رواية مكتملة بقلم لولو محمد

نفسها و احمد يفرد ضهره على السرير و يبص على ابنه ملفوف فى الكوفرته ثوانى و يبدا يقريف احمد يشيله يلاقي البامبرز مسرب 
احمد انت يا ابنى ايه حكايتك معايا هلاقيها منك و لا من امك بس
احمد يفرد ترابيزه و يفرش عليها مشمع و ينيم عليها النونو و يبدا يغيرله 
احمد و طبعا لما نغير لازم نرضع و لما نرضع لازم نغير و كع يا بابا كع مرتبى كله بامبرز و لبن و بامبرز و خد كيس الزباله فى ايدك و انت نازل و حياه فى منتهى قله القيمه بصراحه مش عارف اقولك ايه 
...................
فى الشركه عند امير 
امير بيلم حاجته ليلى واقفه تفكره بمواعيده 
ليلى و فى الساعه تسعه معاد لحضرتك مع الوفد الألماني 
امير هو النهرده !!
ليلى انا ماكده على حضرتك المعاد الخميس اللى فات 
امير ايوه فعلا ... طب بصي بلغى فريد لو فاضي يروح يقعد معاهم شويه و انا هتاخر نص ساعه كدا أو ساعه بالكتير يكونوا اتفقوا على كل التفاصيل هو فريد عارف كل حاجه 
ليلى بس حضرتك عارف ان الألمان ما 
امير عاجبهم نظامنا تمام مش عاجبهم فى الف شركه غيرها تتمنى تشتغل معانا ما يقرفوناش انا اصلا مش فاضي النهرده و المفروض كنت ابلغك تلغى او تاجلى بس مش عارف فاتتنى ازاى دى
ليلى اللى واكله عقل حضرتك 
امير يبصلها ليلى تبص فى الارض 
ليلى انا اسفه بعتذر
امير ياخد شنطته و يمشي و هو بيتكلم فى التليفون 
امير ايوه يا قلبي لبستي و لا لسه ... انا بركب الاسانسير اهو ... انتى لسه فاكره ما صلحوا التانى من زمان هو هيفضل واقف كل ده ... ما انتى اللى ما بتجيش تشيلى على جوزك فى الشغل لواحده كده و لا كده تخطفه منك ... اموت انا فى الخطېر المشطشط ... تمام الاسانسير وصل اهو هركب و اعدى عليكي و نروح عشان عندى معاد مهم جدا الساعه تسعه و مش هينفع اتأخر ... لا لا هنلحق باذن الله ما تقلقيش انتى بس انا جايلك اهو ... تمام يا قلبي سلام سلام 
امير يركب الاسانسير 
....................
فى شقه احمد 
اميره شوفت عشان اقولك تسمع كلامى مش الخمسميه جنيه دول ابنك اولى بيهم 
احمد الحمد لله انا كنت مړعوپ انى ما اتقبلش 
اميره و هم هيلاقوا زيك فين ... بس تعمل حسابك الخمسميه جنيه الزياده دول انا هحطهم على مصروف البيت البيت ناقصه حاجات كتير اوى يا احمد
احمد حاجات كتير ايه ما كل حاجه حلوه و زى الفل اهى 
اميره ازاى بس هو مش ابنك العسول ده بيكبر يعني لازمله لبس جديد و مشاية يتحرك بيها و تعلمه المشي و كلها حاجه بسيطه و ابعته بقي الحضانه عشان يعلموه المنتسورى و يزودوا مهاراته و تركيزه 
احمد مهاراته ايه دا بيبي هو بيعرف يعمل حاجه غير انه يرضع و يعمل بيبي 
اميره طبعا امال لو كنت قولتلك تشتركله فى السباحه زى أسر ابن تقى بنت خالتى كنت عملت ايه 
احمد ما دا اللى ناقص
اميره ان شاء الله لما ربنا يكرمك و تترقي فى شغلك و مرتبك يزيد نبقي نشوف الموضوع ده عشان السباحه بسبعميه جنيه 
احمد انتى حاطه عينك على كليتي يا ميرو قوليلى و الله اعمل حسابى و امشي هيلثي اكتر عشان احافظ على الكليه التانيه 
اميره تضحك 
اميره سلامتك يا قلبي انت كدا كدا المفروض تاخد بالك من صحتك فعلا و ما تقلقش مش هتضطر تبيع اعضائك باذن الله الموضوع مش مستاهل كل ده ... امال لما يكبر شويه و يحتاج مدارس و كورسات هتعمل ايه بس يا احمد دا انت بتموتنى من الضحك على افورتك دى 
احمد انا اللى اوفر فعلا 
اميره هروح اعملك كبايه شاى عشان تدوق الكيك اللى انا لسه عملاه و تقولى رايك 
احمد و انتى بتعملى 
ميار فى ميكب ارتيست بتمكيجها مروه تدخل
ميار يا واطيه كل ده تأخير 
مروه دا على اساس ان العريس و أهله وصلوا اصلا 
ميار ايه رايك حلوه 
مروه قمر ... تسلم ايدك داريتي كل ديفوهاتها 
ميار تحاول ټضرب مروه ما تطولهاش و مروه و البنت بيضحكوا 
ميار قولى اللى انتى عوزاه انا كدا كدا عارفه انى هبلته بجمالى من اول نظره 
مروه طبعا هو انتى فى زيك 
مامه ميار تدخل 
الست الجماعه وصلوا 
البنت و انا خلصت خلاص 
الست تفتح شنطتها و تطلع فلوس تديها للبنت
الست تسلم ايدك ... تعالى اما اعديكي 
الست تاخد البنت و يطلعوا بره ميار تمسك ايد مروه 
ميار حلوه بجد انا متوتره اوى 
مروه و الله العظيم طالعه قمر القمرات كلها 
ميار تمام يلا بينا نطلع بقي 
مروه اتقلى شويه خليه يدور عليكى 
ميار اتقل على مين دا انا على آخرى هو فين 
مروه تضحك و تطلع هى و ميار الستات كلها تزغرط 
....................
فى المصنع 
مروه و امير يدخلوا يسلموا على كريم
كريم ايه رايكوا بقي كنتوا متخيلين نوصل لحد هنا بالسرعه دى 
امير مش انت معايا كنت واثق انك هتنجح 
مروه بجد اكتر من اللى حلمت بيه بكتير 
كريم البركه فى المكن الألماني اللى الباشا جابه بصراحه ما فيهوش غلطه ما شاء الله
امير و اخبار الناس هنا ايه اهم حاجه يكونوا مبسوطين عشان يقدروا يشتغلوا كويس انت عارف مبدئي 
كريم يا عم انا مالى انزل بنفسك و عدى عليهم و اسألهم و اسمع مشاكلهم دا لو عندهم مشاكل اصلا
امير قد التحدى يعني 
كريم و وثيق من الفوز 
مروه انت اتعديت من ميار جامد اوى 
امير امال يا بنتى ما جمع الا اما وفق يلا يا حبيبي وريني الناس اما اتكلم معاهم 
كريم يشاور لأمير اتفضل يروحوا هم التلاته يتكلموا مع العاملات فى المصنع و مروه تضحك معاهم راجل يدخل 
الراجل شحنه القماش وصلت يا كريم بيه 
كريم معلش خلى الاستاذ احمد يستلمها دلوقت عشان مش فاضي 
امير ما تروح تشوف شغلك زى الناس يا ابنى فى ايه 
كريم على فكره احمد ده انت لازم تتعرف عليه حمار شغل حرفيا و مش شتيمه انا بتكلم جد مكان ما تحطه هيبهرك و عنده استعداد يشتغل خمسين ساعه فى الاربعه و عشرين ساعه و من غير ولا غلطه كمان 
امير ممتاز لازم نتعرف عليه و لازم تهتم بيه جدا النوعيه دى من الموظفين لازم تحافظ عليهم باى تمن مليون مصنع او شركه يتمنوهم 
كريم لا ما تقلقش فهمت سياستك خلاص 
احمد يطلع من المكتب يروح ناحيه باب المصنع يشوف مروه و مروه تشوفوا و الاتنين يتخشبوا احمد يبتسم و يروح لها 
كريم ابن حلااااال اهو احمد جه بنفسه احد عندك اهو اتعرف انت عليه بقي و انا هروح استلم انا الشغل من الناس 
امير اهلا و سهلا لسه حالا مستر كريم قايل فيك شعر حقيقي سعيد انى اتعرفت عليك و اتمنى انك تكون مبسوط هنا معانا 
احمد دى شهاده اعتز بيها بس انا اسف احنا ما اتعرفناش 
امير اه صح ... اسف جدا عندى دى... امير عز العرب صاحب المصنع و دى يا سيدي 
احمد ازيك يا مروه عامله ايه 
مروه الحمد لله ازيك انت يا احمد
امير يستغرب 
امير انتوا تعرفوا بعض 
مروه الاستاذ احمد يبقي طليقي يا امير ... عن اذنكوا 
مروه تسيب المكان و تمشي تروح تقف مع العاملات و احمد متابعها و امير مرتبك و مش مظبوط 
امير صدفه غريبه جدا ... احم ... تمام ... سعيد انى اتعرفت عليك ... تقدر تروح تساعد مستر كريم يستلم الشغل الجديد 
احمد تمام .. سعيد انى اتعرفت على حضرتم 
احمد يمشي الناحيه التانيه و اتكلمنا عنه غير ان اسمه احمد و مامته اسمها منى حتى وظيفته ما كنتش اعرفها ... انتى مش عوزاه يكمل هنا  
مروه ليه اقطع عيش حد خصوصا ان كريم بيقول انه قايم بشغله كويس جدا و دا المهم 
امير امال ليه اضايقتي اوى كدا لما شوفتيه 
مروه ما اضايقتش ... هو الموقف بس كان مفاجاه بالنسبالى و بصراحه مش هكدب عليك خفت شويه 
امير من ايه منه !!
مروه منك ... عليك بمعنى أدق خفت من رد فعلك و ... مش عارفه بس الموقف اكيد مش ظريف مش عارفه 
امير نوعا ما كان ... ممكن نقول الصدمه بس انا ما اعتقدش ان عقلى صغير اوى انى ابوظ يومى الجميل و انكد على نفسي عشان موقف تافه زى ده 
مروه يعني مش هيكون عندك مشكله بعد كدا ابدا لو اتقابلتوا فى اى وقت 
امير دا مش هيحصل كتير يعنى هو بيشتغل تحت كريم اصلا مفيش احتكاك بينا اوى و لو الوضع مش مريح بالنسباله هو تبقي دى مشكلته هو 
امير يبص يلاقى احمد واقف متابعهم احمد يتحرج و يمشي امير يبص لمروه تانى و يبتسم 
امير انا جعان ما تيجي نخلع نروح نشوف لنا مطعم شيك كدا على النيل ناكل فيه و نستمتع بالميه و الخضره و الوجه الحسن ده 
امير يمسك مروه من دقنها 
مروه الناس يا امير 
امير اللى غيران مننا يعمل زينا ... يلا يا قلبي اتحركى 
مروه يلا يا حبيبي 
مروه و امير يروحوا ناحيه العربيه يعدوا كريم و احمد واقفين مع الرجاله قدام عربيه الشحن امير يفتح باب العربيه و يركب مروه و يقفل الباب و ينادى
امير كريم ... انا ماشي انا بقي ... سلام 
كريم يا عم استنى مش كنت ...
امير جعان جعان هروح اكل انا ربنا يعينك انت بقي خلص شغلك و كلمنى 
كريم قشطه سلام 
امير يهز راسه و يبص على احمد باصصله امير يروح يركب و يمشي كريم يلاقي احمد واقف متابعهم و سرحان 
كريم ايه يا احمد فى حاجه و لا ايه 
احمد هى دى تبقي ... 
كريم مدام مروه تبقي مرات احمد بيه مدير الشركه صاحبه المصنع 
احمد يهز راسه 
كريم على فكره امير بيه وصانى عليك هو بيحب جدا الناس اللى زيك اللى قلبهم على الشغل و صدقني لو استمريت على المستوى ده هيصرفلك مكافات كتير جدا ما كنتش تحلم بيها اهم حاجه عنده الإنتاج 
احمد يبتسم بسخريه و يهز راسه 
كريم كمل انت بقي على ما اروح ابص على حاجه كدا 
احمد تمام ... اتفضل حضرتك 
....................
فى شقه نور 
إيناس قاعده مع نور بيتكلموا 
نور نهى ما بتفكرش فى الموضوع ده خالص 
إيناس و ليه بس يا ست الكل و بعدين هو حد غصبها على حاجه تقعد و تشوفه ما يمكن هو اللى ما يعجبهاش و بعدين دا مش راجل عجوز يعني و لا معيوب و لا حاجه دا مسكين يا عيني راخر فضل طاحن نفسه فى الشغل عشان يجوز اخواته البنات لحد ما فاته القطر راخر و كل ما يروح لواحده تقوله كبير و شعره ابيض