عاليه طبعا طفله بمشاعر طفله اتاثرت جدا بكلامه وحابه اهتمامه بيها وبكل تفاصيلها علشان كده حبيته بسرعه البرق
وكملت عاليه امتحاناتها وهي بتتقدم فيها ببراعه لانها ذكيه جدا ولماحه جدا وخلصت الامتحانات على خير
وبعد ما خلصت باسبوع استناه ياسين بالعافيه بناء على رغبتها راح اتقدم ليها تاني
والمره دي اتكلم بطريقه شيك وراقيه زيه زي اي حد
فقال له ابو عاليا 
_بس انا يا ابني مستكتر فرق السن جامد بينك وبينها وهي لسه صغيره وانا عايزها تكمل كليتها .
رد عليه ياسين بلهفه وهو بيحاول يقنعه
_انا عمري ما هحسسه بفرق السن في يوم من الايام يا ابو عاليه وما تقلقش مش هتلاقي حد يحب بنتك ولا يحافظ عليها قدي وباذن الله هكون قد وعدي وكلمتي معاك انها تخلص كليتها وبتفوق كمان 
بس اديني فرصه ان احنا نتخطب بس مش اكثر من سنه وبعد كده اوعدك ان كل سنه هتنجح بتقدير وعالي كمان
ها ايه رايك 
وافق على كلامه لانه شايفه شاري بنته متمسك بيها جدا واتخطبت عاليه وياسين ومره يزهق عليها
بسبب غيرته ومرات يحتويها
وكل يوم حبهم يزداد لبعض اكتر من اليوم اللي قبله وخاصه ان ياسين متمكن جدا في اسعاد حبيبته عاليه ودائما بيعمل لها مفاجات وكملوا حياتهم هم الاثنين ما بين غيره وحب وعشق وغرام وخناق واتفاق .
وتوته توته خلصت الحدوته
بقلمي فاطيما يوسف .