هنا خدت نفس وقالت .. عاوزة انتقم لكرامتي اللي هانها واشوفه وهو بيتذلللي وبيترجاني علشان ارجعله 
... طيب ما هو بيحاول معاكي اهو 
هنا .. لأ لسه مش بالسهولة دي . انا عوزاه يطاطي ويحس انو ظلمني بجد . ولو رجعت ارجع بشروطي ويسيبني براحتي
. مش كل شوية خناق علي الدخول والخروج وحقوقي فين والكلام ده . لأ انا عاوزة اعيش حياتي بمزاجي زي ما انا عايزة . امشي الليلة بمزاجي وقت مااكون عايزة مش تحت امره هو . انا مش الجاريه اللي اشتراها 
لازم يحس انو غلط فيا وغلط جامد واني مش هسامح بسهولة .لازم يحس بقيمتي ويفضل يحاول 
كملت وهي بتريح علي السرير .. وانا بقا بمزاجي وقت ماستكفي وأحس اني راضية من جوايا لما اشوفه مزلول تحت رجلي وهو بيستعطفني علشان ارجعله 
وقتها بقا ابقا افكر ارجع
كملت بتوعد .. وديني لأخليه يجيلي راكع وهو بيطلب رضايا وهو ندمان ندم عمره انو في يوم من الايام بص لواحدة غيري 
..... وانتي ضمنتي منين انو هيعمل كده . مش ممكن يزهق وييأس ويطلقك ويسيبك فعلا 
هنا .. مين ده تامر 
ضحكت بثقة وقالت .. تامر عمره مايقدر يستغني عني . اصلك متعرفيش هو بيحبني وبيعشقني الزاي 
.... طيب وانتي 
هنا .. انا ايه 
... بتحبيه 
هنا .. وتفتكري بعد اللي عملو ده هكون لسه بحبه 
وبعدين لو الحب ده هيخليني أتنازل عن كرامتي يبقا لأ ادوس علي قلبي ولا اهين كرامتي . انا مهما احبه مش هحبه اكتر من نفسي .. تامر خلاص من يوم ما سمح لنفسه يعرف واحده غيري وهو انتهي بالنسبالي وعمري ما هحبه تاني. حتي وانا متأكدة انو فعلا محبش غيري 
..... يعني هو لما عرفها مكانش بيحبها
هنا .. يحب مين يابنتي . تامر عمره ماحب غيري ولا يعرف يحب غيري اصلا 
.... امال ليه عرفها لما هو محبهاش
هنا بسخرية .. قال ايه علشان انا مهتمتش بيه .. البيه عاوزني اقعدله في البيت ببنته اطبخله وألبي طلباتو 
علشان ابقي الزوجة الأصيلة من وجهة نظره . 
بس لأ حتي لو رجعتله مش هرجع غير بشروطي 
وزي ماأنا عايزة هعيش حياتي 
وهخليه زي الخاتم في صباعي بجد يتمني بس رضايا وهتشوفي 
.... طيب ياحبيتي بكرة نشوف 
هنا .. مش مصدقه 
... لأ طبعا مصدقاكي وعارفه هو بيحبك الزاي 
هنا .. انا بقا حابه اقعد اتفرج عليه كده وهو بيتعذب