سكريبت مريم وجون بقلم فونا

بيعرف يطمني!
صحيت تاني يوم كنت مصدعه جدا 
دورت عليه بعيوني ملقتهوش توقعت أنه راح الشغل 
قومت بتعب كنت دايخه 
طلعت وأنا سانده علي الحيطه لقيته بيحضر الأكل 
صباح الخير
بصلي وقرب مني بلهفه حبيبتي أنت كويسه
ابتسمت بتعب اه الحمدلله 
قرب مني وسندي وقعدني علي الكرسي استريحي وأنا خلاص خلصت الفطار هجيبه
بس أنت كده اتأخرت علي شغل 
قرب مني وباس راسي متقلقيش يا حبيبي واخد ساعتين وهروح تاني
هزيت راسي وقعدت 
فطرنا سوا وبعدين شال الأطباق ورفض اني اساعده 
اتفضلي بقي يا ستي أحلي كوباية آيس كوفي لأجمل مريوم 

أبتسمت بحب حبيبي تسلم ايدك تعبتك معايا
قرب مني وباسني في راسي ربنا يخليكي ليا يا مريم ومأشوفش فيكي حاجه وحشه أبدا
نزل هو شغله وأنا فضلت قاعدة شوية وبعدين قومت روقت البيت وعملت الغداء 
وأنا بعمل الغداء بطني قلبت جريت علي الحمام وطلعت كل اللي في معدتي 
طلعت قعدت علي الكرسي بتعب 
مش معقول أكون حامل 
لبست بسرعه ونزلت جبت اختبار من الصيدلية وطلعت وجربته 
بدأت أخد نفسي بهدوء وبعدين بصيت وووو
أتصدمت أنا حامل 
دموعي نزلت احساس لطيف أوي أن يكون جواك حته منك ومن اللي بتحبه 
ربنا يدي طفل لأي حد محروم يارب
روحت كملت الغداء عشان معاد رجوع چون قرب وظبطت البيت ولبست دريس بيتي لطيف 
كنت متحمسه جدا أشوف رد فعله 
الباب اتفتح فقربت منه وحضنته بابتسامه نورت 
بادلني الحضن وحشتيني
أيه أخبارك دلوقتي 
بصيتله بحب وضحكت مرة واحدة 
بصلي باستغراب بتضحكي علي ايه
بصيتله في عيونه عملالك مفاجأة بس بعد الغداء
بالفعل اتغدينا سوا وساعدني في شيل الأطباق
ها يا ستي ايه المفاجأة 
أبتسمت وطلعت علبة صغننه وعطتهاله
بصلي بأستغراب بعدين فتحها 
أتصدم وبصلي بسرعه ده بجد
هزيت راسي ودموعي نزلت
حضڼي جامد وحسيت بدموعه علي كتفي
أنا فرحان أوي يا مريم 
يدوم فرحك يا عيون مريم
كانت فترة حملي صعبة شوية وكان هو جنبي طول الوقت مفارقنيش لحظه
اتكلمت بدموع بطني يا چون مش قادره 
أتكلم بقلق مټخافيش يا حبيبتي خلاص قربنا
بالفعل بعد دقايق وصلنا المستشفى 
شالني بالراحه ودخلنا المستشفى
كانت الولادة صعبة كنت سامع صوت صريخها من برا كنت عمال ادعيلها وادعي للبيبي يوصل بالسلامه 
بعد مرور ساعتين لقيت ممرضه طالعه وشايله طفل صغنن 
مبروك جالك بنوته زي القمر
أتكلمت بلهفه ومريم كويسه
الحمدلله هي حبه وهتروح اوضه عادية
أتفضل
خدت منها البنت شلتها حسيت ساعتها بأحساس لطيف أوي كنت فرحان ومبسوط أن جالي بنوته من أكتر بنوته بحبها 
بصيتلها بحب ملامحها لطيفه وهادئة نايمة نوم عميق 
ملامحها شبه مريم 
شوية ومريم خرجت وراحت أوضه عادية
عايزة أشوفها
أديتلها البنت براحه وابتسمت شبهك علي فكرة
أبتسمت وبصتلها بعدين بصتلي ودموعها نزلت عمرك مهتقسي عليها يا چون
بصيتلها ودموعي تلقائي نزلت عمري يا قلب چون 
اقسي علي مين بس دي نعمة ربنا بعتهالي أقوم أنا رافس النعمة
دي هتبقي أغلي حاجه في حياتي 
بصتلي پغضب طفولي هي بس
ضحكت علي غيرتها بتغيري من بنتك يا عبيطة
اتقمصت وديرت وشها 
ضحكت بصوت عالي بعدين لفيت وشها ليا وبوست راسها قوليلي بس هقنع بنتي إزاي أنك كنتي بنتي قبلها 
مريم أنت الحب البكر 
بصتلي وضحكت انا بحبك أوي 
ضمتها لحضني وأنا أكتر يا عيوني
وهنا أقدر أقدملك أعظم انتصاراتي
تمت
حقيقي آسفه جدا علي التأخير 
حواديت مريم وچون 
قلم ڤونا 
بقلم فونا