بقلم أمير اسامه

دي دي جاحده طب هي ازاي تعمل كده فيك ده انت جوزها وابو بناتها
يوسف صدقيني مش عارف ولحد الوقت هتجنن ومش فاهم اي حاجه دي مشافتش مني غير كل خير بس دره دمرتني
سونه طيب ازاي انت معرفتش انها خدت منك كل ده غير بعد ما طلقتها 
يوسف فلوسي ومالي كله كان بين ايدها هي وانا عمري ما خونتها بس اللي عرفته ان دره كانت مجهزه كل حاجه قبلها باسبوع وانا عشان كنت مشغول بحوار طلبها للطلاق لا كنت مركز في شغل ولا مركز في اي حاجه مكانش فارق معايا اركز في اي حاجه غيرها هي وبس واني احاول اراضيها واخليها تهدي 

سونه طيب ومتأخذنيش بناتك موقفوش معاك
يوسف للأسف لا مع انهم كانوا قريبين مني جدا بس مش عارف هي ازاي عملتلهم غسيل مخ مش قادر أخمن هي قالتلهم ايه عني يقسيهم عليا بالشكل ده تصدقي انهم لحد اليوم ده عاملنلي بلوك عشان ميكلمونيش ولا اقدر اوصلهم 
سونه بس بردوا هما مهما كان لسه عيال الدور والباقي علي امهم هي اللي ملأت قلوبهم من ناحيتك 
يوسف مش فارق معايا هما مبقوش يلزموني ولو حصل فيهم ايه مش هيوجعوني هما مش مشيوا وراها وباعوني من غير سبب يبقي هما كمان في ستين داهيه
مسكت دره الكوبايه پغضب اول ما قال كده علي البنات
قرب منها حسن بسرعه هو وبكر وبصولها بحزن 
بكر بهمس اهدي عشان خاطرنا ده ميستاهلش 
بصتله دره بۏجع ورجعت ركزت مع سونه ومع كلامه
سونه طيب سيبك منهم خالص انا والله ما عارفه نقولك ايه ولا نطيب خاطرك ازاي بس قولي انت عايز ايه وانا معاك وبعد اللي عملته فيك تستاهل اللي يحصل فيها 
يوسف دره دمرتني يا ست سونه ولما ردت عليا بعد فتره قالتلي بكل جحود اني مليش حاجه عندها واللي خدته ده حقها وربنا عالم انا تعبت قد ايه عشان اوصل للي انا فيه المبلغ البسيط اللي سابته في رصيدي كلن يادوب يخليني اقدر اعيش بيه اسبوعين بس ربنا قدرني وكان ليا واحد صاحبي وكام عميل اعرفهم من سنين وقفوا جنبي وساعدوني والمبلغ اللي كان معايا علي قد ما هو كان بسيط بس سحبته كله واديته لصاحبي شغلهم والحمد لله عملوا مبلغ كويس استنيت شويه لحد ما ارجع اقف علي رجلي لاني لو كنت كلت وشربت وقعدت في الفندق من غير ما اشغل الفلوس دي مكنتش هقدر اكمل حياتي بعد كده بس وقفت علي رجلي واول ما حسيت ان الدنيا بترجع من تاني وده بفضل ربنا طبعا لان ربنا عارف ان عمري ما افتريت عليها ولا علي اي حد
حجزت علي طول ونزلت علي مصر عشان اقدر اجيب حتي لو جزء من حقي منها عرفت وقتها ان البنات كانوا في الحاډثه اللي حصلت ومهما كان انا اب مقدرتش استني لحظه وجريت عليهم ولما روحت حسيت اني وسط عصابه واتلمت عليا هي واهلها ووقفوا قصادي وحتي البنات رفضوا يشوفوني والباقي انتي عرفاه خرجت وانا في الحاله دي وانتي شوفتيني وعشان كده انا محتاجك معايا انا بدرو علي مكان فاضي ويكون بعيد عن دوشه الشوارع يكون مكان متطرف شويه وعايزك تجبيلي دره عليه لان دره طول ما هي في وسط اهلها والبنات مش هقدر اتكلم معاها ولا هقدر ارجع حقي منها انتي مش هتعملي اي حاجه غير انك تلاقي طريقه تجبيها عندي في المكان اللي هبقي اقولك عليه
سونه ايوه بس هنجيبها ازاي دي لا بتطيقني ولا بطيقها ميتهيأليش هترضي تيجي معايا
يوسف حاولي تلاقي طريقه مقنعه مثلي عليها اي حوار استعطفيها بطريقتك وانا عارف ان هي هتصدقك وتيجي معاكي
كمان في شاب اتعرفت عليه وهو اللي هيساعدني في تأجير المكان وكمان معاه عربيه شغال عليها اوبر هبقي ابعتهولك يومها علي انه سواق عادي انتي
جيباه وطبعا ده عشان متبقيش لوحدك وفي حاجه كمان عايز اقولهالك
سونه قول يا باشا
يوسف في بدايه كلامك قولتي انك خاېفه رجوع دره يخليها تشغل اللي اسمه كرم ده من تاني عايز اقولك ان يوم ما جيت المستشفي هو وقف معاها وكان بيدعمها بقوه يعني سهل اوي انه يوجع يتشغل بيها من تاني ووقتها هتتوجعي للمره التانيه
سونه بتمثيل القلق يعني ايه كرم كان واقف معاها بجد
يوسف انا مش هكدب عليكي صدقيني ده اللي حصل
سونه طيب انا معاك في كل اللي هتطلبه بس انا مش عايزه اي حاجه تتثبت عليا ولا يبقي ليا يد في اختفائها وكمان عايزه اعرف انت ناويلها علي ايه هي مش فارقه معايا إن شالله لو ناوي ټقتلها وتريحني منها بس انا مش عايزه الاذي ليا متنساش اني عندي بنت و ملهاش غيري 
يوسف اطمني انا عمري ما هأذيكي كفايه انك بتساعديني انا كل اللي هعمله اني هجبرها علي التنازل هن كل فلوسي اللي سرقتها مني وارجع حقي منها وهحاول اكون باقي عليها لاخر مره عشان خاطر البنات بس ولو حبت ترجع معايا هي والبنات يرجعوا واهو نبقي ضربنا عصفورين بحجر واحد خدت منها حقي وكمان ارجعها عشان تسيبلك كرم قيل ما يروح من ايدك 
سونه بلهفه وانا معاك بس يعني في حاجه عيزاك تزودها في الخطه بتاعتك دي
بصوا كلهم لسونه بتركيز عشان يعرفوا هتطلب ايه 
يوسف قولي سامعك 
سونه يعني انت قولت ان الولا اللي هتبعته ده معاك فا عيزاك تفهمه يعني اننا قبل ما نقربوا من المكان يكون معاه مخدر ويرش علي دره ويعمل نفسه رش عليا عشان لو حصل في الامور امور ودره رفضت تديك حقك ورفضت ترجع معاك لما تفوق تعرف اني مكنتش معاك لان وقتها هتستغل ده وهتجرسني في الحته وتقول اني كنت هنخطفها ومتفقه معاك 
وكأنك يعني كنت مراقبنا
يوسف تمام بس المفروض انتي اللي هتكوني طالبه عربيه من الابلكيشن يعني هتقفش الحوار ازاي السواق هيخطفكم ويبقي متفق معايا وانتي اللي مختاراه عشوائي من الابلكيشن 
سونه الله ينور العلم حلو بردوا بس انا مكملتش كلامي عشان الحوار يكمل صح و دره متشغلش دماغها علينا وتقول ان انا اللي جبت السواق خليه يجي بتاكسي احسن وعادي انا بوقف تاكسي وهو يقرب مني بسرعه ويقف قصادنا ويطلب مننا يوصلنا وبكده يبقي انت اللي متفق معاه متأخذنيش انا مش بنبيعك بس يوم ما انت هتتقفش عادي انت ليك عندها حق لكن انا اللي هنلبسوها
ابتسمت دره لسونه وهزت دماغها كلام سونه عجبها ودخل دماغها وعرفت ان اعتراضها ده هيخلي يوسف يطمنلها اكتر
يوسف بصي اولا انا معاكي و هعمل كده عشان تطمني وتعرفي اني مش عايز أي أذي من بعيد او من قريب ليكي انا هقول للسواق
يعمل كل اللي قولتي عليه بس لازم تعرفي حاجه مهمه انا معنديش اي حاجه اخسرها بعد اللي خسرته دره معندهاش حريه الرفض هي مجبره يا هتتنازل وترجع معايا لو حابه او تتنازل وتخليها جنب اهلها بس في حالة انها اعترضت زي ما بتقولي وديني لا ھڨتلها واندمها علي اليوم اللي فكرت تاخد مني اي حاجه وعليا وعلي اعدائي وفي الحاله دي انتي هتمشي انتي والسواق ولا ليكم دعوه بأي حاجه وانا هرجع علي امريكا وبردوا هعرف ارجع حقي بس وقتها
هيبقي من بناتي وانا عارف هتصرف معاهم ازاي طول ما دره هتبقي بعيد عني هما لا هيقدروا يكملوا في مصر من غيرها ولا هيقدروا يقعدوا مع اهل دره لوحدهم فا وقتها هيرجعولي من تاني وبردوا هفكرك ان انتي هتفوزي بكرم ومحدش هيشاركك فيه 
سونه بقلق ايوه بس يعني انا بقول بلاش قتل والكلام ده انت هددها وافضل وراها لحد ما تتنازل عشان نكون كلنا في امان لا انا اتعك فيها ولا انت كمان ومتأخذنيش انا هتعك فيها اكتر متنساش انك هتسافر ومحدش هيطولك لكن انا هنا معاها 
يوسف متقلقيش انا بقولك لو حصل ورفضت بس زي ما قولتلك دره معندهاش حريه الرفض هي بمزاجها او ڠصب عنها مش هتطلع من المكان غير وهي عملالي تنازل 
سونه خلاص اتفقنا الخطه دي بقي هتتنفذ امتي
يوسف اول ما المكان يجهز والشاب اللي معايا يقولي ان كله تمام هعرفك الوقت والمكان وفي الوقت ده انتي تحاولي تجيبي دره عشان نخلص من الحوار ده بسرعه 
سونه خلاص شوف انت بس المكان وخلي الباقي عليا وهنفكروا بقي من الوقت في حاجه نقنعها بيها عشان ترضي تيجي معايا 
يوسف تمام وانا واثق انك هتقدري تقنعيها وهتجبيها لحد عندي 
سونه اطمن يا باشا انت متفق مع سونه مش مع اي حد كله خير يا باشا متقلقش
يوسف ماشي يا ست سونه يبقي اتفقنا اول ما اعرف تفاصيل المكان هبلغك
سونه وانا في انتظارك يا يوسف باشا 
يوسف يلا هسيبك الوقت مع السلامه 
سونه بالسلامه يا باشا 
قفلت سونه الموبايل وبصت لدره بحزن وعدم تصديق لقذاره يوسف 
في الوقت ده دره كانت جابت أخرها مسكت الكوبايه وبكل قوتها لفت وحدفتها پغضب
حيواااااااااان
بكر دررررررره
حسن لا والنبي يا دره اهدي عشان خاطرنا 
فضلت دره تاخد في نفسها بسرعه وهي سانده بأيدها الاتنين علي المكتب 
سونه بۏجع حقك عليا يا دره انا كنت مضطره عشان يقتنع اني معاه بس اللي قولته طلع صح اللعبه دي اكبر مننا يا دره فكري بالله عليكي اديكي شوفتي نيته من ناحيتك 
دره بۏجع انتي صح يا سونه كل اللي عملتيه معاه صح وهو شربها وفكره ان حسن يجيب تاكسي ويعمل نفسه رش علينا مخدر فكره كويسه عشان تحسسيه انك قلقانه ومش حابه اسمك يتجاب في اي حاجه تحصلي 
سونه حاجه ايه اللي تحصلك دره انتي فاهمه كويس الكلام اللي قاله هو ايه انتي مستسلمه لأذيته ولا ايه
بكر مش هيقدر يجي جنبها احنا معاها واللعبه اللي بيخطكلها هتتقلب عليه
دره بۏجع ونفس عالي اطمني يا سونه زي ما بكر قالك اللعبه اللي بيخططلها هتتقلب عليه وحياه ولادي اللي قال انهم مش هيفرقوا معاه لا هندمه علي اليوم اللي جه فيه للدنيا مش بس اليوم اللي فكر فيه انه ېغدر بيا 
بكر طيب ممكن تهدي شويه
حسن دره انتي بتترعشي جامد اقعدي عشان خاطري 
دره متقلقوش انا كويسه و كلامه ده كان كفيل يشحني منه اكتر ويفوقني اكتر واكتر
سونه طيب اجبلك مايه تشربي
دره لا مش عايزه يا سونه عيزاكم بس تطلعوا فوق عشان محدش يحس بحاجه وسيبوني لوحدي شويه وانت يا حسن بكره هتكلمه تقوله انك لسه بتشوف المكان وتعرفه انك بتكلمه بس عشان تطمنه وانك منسيتهوش وبعد بكره هتقوله المكان جاهز وكل خطوه هنعملها لازم تكون بحساب خدوا بالكم كويس كل اللي رتبتله لازم يمشي خطوه خطوه 
حسن اطمني يا دره متقلقيش هعمل كل اللي تطلبيه مني 
سونه وانا كمان هو كده اكيد مش هيكلمني تاني غير لما يعرف من حسن ان المكان جاهز وبعدها هيبلغني 
دره بالظبط خلينا بس نطلع ولادنا