بقلم أمير اسامه

والله يا مامي انا مقصدتش كده بس يعني انا بحاول اننا منضغطش عليكي اكتر من كده وكلنا عارفين الظروف ولازم نتحملها مع بعض
دره بعصبيه الظروف اللي بنمر بيها دي انتوا ملكوش اي دخل بيها دي ظروفي انا ولازم اتحملها كلها لوحدي انا اللي غلطت لما وثقت في يوسف و دينا وعشان كده لازم اتحمل كل حاجه وانتوا ملكوش دعوه كل اللي عايزينه هيجي كل طلباتكم انا ملزمه بيها وبخصوص دراستكم ممنوع النقاش في الموضوع ده اعتبروا موضوع منتهي محدش فيكم هيأجل او يعمل اي حاجه كفايه اوي راح علينا من الترم الاول اكتر من ثلاث اسابيع لازم نلحق اللي باقي من الترم بعد ما تاخدوا تكملوا اوضكم وتاخدوا شاور وترتاحوا اكتبولي ناقصكم ايه وموضوع الجامعه انا هتصرف فيه هننزل بكره مع بعض نشتري كل طلباتكم وطلبات البيت وبعد بكره هنروح مع بعض نقدم ورقكم ونجيب الكتب اللي هتحتاجوها وتبداوا مذاكره مفهوم

دارين مامي انا مكانش قصدي اني اعصبك بس انا بتناقش معاكي بصوت عالي عشان نوصل لحل يريحنا كلنا
دره بهدوء نتناقش في ايه يا دارين كلامك في الموضوع ده في حد ذاته لازم يعصبني لان اي حاجه متعلقه بتعليمكم النقاش فيها منتهي انتي فاهمه
دارين زي ما تحبي يا مامي ومش عيزاكي تزعلي مني
دره انا مش زعلانه منك يا روحي بس كمان مش عيزاكم تشيلوا هم اي حاجه كل حاجه هتمشي زي ما كنا في امريكا بالظبط ومش هينقصكم اي حاجه ومش عيزاكم تحملوا هم الفلوس ولازم تعرفوا ان بس نستقر في البيت واخلص من تقديم جامعاتكم
هنزل اشوف شغل
ديما شغل ايه يا مامي
دره لسه مش عارفه يا ديما يا اما هقدم في شركه يا هرجع للطب من تاني
دانه وااااو بجد يا مامي
دره بإبتسامه بجد ياروحي بس انا لسه مستقرتش
دارين ياريت يا مامي ترجعي تاني بجد هيبقى احلى خبر نسمعه الفتره دي
دره إن شاء الله يا حبايبي خلينا بس نسيبها على الله واللي عايزه ربنا هيكون
دارين طيب والراجل اللي تحت ده لسه مش ناويه تحكيلنا حكايته ايه وياترى نزولك مش هيبقى في خطړ عليكي
دره بتنهيده متقلقوش يا بنات كل حاجه هتتحل ولو على كرم يعني متقلقوش هو طيب على فكره يمكن متعصب شويه بس الاكيد انه مش زي ما ظهر قدامكم
ديما ده طيب مستحيل
دانه ده مرعب
دارين هو مين ده يا مامي
دره مش وقته يا دارين اكيد هحكيلكم بس مش الوقت يلا بقى متفضلوش ترغوا خلصوا اللي وراكم بسرعه وخلوني اروح اكتب الحاجه اللي حسن هيجيبها
دارين اوك يا مامي يلا يا بنات
ابتسمت دره ليهم بحب وراحت على البلكونه وهي معاها ورقه وقلم تكتب اللي محتجاه
ثواني و بصت بفضول على كرم وسرحت كان شغال ومش مركز وملامح الڠضب مرسومه على وشه 
دره ياترى ايه اللي غيرك بالشكل ده يا كرم خساره 
نزلت دعاء تشوف نبيله بعد ما شافت الاكل
فتحت باب الشقه ودورت عليها بعينها مكانتش موجوده
راحت على باب اوضتها وخبطت
دعاء امي انتي نايمه
نبيله تعالي يا دعاء 
فتحت دعاء وابتسمت بهدوء وراحت عليها قعدت جنبها
دعاء قاعده ليه في الاوضه
نبيله عادي
دعاء لا مش عادي انتي مش بتقعدي في اوضتك غير وانتي مضايقه ده حتى لما بتبقي تعبانه مبترضيش تقعدي فيها وبتقولي ان النومه بتتعبك اكتر انتي زعلانه مني يا اما
نبيله وهنزعلوا منك ليه يا دعاء انتي عمرك ما زعلتيني
دعاء بس انا عارفه اني زعلتك بس والله يا بلبله مكانش قصدي انا لما عملت كده كنت عارفه اني بعمل ده عشانك وحتى لو اتضايقتي عارفه ان قدام شويه هتفهمي وتفرحي
نبيله مزعلتش يا دعاء كل الحكايه اني مكنتش متوقعه نشوف دره قدامي فجأه عارفه يا بت لما فجأه تبقي ماسكه في ايد امك وسط خلق كتير رايحه وجايه وفجأه تلاقي روحك بطولك مش عارفه تروحي فين ولا تيجي منين اهو ده نفس احساسي
طول عمري موجوعه من دره وفراقها واجعني ومأثر فيا ومع كل ده كنت بنقول لروحي يوم ما نشوفها هنقطعوها بسناني ونطردها بره بس لما شوفتها اتلغبطت وبقيت زي التايهه بنقولها تمشي هي وبناتها وقلبي پيصرخ وبيقولها اوعي تتنقلي خطوه من جنبي
كان هاين عليا نروح ناخدها في حضڼي ونقفلوا عليها دراعتي لحد ما قلبي يسكتفي من حضنها لكن في نفس الوقت عقلي يقولي لا دي سابتك دي بعدت دي وجعت واحد معملش اي حاجه في دنيته غير انه عشق التراب اللي بتمشي عليه
عقلي قاللي بلاش دي كسرت ابوها بعد ما كانت كل دنيته ووجعت اخوها اللي كان بيقولها رغم ان مفيش فرق كبير بيننا بس بنحسك بنتي او توأمي
دره وجعتنا كلنا يا دعاء وجعتنا اوي واللي واجعنا ان كلنا اكتشفنا ان الروح والنبض اللي كان بينبض جوانا دره السبب فيه وببعدها ده خدت مننا الروح وخدت النبض دره كانت حياه لينا كلنا واحنا مش واخدين بالنا بس عرفنا ده متأخر لما فجأه لاقيناها مش وسطنا
دعاء قولتهالك كتير يا اما بس انتي مكنتيش بتسمعي ولا بتدينا فرصه نتكلموا دره مظلومه وانتي جيتي عليها كتير واول حاجه جيتي عليها فيها لما حرمتيها من صوتك عشرين سنه
نبيله انتي مش فاهمه حاجه يا دعاء مش فاهمه في حجات كتير حصلت وانا سكت مقدرتش نتكلم يابت
دعاء عارفه يا اما طول عمري حاسه ان في سر جواكي مخبياه وانتي مبتتكلميش تعرفي يا بلبله كل حاجه حصلت كانت ممكن تتغير لو كل واحد فينا قعد واتكلم قدام الكل واكتشفت يا اما ان كل واحد فينا مخبي سر جواه انتي عندك سر وعبدالله انا واثقه انه عنده سر حتى انا يااما في حجات كتير خبيتها عن دره ومقولنلهاش مش عشان نقصدوا نخبوا عليها لكن عشان هي كانت خلاص اتجوزت وسافرت معرفتها لا كانت هتقدم ولا هتأخر ويمكن كانت عاشت طول حياتها في ندم ووج ع هي ملهاش ذنب فيه صدقيني يا اما كان ممكن كل حاجه
تتحل لو كنا فتحنا قلوبنا بعض وسمعنا بعض بس هنقولوا ايه ده مقدر ومكتوب كل
اللي بيحصل ده لازم نعيشه ويمكن في حكمه من كل ده
نبيله انا اللي مقطع في قلبي اكتر هو كرم يا بت الولا ده لما بنبص في عينه بنحس ان قلبي بيتعصر
دعاء وانا كمان يا اما كرم ده غلبان وطيب وطول عمره ملهوش حظ بس كمان ده نصيبه عارفه لما سمعت صوته جتتي أتلبشت وقولت بس كرم هينفذ اللي طول عمره بيحلف بيه وهيقتل دره والله يا اما والله لما شوفت نظره عين كرم لما سمع صوت دره قلبي اتقطع عليه وعرفت ان لسه حب دره بيجري في عروقه وكل اللي كان بيقوله كان مجرد كلام طالع بس من وجعه
نبيله اااااااه على نظرته دي يابت موتتني بس كنت عارفه انه مستحيل يعمل كده اللي بيحب لا يمكن يأذي حتى لو اتأذى من حبيبه لما كنا بنتكلموا مع كرم قبل ما دره تيجي كل مره تنفتح سيرتها يغضب ويحلف ويقولي ودين محمد يا بلبله هنق تل بنتك كنت اضحك و أهاود فيه ونقوله طيب حقك يمكن لو في حد تاني سامع كلامه وشاف نظره الڠضب اللي بيقول بيها الكلام ده يصدقه ويقول انه فعلا يعملها بس انا عمري ما صدقته يا دعاء مكنتش بسمع الكلام اللي خارج من لسانه كنت بسمع صوت قلبه وهو بيقوله كداااب متقدرش تعملها بس على قولك كرم طول عمره حظه قليل
دعاء وانا واثقه ان ربنا هيعوضه صدقيني
نبيله دعياله من قلبي ليل ونهار وفي كل صلاه اول دعوه بتخرج من لساني وقلبي بتبقى عشانه 
دعاء ربنا يتقبلها يارب المهم روقي شويه عشان خاطري وصدقيني كل حاجه هتتحل
هزت نبيله راسها بحزن 
مر الوقت بسرعه والليل جه وبدأ الشباب يقفلوا المحلات
كرم بكر انا هنطلع عشان مش قادر نقف معلش اقفل انت
بكر ماشي اطلع يا اخويا وانا هقفل الدكاكين
رفاعي كررررم
كرم ايوه يا معلم
رفاعي هنتعشوا مع بعض
كرم معلش يابا اناا
قاطعه رفاعي مفيش بس قولت هنتعشوا مع بعض
كرم اللي تشوفه يا معلم
رفاعي صحيح نسيت نسألك
كرم خير
رفاعي انت كنت جاي منين الصبح كده قولت راحت عليك نومه ومقدرتش تفتح كنت فين
بص بكر لكرم
كرم ااا ابدا كنت في البيت عادي بس نزلت نشتروا كارت وجيبت ورجعت على الدكان
رفاعي اه اصلي مشوفتكش يعني وانت خارج من البيت
كرم ايوه بس انا شوفتك كنت واقف جوه خرجت نجيبوا الكارت ورجعت عليكم
رفاعي طيب يا ابني يلا اطلع روق على نفسك كده وبعدين انزل عشان نتعشوا مع بعض
كرم حاضر يلا بالاذن
رفاعي خدني معاك انا طالع
كرم يلا يا حاج 
بصله بكر بهدوء وهزله راسه بمعنى كله تمام 
طلع كرم ووصل ابوه لاول دور
رفاعي متتأخرش
كرم حاضر يابا
طلع كرم فتح الباب ولقى الشقه متنضفه ومفيهاش الهواء مفيش غير الحاجه اللي اتكسرت مبقتش موجوده لكن الشقه رجعت زي ما كانت عرف ان امه ومها اكيد هما اللي نضفوها
اتنهد بهدوء وبعدين دخل ياخد دش 
خلصت دعاء الاكل ودخلت لدره والبنات وبعد كده نزلت على تحت تحضر الاكل ليهم تحت وبدأت تحول الاكل من المطبخ للسفره 
ثواني والباب خبط كان زكريا ووراه عبدالله 
دعاء اتفضل يا ابا
زكريا تسلمي يا دعاء
دعاء يلا ادخل اغسل ايدك الاكل جاهز
زكريا تسلم ايدك يا بنتي
دعاء تسلم من كل شړ عبدالله بنقولك
سابها عبدالله ودخل
وقفت دعاء بصاله وساكته بحزن
زكريا متزعليش يا دعاء هيروق انتي عارفه عبدالله
دعاء مكنتش نقصد نزعل حد يابا والله
زكريا عارف يا بنتي وعارف ان نيتك خير بس انتي عارفه عبدالله مخه صغير شويه ويروق
دعاء نفهم من كده انك مش زعلان مني
زكريا بابتسامه طبطب على كتفها منقدرش يا دعاء ده انتي بنتي وعارف ان قلبك ابيض ورغم اني اتفاجئت ولسه موجوع بس نقولك سر
دعاء بحب قول يابا
زكريا اللي عملتيه ده عين العقل
ابتسمت دعاء وحضنته وحست انها ارتاحت بعد كلام زكريا ونبيله
دعاء الحمدلله كنت خاېفه تزعل انت وامي
زكريا متقلقيش محدش فينا زعلان حتى عبدالله انا عارف ان من جواه مبسوط بس مش راضي يبين
دعاء ربنا يريح قلبك يارب يابا
زكريا ويبارك فيكي يا بنتي هندخلوا نشوف نبيله ونيجي
دعاء ماشي
زكريا سلام عليكم
نبيله عليكم السلام
زكريا قاعده لوحدك ليه
نبيله ابدا كنت هنخرجوا الوقت
زكريا طيب يلا بينا
نبيله استنى يا زكريا عيزاك
زكريا عيني قولي في ايه
نبيله يعني كنت بنفكر بكره نخلوا دعاء تقول لدره تنزل عشان في كلام لازم نقوله
زكريا كلام ايه ولا قررتي تسامحي
نبيله مين جاب سيره مسامحه بس ادام انت قررت انها تفضل هي وبناتها وسطنا يبقى جه
الوقت اللي في حجات كتير لازم تتعرف
زكريا مش فاهم حجات ايه دي
نبيله بكره هتعرف كل حاجه يا زكريا بيتهيألي على رأي دعاء القاعده دي كانت لازم تحصل من زمان
زكريا كل حاجه بأوانها يا نبيله
نبيله عليك نور وأوانها جه يا زكريا
زكريا خلاص هنقول لدعاء يلا بينا بقى
نبيله يلا 
طلع حسن علي دره علي طول خبط علي الباب فتحتله دارين 
حسن سلام عليكم يا بنت عمتي
دارين بإبتسامه عليكم السلام يا حسن بس تقدر تقولي دارين عادي
حسن بضحك معلش انا لسه منعرفوش اساميكم اوي او بمعنى اصح منعرفش مين فيكم دارين