بقلم اسراء جمال الجزء الثالث

أنا اللي بسأل أنا اللي بصالح أنا اللي بجري ورا الشخص حاسة نفسيتي تعبت حاسة كرامتي إتهانت مع أقرب حد ليا ومبقتش عارفة أعمل إيه!
_مبدأيا لازم تفهمي إن ده طبع الشخصية النرجسية هتحس بقيمتك ليه وإنتي على طول موجودة هتشتاقلك ليه وإنتي خانقاها في كل وقت هتصالحك ليه وإنتي هتبدأي بالصلح الشخصية دي ضمنت وجودك ف بقت تستخسر المجهود مع إن هي هياها نفس الشخصية اللي كانت ھتموت وتوصلك ولأول مرة هقول لحد الحل من جنس العمل عقابها بيكون من نفس الفعل اللي هي عملته بس إوعي تتغيري معاها فجأة هتفتكرك مقموصة وهتسيبك تخبطي راسك في الحيط إبدأي واحدة واحدة إرجعي بضهرك في العلاقة و..
أسفه إن قاطعت حضرتك بس أنا كده ممكن اخسرها!
_حتى ولو خسارة الشخصيات دي مكسب الشخصيات اللي مش مقدرة وجودك مع إن فيه مليون حد غيرها يتمنى ده وفي نفس الوقت أنا مبقولكيش إخسريها أنا بقولك عززي نفسك بس واحدة واحدة ماتنسحبيش فجأة لو الشخصية دي باقية عليكي وفعلا بتحبك هي اللي هترجع تدور عليكي يمكن توحشيها فعلا لما تبطل تلاقيكي يعني بدل ما بتسالي في اليوم ٣ مرات مثلا خليهم اول اسبوع مرتين بعد كده اسبوع مرة بعد كده إستني الشخصية هي تبدأ إوعي تردي عليهم بنبرة زعل أو عتاب ما إنتي طول الوقت بتعاتبي هل حصل حاجة بالعكس إتشافتي شخصية نكدية وعلشان كده صدقيني ردي رد حلو أوي رد يشكك اللي قدامك أصلا فيكي لو الشخصية فعلا كويسة وباقية عليكي بس كانت تصرفاتها بسبب ظروف أو بسبب تعودها على ضمان وجودك هتبدأ فعلا تدور عليكي وانتي وقتها إسمعيها ولو فيه حل حلوا سوا ماتستسهلوش خړاب العلاقات أول حل العلاقات اللي بتروح لو صادقة صعب تلاقي غيرها بس لو حد بيأذيكي بجد هتكوني فعلا إنتي الكسبانة هتكوني كسبتي نفسك وكرامتك وحررتي نفسك من الصدمة الصدمة من الزعل إنك خسړتي شخصية عزيزة عليكي فجأة أما بالطريقة دي هتكون دماغك مع الوقت إتسستمت صدقيني يابنتي أنا عيشت خبرات كتيرة أوي وسمعت حاجات هي اللي أهلتني أقولك النصيحة دي متقلليش من نفسك مع ناس مش مقدرة قيمتك إنتي تستاهلي كل حاجة حلوة وفي نفس الوقت خليكي باقية عالعلاقات الحلوة بس لما الأمر يمس كرامتك إبدأي دوري.
سرحت أوي في سؤال البنت وفي رد طنط حسيت الرد منطقي بس اللي كان شاغلني ليه إنسان يوصل إنسان المفروض أقرب حد ليه للمرحلة دي
إزاى شخص يكون بيحب حد يغيب عنه فجأة وميعرفش حاجة عنه! هو مش الحب مشاركة!!
بدأنا نعيد الأيام زى بعض بس بدأ يحصل فتور وبدأنا نمل جدا من الروتين بعد أسبوع واحد!
إنتو مدتوش نفسكو فرصة إنها تفصل محتاجين كل تلات أو أربع أيام أو حتى أسبوع تفصلوا في يوم كامل من كل حاجة بحيث تقدروا تجددوا طاقتكو من جديد ومتحسوش إنكو عندكو فتور ومش قادرين إنتو مش آلة شغالة إنتو بشړ.
وقتها فهمت ليه قالولي في الأول هتكتشفي باقي الحاجات في الرحلة فيه حاجات لازم نجربها علشان نكتشفها بعد ما خدنا بالنصيحة دي بدأت الدنيا تظبط معانا بس مش كلنا.
_مش قادرة حاولت أظبط الدنيا ومش عارفة كنت حاطة هدف أبطل ذنب معين في الفترة دي ومعرفتش.
خلينا متفقين إنه التغيير بيجي لما تغيري نظام الحياة بتاعك متقرريش تبطلي أغاني وسايبة التيك توك عندك عالموبايل وغيره من الحاجات دي ربنا سبحانه وتعالي لما أمر