اسكريبت

الظلمة واشعله من تاني
والنور اللي شافه في نهاية طريقة وكان ده أمله إنه يكمل بعد ما فقد الطريق
النور اللي اضاء روحه من تاني
الوحيدة اللي مسكت ايده ب أمان
والوحيدة اللي نظرة منها بتخليه ناسي كل حاجة ومرتاح!
سما إحنا مينفعش نكون سوا تاني.
نطق بنفاذ صبر لما شعر إن الضيق كتم على قلبه وهي مش موجودة تهديه زي العادة..حتى العادات ادمنها!
يعني إيه يعني يا آدم إحنا مش كنا اتفقنا نرجع كل حاجة في مكانها وننسى اللي فات ونبدء صفحة جديدة آدم أنا لسه بحبك والله وانت الراجل الوحيد اللي مقدرش اعيش من غيره ده أنا حبك الأول والاخير فاكر لما كنت بتقولي كده
كتم آدم غصة احتلته لما قرر يتحكم في عاطفته وياخد قراره.
سما انت حبي الأول اللي عاشت معايا كل حاجة
بس نور حب حياتي الحقيقي والحب الاخير هو الحقيقي أنا اسف مش هقدر اكمل في العك ده انسيني وسيبي حياتي في حالها أنا بحب مراتي ومش عايز غيرها.
جزت سما على اسنانها بعصبية.
لأ طبعا مستحيل والشهرين دول إيه كنت بتجرب!
اعتبريني كنت مسحور ب وهم الماضي والحمدلله إني فوقت منه ويارب مكونش فوقت بعد فوات الأوان أنا مش عايز غير نور في حياتي كفاية أوي لحد كده.
قفل الباب ودخل اوضته قعد على السرير بيأس وعيونه كانت على وشك البكاء المرة دي قفل ماضيه ب قفل وهيرميه مش هيرجعله تاني ولا عايز يظهر قصاده
كل اللي عايزه نور!
ظهر قصاده الحالة بتاعتها وكانت للحداد.
شاركني الشاي والليل والرغي بدون أهداف
الحزن إن شاف اتنين قاعدين يضحكوا بېخاف
افتكر كتاباتها عنه ورسايلها اللي كانت بتحطها في جيبه قبل الشغل لمعت عيونه ب حنين
وشد شعره بقوة من غباءه واهداره للوقت ده كله بعيد عنها
اشتاق لعيونها ومش هينكر إنه طول الشهرين دول كان بيسعى إنه يشوفها في أي مكان وهي كانت بتمشي كأنها متعرفهوش ويوصله كل يوم مسدج من امها إنه ييجي ينهي الموضوع وكفاية كده!
كان ثابت وواقف محاصر افكاره في زاوية كانت انقى من إنه يحطها في مقارنه مع الماضي واجمل من إنه يفسدها ب عكه
كان فاكر نفسه لما يعلقها ميديهاش رد هو كده ضامن وجودها بس الوقت بيسرقنا..
لبس بسرعة ونزل لمكانها الساعة سبعة من المؤكد إنها قاعدة تتابع الغروب وبعد الشمس عن البحر اتذكر تذمرها كل يوم من بعد الشمس عن البحر بس كان بيقولها هتبعد الشمس بس القمر هيقرب وكل واحد بياخد وقته في وجود التاني أهم حاجة البحر موجود.
نور.
كانت قاعدة على البحر وسرحانة مع حركة الموج وانا سرحت في وجودها ازاي يحاوطني دفاها وهي بعيدة عني بالشكل!
لفت وكانت نظرتها عادية.
اتمنى المرة دي تكون جاي وواخد قرارك أما لو هتضيع وقتي والمنظر الخلاب ده ف اتمنى
تروح تشوف دنيتك بعيد دلوقتي.
قربت عليها