بقلم ايه السيد -٤

عشان ميعاد المسلسل اللي متبعاه ماما كمان ربعايه
ما هي ماما عندها تلفزيون في أوضتها يا بنتي متقلقيش
سكتت دقيقه كنت بفكر وقلت ل روعه 
أنا هروح أكوي لماما لبسها اللي هتروح بيه الشغل بكره وأفاجئها عشان أتجوز تفتكرني بالخير وتقول كانت أصيله وبتكويلي هدومي
ماشي يا أصيله
قررت أكوي ل ماما الطقم اللي هي بتحبه فردت الهدوم على ترابيزة الكوي وسيبت المكواة تسخن وخرجت البلكونه أبص على شادي وأشوفه جه ولا لسه
كان فيه بقاله قصادنا وجنبها محل خضار وعبيده واقف يشتري حاجه من البقاله وشادي واقف عند محل الخضار
رفع شادي رأسه لقاني واقفه فابتسملي وهو بيرجع لورا وبيغمزلي وأنا ببتسمله وفجأة تعثرت قدمه ووقع لورا ووقع قفص الخضار فوق دماغه
صاحب المحل جرى ناحيته وهو بيقول بضيق
إيه اللي انت عملته ده يا عم مش تركز
ضحكت على شكله وهو بيعدل هدومه وبيقول
أنا آسف والله أنا آسف
ضحكت ودخلت من البلكونه لما عبيده قرب منه واعتذروا لصاحب المحل
لما افتكرت إني سايبه المكوه شغاله جريت وهنا كانت الصدمه الأكبر والأعظم في تاريخ البشريه كلها أنا سايبه المكوى على العباية بتاعت ماما والعباية في ذمة الله
اتمنيت الوقت يرجع شويه صغيرين مكنتش هسيب الهدوم أبدا جريت على روعه اللي رفضت تماما إنها تشيل الچريمة عني وقالت
بصي أنا رأيي تعرفي لمامتك وخطيبك هنا مش هقدر تضربك ولا تعمل فيك حاجه
طيب ادعيلي يا روعه
دخل شادي وعبيده للبيت وروعه حطتلهم العشا وهي كل شويه تغمزلي أروح أحكي ل أمي
دخلت لأمي الأوضه قعدت جنبها وأنا مخبيه العبايه ورا ظهري
كانت بتسمع المسلسل بتركيز مكنتش عارفه هقولها خبر ۏفاة هدومها اللي بتحبها إزاي بس لازم أقولها وشادي موجود زي ما روعه قالت عشان تتصرف بحكمه ومتضربنيش
استنيت لما جه اعلان ولما بصتلي أمي باستفهام قلت 
أأا ماما كنت عايزه أقولك حاجه
قولي يا حبيبتي
طلما قالت حبيبتي يبقى نفسيتها مرتاحه وأحداث المسلسل مفرفشه قلت بتلعثم 
أنا أنا عايزاك تهدي أولا لأن شادي بره ثانيا لأن أنا بنتك يعني أكيد بتحبيني
شهقت أمي پصدمه وقالت
نتيجتك ظهرت وإنت شايله مواد يا شهد
لأ والله مظهرتش
أومال فيه إيه!
طلعت العبايه اللي مخبياها ورا ظهري وفردتها قدام أمي وقلت بابتسامة واسعه 
عبايتك يا ست الكل
يالهوي
اهدي يا ماما والللي اتكسر قصدي اتحرق يتخيط



طلعت العبايه اللي مخبياها ورا ظهري وفردتها قدام أمي وقلت بابتسامة واسعه 
عبايتك يا ست الكل
يالهوي
اهدي يا ماما والللي اتكسر قصدي اتحرق يتخيط
١٩
فأعرضت_نفسي
بقلم آيه شاكر
بصتلي أمي للحظات وهي حاطه إيديها على صدرها كانت مصدومه وتقريبا بتفكر هتعمل فيا إيه!
فجأة وبحركة سريعه رفعت رجليها لفوق فاترفع شبشبها لفوق وشقطته ببراعة كنت عايزه أصقفلها قولت بابتسامة واعجاب
الله عليك والله هي دي الأم المصرية معروفه بجبروتها
ولما وقفت أمي واتجهت ناحيتي جريت بسرعه لبره الأوضه وأنا پصرخ وحاضنه العباية بتاعتها وبردد پخوف 
يا ماما اهدي دا مش كويس ل أعصابك
قال أمي برفزة ونبرة عالية
أهدى ازاي!!! هو أنا كنت طلبت منك تكويلي من امته يختي وإنت بتكويلي هدومي!!
تظاهرت بالبكاء وأنا بجري قدامها في الصالة وبقول 
كنت عايزه أعملك مفاجأه والله بصي اهدي كده ونتفاهم بهدوء
جريت أمي ورايا وهي رافعه الشبشب وبتحركه وهي بتقول 
وحياة أمك لأربيك يا شهد
شاورت على غرفة الضيوف وأنا بقول بخفوت
يا ماما شادي جوه أبوس إيدك متفضحنيش
روعه كانت بتتابع اللي بيحصل وبتضحك وأمي بتجري ورايا بالشبشب وأنا بقول 
منك لله يا روعه
رددت روعه من وراء ضحكاتها
وأنا مالي يختي!!
حاولت أمي تمسكني وهي بتقول
والله ما هسيبك يا شهد وملقيتيش غير العبايه اللي بحبها تبوظيها!!
قفزت فوق السفرة وبعدين نزلت للناحية التانيه وأنا بقول 
يا ماما يا حبيبتي الحقي المسلسل بتاعك زمانهم رجعوا من الإعلان
قفزت ماما ومسكتني من قفايا وقالت وهي بتضغط على أسنانها 
أنا طلبت منك تكويلي يا بت دا أنا هقطعك بأسناني
بصيت لأسنان اللولي بتاعت أمي وهي بتكشر عن أنيابها زي الأسد اللي بيجهز نفسه عشان ياكل الفريسه وصړخت
الحقني يا عبيده
خرج عبيده من الأوضه يجري وهو بيمضغ الطعام ووراه شادي وقال 
إيه اللي بيحصل ده
إيه اللي أنا شايفه ده
قالها شادي بمرح وهو بيبص على أمي اللي رافعه الشبشب بإيد ومسكاني من قفايا بالإيد التانيه
وروعه مازالت بتضحك وهي حاطه إيديها على بوقها فقلت بمراوغة 
مراتك حړقت لماما العبايه وأنا شيلت الليله وفي الأخر واقفه تضحك عليا
بص عبيده على روعه اللي شهقت واتسعت أعينها وقالت بتبرير 
لا وربنا ما عملت حاجه
عبيده بزعل مصطنع 
بتفتري على مراتي يا فراشه طيب شوفي شغلك يا ماما
سابتني أمي ولبست الشبشب وهي بتنفخ بضيق
سحبت العبايه من إيدي وفردتها تشوف علامة المكوى اللي أكلت الوش والظهر وبصت ل عبيدة من الحته المقطوعه وهي بتقول بضجر 
أختك بتقولي اللي اتحرق بتخيط أخيط فيها إيه دي!!
تجاهلت كل الكلام وبصيت بطرف عيني على شادي إللي فاتح بوقه تقريبا كده اټصدم فيا
خبطت أمي على ظهري بقوة وهي بتقول
شاطره يا قلب أمك ربنا يصبرك عليها يبني
قالت أخر جمله موجهه كلامها ل شادي إللي أومأ راسه