ايه السيد -٢

سمعت صوته لما قال بنبرة مرتفعة
اسمع يا يزن لو إنت اللي ورا الموضوع ده اعترف وإلا والله هبلغ عنك وساعتها متلومش إلا نفسك
ولما بص عليا وشاف إني فوقت خرج من أوضة عبيده وكان فاتح السماعه فسمعت صوت يزن المتوتر لما قال 
يا أستاذ والله ما عملت حاجه أنا حكيتلك كل اللي حصل وأخر حاجه امبارح شهد كلمتني وأنا رديت عليها باحترام
طيب يا يزن ماشي هصدقك بس لو ثبت عكس كده مش هسمي عليك
والله العظيم أنا معرف حاجه أصلا في الموبيلات ولا ليا فيهم وموضوع الهكر ده مليش فيه والله دي كانت إشاعه محمد صاحبي مطلعه عليا في الشات مش أكتر
في الوقت ده حسيت وكأن حد بيحط ثلج على ظهري في عز البرد فشعرت بقشعريرة في جسمي
كنت بسأل نفسي يعن لو مش يزن إللي عمل كده يبقا مين!!
شهد ردي علينا إنت كويسه!
بصيت لعبيده ومعرفتش أرد بدأ جسمي ينتفض من البرودة وتصلبت أطرافي حتى قالت أمي 
إلحق يا عبيده أختك بتترعش
مسك عبيده إيدي الشاحبه والباردة وضمني ليه وهو بيحاول يدفيني وقال بلهفه ونبرة مړعوپة 
شهد مالك إيه بس يا فراشه فيك إيه! 
زادت انتفاضتي وكأن كل خلية في جسمي بتصرخ وبتثور من اللي بيحصل حوليا كنت شايفه قدامي كل الأحداث اللي حصلتلي مؤخرا كانت بتدور في دماغي كأنها بتتعرض على شاشة كنت بسأل نفسي معقول منه التقيه الملتزمة تكون هي اللي ورا كل ده! طب ليه أنا عملتلها إيه عشان تعمل فيا كده!! 
أمي حاولت تدفي رجلي إللي أنا مش حاسه بيها!
وشادي ساب الموبايل وجري على أوضة عبيده جاب البطانيه وحطها عليا
في الوقت ده حسيت إني محتاجه أقول الشهادة لأني في سكرات المۏت
حاولت أردد بنبرة خاڤتة 
أأ أشهد أن لأ إله إلا الله
قاطعني صړاخ أمي 
لأ بنتي لأ يا شهد
حضنت والدة روعه أمي عشان تهديها ورورعه طلبت رقم الإسعاف وهي بتتحرك يمين وشمال بارتباك وبتدمع من غير صوت
حسيت بدموع عبيده لما سقطت على جبهتي
شادي ارتكز على ركبتيه قصادي وجنب عبيده وقال 
حط إيدك على رأسها يا عبيده وارقيها
دقايق مرت عليا وعبيده بيرتل آيات من القرآن بصوت مبحوح وأنا ما بين اليقظه والحلم سمعاهم وحاسه بكل واحد فيهم لكن مش قادره أتحرك ولا أتكلم لحد ما وصلت الإسعاف
صوت سيارة الإسعاف زلزل الشارع وكله بقا يتسائل عن سبب تواجدها عبيده كان شايلني وأمي ماشيه ورايا تصرخ باڼهيار وصوت بكاء روعه بيرن في أذني وأخر حاجه صوت شادي إللي بيهدي أمي وبيقول
عشان خاطري إهدي والله هتبقى كويسه
\شوفتي الكهن يا ماما عملت نفسها تعبانه عشان تبوظ عليا خطوبتي! شايفه الحقد وصل لفين
قالتها منه پبكاء وهي بتبص من البلكونه على عصام وزوج أمها إللي ركبوا تاكسي ولحقوا بسيارة الإسعاف عشان يحصلوهم على المستشفى فطبطبت والدتها على ظهرها وهي بتقول 
معلش يا قلب أمك متعيطيش أنا من ساعه ما شوفت أبوك الكذاب الفقري ده وأنا متأكده إن اليوم مش هيعدي
و والله ما عزمته دا دا أكيد عرف من الفيس
مصدقاك يا حبيبتي جاي يوقعنا في بعض ابن بدريه وقال ايه بيديك فلوس وبيسأل عنك
هزت منه رأسها بالنفي وهي بتقول بارتباك
ك كذاب والله العظيم أحلفلك على مصحف إن عمري ما أخدت منه حاجه ولا بيكلمني ولا بشوفه
عارفه يا حبيبتي من غير ما تحلفي هقوم أرن على عمك ابراهيم وأشوف البت الكهينه دي عملت ايه!
خرجت والدة منه من الأوضه وسابت منه اللي ايديها بترتعش بقلق
هي مش بټعيط عشان حفلة خطوبتها اللي باظت هي بټعيط عشان خاېفه من اللي جاي ومړعوبه وندمانه إنها بعتت المحادثات ل شهد كان تصرف غبي منها لأن احتمال كبير يبدؤا يدورا وراها وتتكشف!!
فتحت الأكونت اللي كانت عملاه باسم روعه وقفلت الصفحة نهائيا
ولما فتحت الأكونت اللي عملاه بإسم حنين لقت رسايل من الشاب ممدوح اللي كانت بتكلمه وبعتاله صور حنين محتواها
وحشتيني بقالك إسبوع مش بتفتحي طمنيني عليك يا وزه
أرسلت له 
إحنا علاقتنا انتهت خلاص انساني وأنا هنساك
وعلى الفور قفلت الصفحة وهي بتدعي ربنا يعدي اللي جاي على خير!
عادت شهد للبيت بعد ما علقت المحاليل وأخذت مهدئ لحالة الإنهيار اللي أصابتها عبيده حطها في السرير وغطاها وخرج كان خاله وعصام وشادي واقفين بره مع والدته خاله قال 
طيب هنروح إحنا وبكره هاجي أطمن عليها يا حوريه
أم شهد 
ماشي يا ابراهيم شكرا لاهتمامك
عصام ألف سلامه على شهد يا عمتو
أم شهد بجمود الله يسلمك يا عصام
طول الوقت عصام كان بيبص ل شادي من فوق لتحت بسخط وإزدراء لأن منه كانت وريته الرسائل المزيفة اللي بينه وبين شهد
وبعد مغادرتهما دخلت حوريه ل شهد ووقف شادي مع عبيده يتشاوروا في الموضوع
المشكله إن اللي أعرفه في الموبايلات إنها بتقول ألو بس أنا شاكك في صاحبتهم اللي اسمها منه!
هو أنا زيك شاكك في منه بس مش عاوزين نظلمها برده عاوزين دليل قاطع عشان لما