قلب الاسر بقلم اميره رمضان

انا مش هعتب عليكم لانكم متعرفوش حاجه عن الاصول
وقفت قدام ليل وقولتلو برجاء بالله عليييييك امشي من هنا هما مش هيسكتو وماما هتسمعهم وهتتعب اكتر ارجوك امشي
ليل زعل عليها اووي بص اضطر يمشي لو كان ده هيريحها 
عمي مفيش طلوع من البيت الا بأذني واعرف هتروحي فين وتاجي منين ومفيش دروس وتسرمحه في البيوت تاني

مرات عمي دي مش هتتلم الا لما تتجوز ويبقا لها راجل يشكمها
عمي صح اول عريس هياجيلك هتتجوزيه ومسمعش صوتك
ياااااا لو كان ۏجع قلبي ليه صوت كان عمل انفجار في المكان سبحان من خلاني اسكت واستحمل بس كله عشان امي 
بعد يومين 
نورتي ماما بيتك وحشتني قعدتك اووي
ماما وانتي وحشتيني اووي
مش عايزاكي تتعبي تاني انتي متعرفيش الايام اللي فاتت انا كنت عامله ازاي من خۏفي عليكي
ماما تفتكري يعني انا مش حاسه بيكي
بسمه انتي متعرفيش انا كنت تايهه ازاي وانتي مش هنا ده كفايه انك كنتي شايله عني سليم ومريحاني خالص
ماما ربنا ميحرمني منكم ابدا
نوح دخل المكتب بسرعه
نوح لييييييييل انت اي يابني دماغ الشيطان دي اشتريت الارض رغم اني قولتلك انها جايه علينا بالخساره وقولتي هتعرف بعدين انا اشتريتها ليه دلوقتي سعر الارض بعد ما اشتريناها باسبوع وصل لعشر اضعاف سعرها القديم
كل ده وليل قاعد ساكت مش بيتكلم ولا فرح ولا عمل اي ردت فعل
نوح اي يابني انت مش فرحان ولا اي
ليل دي حاجه متوقعه عادي
نوح طب لما هي حاجه متوقعه قالب خلقتك ليه
ليل مفيش
نوح بفهم هي لسه مجتش للعيال
ليل انا تعبت مع العيال عشان اقنعهم انها مش هااجي تاني بس هما مصرين انها تجيلهم وايان ابتدء يدخل في حالة الاكتأب تاني بعد ما حنين خرجته منه شويه
نوح طب روح واتكلم معاها تاني
ليل مستحيل لاني المرادي هعملها مشاكل اكتر
نوح انا مش عارف عمها والحربايه مراته دول عايشين ازاي بالحقد اللي جواهم ده
ليل انا كنت عايز امسكم الاتنين اطلع روحهم في ايدي بس مشيت عشانها
نوح شوف انا متعاملتش معاها كتير غير مره بس حقيقي هي انسانه محترمه وملتزمه ازاي يقولو عليها كده
ليل بتنهيده ربنا يهديهم
سندس الو اي حنين
اي ي بت
سندس لازم تاجي الحضانه بقا كفايه اجازه كده لان المديره مش هتسمحلك باجازه اكتر من كده وبالخص لما عرفت ان ولدتك جات البيت
يااااربي طب هعمل اي في عمي
سندس انزلي حاولي تقنعيه يسمحلك تاجي
عمري مكنت اتخيل اني اتزل ليه بالطريقه دي
سندس معلش ي قلبي ان شاء الله ربنا هيعدي الفتره دي علي خير بس انتي اهم حاجه صلي وادعي ربنا كتيررر
ان شاء الله ي حبيبتي
بليل
بسمه ماااالك افتح الباب
مالك بفرحه نووووونه جااااات
دخلت سلمت علي بسمه وياسين وندي اخت ياسين وسمر اخته الكبيره
امال عمي فين
ندي بابا جوا ثواني هقوله انك عايزاه
شويه وطلع عمي 
عمي خير عايزه اي
عايزه اروح شغلي
عمي وانا قولت مفيش شغل
ي عمي مش هينفع انا وافقت اني مديش دروس بس لازم اروح الحضانه
عمي لاء
ندي ي بابا يعني هي اتعلمت كل ده عشان تقعد في البيت
سمر محدش قالها تتعلم ياختي
ياسين بابا هي سمعت كلامك ومش هتدي دروس خليها بقا تروح الحضانه
مرات عمي ايوا خليها تروح تشتغل احنا مش معانا فلوس نصرف عليها وعلي امها مش كفايه فلوس المستشفي قطمت وسطنا
وبعد كلام كتير اخير عمي وافق 
ليل دخل البيت مسمعش صوت طلع فوق
ايان قاعد لوحدك ليه
ايان انا مش عايز اكلمك
وسابه وطلع برا 
ليل اوووف اعمل اي بس مش عارف اقولك اي بس ي حنين اشكرك انك فرحتي ولادي ولا اعتب عليكي بعد معلقتيهم بيكي وسبتيهم
طلع تليفونه ورن علي نوح
اسمع عايزك تجيلي البيت دلوقتي انت وطنط نسمه
عدي اسبوع ورجعت من الحضانه مبسوطه ان الدنيا اتظبطت معايا الي حد ما
مامااااااا
تعالي ي نونه
اترميت في كلعاده وبحكيلها اللي حصل معايا وهي ساكته
مالك ي
ماما
عنيها دمعت وقالت جالك عريس وعمك قاله موافقين وفرحك الشهر ده
ااااااااي ازاااااااي 
جالك عريس وعمك قاله موافقين وفرحك الشهر ده.
ااااااااااي مستحيييييييل ماما انتي اكيد بتهزري معايا ي سوسه انتي
جامد وبكت انا عارفه اني مش قادره اسعدك وخليت عمك يتحكم فيكي زياده عن اللزوم بس حقك عليا
لحظه صمت عدت عليا عشان استوعب ماما انتي بتتكلمي جد
ماما باڼهيار ايوا لسه قايلي الصبح وكمان العريس ده مطلق
رديت پصدمه كمااااان
ماما بدموع انا مش عارفه اعمل اي حاسه ان قلبي هيقف من الزعل عليكي
ثانيه كلو عندي الا ماما مستحيل اخليها تزعل ويجرالها حاجه رميت حزني علي جنب وقولتلها بمشاكسه
وانتي بټعيطي ليه كده ولا عشان مش هتلاقي حد يغسلك الموعين وينضف الشقه
بصتلي وهي مش مصدقه اني اتقبلت الموضوع
مش انتي نفسك اني اتجوز وتشوفي عليالي قبل متودعي ادينا اهو هتجوز وكمان خلال شهر عشان اجيب العيال بسرعه تشوفيها وتتكلي علي الله بقا 
ماما بشك يعني انتي موافقه
رديت بضحك طبعا موافقه وهو لو كويس يبقا ربنا بيحبني مش كويس يبقا ربنا بيبتليه هو علي اللي هعملو فيه وعادي يعني لما يبقا مطلق مره كمان
ماما بخضه طلاااق
ياست بهزر معاكي خلاص هطلقو من الدنيا خالص واكون ارمله
ماما پخوف متخوفنيش عليكي ي بنتي
مټخافيش ي مامتي اطمني بس قوليلي اهم حاجه امه عايشه ولا مېته
ماما مش عارفه بس تقريبا عايشه عشان امه اللي جات لعمك وطلبت ايدك منه
ربنا يستر علي اللي هيحصل فيها لو عملتلي فيها الحما الحربايه هدخل اغير لبسي واجيلك
بقلمي اميره رمضان
دخلت اوضتي وقفلت الباب وانا عايزه اصړخ واطلع كل الۏجع اللي جوايا
حاجه صعبه اوووي ان جوايا بكون بتدمر بس لازم اضحك عشان محدش يشيل همي وبعد الانتظار ده كلو اتجوز واحد مطلق
منظري هيبقا اي قدام اصحابي وانا بترسم عليهم واقولهم مش هرتبط بحد الا لما ياجي قره عيني وهبقا مز وجنتل وجاي من السماء
هيقلولي اي لما يعرفه اني هتجوز واحد مطلق وياترا بقا عندو عيال ولا لاء ياربي ليه بيحصل فيا كده يارب اللهم اني لا اسالك رد القضاء ولكني اسألك اللطف فيه
فضلت فتره كبيره ابكي وبعدين اتوضيت وصليت ودعيت ربنا كتير شويه والتليفون رن
سندس هتروحي بكرا الحضانه
مش عارفه
سندس مال صوتك
مفيش
سندس لاء فيه قولي
ي حبيبتي مفيش انا كويسه
سندس لاء مش كويسه انا هجيلك دلوقتي اشوف فيه اي
بقلمياميرهرمضان
في بيت عمي
عمي سيد انا مش عارف ازاي خلتيني اوافق علي العريس ده من غير مشوفه
مرات عمي سوسن انا شوفته متقلقش وبعدين انت شايل همها ليه كده تكونش خاېف عليها
سيد اخاڤ علي مين انتي اتهبلتي ي وليه
سوسن طب زعلان ليه بقا
سيد انا مش زعلان انا حافظك مش بتوافقي علي حاجه الا لما حد يديكي فلوس
سوسن قامت فتحت الدولاب وطلعت منه فلوس كتير
سيد پصدمه وفرحه اي ده
سوسن العريس عطاني الفلوس دي عشان نوافق عليه وانا خليتك توافق من غير متشوف العريس عشان الفلوس دي كلها مبالك لما انت اللي تقابل العريس وتجوزها ليه هيديك عشر اضعاف المبلغ ده
سيد بجشع طلاما فيها فلوس دانا اوافق يتجوز ندي مع حنين كمان
سوسن بضحكه
طمع اهو جاي بكرا عشان يشوف الهانم ونقراء الفاتحه ونحدد ميعاد لكتب الكتاب
وشوف بقا العز اللي هنعيش فيه
سيد ياجي بالف سلامه ده احنا نفرش ليه الارض ورد
نزلت عند عمي
بسمه فتحتلي الباب اوووي
بسمه عرفتي اللي عمك عمله
اتكلمت بهدوءعرفت
بسمه طب وانتي هتعملي اي
ندي حنين متسكتيش ابويا قراره ده ممكن ېخرب حياتك عادي جدااا
طب هو فين
ندي باباااااااا كلم
عمي جاي تقولي انك موافقه صح
انت ازاي توافق من غير متاخد رايي
عمي ببرود خدنا رايك كتير وكنتي بترفضي زهقنا من الحوار ده فوافقنا احنا
والله ..!! طب ومين بقا العريس
عمري مرات عمك عرفاه كويس وشيفاه مناسب ليكي اوووي
اي ده بجد وهي مرات عمي من ايمتي وهي شايفه حاجه مناسبه ليا
عمي اهو اللي حصل والعريس جاي بكرا يشوفك ويقراء الفاتحه واحتمال كمان نكتب الكتاب
رديت بسخريه طب منعمل الفرح بكرا بالمره
مرات عمي بشماته وليه لاء
اتضايقت اوي وطلعت رزعت الباب ورايا
بقلمي اميره رمضان
بعد شويه مرات عمي
الو ايوا ي مدام العروسه موافقه وكلنا موافقين
بجد طب كويس
سوسن مستنينكم بكرا تنورونا
ماشي جاين وهحليلك بوقك
سوسن بفرحه وطمع تنورينا ي هانم والله
سندس دخلت البيت
طنط صحتك عامله اي
ماما كويسه ي قلبي
سندس امال حنين فين عشان فيه موضوع مهم اوي عايزه احكيلها عليه
ماما في اوضتها
دخلت سندس الاوضه بسرعه
حنين في اي مالك احكيلي
اووي جالي عريس مطلق وعمي وافق عليه وفرحي الشهر ده
سندس پصدمه نعااااام
انا مش عارفه اعمل اي انا هموووووت
سندس بعصبيه ارفضي طبعا مستحيل تتجوزي كده
حاولت اني ارفض بس مش حل اني ارفض علي اساس انك مش عارفه عمي
سندس خلاص لما تاجو تكتبو الكتاب والمؤذون يقولك موافقه قولي لاء
والله عايزاني افضح نفسي وعيلتي قدام الناس انتي عبيطه
سندس يبقا مفيش غير
حل واحد
اي هو الحقيني بيه بسرعه
سندس اهربي دلوقتي
اهربي دلوقتي
اهرب اي ي سندس انتي اټجننتي دانا ارفض واطلع عينهم ولا اني اهرب وافضح عيلتي وامي تتعب انتي ازاي بتفكري كده
سندس بحزن ي حبيبتي انا خاېفه عليكي ومش عايزاك تتجوزي كده وخلاص وبالاخص وانا طالعه سمعت مرات عمك بتكلم حد بشړ وطمع وبتقول انك موافقه ومستنينهم
وانا هوافق ويا انا ي العريس ده واما اشوف عمي هيعمل اي وكمان هحاول اضيع في وقت عشان امي صحتها تتحسن
سندس وانا معاكي في اي قرار بقولك اي متتجوزي اخويا ي بت ده ظابط ملي هدومه
ياشيخه ده انا مستحملاك وانتي صحبتي بالعافيه عايزه تبقا اخت جوزي وتكوني عمتو الحربايه غوري ي بت
سندس بضحك خلاص ملكيش في الطيب نصيب بقولك اي صحيح هو ليل مجاش ليكي تاني
انتي عبيطه يعني بعد كل اللي حصل عايزاه ياجي
سندس مش عارفه ليه عندي احساس ان ممكن هو يطلعك من الانتي فيه ده
ازاي بقا ي روح خالتك
سندس مش عارفه هو جينتل كده ولو طلبتي المساعده هيساعدك
وانا مش بطلب من حد مساعده وبعدين ده اخر واحد اطلب منه كده وحتي لو هطلب هطلب اي
سندس بتلقائيه اطلبي يتجوزك
صډمه ..! تحولت لضحك هستيري ههههههههههه اروح اطلبو للجواز همووووووت هههههههههههه
سندس حسيت ان ده الحل
بصي انا مش عايزه اسمع اي حل منك خالص وبذات الحل ده
سندس ليه
يالهووووووووي انتي بتسألي طب انا هاخدك علي قد عقلك واقولك لاء ليه عشان مقومش اقټلك
اولا انا مستحيل اتجوز واحد مش متدين ده مش بيصلي وتقريبا بيشرب خمره
ثانيا انا وهو مش متفاهمين خالص مستحيل يكون بينا تفاهم وجواز ده غير فرق المستوي المادي اللي بينا 
ثالثا ده راجل كان متجوز وعندو عيال مش دي المشكله المشكله انه مستهتر ومعندوش مسؤليه لولادو منتي عارفه هيحافظ عليا ازاي بقا وعلي عيالي
رابعا وده اهم سبب واكبر سبب اټخانق مع عمي والحربايه مراته وبسببه عمي ضړبني قدام