بقلم بسمله بدوي
المحتويات
أفتح أقرأ جملته وكإني بحفظها جوايا.. بعد نص ساعة لقيته باعتلي
تاليا هو أنا دلوقتي جعان والبيت كله نايم.. المفروض آكل ايه
ضحكت على الرسالة وأنا متخيلة حالته دلوقتي.. أكتر حاجة عز بيكرهها هي إنه يجوع
ساندوتش جبنه مثلا
غيره
تونة
مش بحب السمك يا تاليا وأنت عارفة
عندك إستعداد تنزل
يعني أعتقد إني هقدر
حلو أنزل بقى وهاتلك أي نوع فراخ كرسبي
كنت واثقة إنه عايزني أقوله الخيار دة من الأول عشان لما حد يكتشف الچريمة دي بكرة يجيبها فيا.
فضل غايب حوالي أسبوع بقينا بنتكلم فيه بشكل يومي وفي أي وقت وبقيت دايما سرحانة ودايما بستناه يبعتلي بقيت بحوش ضحكتي وابتسامتي لكلامنا سوا.. الشات اتحول وبقى فون بدأت أتغير من غير ما آخد بالي ومستر عز بقى عز بس.. الألقاب اختفت وبعد ما كنا بنتكلم زي أي اتنين صحاب بس بحدود بقينا بنتكلم زي أي اتنين صحاب من غير الحدود!
مقدرتش لما لاحظت إني مبقدرش أعدي يوم غير ما أكلمه.. مبقدرش أطمن غير لما أسمع صوته.. مبقدرش ابتسم غير معاه ساعتها بس عرفت إني مقدرتش أمنع نفسي من إني أحبه.
أخيرا نزلت
اعملي حسابك الحصة الجاية امتحان
وهطلعه عليكوا وحياتك
فضلت بصاله فترة كبيرة وهو قاعد يراجع شرح الحصة.. بقيت دايما سرحانة في حصصه ومركزة في ملامحه بس بقفل امتحاناته!
وقررت إني لازم أواجه.. لازم أحدد موقفي يإما أقرب يإما أبعد.
عز
الألقاب اللي اتشالت!
والله
ماشي شليها عادي أنا أصلا مستر فرفوش وبحب اصاحب الطلبة بتوعي
طبعا يا عبيطة أنت مش طالبة..
ابتسمت بأمل ومستنياه يكمل الجملة على أحر من الجمر ابتسملي بلطف وهو بيقولي
أنت أختي الصغيرة يا تاليا ومكانتك في قلبي كبيرة
ابتسامتي اختفت وبدأت ارتعش وأنا بسأله من غير استيعاب
أختك الصغيرة!
تحبي تبقي الكبيرة
أختك الصغيرة إزاي
زي الناس يا تاليا مالك فيكي ايه لتكوني صدقتي إنك أختي الصغيرة بجد دة تعبير عادي!
طب ما أنا بحبك برضه
مش زي أخويا.. أنا بحبك بجد
تعبيرات وشه فضلت زي ماهي
زاد عليها بس الصدمة والجد سند على المكتب وهو بيقولي بهدوء
مينفعش
هو ايه اللي مينفعش
مينفعش تحبيني
ليه
عشان مينفعش يا تاليا.. مينفعش كدة وخلاص!
لأ ينفع.. أنا بحبك وبحب وجودك معايا
تاليا أنت أكيد مش واعية لكلامك
لأ واعية ليه كويس أوي ولو مش واعية لكلامي فأنا واعية لمشاعري
لييييه أنت محبتنيش
حبيتك زي أختي.. حبيتك زي صديقتي.. حبيتك زي طالبة متفوقة عندي
وقربك مني لمستك ليا هزارك معايا كلامك الدافي الهدايا
كل دة كان..
كل دة مكانش حاجة يا تاليا.. مكانش أي حاجة
عيني دمعت وأنا بقول
طب أدي لنفسك فرصة تحبني
أنا مش بحبك يا تاليا ومش هحبك
بس أنا..
أنت مش
متابعة القراءة
