رواية مكتملة بقلم لولو محمد
انما هو يا دوب تلاته و أربعين سنه دا اللى قده بيقولك اخد واحده اجدد معاها شبابي انما ده عاقل و راسي و الحمد لله مقتدر و يقدر يعيشها فى نفس مستواها
نور و الله عارفه كل الكلام ده و كلمتها فيه و قالت إن سنه ما يعيبوش و لا يجبره انه ياخد واحده بظروفها و انها مش هتقدر تخدمه زى ما هو متخيل و انها
إيناس بصي لو مش قادره تكلميها خلينى انا اكلمها يمكن اقدر اقنعها
نور هقولها بس ما اعتقدش هتسمع
إيناس قوليلها لو ما طلعتليش هدخلها انا بس هدخل لها زعلانه انا بقولها اهو
نهى تدخل بتزق الكرسي نور تقوم تساعدها
نهى و انا ما اقدرش على زعلك يا ست الكل انا جيت اهو خير!
نهى يا طنط انا قولتلكوا رأيى
إيناس يا ستي قابليه مش يمكن يعجبك
الباب يتفتح و امير و مروه يدخلوا شايلين اكياس اكل
مروه الله !! دا الحبايب كلهم هنا بقي
امير لا ما انا كنت متاكد ان حماتى بتحبني بس شكلى انا اللى طلعت بحبها شويه سي فود بقي يستاهلوا بقك ... طب و الله لاتصل ببابا على
امير يتعان لبكره و نيجي احنا ناكله عندكوا مفيش مشكله ... هدخل دول المطبخ عن اذنكوا
امير يدخل بالاكياس و مروه تقعد
مروه خلونى اخمن ماما هنا يبقي موضوع الاستاذ مهاب صح كدا !
إيناس احضرينا انتى يا مروه
مروه دا انا احضر و نص ... بصي بقي يا ست البنات مش انتى اللى جيتي تحت البيت عندى و قولتى الحياه ما بتقفش لحد و السنين بتجرى بين حزن و ندم و خوف ايه ينصحون الناس و ينسون أنفسهم و لا ايه ... الراجل عارف ظروفك كامله مع العلم ان ظروفك مش مخلياكى ناقصك حاجه شغل و ما شاء الله ناجحه فيه شقتك و فله و بايدك مش بيعجبك شغل حد احلى اكل و احلى طبيخ يبقي خاېفه من ايه
امير اقسم بالله اعرف ناس ما بيعرفوش يعملوا ربع اللى بتعمليه و مش ناقصهم اى حاجه
نهى طب و الخلفه ما فكرتوش فيها انا كبرت يا جماعه
إيناس كبرتي !!! طب انا لو شټمتها حد هيزعل منى
نور خدى راحتك انا غلبت معاها
امير يا بنتى ما تفكريش هتضيعي سنين تانيه فى خوف و تفكير ليه قابليه ارتحتوا لبعض تمام ... ما فيش نصيب عادى برده ما خسرناش حاجه ... انا كلمت بابا و جاى على فكره
نهى انا هاجى اسعدك
مروه تقوم تزق كرسي نهى و يروحوا المطبخ
....................
فى شقه منى
منى تسيب الشغل دا ايه هو لعب عيال و لا ايه و الديون و الأقساط و الجمعيات اللى ست الحسن وحلاك فيها هتدفعها ازاى و منين انت عاوز تتحبس !
احمد يا ماما انتى ليه مش قادره تحسي بيا
منى انت بنفسك قولت انها طيبه و بتمنالها كل خير و هى فعلا تستاهل كل خير مالك بقي ايه مضايق ان ربنا كرمها ليه
احمد يعني انتى عوزانى افضل مكمل لحد ما هى اللى ترفدنى هى و لا جوزها
منى مش هتعمل كدا لأنك اصلا مش فى دماغها
احمد ازاى يعني مش فى دماغها
منى و انت فاكر انها هتفضل بتفكر فيك باماره ايه دى متجوزه صاحب المصنع اللى انت شغال فيه
احمد انتى شيفانى قليل اوى كدا
منى انت مش قليل يا ضنايا بس هى مش شيفاك و من زمان كنت محطه فى حياتها و راحت لحالها و انتهت انت عارف انا روحت اتحايلت عليها كام مره عشان ترجعلك ... عمرها ما سمعتنى و لا طاوعتنى حتى لما ست اميره الأحلام اللى كانت كل شويه تنطلهم من اكونت شكل و ما حدش عارف هى مين لما كانت كل شويه تعملها منشن على اخبارك عمر مروه ما اتاثرت
احمد قدام الناس بس انما من جواها مستحيل تكون نسيتني
منى لتكون انت اللى ما نستهاش يا ابنى
احمد ايه الكلام ده يا ماما
منى حسيت بايه لما شوفتها
احمد يا ماما انا بكلمك فى ايه و انتى بتكلميني فى ايه
منى هو الانسان كدا يا ابنى طول ما الحاجه فى ايده ما بيقدرش قيمتها و بيبقي فاكر ان الحاجه اللى ما طالهاش اكيد هتكون احسن لحد ما ربنا يبدل حاله بحال غير الحال ساعتها بيعرف قيمه اللى معاه
احمد انا حقيقي مش عارف ارد عليكي اقولك ايه ... انا ماشي
احمد يروح ناحيه الباب
منى الا انت قولت لمراتك انك بتفكر تسيب الشغل و ليه يا احمد و لا مش ناوى تقول لها
احمد يبص لامه و يمشي و يقفل الباب وراه
.......................
فى شقه احمد
اميره يعني ايه اتجوزت المدير بتاعك ايه المړض ده هى مش ناويه تسيبك فى حالك بقي و لا ايه
احمد اكيد القصه مش كدا و بعدين انا ما كنتش اشتغلت فى الشركه دى لما اتجوزوا اصلا الموضوع كله صدفه
اميره و انت مصدق الهبل ده اصلا دى بت غلاويه و تتوقع منها اى حاجه
احمد ما علينا منها انسيها دلوقت انا كنت بفكر اسيب الشغل
اميره انت لسه ما سبتوش انا مش قادره اصدقك يا احمد بجد مستني ايه اما هى ترفدك و لا جوزها يلبسك تهمه
احمد و الله الموضوع مش بالبساطه دى ... حضرتك ناسيه ان ورانا أقساط و ديون و حنفيه مصاريف مفتوحه ما لهاش اول من اخر
اميره يعني ايه هتفضل شغال عندها
احمد و الله انا طول الطريق بفكر و روحت لأمي و قالتلى كمل فى الشغل
اميره طبعا ما هى حلم عمرها ترجعوا لبعض
احمد ازى اصلا و هى متجوزه
اميره المشكله يعني انها متجوزه انما انك متجوز دى مش مشكله اصلا صح
احمد احنا بنتكلم فى ايه و انتى بتتكلمى فى ايه يا بنتى ... ما علينا ... انا فكرت فى حل
اميره اتفضل قول
احمد انا بقول نروح نعيش مع أمى و أحول شقتنا دى لمكتب محاسبه ايه رايك
اميره رايي فى ايه انت قولت ايه اصلا
احمد بقول ابدء بزنس خاص بيا
اميره و البيزنيس ده ما يجيش غير على حسابي يعني ... اااااه هى بقي الحكايه كدا دا كمان مامتك مش بس عوزاك ترجع للست مروه هانم لااااا دى عاوزه تطلعنى من المولد بلا حمص
احمد مولد ايه و حمص ايه و بعدين انتى اټهبلتى و لا ايه بقولك مروه متجوزه شيليها من دماغك
اميره احمد !! خلاصه الكلام ده مشاكلك تحلها بعيد عن بيتي خالص انا و مامتك ما بنتفقش اروح اعيش معاها ليه و بعدين انت ضامن منين اصلا ان الشركه بتاعتك دى هتنجح و لا هيجيلك شغل اصلا و لحد ما يجيلك شغل هناكل منين هندفع اقساطنا منين فلوس الحضانه بتاعه ابنك هتدفعها منين
احمد ما انا كنت هطلب منك تسلفيني دهبك و هكتبلك
اميره كمان !! عاوز دهبى كمان !
احمد هكتبهولك جرامات دين فى رقبته
اميره و انا يبقي ابنى على كتفى و ادور عليه
احمد مولد بلا حمص و ابنى على كتفى جديده عليكي اوى حكايه الأمثال دى يا اميره
اميره ايوه ايوه غير الموضوع غيره ما دا اللى انت شاطر فيه ... بص يا احمد انا بحبك و مش عاوزه اخسرك و عشان كدا بقولك حل مشاكلك بعيد خالص عن بيتي و دهبى انا بقولك اهو حتى لو هتكمل شغل عند اللى ما تتسمي دى لحد ما تلاقي بديل احسن ... و حط مليون خط تحت كلمه احسن دى عشان الناس بتطلع لقدام مش بترجع لورا ... انا هروح اسخن لك تاكل عشان انت مش بتفكر كويس و انت جعان ... عن اذنك
اميره تمشي و احمد متابعها و بيضحك بسخريه
................
فى شقه امير
امير يخبط على باب الحمام
امير مروه انتى كويسه طولتى اوى فى الحمام قلقتيني ليكون الاكل كان فيه حاجه و تعبك اجيبلك دوا او حاجه و لا تحبى اللبس نروح للدكتور على طول
مروه تفتح الباب و فى ايدها تيست حمل و مش مصدقه نفسها
امير ايه ده !! انتى حامل!! ياما انت كريم يا رب انا بجد مش مصدق نفسي انا المفروض اعمل ايه فى المواقف اللى زى دى !! ايوه ايوه افتكرت بوديكى السرير و اروح اغسلك فاكهه كتير عشان تتغذى صح تعالى تعالى
امير ياخد مروه للسرير و هى ماشيه معاه بتضحك امير يبص لها
امير و لا المفروض اشيلك و لا هم كانوا بيعملوا ايه
مروه اهدى اهدى يا حبيبي اهدى الموضوع مش مستاهل كل ده
امير مش مستاهل ايه انتى مش مستوعبه انا هبقي اب انا هبقي اب يا مروه ياما انت كريم يا رب الف حمد و شكر ليك يا رب انا هبقي اب يا مروه هبقي اب
مروه تضحك و مبسوطه اوى
امير طب ما احنا المفروض نشوف دكتور اكيد فى ادويه و حاجات و تعليمات لازم نعملها و لا ايه ... انا هكلم ليلى تسالى على الدكاتره و تشوف مين اشطر حد تحجز عنده ... و لا نروح المستشفي دلوقت نطمن لحد ما نسال و نحجر و لا المفروض بيعملوا ايه بالظبط انا هكلم ماما اقولها هكلم ماما اسألها هى اكيد عارفه بيعملوا ايه فى الحاجات دى استنى هنا استنى ما تتحركيش
امير يجرى يجيب التليفون و مروه متبعاه و متابعه حماسه و مش قادره تمسك نفسها من الضحك
