ايه السيد -٢

مش طويله! طيب غيري البنطلون ده والبسي الإسود الواسع
كنت عايزه أعارضه لكن مكنش عني طاقه فلبست الي قال عليه وأنا ساكته والحمد لله إنه مأخدش باله من المكياج إلي أنا حطاه لأني كنت مخففاه خالص
بقلم آيه شاكر 
سبحان الله وبحمده 

وقبل انتهاء ساعات العمل دخل شادي لمكتب عبيده قعد قصاده مرتبك مش عارف يبدأ منين بصله عبيده باستفهام وقال 
مالك يبني عمال تفرك زي الفرخه إللي عليها بيضه كده ليه
اڼفجر شادي بالضحك وقال
أما إنت عليك تشبيهات يا عبيده
عبيده بضحك 
انجز عايز ايه اطلب علطول
مال شادي ناحية عبيده وقال بهمس حرامي بيسرق 
بص احنا عايزين نقصر المسافات بيننا
قرب عبيده رأسه منه وقال بنفس الهمس 
مش فاهم عايز تيجي تقعد على رجلي يعني ولا إيه!!
وقف شادي وقال دفعة واحده وبنبره عاليه
بص يا عم من الأخر كده أنا عايز أتجوز أختك يا عبيده
ابتسم عبيده وقال 
هو أنا أطول يا نهار أبيض
ابتسم شادي ورجع يقعد وحط أيده على قلبه وقال 
ياه يا جدع هم وانزاح من على قلبي
قاطعهما صوت أحد الموظفين
روح شوف البيه المدير يا عم عبيده طالبك
وقف عبيده وقال ل شادي
طيب شيل موبايلي من الشحن على ما ارجعلك يا أبو نسب
خرج عبيده وقال شادي بمرح
طيب ماشي ربنا يرجعك بالسلامه يا غالي ويجعل كلام المدير خفيف على قلبك
أزاح شادي موبايل عبيده عن الشحن وبدأ يعبث فيه كعادته
اتفاجئ لما لقى رساله غريبه على الماسنجر فتحها واتسعت عينيه پصدمه وهو بيعيد قرائتها مره واتنين _كانت الرساله إلي بعتاها منه_ قال 
يا نهار أزرق إيه ده!! دا أنا شكلي عكيت عك طيب واتسرعت
هز رأسه يمين وشمال وهو بيقول بشرود
الموضوع ده فيه حاجه غلط ومش مفهومه
وعلى الفور أرسل لنفسه الإسكرينات ومسحهم من عند عبيده
بص لنقطه وهميه في الفراغ بتركيز وهو بيكلم نفسه وبيقول 
شهد محترمه زي أخوها وأكيد فيه حاجه غلط أكيد
استنى شادي عبيده لما رجع واستأذنه يقابل شهد قبل ما يفاتحها هو في الموضوع وراحلها على الكليه 
بقلم آيه شاكر
صلوا على خير الأنام 

أنا عزماك يا شهد إيه رأيك نتغدي سوا النهارده
قالتها روعه بحماس قټلته أنا لما قلت 
شكرا مليش مزاج مش عايزه
حنين بمرح 
يا بنتي بتقول عزومه حد يطول بالله عليك تعالي نروح وزرغردي يالي منتش غرمانه
ابتسمت فرغم تعاملي معاهم بجمود لكنهم تفهموا حالتي ومهما كنت أقول كانوا بيبتسموا ويطبطبوا عليا بحنان واحتواء حبيت احتوائهم ليا وقررت مخسرهمش
وبعد إلحاح من حنين وإصرار من روعه اضطريت أروح معاهم
مكنتش واخده بالي من شادي إللي متابعني ومستني أكون لوحدي عشان يتكلم معايا
دخلنا المطعم وطلبولي شاورما أكلنا وهزرنا وضحكنا وقضيت معاهم وقت حلو نسيت خلاله كل مشاكلي لحد ما عكر صفو اللحظات دي روعه إللي حطت صورة أخويا قدامي وقالت باستفهام 
إنت مقولتيش ليه يا شهد إن دي صورة أخوكي!!
تنحنحت وقلت 
محبتش أحرجك يا روعه
ابتسمت وقالت بوداعه
تحرجيني إيه يا بنتي أإنت فاهمه إيه! دا أنا لقيت الصوره دي في الشارع
قلت بنفاذ صبر 
روعه بالله عليك أنا زهقت من الكذب والتحوير لو عايزه تقولي الحقيقه قولي مش عايزه خلاص بس متكذبيش
روعه بزعل 
الله يسامحك يا شهد والله العظيم ما بكذب أنا فعلا لقيت الصوره دي على الأرض وناديت على أخوكي أديهاله بس ملحقتهوش وكنت هرميها بس
قاطعتها لما قلت بنبرة حادة
روعه أنا حرفيا تعبت من الكذب بطلي تحوير أنا عارفه كل حاجه ومعايا صور للمحادثات
روعه بجهل 
محادثات إيه!!
طلعت الموبايل من شنطتي وفتحت معرض الصور عشان أوريها الأسكرينات إلي معايا
قرأت روعه المحادثه وبعدين حطت إيديها على بوقها پصدمه ومع كل رمشة من عينيها كان بيسقط معاها دمعه قالت بصوت مرتعش ومصډوم 
هو إيه ده يا شهد مين بعتلك ده!
قلت 
مش مهم مين بعتهم المهم إني عارفه بعلاقتكوا
شهقت روعه بالبكاء وقرات المحادثات للمره الثانيه وهي بتقول پصدمه 
علاقه إيه!! أنا معرفش حاجه عن المحادثات دي! والله ما كتبت الكلام ده ياربي دا صوري كمان!!
أخذت حنين الموبايل من روعه وهي بتقول
وريني كده!! هو فيه ايه!
مسكتني روعه من ذراعي وقالت بحدة من خلف دموعها 
مين إللي بعتلك الحاجات دي يا شهد انطقي
قلت باندفاع 
منه إلي بعتهالي
في الوقت ده سمعنا صوت منه وضحكتها
بصينا كلنا ناحية الطاوله إللي ورانا لقينا منهقاعده مع عصام وبتضحك
أخدت الموبايل من روعه واتجهت ناحية منه وعاد إلي اڼهياري السابق وقفت قدامها وشاورت ناحية روعه وقلت
قولي لها يا منه قوليلها إن كلكوا منافقين وكلكوا لابسين قناع الإلتزام لكن من جواكوا
ضحكت بسخرية وحركت إيدي كأني ماسكه صاجات وقلت بنبرة عالية 
من جواكوا رقاصات
تدخل عصام بصلي وقال پحده
فيه إيه يا شهد اتأدبي كده فرجتي الناس علينا
كنت هرد عليه لكن سكتت لما مسكت روعه ملابس منه پعنف وقالت پغضب 
كل الصور اللي شوفتها دي كنا متصوراها على موبايلك إنت إللي عملت كده إنت إلي كلمتي أخوها بإسمي اعترفي حالا !
دفعتها منه پعنف وبدأت تبكي وهي بتقول بمسكنه 
ارحموني بقا أنا تعبت منكوا ومن قرفكوا هو كل ما واحده تعمل مصېبه تيجي