رواية مكتملة بقلم ريهام علي

جه تاكسي وقفه وركبها فيه 
وراح لزينه عن الشباك وبصلها بوداع وقال ياعالم هقابلك تاني امته بس علي أي حال خلي بالك من نفسك 
زينه مسحت دموعها وقالت وانت كمان خلي بالك من نفسك ومشي التاكسي
خالد فضل واقف مكانه بيبص علي التاكسي وكأن روحه بتمشي معاه قعد علي ركبته في الارض ودموعه نزلت وبص للسما وقال بۏجع ودموع آااااااااااااه ياااااااااارب .. يارب مش قادر اتحمل بعدها عني يارب 4 سنين وانا كل ثانيه مغابتش عن بالي .. وحتي مراتي مش قادر اتعامل معاها . يارب سامحني يارب علي اي ذنب ارتكبته وانت عاقبتني عقاپ صعب اوي ببعدها عني .. يارب انا حاسس ان الامل متقطعش بينا وحاسس انها هتكون في يوم من نصيبي .. يارب انا طلبتها بالحلال وحافظت عليها مش معقول يبقي دا نصيبي معاها .. ومسح وشه واستغفر ربه وقال اللهم لا اعتراض علي حكمك يارب وقام وقف ورجع ركب عربيته ورجع لبيته
في بيت صلاح يونس زوج زينه
وصلت زينه وكانت بتحاول تبان طبيعيه عشان جوزها مياخدش باله
خرج صلاح من الاوضه وقال 
صلاح باستغراب حببتي انتي جيتي ليه
زينه ابدا بس تعبت فجأه ومشيت
صلاح بلهفه تعبانه تعبانه ازاي يا حببتي سلامتك تعالي نروح لدكتور
زينه لا لا مش مستاهله يا صلاح دكتور قولي فين سيف
صلاح سيف يا ستي قعدنا نلعب مع بعض واجري وراه لحد ما فرهد خالص ونام
زينه طب كويس اني جيت عشان ماسبش سيف لوحده
صلاح لا يا حببتي كنت هاخده معايا في العربيه معقول برضو اسيبه لوحده
زينه بابتسامه ربنا يخليك لينا يا صلاح
صلاح راح عليها وباس جبينها وقال ويخليكم ليا يا زينه انتو مليتو عليا حياتي انا كنت وحيد في الدنيا وسكت شويه وقال بقولك ايه ايه رايك نطلع شرم الشيخ اسبوع فسحه 
زينه ابتسمت وقالت بجد
صلاح ايوا يا حببتي هنطلع بكره ان شاء الله 
زينه لا خليها لبعد بكره عشان كنزي ليها متابعه عند الدكتور بكره
صلاح ماشي يا حببتي براحتك واخد كنزي منها وقال هنيمها جوه جنب سيف
زينه ماشي تحب تتعشي
صلاح باس ايدها وقال تسلم ايدك يا قلبي بس لو كدا نعمل ساندوتشات خفيفه وعصير
زينه حاضر ثواني وهجهز الساندوتشات
صلاح براحتك يا حببتي ودخل الاوضه ينيم كنزي
زينه كانت بتبص عليها واتنهدت بۏجع وقالت آاااااه يارب ريح قلبي
في اليوم التالي
في بيت عبد العزيز راضي والد خالد
رجع خالد من شغله بسبب اتصال من ابوه بيبلغه ان سيف تعبان
خالد دخل وهو ملهوف وقال خير يابا سيف ماله
عبد العزيز متقلقش يابني هو بس حسيته سخن شويه 
خالد بعصبيه والهانم راحت فين
عبد العزيز هيه جابته وقالت هتروح مشوار ومش عايزه تاخده عشان ميتعبش اكتر
خالد بعصبيه انتي فين ياهانم
نجوي عند ماما ليه فيه حاجه
خالد انتي ملتك ايه يا شيخه رايحه تقعدي عند امك وسايبه الواد تعبان
نجوي يوووووه بقا يا خالد الولد بقا كويس علي فكره متافورش وتعمل الحوار دا كل ما اخرج من البيت
خالد قفل في وشها وانفخ بزهق وقال بنآدمه تلاجه اقسم بالله وجاب بطانيه وشال سيف ونزل بيه عند الدكتور
وصل خالد عند الدكتور وطلع ليه العياده
الممرضه اهلا يافندم خير
خالد ابني سخن اوي وكنت محتاج الدكتور يشوفه ضروري
الممرضه ثواني بس اتفضل اقعد الدكتور معاه كشف جوه وهيخرج حالا
خالد لا لا مش هقعد
الممرضه اتفضل بس ع....
قطع كلام الممرضه جرس من الدكتور بمعني الكشف خلص وتدخل بالكشف التاني
الممرضه طب اتفضل معايا
وقف خالد وراح مع الممرضه لاوضة الكشف ولسه الممرضه بتفتح الباب لخالد عشان يدخل في الوقت دا كانت خارجه زينه ببنتها وخبطوا في بعض
خالد وزينه بصوا لبعض وابتسموا
خالد 
وفي كل مره ينتهي لقاؤنا ونقول لا يتكرر
ولكن الله يعلم مدي حبي لكي لذلك يدبر أموره ويتجدد لقاؤنا في لقاء غير موعود...
لقاء غير موعود
الفصل الثالث
وقفت زينه وخالد قدام بعض مبتسمين وكل واحد مش مصدق الصدف اللي بتجمعهم مع بعض دي وبقوا يقولوا لنفسهم يا تري ايه اخرة لقاءتنا الغير موعوده دي
الممرضه اتفضل يا استاذ للكشف
زينه انتبهت لنفسها ومشيت
دخل خالد للدكتور وكشف علي سيف واطمن عليه وخرج عشان يركب