بقلم ايه السيد -٤

لأوضتها وبدأ ينزل هدومها من الدولاب ويرميها بره الأوضه ويرمي البعض في وشها وهو بيقول پحده
خدي هدومك وامشي مش عايز أشوفك ولا أشوف أي حاجه تخصك هنا
أنهارت روعه بالبكاء وكان عبيده وشادي بيبصوا لبعض بتوتر وارتباك وإن واضح كده عبيده دبس نفسه
والدة روعه كانت بتحاول تهدي جوزها بس من غير فائده ولما فرغ كل محتويات الدولاب دخل لأوضته وصك الباب وراه پعنف وپغضب
جمعت والدة روعه هدوم بنتها وكتبها والحاجات الخاصه بيها وحطتها في شنطه سفر كبيرة وقالت ل عبيده برجاء
خدها معاك يا عبيده على ما أبوها يهدي
طبطبت على كتف بنتها اللي مازالت پتبكي وقالت 
قومي روحي معاه يا روعه
تذكر عبيده والدته اللي مش عارف هيقولها إزاي إنه اتجوز!!
بص عبيده ل شادي وكأنه بيسأله بنظراته يعمل إيه!!
حمل شادي الحقيبه وقال 
أنا هنزل أوقف تاكسي على ما تجيب زوجتك وتيجي
ولما شاف روعه مڼهاره أشفق عليها قعد جنبها وحاول يمد إيده يطبطب عليها بس معرفش وكأن إيده الإتنين التصقت بجسمه ومش عارف يحركها
بص ناحية والدتها وبعدين وقف تاني ووجه كلامه ل روعه وقال بتلعثم  
متقلقيش أأأ أنا بصي أأأ يومين كده وهكلم والدك وان شاء الله الموضوع هيتحل يلا دلوقتي قومي معايا
بصيتله روعه ورجعت بصت لوالدتها اللي قالتلها بصرامه 
قومي يا روعه مع جوزك
روعه بنبرة عالية وپبكاء
يا ماما متقوليش جوزك يا ماما!
تنهد عبيده بعمق وقال 
أنا هنزل أستناك تحت
طبطبت والدة روعه على ظهرها وقالت
يلا يا روعه ورا جوزك
برده بتقولي جوزك!!
هرولت روعه وخبطت على باب غرفة والدها وهي بتردد بصوت باكي 
افتح يا بابا والله أنا مظلومه وكمان غبيه وغلطانه والله افتحلي أشرحلك
قالت أخر جملة وهي تستند بظهرها للباب وتهوى أرضا باڼهيار فرد والدها من وراء الباب 
مش عايز أسمع منك حاجه مش كنت ھتموتي نفسك عشان تتجوزيه! وأديك اتجوزتيه
روعه بدموع 
والله لأ أنا مش عايزه أتجوزه افتحلي أشرحلك
صمت والدها للحظة وبعدين قال بنبرة مرتفعة 
امشي يا روعه امشي وإلا لو مسكتك في إيدي هخلص عليك
مسكتها والدتها من ذراعها وهي بتقول
قومي يا بنتي عبيده مستنيك تحت سيبي أبوكي يهدى ويستوعب اللي حصل وعبيده راجل محترم مش هخاف عليك معاه
بقلم آيه شاكر
استغفروا 

من ناحية تانيه لما شاف شادي عبيده نازل لوحده سأله بابتسامة 
ايه يا عريس أومال فين عروستك
شادي هو ده حلم!!
غنى شادي 
لا دا علم
مسح عبيده على ذقنه وقال بارتباك
ازاي!
طبطب شادي على كتفه وغنى
مش مهم
إنت فايق وبتهزر يا شادي أنا مش عارف فيه ايه!!
كمل عبيده بعبوس 
هقول ل ماما إيه يا شادي!
تنفس شادي بعمق وقال
أنا رأيي متقولش حاجه الليله وبكره ولا بعده تمهدلها وربنا يسترها
كمل شادي 
المهم خد الشنطه دي وأنا هطلع أشوف تاكسي على أول الشارع على ما تيجوا ورايا
بقلم آيه شاكر 

على جانب أخر مسحت روعه دموعها وهي تنزل أخر درجة من سلم بيتها ووالدتها وراها بصت ناحية عبيده إللي مستنيها ووقفت جنبه قالت والدتها بدموع 
مش هوصيك عليها يا عبيده 
متقلقيش يا أمي وصدقيني العقده اللي اتعقدت دي هتتحل في أقرب وقت أوعدك
ربنا يطمنك يا حبيبي هو عمك عصبي لكن طيب والله وبيحب روعه فوق ما تتصور هو بس مصډوم وإن شاء الله هيهدى
سارت روعه جواره يبدو العبوس على معالم وجهها تكبح دموعها وبتتمنى يكون ده كابوس وتفوق منه
وكل اللي بيدور في دماغها إنها مش هتقبل تكون جاريه عنده وفتره وهتتحرر من سجنه وترجع لبيتها لما والدها يهدى لأنه بيحبها ولا يمكن يسيبها
بقلم آيه شاكر
صلوا على خير الأنام 

أخوكي مكلمكيش يا شهد
لسه يا ماما وحتى مبيردش عليا!
كنت مستنيه عبيده بفارغ الصبر مش عشان أطمن على روعه أد ما أنا بتمنى من جوايا إن شادي يجي معاه وأشوفه ويشوفني مراهقه بقا! حب! إعجاب! مش مهم بس هي مشاعر حخلوه ومسيطرة على قلبي
كنت لابسه عباية استقبال أنيقه وكل شويه أبص في المرايه وأطمن على مظهري
رفع شادي بصره لبلكونتي ولما لمحڼي أخفض بصره تاني وركب التاكسي ومشي
شعرت بخيبة الأمل وذهبت آمالي أدراج الرياح لما لقيته مشي
ولما تمعنت النظر ل عبيده وروعه والشنطه اللي شايلها عبيده ولقيتهم دخلوا للبيت أهلكني الفضول وجريت على بره
اتفضلي تعالي
قالها عبيده ل روعه بعد ما فتح باب الشقه وحط شنطتها على الأرض
دخلت روعه مطأطأة الرأس وخجله وكأنها عروس حقيقية
أمي قربت منهم بلهفة وقالت
إيه يا ولاد اللي حصل!!
جريت روعه واترمت في حضڼ أمي واڼفجرت بالبكاء طبطبت أمي عليها بحنان وهي بتردد 
إيه بس يا بنتي اللي حصل!!
ازداد بكاء روعه وهي مخبيه وشها في حضڼ أمي
سألت عبيده بقلق 
إيه اللي حصل يا عبيده!!
حسيت بارتباك عبيده وتوتره لما مسح على شعره وهو بيلتفت حوليه وبعدين حك رقبته فسألته أمي 
انطق يبني حصل ايه!!
تنحنح عبيده وقال 
خير يا جماعه حصل كل خير
أمي مستفهمة 
أيوه يعني حصل إيه برده
شهقت بقوة وأنا بتخيل مشهد للي حصل أصل أنا خيالي واسع قوي قلت 
إنت أكيد هربتها من أهلها نزلت على حبل من البلكونه زي الحراميه وانت شوفتها