بقلم اسراء جمال الجزء الثالث

البارت الأخير 
_إنتي سارة سليم
أي..
_تعالي إتفضلي معانا.
على فين
_أعتقد عرفوكي إن ممنوع السؤال هنا.
مشيت معاهم وأنا مش فاهمة الصدمات في المكان هنا أخرتها إيه حتى طنط العجوزة مكنتش موجودة.
هو المكان بعيد أوي أنا تعبت.
_
ماترد ياخويا كلنا ولاد تسعة على فكرة.
_
طب عندكو ماية عاوزة أشرب.
بصلي بصة غريبة تقريبا كان بيقول البت دي مختلة عقليا.

ماية اللي هي في إزازة دي عندكو
_
معندكوش طيب
_يا مثبت العقل والدين.
وإنتو عندكو عقل ودين
_إنتي لو مستغنية عن روحك مش هتعملي كده بأمانة بجد.
طيب قدامنا كتير
_ربع ساعة ونتهبب نوصل يارب نوصل وأخلص من الراديو اللي إتفتحلي ده.
سكت علشان أنا ولية محترمة كنت من جوايا على عكس اللي ظاهر عليا كنت قلقانة وشايلة الهم بس في اللحظة دي إفتكرت ماما كل ما كانت تقع في مشكلة تقعد تصل عالنبي وسبحان الله المشكلة كانت بتتحل فعلا فضلت طول الطريق الباقي أصل عالنبي كنت متأكدة إن حتى لو الإجابة مجتليش في الحال عالأقل قلبي هيرتاح.
_وصلنا.
ألف نهار أبيض بركة إننا وصلنا.
_والله أنا اللي إرتاحت.
مردتش عليه دخلت معاهم المكان اللي كانوا جايبني فيه كان مكان غريب عني جدا بس الفرق إن هنا الناس شكلها بشوش شوية عن هناك أنا كنت مړعوپة هناك حرفيا.
إنتي طبعا عاوزة تفهمي إنتي ليه هنا.
_ياريت يعني يبقى من كرم أخلاقكو.
إنتي بجد فظيعة.
_ماتلم نفسك.
مش قصدي والله بس حققتي حاجات رهيبة في أول يوم.
_أنا
كون حد يتعامل مع أخطائه بالشكل ده ف حقيقي الشخص ده هيكون ناجح في حياته إنتي ميأستيش لأ إنتي جربتي تصلحي في القضايا كنا مراقبين تصرفاتك كويس خصوصا إنك عارفة إنك ملكيش ذنب مفكرتيش تعيشي دور الضحېة ولا تقولي أصلح أخطاء غيري ليه!
لأ بالعكس كنت مدركة إنك حتى لو مش مسئولة عن اللي وصلتيله ف إنتي الوحيدة اللي مسئولة عن إصلاحه مفيش حد مؤذي هيجي يصلح حاجة غلط عملها ويقول أنا أسف خليتك ضحېة بس إنتي أدركتي كويس أوي إن الحل معاكي وبدأتي فعلا في تركيز طاقتك عالحل أكتر من المشكلة بجد فخورين بيكي.
كنت بسمعه بريأكشن واحد أنا عملت كل ده
_يعني هتسيبوني أروح لأمي.
لأ مش للدرجادي.
_بس أنا عاوزة ماما.
نعم!!
_إيه مبتعوزوش ماما إنتو كمان
عندها كام سنة دي يابني!
كنت حاسة إن فعلا محتاجة لوجودها محتاجة الأمان اللي كنت باخده في حضنها محتاجة حاجات كتيرة أوي منها في الموقف الصعب اللي أنا فيه ده مش عارفة المفروض ألومها ولا أشكرها بس اللي أعرفه إن عرفت قيمتها كويس أوي.
بصي ركزي معانا.
_عاوزين إيه
عاوزينك في مهمة كبيرة.
_هتسرقوا بنك
يابنتي ركزي معانا بقى.
_أديني إتنيلت إعترفوا عاوزين مني إيه
عاوزين كل خير.
_إيه هو كل الخير
ماشاء الله عليكي كان عندك نبوغ في القراءة وإختارتي الكتاب صح وقدرتي تقنعي البنت وتليني عقلها شوية بإنها تجرب معاكي الطريق وبدأتي تكتبي ف إحنا هنستغلك.
_ حد يقول لحد كده
الاستغلال الصح.
_يعني هعمل إيه!
التجربة دي هتزودك بحاجات كتيرة هتتفاجئي بيها عن نفسك هتخرجي منها حد تاني بس إصمدي معانا لمدة شهر.
_شهر!
مفيش نجاح بيجي بسهولة اللي عاوز ينجح لازم يبذل مجهود ويبدأ فعلا يستحمل.
_بس شهر صعب.
النهاردة ١٩ يعني بداية شهر جديد فرصة حلوة لبداية جديدة وبهجت تاني خالص إستغليها هتقلب حياتك ١٨٠ درجة.
_يعني هعمل إيه
هتبدأي مع البنات في قسم المجهولين البنات هناك بيعاندوا نفسهم أغلب اللي هناك بيكون يأس خلاص علشان كده هتبدأي تحبييهم في تطوير الذات هتفهميهم عن أهمية تحقيق نجاح ليهم هتفهميهم إن النجاح وإسترونج إندبنت وومن مش مرتبط بالشغل وإنهم مش لازم يكونوا ضد الرجالة وند