بقلم أمير اسامه

هتخرج من مكانها بسبب الصدمه محستش بنفسها غير وهي بتفتح الباب وتجري زي المجنونه
سونه سمااااااااااح بنتيييييي 
نزلت سونه وهي بتلبس عبايتها في قلب الشارع وفي رجلها شبشب البيت الناس اتلموا علي صوتها وهي خارجه بتجري
خرج عبدالله من المحل هو وبكر وقام زكريا ورفاعي من مكانهم
زكريا ياساتر يارب في ايه
عبدالله دي سونه

خرجت مها ونجوي من البلكونه ودعاء ونبيله كمان خرجوا علي صوتها 
جريوا عليها بسرعه الرجاله 
رفاعي في ايه يا سونه 
زكريا مالها سماح انطقي
سماح الحقوا بسرعه يا معلم زكريا ابوس ايدك يا معلم رفاعي حاډثه العيال الترام وقع
عبدالله ياسونه براحه مش فاهمين منك حاجه واحده واحده
سونه ولادنا ياعبدالله حاډثه كبيره حصلت علي الطريق الترام وقع والدنيا مقلوبه وانا بنكلم سماح موبايلها مقفول وبنتصل علي حسن هو كمان موبايله مقفول الحقوا والنبي دي القيامه قايمه
مها العيااااااال
دعاء حسن العيال كلهم مع بعض يا اما
نبيله استر يارب 
رفاعي العربيه بسرعه يا بكر وكلم كرم بسرعه شوفه فين 
زكريا هات العربيه يا عبدالله يلاااااا
عبدالله وبكر طاروا علي العربيات نزلت نبيله ودعاء بسرعه علي تحت ونجوي جريت وراء مها اللي طارت اول ما سمعت اللي حصل
في لحظه كانوا راكبين عربياتهم وسونه معاهم وخرجوا زي المجانين من الشارع ووراهم ناس كتير من جيرانهم 
وصلوا علي مكان الحاډثه لكن كانوا بعيد شويه عشان الشارع كان واقف تماما
بكر پجنون وهو بيضرب علي الدركسيون الشاااارع وااااقف
رفاعي براحه يابكر يا أبني براحه خير ان شاء الله
نجوي استرها معانا يارب ومع عيالنا
رفاعي محدش فيهم بيرد وهيما موبايله مقفول نعمل ايييييه
مها انتوا لسه هتسألواااااا نزلت مها من العربيه تجري بين العربيات
بكر استني يا مهااااااا
نزلت وراها سونه ودعاء وساب بكر العربيه دايره هو وعبدالله وجريوا وراهم
زكريا ورفاعي ونبيله ونجوي نزلوا وقفوا تحت مش عارفين يعملوا ايه يجروا وراهم ولا هيرجعوا تاني 
فضلت مها تجري وهما وراها لحد ما وصلوا علي مكان الحاډثه عربيات الاسعاف كتير و موقفين الدنيا المكان زحمه والمشهد كارثي بكل المقاييس عربيات مدعوكه والترام واقع والصابون مغرق الشارع موتسيكلات كتير واقعه وعربيه نقل واقعه علي وش عربيه مبهدلاه
وقفت مها تبص وهي دموعها نازله حاسه انها في كابوس وسونه ودعاء حالتهم متقلش عن حالتها حاولوا يوصلوا للترام او يبصوا بين العربيات علي عربيه هيما و عربيه حسن لكن معرفوش يوصلوا
بكر محصلش حاجه اكيد هما كويسين لا لا هما كويسين محصلهمش حاجه
سونه يارب انا معنديش غيرها يارب متوجعنيش فيها 
دعاء بصوت هامس لنفسها ابني لأ يارب ابني لأ يارب 
عبدالله لشاب من الواقفين
عبدالله بقولك يا كابتن متعرفش بينقلوا المصابين فين
الشاب والله مش عارف بيقولوا علي رأس التين ومستشفي السبع والرياده وليل عموما هما اكيد هيودوهم علي اقرب مستشفيات من المكان مش هيبعدوا واكيد علي اكتر من مستشفي لان العدد اللي اټصاب كبير اوي ده كفايه اللي كان في الترام والزفه والناس اللي كانت ماشيه في الشارع
عبدالله پخوف استرها يارب شكرا ياكابتن
بكر هنعملوا ايه يا عبدالله
عبدالله اكيد مش هنفضل واقفين نتفرجوا ومش هنعرف ندخلوا وسط الخلق دي كلها والشاب ده قالي بينقلوهم علي اقرب مستفيات من المكان خلينا نروحوا نسألوا ونشوفوا الحالات اللي بتدخل في كل مستشفي وان شاء الله مش هنلاقيهم محدش رد عليكم
سونه لا محدش رد موبيلاتهم مقفوله
بكر طب يلا يلا بسرعه
عبدالله هنطلعوا ازاي من الزحمه دي
بكر بعصبيه هنتصرفوا يا عبدالله إن شاالله نطلعوا علي الرصيف يلا مها يلا اتحركوا
جريوا بسرعه علي عربياتهم من تاني 
زكريا طمنونا يا ابني 
بكر مش عارفين ندخلوا جوه الدنيا مقلوبه بس هنروح
نشوف في المستشفيات
رفاعي كلمت كرم يا بكر
بكر بنكلمه مبيردش
نبيله وانا بنتصل علي دره هي كمان مبتردش شكلها متعرفش
نجوي بلاش تقلقيها خلينا نطمن الاول عليهم باذن الله مش هيطلع فيهم حاجه
نبيله يارب
زكريا يلا يا عبدالله 
بكر عبدالله خليك ورايا انا هنخرم من الشوارع
عبدالله ماشي انا وراك 
خد بكر يمين كان قريب من حاره صغيره عبدالله طلع وراه خدوا الحاره دي للاخر وبعدين خد شمال طلع علي حاره تانيه فضل ماشي لاخرها وطلع علي الشارع العمومي الحاډثه بقت في ضهرهم 
وطلعوا بسرعه علي أقرب مستشفي ليهم الدنيا كانت مقلوبه هناك و زحمه بطريقه فظيعه كانت مستشفي عام 
نزل بكر وعبدالله بعد ما ركنوا
بكر خليكم هنا هنسأل ونرجع علي طول
مها فتحت ونزلت انا مش هنستني علي اعصابي 
جريت معا وسبقتهم نزلت دعاء وسونه وراهم ودخلوا علي الاستقبال 
بكر بنقولك يا صاحبي بالله عليك ولادنا كانوا في مكان الحاډثه ومش عارفين هما هنا ولا لأ نعرف ازاي
الموظف ده كشف باسماء اللي دخلوا بطايقهم هنا واساميهم كمان شوفوا في الكشف وفي ناس كمان دخلت لسه مسجلناش اساميهم وفي ناس مكانش معاهم اي حاجه اصلا
خد عبدالله الكشف وبكر فضل يدور في البطايق هو ومها
عبدالله اساميهم مش موجوده
بكر ولا بطايقهم كمان طيب ولاد دره معاهم بطايق او اي حاجه
عبدالله ايوه دره طلعتلهم بطايق وانا كنت معاها
دعاء ومعاهم كرنيهات الجامعه كمان
بكر طيب الحمد لله اساميهم مش هنا
سونه طيب في ناس بيقول مش معاهم اي حاجه خلينا نشوف فيهم
بكر طيب بنقولك ياصاحبي معلش اللي دخل بيروح علي فين
الموظف اجري علي الطوارئ شوف هناك لو ملاقتش يبقي مش موجودين 
بكر تشكر يا صاحبي
جري بكر وكلهم وراه فضلوا يدوروا ويبصوا في وشوش كل المصابين اللي نايمين علي السراير وبيصرخوا من الۏجع
مها ودعاء وسونه كل ما يشوفوا حد دموعهم تنزل والخۏف يزيد في قلوبهم مناظر الناس مرعبه والحاډثه مكانتش سهله 
بكر يلا مش هنا خلينا نروح مكان تاني
سندت مها ضهرها علي الحيطه واڼهارت
مها الناس متبهدله يا بكر ولادنا حصل فيهم ايه
بكر مسكها من ايدها اهدي يا مها ان شاء الله هيبقوا زي الفل يلا خلينا ندوروا عليهم
سونه يارب لو كانوا موجودين خليك حنين عليهم ومتوجعناش فيهم
بكر يلا يلا ياسونه
عبدالله يلا ياسونه يلا يامها امسكوا روحكم شويه يا اما ترجعوا واحنا نطمنكم
سونه لا انا مش هنرجع غير لما نشوف بنتي ونطمن عليها
بكر طيب يلا بسرعه
خرجوا كلهم علي العربيات 
زكريا پخوف ايه لقتوهم
بكر مش هنا دورنا في الكشوفات والبطايق مش موجودين 
نبيله الحمد لله كملها بالستر يارب
ركبوا العربيات وطاروا علي تاني مستشفي نزلوا من عربياتهم بسرعه كانت مستشفي خاصه وكان نفس الوضع فيها زحمه وناس بټعيط وناس بتصوت وناس بتجري دخلوا بسرعه علي الاستقبال وسألوا وفضلوا يشوفوا في الكشوفات ملاقوش حاجه 
بكر مش موجودين بردوا
عبدالله بنقولك يا اخ في اي حد دخل ومش معاه بطاقه
الموظف اه الدور اللي فوق في طفلين وبنت في العشرينات وشابين وراجل كبير مش معاهم اي حاجه ولا نعرف اساميهم
بكر الدور اللي فوق علي طول
الموظف اه بس متقلقش اصابات مش خطيره
بكر طيب شكرا جري بكر وهما جريوا وراه علي فوق فضلوا يجروا وسط الطرقه ويسألوا ويدخلوا اوض ويخرجوا من اوض واتاكدوا انهم مش موجودبن هنا كنان نزلوا بسرعه علي تحت وراحوا علي العربيات 
زكريا ايه موجودين 
بكر لا مش موجودين 
عبدالله بكر في عربيتين اسعاف هناك اهم تعالي نبص فيهم
نجوي بسرعه يا ولاد والنبي
جريوا وراء بعض راحوا علي العربيات المسعفين فتحوا الباب ونزلوا جري ينزلوا المصابين كانوا واقفين يبصوا في وشوش الناس وهما مرعوبين لكن مطلعوش معاهم 
بص بكر لعبدالله من بعيد والاتنين هزوا راسهم بمعني مش موجودين
جري عبدالله علي العربيه و بكر لحقوا واتحركوا وراحوا علي مستشفي تانيه كرروا نفس اللي عملوا مكانش ليهم اثر 
نبيله اطلعوا علي المستشفي اللي دره بتشتغل فيها نشوفهم هناك ولو ملاقيناهمش اكيد دره هتعرف تتصرف وتتصل بأي مستشفي وتعرف عنهم حاجه
دعاء دره ادام مبتردش يبقي عرفت اللي حصل واكيد مشغوله
زكريا استرها يارب خلونا نروح ونشوف
بص بكر لمها و رفاعي هز رفاعي راسه لبكر وركبوا العربيه وطلعوا علي المستشفي 
الخبر علي ما وصلهم كان فات نص ساعه علي الحاډثه وعلي ما لفوا علي المستشفيات اللي في طريقهم وسألوا كان فات ساعه كمان وصلوا اخيرأ المستشفي عند دره وفي الوقت ده كان العدد بدأ يتضاعف مابين مصابين و أهالي وإسعاف وناس بتساعد لأبعد حد اما في داخل المستشفي الوضع كان اصعب بكتير الطرقه بتاعت الطوارئ كانت مليانه ناس اللي متسند علي كتف صاحبه واللي قاعد في الارض واللي نايم علي الكراسي غير طاقم التمريض اللي بيجري مع المسعفين بالناس كل ما الوقت كان يعدي عدد المصابين كان بيزيد بعد ما يطلعوهم والحالات بتبقي حرجه اكتر
دخلوا كلهم علي جوه وهما مصډومين من مناظر الناس
عبدالله جري علي موظف الاستقبال 
عبدالله من فضلك انا ابقي اخو دكتوره دره متعرفش نلاقيها فين
الموظف دكتوره دره في العمليات يا افندم وللاسف مش هتقدر تشوفها لان زي ما حضرتك شايف الوضع
عبدالله طيب احنا ولادنا وبنات دكتوره دره كانوا في مكان الحاډثه ومش عارفين نوصلهم سألنا عليهم في كذا مستشفي من اللي نقلوهم عليها بس مش
لاقينهم
زكريا انا والد دره يا ابني لو تقدر تطمن قلبنا تبقي عملت معانا جميل كبير
الموظف علي راسي يا حاج طبعا وكل اللي اقدر اعمله حاليا هو اننا نراجع اساميهم في الكشف اتفضل الكشفين اللي مع حضرتك دول فيهم اسامي كل اللي وصل
خد عبدالله منه كشف وبكر التاني وفضلوا يدوروا فيهم وهو الموظف بيتكلم
الموظف دول فيهم اللي كان قادر يقول اسمه وفيهم اللي كان غايب عن الوعي بس لاقينا بطاقاتهم معاهم وزسجلنا أساميهم ومن حوالي ساعه إلا ربع الدنيا أتقلبت اكتر والعدد بقي اكبر مبقيناش ملاحقين نسجل يعني في عدد كبير دخل متسجلش وفي ناس خدوهم علي العمليات علي طول لان حالتهم كانت صعبه ودول بردوا لسه موصلناش اي معلومات شخصيه عنهم 
بكر اساميهم مش هنا 
عبدالله وانا كمان مش لاقي اساميهم
نبيله وبعدين هنفضل واقفين ندور
علي العيال كانهم تايهين كده 
الموظف انا اسف والله مش عارف ممكن أساعدكم ازاي بس لو حابين تدخلوا تبصوا علي الناس اللي في الطوارئ شوفوا يمكن تلاقوهم لو مش موجودين يبقي ممكن تستنوا شويه يمكن دكتوره دره تخرج من العمليات وتقدروا تشوفوها 
بكر عبدالله تعالي معايا وانتوا خليكم هنا
مها قولتلك مش هستني 
بكر مها خليكي هنا شوفي في الناس اللي بتدخل دي كلها يمكن حد فيهم يظهر وانا لو لقيت حد هنادي عليكم
سابها بكر وطلع يجري وراء عبدالله وراح وراهم زكريا ورفاعي
نجوي يمكن مكانوش هناك انا حاسه انهم راحوا اي مكان تاني
نبيله يارب يارب طمن قلبنا العيال كلهم قافلين موبايلاتهم
دعاء بدموع ماهو ده اللي قالقني مستحيل كلهم يقفلوا موبايلاتهم في نفس الوقت
نجوي يابنتي يمكن في مكان مفيهوش شبكه اتفائلي بالخير
دعاء يارب انت عالم بينا وبحالنا احميهم و طمن قلبنا عليهم
وقفوا جنب بعض وكانوا مصډومين من المنتظر اللي داخله قدامهمالاصابات بشعه و أغلب اللي داخل فاقد الوعي 
غاب بكر و عبدالله عشر دقايق ورجعوا جريوا عليهم 
مها لاقيتوا حد فيهم
بكر ملهمش اثر بس في ناس كتير في العمليات
مها طيب يمكن فيهم
بكر منعرفش يا مها منعرفش
عبدالله ميتهيأليش لو حد فيهم جوه اكيد كنا هنلاقي حد مستنيهم من العيال ماهو بردوا مستحيل كلهم يدخلوا العمليات في وقت واحد
نبيله ما تسكت انت وهي انتوا هتبشروا علي العيال ليه ربنا يسترها يارب
زكريا أتفائلوا بالخير انا حاسس انهم كويسين إن شاء الله
دخل قدامهم في الوقت ده توريلي لمحوا عليه منكش غرقان ډم وفاقد الوعي 
بكر مش ده الولا منكش
عبدالله هو
جريوا كلهم عليه