اسكريبت

وحجبت عنها الرؤية وكان واضح الانزعاج لما لوت شفايفها زي كل مره بتضايق كانت بتلوي بوزها بالشكل اللي عايز يتاكل ده!
أنا جاي وبايع الدنيا كلها ومش عايز غيرك.
اتكلمت بصراحة وكانت اول مرة اوجهه نور.
امشي يا آدم شكلك تعبان في دماغك.
متحركش من مكانه وده خلى نور تركز مع جديته في الكلام
لأول مرة نظراته تكون ثابته متتهزش لأول مرة عيونه تنطق ب الحقيقة اللي عمره ما قالها.
انت دماغك ضاربة وانا تعبان في دماغي مش كنت بتقوليلي خلينا نتكلم زي اتنين مجانين طيب أنا واصل لقمة چنوني دلوقتي ومش عارف إزاي ده حصل أنا مغفل وخايب وعيل ملوش أي تلاتين لازمة من غيرك أنا معترف بغلطي وآسف لو كنت جرحت مشاعرك أو فكرت احطك في مكان بعيد عني نور انت الحاجة الوحيدة الحقيقية في حياتي متضيعيش مني ارجوك.
يصعب عليا أشوف حبيب عيوني بالشكل ده
ميهونش عليا ارهاقه ولا جدية كلامه
بس هو اتأخر
وللاسف أنا حذرته كتير ف كل واحد بيتحمل نتيجة اخطائه.
نطقت بسخرية.
وانا مش هينفع أكمل روح للي اختارتها ومستعد تختارها من تاني.
نطق بعصبية ولاني عارفة الصراع الداير في دماغه.
مش عايز غيرك ومش شايف غيرك.
امشي.
آمرته ب عصبية مماثلة لعصبيته
واتمنى المرة دي يسمع الكلام زي كل مرة..بس آآ...
نزلني يا آدم انت مچنون!!
ركبني العربية وقفل الباب ودخل كرسيه وساق.
جنان ب جنان بقى.
أقسم بالله يا آدم لو مسبتنيش لصوت واقول انك خاطفني.
ضحك بأستفزاز.
صوتي براحتك وانا هوريهم قسيمة الجواز.
ضړبته بعلبة المناديل وقعدت مكاني لحد ما وصلنا البيت
دخلني بالاجبار وانا ماسكه نفسي لحد آخر لحظة إني متعصبش عليه.
خلاص خلصت ابعد بقى سيبني امشي وياريت تبقى متخاذل زي المرة اللي فاتت كده وتسيبني امشي فعلا وابعتلي ورقتي على البيت سيبني اشوف حياتي مع حد بيحبني بجد وبيعاملني معاملة الملكات لاني عسل عقبالك كده.
زقني على الكنبة وحاصرني بعيونه الحلوين.
عسل اسود ومهبب على دماغك ماهو لو مش ليا يبقى مش هتكوني لغيري وفوقي بقى من العبط اللي بتقوليه ده وآه صحيح الكحل الاسود تحفة!
ابتسمت ب حماس.
كنت عارفة والله ده حتى كل اللي يشوفني يقولي إيه الجمال ده اصل عقبال عندك الناس دي حتى وهما لابسين نضاره نظرتهم ستة على ستة.
رفع شعري ب خفة بعد ما فك الحجاب.
طب وبيقولوا للحلوة ياحلوة
ضړبته علشان يبعد بس متحركش.
ملكش دعوة بيا روح لحبايبك.
ثبت نظره عليا.
انت حبايبي كلهم.
بصتله بقرف.
بطل كدب بقى.
انت بيهم كلهم.
اتهزيت ولأول مرة اتهز من بعد ما سبته بشهرين
كلامه كله مكنش فيه ذرة كدب حتى مسكته ل ايدي كانت حقيقية
مش نفس آدم اللي سيباه قاعد مش عارف يقرر هو عايز إيه للدرجادي اتعلم!
أو ادركت حقك عليا والله مش ناوي ارجع ولا ابص لورا تاني مش عايز غير اني ابص قدامي والاقيكي
ومش انت كنت حطاني تحت الاختبار من