بقلم عمرو راشد-٥

مسمعتش صوتك من ساعتها هو انتي لقيتي سعادتك ونستيني ولا ايه
سعادة ايه بس يا ماما الظاهر اني عمري ما هشوف سعادة طول حياتي
اعوذ بالله ليه بتقولي كدا يا حبيبتي
مفيش حاجة بتكمل للاخر دايما في حاجة بتخلي فرحتي ناقصة
مش يمكن انتي اللي مختارة طريق غلط أصلا من الأول
ازاي يعني
زي لما تشوفي فستان عاجبك بس ضيق عليكي لكن هو عاجبك جدا وقررتي تشتريه وانتي عارفة انه مش على مقاسك بس اټصدمتي لما روحتي البيت و لقتيه مش مقاسك رغم انك عارفة من الاول انه مش هينفع اهي الحياه كدا يا بنتي الفستان اللي على مقاسك هتلاقيه جنب الفستان اللي عجبك اوي دا واللي على مقاسك حلو برضو بس احنا دايما بنحب نختار الصعب
انا حاسة اني داخلة على ايام صعبة أوي يا ماما جوايا خوف من اللي جاي دايما ومش عارفة ابطل دا
اللي بېخاف بيكون عامل حاجة غلط وخاېف من نتيجتها انتي عاملة حاجة غلط
سكت ومعرفتش ارد
مفيش بني آدم مبيغلطش يا هند احنا بشړ يا حبيبتي بس المهم اننا لما نعرف الغلط نروح نصلحه
مش يمكن لما اصلحه اندم
ټندمي على تصليح الغلط دا معناه انك عارفة انك بتعملي حاجة غلط معنى كدا انك عارفة النتيجة وعارفة اللي هيحصل معنى كدا انك عندك الشجاعة تواجهي نتيجة غلطك دا يبقا ملوش لازمة خۏفك دا يا هند
يا ماما انا تايهة ومش عارفة افكر ساعديني انا حاسة ان دماغي واقفة
الغلط اللي أنتي عملتيه يتصلح وأنتي هتبقي كويسة
هو انتي ليه متأكدة اني عملت حاجة غلط
باين عليكي وباين كمان انه غلط كبير
لا عادي على فكرة انا تمام
اتمنى
بقلم عمرو راشد
نظرة ماما وكأنها عارفة ان فعلا في حاجة مش طبيعية بس طبعا هي مينفعش تعرف حاجة مفيش حد شايل الهم دا غيري لوحدي بس دا قراري وعلى رأي ماما طالما دا غلطي يبقا اتحمله بعد ما ماما نزلت دخلت لبست بسرعة ونزلت وصلت بيت قاسم الساعة 8 استنيت دوري و دخلت على عكس العادة لقيت وشه قافل تماما مش مبتسم زي كل مرة وهو بيقابلني
جاية ليه
انا واقعة في مشكلة كبيرة وعايزاك تساعدني
مشكلتك المرادي ملهاش حل يا هند حلها مش عندي
بس انا فعلا محتاجاك انت متعرفش ايه اللي عندي
لا عارف شمس جاتلك
وعارف هي عايزة تعمل ايه
عارف وأنا حذرتك من اللي أنتي هتعمليه و أنتي مسمعتيش كلامي
طب انا المفروض اعمل ايه انا خاېفة
يا هند انا حذرتك أكتر من مرة وقولتلك مينفعش هارون يرجع انتي بالشكل فتحتي على نفسك بوابة جهنم ومش هتتقفل انتي متعرفيش شمس دي ممكن تعمل ايه
ماهو انا جيالك عشان كدا ساعدني واعملك اللي انت عايزه حتى بص
طلعت من شنطتي المبلغ اللي كان طلبه مني في موضوع هارون
دا المبلغ اللي اتفقنا عليه وممكن أدفع اكتر بس تساعدني
الموضوع دا لو انا دخلت فيه هتأذي يا هند ربنا يسهلك يا هند وتلاقي حل لان حلك صعب ومش هيكون عندي تقدري تتفضلي دلوقتي
مشيت من عنده وانا فاقدة اخر امل ليا مضطرة استنا هارون واشوف هو هيتصرف ازاي انا كدا معنديش حد الجأله ولا حد هيعرف يساعدني الامل في هارون رجعت البيت دخلت اغير هدومي بس وانا بغير في الأوضة سمعت صوت برا في الصالة وأنا عارفة ان البيت مفيهوش حد خرجت برا لقيت شمس قاعدة على الكنبة
محدش هيساعدك يا هند متتعبيش نفسك كل الطرق مقفولة محدش هيوافق يقف قدام شمس
في ربنا اللي أقوى منك ومن اللي زيك
ربنا!!!!
بدأت تضحك و رجعت تكمل كلامها
وهو أنتي لما حضرتي هارون كنتي تعرفي ربنا كان لازم تسمعي كلام الشيخ بتاعك وتفكري كويس قبل ما تعملي اللي عملتيه بس تعرفي انا مستمتعة بكلمك بجد على فكرة اللعبة حلوة واحلى لما تبقي عارفة انك الطرف الاقوى وهتكسبي في الأخر يعني الموضوع محسوم يا هند
انتي بتقولي اي كلام بتحاولي تداري على خۏفك
اخاڤ منك انتي من بشړ
قامت وقفت وعنيها قلبت للون الأحمر
بنت ابليس تخاف من بشړ!!!!!
صوتها كان مرعب جدا و اجش بعدها عنيها رجعت لطبيعتها و ابتسمت وقالت
طب شوفي مروان هيقولك ايه دلوقتي
دلوقتي فين
في نفس اللحظة لقيت مروان ليفتح الباب و دخل بصتله وأنا مصډومة و رجعت ابص عليها تاني لقيتها بتبتسم و اختفت في ثواني مروان دخل وهو باصصلي بإستغراب
مالك
مفيش انا تمام
كويس اني لقيتك صاحية
خير في ايه
انا هتجوز شمس بكرا!!

انا هتجوز شمس بكرا
تتجوز مين
ايه مش سامعاني
شمس مين دي اللي تتجوزها يا مروان طب وانا
اعتقد اننا اتكلمنا في الموضوع دا قبل كدا وانتي مكنش عندك اعتراض ايه اللي حصل بقا
اللي حصل اني لسة على ذمتك لسة قاعدة في بيتك وانتي بتقولي هروح اتجوز