رواية مكتملة بقلم لولو محمد

دى عيشتي 
احمد و مالها عيشتك بقي ناقصك ايه ان شاء الله دا انا طافح الډم ليل نهار عشان عيشتك اللى مش عجباكى دى 
اميره ناقصني هدوء و حب و رومانسيه 
احمد الكلام ده للناس الرايقه مش للمضغوطين طول الوقت بين شغل و اوفر تايم و تارجيت و قرف عشان يكفوا بس مصاريف بيت ما فيهوش غير فردين بس 
اميره بكره يبقوا تلاته 
احمد لما يبقوا 
اميره تروح تفتح درج و تطلع تست حمل 
اميره كنت ناويه اعملهولك مفاجاه بس انت كالعاده قفلتنى من حياتى انا حامل يا احمد انا حامل افرح و انبسط و شيلنى و لف بيا و قولى اقعدى و ما تعمليش اى حاجه زى ما طول عمرنا بنحلم انما انت كل اللى بتعمله خناق و نرفزه و بس ... كل حاجه تعمل منها حوار كل حاجه تنكد عليا فيها كل حاجه تكسر فرحتى فيها انا عملتلك ايه بس لكل ده دا انا بحبك 
احمد هو ده بجد !!!
اميره انا عمرى ما هسامحك على ۏجع قلبي ده يا احمد بجد عمرى ما هسامحك 
..............................
اميره تروح الحمام و تحط الهدوم فى الغساله و تشغلها احمد يدخل يحضنها 
احمد حقك عليا 
اميره ماما بتقول ان ده سبب نومى الكتير الفتره اللى فاتت انا مش هملاك و لا مقصره فى حقك 
احمد خلاص حقك عليا اهدى خلاص 
اميره ما توجعش قلبي يا احمد انا مش هستحمل 
احمد خلاص بقي ما يبقاش قلبك اسود 
اميره كان نفسي نخرج نحتفل بالخبر الحلو ده 
احمد خليها اول الشهر و اوعدك هظبطلك مفاجاه حلوه 
اميره بجد يا احمد ! وعد !!
احمد باذن الله يا حبيبتي بإذن الله 
فى شقه مروه
ميار طب انتى رفضاه كعريس الشغل ذنبه ايه 
مروه و انا قصرت فى شغلى فى ايه ما انا بشتغل من البيت مش لازم انزل الاتيليه يعنى و اضيع نص اليوم ما انا ممكن اقعد مكانى كدا عادى و اقص و أفصل و انتج احسن بكتير 
ميار يعني مش بتهربى منه 
مروه تعرفى تسكتى 
تليفون مروه يرن 
مروه دى نهى !!
ميار اخته !! اخته صح طب ردى ردى 
مروه اقولها ايه 
ميار بطلى هبل بقي ردى على البنت عيب كدا
مروه تبلع ريقها و ترد 
مروه السلام عليكم 
نهى ينفع كدا انزل لأول مره من سنين للشارع و اجيلك لحد عندك و ما اعرفش اطلع ... ينفع كدا 
مروه انتى هنا 
نهى زنيت على امير خليته يجيبني قولت لو قولتلك انى جايه هتتحججى او تهربى فقولت ابقي قليله الزوق و اطب عليكوا بس سلم بيتكوا انقذك و مش عارفه اطلع و بصراحه هيبقي إرهاق اوى على امير انه يشيلني لحد عندك ممكن بليز تنزلى نتكلم شويه 
مروه نتكلم فى ايه بس 
نهى عيب بقي دا انا جيالك لحد عندك 
مروه ثوانى هلبس و انزل 
نهى مستنياكى
مروه تقوم تفتح الدولاب 
ميار اكيد هتحنن قلبك على اخوها المسكين 
مروه انا بجد مش عارفه المفروض اتكلم معاها اقولها ايه ما ينفعش يتعمل كدا اصلا 
ميار و اهى عملت انا لو منك احرجها و ما انزلش
مروه بتهزرى طبعا 
ميار اكيد بهزر يا بنتى اخلصي بقي ... هطلع بره على ما تلبسي 
مروه تمام 
ميار تطلع بره و مروه تغير لبسها 
...................
قدام العماره 
مروه تطلع من العماره تلاقي عربيه امير راكنه و امير واقف جنب الباب الورانى مفتوح و نهى قاعده جوه امير يتعدل فى وقفته 
امير انا هروح اجيب حاجه من السوبر ماركت 
نهى لفى لفى و اركبى عوزاكى 
مروه حاضر 
مروه تلف و تركب جنب نهى
نهى ازيك وحشتيني
مروه انتى اكتر تعبتى نفسك و جيتي لحد هنا 
نهى لو كنت كلمتك كنتى هترضي تيجي و انا بصراحه ... بصي خليني اختصر علينا وقت و كلام كتير... انا مره زعلت زعله جامده اوى صحيت لقيت نفسي كدا عاوزه اقولك انى قبلها كنت حاجه كدا من اللى ما بيتحكيش عليها صحاب ما يتعدوش و كل يوم فى بلد او مكان شكل خطيبي كان جان احلى مليون مره من ممثلين السينما جسمي و لبسي ... فجاه لقيت كل ده راح اختفى ... زعلت اوى يا مروه زعلت و ما كنتش فاهمه ان الانسان اللى زعلت عليه ده ما يساويش الحاجات الكتير اللى خسرتها بسبب زعلى عليه ... عارفه ايه اكتر حاجه زعلت عليها يا مروه 
مروه صحتك  
نهى عمرى ... عشر سنين من عمرى راحوا و ما ينفعش اعوضهم تانى ... واحده زيي كان ممكن تقابل حد يحبها حتى لو على كرسي بعجل ... بس خۏفي من انى اعيش تجربه تانيه او انى اشوف نظره شفقه من الناس سړقت منى عمرى و نسيت ان الدنيا ما بتقفش لحد السنين مش هتستني اما اموف اون من احزانى و لا اتخطى مشاكلى العالم من حواليا بيجرى ما فيش حاجه بتقف لحد ... تعرفى امتى فوقت للحقيقة دى 
مروه امتى  
نهى لما شوفتك ... ما كنتش شوفتك لما امير كلمنى عنك حسيت قد ايه انا ضعيفه.. انا كان المفروض اعمل كدا ... امير كمان كان حزين و مجروح نفس چرحى بالظبط ... بس هو كان أقوى شال مسؤوليتنا و اشتغل و تعب ... طب اقولك حاجه ... انتى عارفه انها حاولت ترجعله ... و رفض و احنا كمان حاولنا نشوف له اكتر من عروسه ... كان رافض الموضوع تماما ... لحد ما ظهرتى ... كان بيحكيلى كل تفاصيلك ... عاوزه اقولك انى مش هكدب لو قولت انك نفس الصوره اللى كنت رسماها لك من كتر ما كان واصف لى أدق ادق تفاصيلك 
مروه تبتسم بخجل 
نهى انا مش هقدر اعوض السنين اللى فاتت من عمرى ... بس اقدر افوقك قبل ما تبقي زيي 
مروه و هو انتى وحشه طب دا اللى يشوفك يقول أصغر منى 
نهى اه يا بكاشه
الاتنين يضحكوا 
نهى على فكره انا مش ندمانه اوى يعني الحمد لله على كل حال ... انا بس يمكن هحاول اخرج للدنيا اكتر و احتك بالناس اكتر 
ليالى وشوشه للروايات 
مروه دى فكره ممتازه ياريت ليه لا 
نهى بس انا ما ليش صحاب خالص يا مروه 
مروه يعني جيالى لحد هنا عشان تقولى كدا طب دا ميار فوق تزعل 
نهى تضحك 
نهى ھموت و اتعرف عليها اوى 
مروه جيتي فى جمل .. ثوانى بس 
مروه تطلع التليفون و تيجي تتصل نهى تمنعها 
نهى خلينا نخلص كلام الاول ... ادى لنفسك فرصه ... ادى لأمير فرصه ... انا عارفه انك خاېفه و مقدره احساسك بس صدقيني امير مختلف ... دا كفايا ان انا اخته 
مروه يا جامد 
نهى فكرى عشان خاطرى 
مروه تبتسم بحرج 
نهى رنى بقي على ميار و خلينا نروح النادى نقعد شويه انا بقالى عشر سنين ما دخلتوش بيقولوا جامد 
مروه طب خليها مره تانيه معلش انا عارفه انك 
نهى بالله عليكي ما تقفلى اليوم على كدا و بعدين يا ستي امير اصلا عنده شغل يعني هيوصلنا و يمشي و يرجع ياخدنا و لو مش عوزاه يرجع هخلى السواق هو اللى يروحنا بس انا بجد مش هقدر انزل كل يوم ... عشان خاطرى بقي ... طب استاذنى مامتك و شوفى هتقول ايه 
مروه تمام ... بس ما اوعدكيش هتوافق 
نهى انتى مش لسه قايله اننا صحاب .. افرضي مفيش نصيب انا مالى انتى خارجه معايا انا 
مروه تمام 
......................
فى شقه احمد 
احمد داخل بصينيه الاكل لاميره على السرير 
اميره ربنا ما يحرمنى منك و لا من ماما منى بجد مش عارفه من غيركوا كنت عملت ايه بس 
احمد المهم سلامتك 
اميره انا بقيت بعد الايام عشان اولد يا احمد يا برجع يا بدوخ يا همدانه و عاوزه انام مش عارفه لما صحتي راحت كدا فى اول بيبي امال بعد كدا هيجرالى ايه
احمد لا ما تقلقيش باذن الله المرحله دى تعدى و تجمدى كدا و تقومى بالسلامه و تبقي زى الفل 
اميره ربنا يخليك ليا يا احمد و ما يحرمنيش منك 
احمد و لا يحرمنى منك يا قلبي
اميره بقولك ماما كانت بتفترح يعني عشان نريح طنط منى من انها كل يوم تعملى اكل و انت تروح تجيبه انى اروح الفتره دى اقعد عند ماما لحد ما اشد حيلي
احمد طب و انا
اميره ما تيجي تقعد معايا يا احمد هو حوار يعني 
احمد طب مثلا قولى مامتك تعمل الاكل يوم و مامتى يوم انما نروح نعزل عندكوا دا ايه الكلام ده 
اميره يا حبيبي انا فاهمه قصدك و الله بس انا ببقي لوحدى اليوم كله و ساعات بدوخ و ساعات بقع فى الحمام من كتر الترجيع و اكيد ما حدش هيسيب حياته و يجي يقعد بيا يعني 
احمد ايوه بس 
اميره طب بص نمسك العصايه من النص نص الأسبوع عند ماما و نصه فى بيتنا هنا ايه رايك كدا اعتقد ما لكش حجه 
احمد مش عارف يا اميره انا بجد
اميره انت فارق معاك ايه مش المهم عندك ان حياتك ما تتاثرش بالعكس كدا هتقدر تركز فى شغلك اكتر لأنك هتبقي مطمن عليا انا و ابنك و انت بره
احمد طب سبيني افكر فيها
اميره تمام يا 
مروه تبصله و تكمل شغل
مروه الكولكشن الجديده وصلت 
امير حلوه اوى فعلا بس انا جاى فى حوار تانى خالص 
مروه تبصله و تكمل شغل 
امير النهرده يوم مهم اوى بالنسبالى ... الحقيقه انا بقالى عشر سنين طاحن نفسي فى الشغل بحلم بس انى اوصل لليوم ده و للاسف ما عنديش اى حد احتفل باليوم ده معاه 
مروه تبصله باستغراب 
امير انا اشتريت اللورد جروب و دى كانت بتاعه خطيب اختى لو قولتلهم فى البيت هفتح عليهم الچرح القديم ما اعرفش جبت العشم ده منين بصراحه انى اجيلك ... بس حسيت انك ممكن تفهميني ... انا عارف انى مش زيك انا ما بقدرش اكمل و اسامح و كان الانسان ده ما اذانيش الانسان ده دمر كل حاجه جميله فى حياتنا 
مروه بأنه ساب اختك  
امير بانه علقھا بيه عشان الفلوس و استغلها و خلى والدى يقف جنبه و يدعمه لحد ما كبر فى السوق و لما والدى وقع رماها من غير ما يبص وراه مره ... كفايا كسره قلبها ايه شويه 
مروه و ارتحت دلوقت لما اشتريت شركته 
امير نهى ما مشيتش و ما فيش اى حاجه فى حياتى اتغيرت و مش هقدر اقولهم اى حاجه عن اللى حصل ... بس ... اه مرتاح مبسوط ... نوعا ما ... هو برده ما طلعش خسران انا اشتريت الشركه بفلوس بفلوس كتير كمان بس ... انتى فهمانى ابويا تعب كتير عشان يبنى للشركه دى اسم و هو استمتع