بسمه ومصطفى كامله

لبعض يارب
كان لابس دبله ف ايده الشمال ف فهمت انه متجوز
يارب و يخلي لك اولادك هو حضرتك عندك ولاد
ابتسم بحزن و بص ف الارض
لا معنديش
ربنا يرزق حضرتك يارب
يارب
استأذنت منه و مشيت و روحت
تيته انا جيت
تعالى يا حببتى انا ف المطبخ
روحت لها بوستها و اتغدينا و قعدت اذاكر
و بعدين تيته كانت دخلت تنام
ف قولت اروح اصحيها احنا بقينا المغرب
تيته
...........
تيته انتى مش بتردى عليا ليه
.........
حسيت انى ذى المشلوله مش قادره اتحرك مش عارفه اعمل ايه
طب اكلم مين احنا مافيش حد حوالينا ابدا
طلبت الاسعاف اتأخر اوى
ف لبست طرحتى وانا مڼهاره و طلعت اجرى بره اشوف اى حد ياخدنا المستشفى
و مكنتش ملاحظه انه فيه حد متابعنى
و كان هو مصطفى .لاقيته جاى لى جرى
مالك يا بسمه فى ايه بتعيطى ليه
تيتن تعبانه اوى مش بترد عليا وانا مش بعرف اسوق
طب اهدى و تعالى انا معايا العربيه
هاخدها و نروح اقرب مستشفى
ماشى
مصطفى شالها و قعدت ف الكرسى اللى وراه و اخداها ف حضنى و قعدا اكلمها
تيته بالله عليكى مش تروحى و تسيبينى انا ماليش حد غيرك
قومى يالا فوقى يا تيته
مش انتى قولتيلى عمرك ما هتسيبينى ابدا
بعد حوالى 10دقايق وصلنا المستشفى و الدكاتره اخدوها يكشفو عليها و مصطفى كان بيحاول يخلينى اهدى
اهدى يا بسمه تيته هتبقى بخير متعيطيش
مكنتش بترد عليا اول مره انده لها و مترودش عليا
هتبقى بخير والله اهدى
بعد شويه خرج الدكتور
ازيك يا بسمه
الحمد لله يا عمو امجد انا بخير تيته عامله ايه
اهدى هى بخير يا حببتى و شويه و هخليكى تشوفيها كمان بس عايز رقم باباكى
مش معايا رقمه
طب اهدى و شوفيه ف موبيل تيته
حاضر
اديته الرقم من موبيل تيته و قعدت احمد ربنا انها بخير
و بعد شويه حوالى ربع ساعه سمحولى اشوفها و مصطفى دخل معايا
جريت حضنتها
كده تخوفينى عليكى يا تيته
مټخافيش يا عمرى انا كويسه اهوه
و هنا مصطفى اتكلم
حمدالله على سلامة حضرتك
الله يسلمك يا ابنى انت مين
دا يا تيته دوك مصطفى حفيد جدو
احمد جارنا و كمان دكتورى ف الكليه
و هو اللى جابنا المستشفى
والله يا ابنى ما عارفه اشكرك ازاى
لا متقوليش كده ابدا ربنا يشفيكى يارب
يارب يا ابنى
مصطفى خرج و تقريبا راح للدكتور
و كان بيسأله عن حالتها
للاسف دى غيبوبه سكر
لا حول ولا قوة الا بالله
هو حضرتك قريبها
لا انا جارهم
اها
فجأه بابا جه و معاه عمى ادهم
شوفته مش اتحركت من مكانى حتى
انا شوفت بسببه كتير اوى
و بسببه عيشت عمر اكبر من عمرى
عمى جالى و اخدنى ف حضنه
بسمه
ازيك يا عمو
الحمد لله بخير يا حببتى انتى عامله ايه
انا بخير الحمد لله
مټخافيش انا معاكى اهوه ومش هسيبك تانى
ربنا يخليك ليا
بابا دخل لتيته و اتكلمو و لاقيت صوتهم عالى كل ده و انا متخيله انه مصطفى مشى
ف دخلت لهم جوا
انا مش هسيب بيتى يا اكمل
يا امى انا عايزك جنبى عشان اكون مطمن عليكى انتى و بنتى
و بنتك مش هتيجى معاك و لا كمان تيته
خليك ف حياتك اللى اختارتها يا بابا و سبنا ف حالنا
عايز تطمن عليا دا انا معرفش يعنى ايه احساس الابوه ده مش عارفه احس تجاهك احساس اى ابن تجاه ابوه لانى شوفتك ف عمرى كله كام مره بس
هنا عمو ادهم اتدخل
اهدى يا حببتى و انت كمان يا اكمل طول بالك
سبتهم و طلعت بره قعدت قدام المستشفى على السلم
لاقيت مصطفى قاعد جنبى
حقك عليا انا متزعليش
اول ما سمعت الجمله دى و كأنه بيقولى عيطى
عيطت كتير اوى
اهدى عشان خاطرى
انا خاېفه ياخدنى من هنا انا مش عايزه اروح ف اى مكان
مټخافيش من حاجه
انا طول الوقت خاېفه مافيش حد بيطمنى غير تيته
ربنا يخليهالك يارب و انا كمان معاكى اهوه
قعدنا نتكلم كتير و لما رجعت لتيته كان بابا و عمى راحو يجيبو لتيته هدوم من البيت
وقتها انا قعدت جنبها و نمت
دخل مصطفى
حضرتك عامله ايه دلوقتى
الحمد لله بخير يا ابنى معلش سهرناك اوى معانا
بصى يا تيته انا عرفت اللى حصل لبسمه كله و ربنا وحده العالم انا بعزها ازاى
و الحل الوحيد انى اخطبها منك و هتكون ف امان معايا انا عارف انه لا وقته و لا مكانه بس انا مش عايزها ټعيط تانى
انا اسمى مصطفى و حضرتك عارفه جدى الله يرحمه و عائلتى كلها كمان
انا عايز اصارحك بحاجه قبل اى شئ انا كنت متجوز و مراتى عملت حاډثه و ماټت من سنتين و سبت القاهره و جيت اهنا و اول ما شوفت بسمه حركت شئ جوايا
و ارجوكى الكلام ده يكون سر بينا
انا