رواية الم البدايه فريدة احمد-1

بعد ماعملت ده كلو في الاخر تخرج وتاخد براءة . يعني خلاص كل اللي عملتو طلع علي الفاضي وفي الاخر هترجع هي وفارس لبعض ولا كأن حاجة حصلت وقفت مكانها وهي بتقول بشړ ..لأ انا مش هسمح أن ده يحصل .مش بعد كل اللي عملته ده اخسر تاني كل حاجة
طبعا كل الكلام ده اتقال وداليا واقفة علي باب المكتب وسامعة كل حاجة وهي مصدومه في أميرة واللي عملته في ريم
عند ريم 
بعد ماحازم رن عليها مرتين ومرديتش عليه
بعتلها رسالة وقالها ..الساعه تمانية ونص دلوقتي لو عدت تسعة وملقتكيش قدامي في الشقة انتي عارفة كويس انا هاعمل ايه 
ريم قامت بسرعة وهي خاېفة من ټهديدو ولبست 
وراحت زي ما قالها
بعد ساعة
ريم كانت واقفة قدام شقة حازم
رنت جرس الباب بتردد وهي بتاخد نفسها بصعوبة 
حازم فتحلها الباب واول ماشافها ابتسم تلقائي
وهو حاسس بانتصار و بيقول في نفسه خلاص مراده أخيرا هيتحقق

ريم دخلت وخطت اول خطواتها وهي عارفة ومتأكدة انها بكدة داخلة للچحيم برجليها 
يتبع ... 
الم_البداية



الم البداية
الفصل السادس
ماحبش حازم يضيع وقت 
بمجرد ما قفل الباب كويس بالمفتاح قرب منها وحاوط كتفها بزراعيه وقالها ببتسامة .. نورتي مملكتي
ريم كانت واقفة زي المشلۏلة وهي بتتخيل اللي هيحصلها
والزاي هتقدر تفرط في نفسها بسهولة كدة وتسلم نفسها للشيطان بأديها 
فاقت على صوت حازم وهو 
واخدها من أيدها وبيقولها .. تعالي 
ريم پخوف .. ا اانت هتعمل ايه
حازم .. مټخافيش . مش هاكلك
وبخطوات بسيطة خدها وقعدها على كرسي البار اللي في اخر الريسيشن وقالها بنبرة حماسية .. تحبي تشربي ايه .. 
وقبل ما ريم تتكلم 
حازم فتح ازازة الفو ديكا وصب كاس لنفسه
واتكلم بكل بساطة وقالها .. بتشربي ياريم
ريم بصتله پصدمة 
ابتسم حازم بسخرية لما شاف الصدمة علي وشها 
وقالها ببرود.. بلاش تمثلي دور البريئة دا عليا لأني فاهمك كويس 
ريم بعصبية .. انت ليييه مش عايز تصدق اني مش كدة 
احلفلك بإيه عشاان تصدقني
حازم بستفزاز.. خلاص انا هعمل نفسي مصدقك وانك شريفة بجد . هاا هتشربي ايه
ريم اتنهدت بضيق .. انا مش عايزة حاجة 
حازم .. ما يصحش . انتي ضيفتي النهاردة
وقبل ماريم تنطق كان حازم مشي من قدامها وخرج عصير برتقال من التلاجة 
بعد ثواني كان حازم مددلها ايده بكوباية عصير وهو بيقولها .. روقي و اشربي 
ريم بصت للعصير بشك .. انا مش عايزة اشرب حاجة قولتلك
حازم بسخرية لما فهم انها خاېفة .. ماتخافيش مفهوش مخدر 
وأكمل بخبث .. انا محتاج اتبسط .يعني عايزك تبقي فايقة 
ريم بتعب .. انتا ليه بتعمل معايا كدة
حازم بهدوء .. بعمل معاكي ايه 
ريم .. ليه عايز تاخد مني حاجة مش من حقك 
رقرقت الدموع في عينيها قبل ما تكمل وتقولو .. ليه مصمم تكسرني قدام نفسي .. عملتلك ايه عشان تعمل معايا كدة
حازم ببرود .. بس انا مغصبتكيش علي حاجة . انتي هنا بمزاجك
ريم بصتله پصدمة قبل ما يكمل هو ويقولها .. 
انا عرضت عليكي عرض وانتي وافقتي . ولا نسيتي
ريم .. انت استغليت ضعفي
حازم .. انا ماضربتكيش علي ايدك انتي لو كنتي عايزه ترفضي كنتي رفضتي . 
ريم بدموع .. عندك حق . انا اللي عملت في نفسي كدة
ريم مسحت دموعها.. ب بس 
حازم .. بس ايه 
ريم پخوف وتوتر .. اللي انتا عايزو صعب وو انا .مش هقدر
حازم بعصبية .. انا مش فاهم اي الصعب في اللي هاتعمليه .انا علي حد علمي انها مش اول مرة بالنسبالك .ولا جاية تعملي عليا انا محترمه
ريم بعصبية .. انا مغلتطش .مغلتطش حرام عليك بقاا
......
عند أميرة 
خرجت من المكتب بعصبية
بس اول ما لمحت داليا واقفة بعيد شوية وهي بتتكلم مع واحدة من الميكب ارتست اللي بيشتغلو في المكان وهي بتحاول تشرحلها الشغل 
اتجهت اميرة ناحيتها وهي بتتصنع الهدوء علي عكس العصبية اللي فيها 
اميرة .. داليا انتي جيتي امتا انا مستنياكي هنا
من بدري .انتي كنتي فين
داليا ما كانتش طايقة تبص في وشها بعد ما سمعتها

لما كانت داليا لسه واصلة و جات تفتح باب المكتب بس قبل ما تحط أيدها علي اوكرة الباب وقفت پصدمة لما سمعت صوت أميرة العالي من جوه وهي بتكلم المحامي 
ومن كلام أميرة مع المحامي اتأكدت داليا انها هي اللي ورا اللي حصل لريم 
وبرغم أن داليا كانت عايزة تولع فيها إلا أنها هي كمان حاولت تتصنع الهدوء واللطف وقبل ما ترد على اميرة
بصت للبنت اللي واقفة وقالتلها .. روحي انتي يا علا اعملي اللي قولتلك عليه 
البنت مشيت وداليا بصت لأميرة ببتسامة فرح وقالتلها..  
عندي ليك خبر هايبسطك اوي 
اميرة .. بجد . قولي بسرعة 
داليا .. ريم خدت براءة وخرجت النهاردة 
اميرة بتفاجأ مصطنع .. بتهزررري
داليا ابتسمت بسخرية وهي عارفة ومتأكدة انها مش متفاجاة ولا حاجة 
داليا ببتسامة .. امم .انا لسة جاية من عندها دلوقتى
أميرة بتمثيل الفرحة ..انا مبسوطه اووي