بقلم أمير اسامه

لعبدالله ولا لأبوكي بصه مش تمام الناس معندهاش غير الكلام خصوصا انهم ميعرفوش اللي حاصل
والاهم بقي من كل ده صراحه خاېف بس مش خاېف من الناس انا خاېف من سونه تشوفك ومش هتسلمي من لسانها
دره يادي سونه عموما متخافش عليا اخاڤ عليها هي من لساني يابن الرفاعي
كرم بضحك لا مجربتيش انتي لسان سونه لما يبقي ليه علاقه بيا

دره انت هتقولي والله شكلك انت اللي خاېف من لسانها
كرم ضحك مش هننكروا
دره بضحك ماشي يا خواف يلا هننزل
كرم هفضل واقف لحد ما تدخلي وبعدين هاجي وراكي
دره تمام باي
كرم دره
بصتله دره وهي مبتسمه نعم
كرم بحبك
دره أبتسمت وبصتله وهي مكسوفه وانا كمان 
فتحت دره ونزلت علي طول فضل كرم مايل براسه ومبتسم وعينه عليها بحب لحد ما اختفت ودخلت علي شارعهم
اتنهد تنهيده طويله وبعدين دور العربيه ومشي بهدوء عشان تكون لحقت مشيت 
قربت دره من محل أبوها اول ما شافها هو وعبدالله قربوا خطوتين منها
دره بأبتسامه جميله مساء الخير
زكريا مساء الورد
عبدالله عامله ايه الوقت يا حبيبتي
دره بحب طبطبت علي كتفه بهدوء الحمد لله يا حبيبي 
زكريا بقيتي احسن يا دره
دره انا زي الفل يا حبيبي اطمن متقلقش عليا
زكريا عارف أنك بمېت راجل وتقدري تعدي اي حاجه بس ليا عندك طلب
دره عيني يا حبيبي
زكريا متطوليش في الزعل من بناتك دول هيموتوا عليكي وزعلك فارق معاهم ودانه بالذات باين عليها الحزن وحاسه بالذنب عشان زعلتك
عبدالله دانه صغيره يا دره ومقصدتش والاهم ان الذنب مش ذنبها
دره اطمنوا انا مش زعلانه منهم ولا اقدر ازعل منهم وعارفه ان دانه ملهاش ذنب انا عارفه ان دانه فضوليه واكيد كانت حابه تعرف سبب أتصاله ويمكن انا اتعصبت عليها لما قالتلي ناخد منه الفلوس وده حقك بس هي معاها حق وبيتهيألي جه الوقت اللي اخد حقي
زكريا اللي عيزاه هيحصل بس المهم انتي مش زعلانه من البنات 
دره لا يا حبيبي مش زعلانه صدقني كنت مضايقه الصبح شويه وحقك عليا عليت صوتي قدامك بس ڠصب عني والله يا بابا 
زكريا قرب زكريا منها وخدها وهو بيبوس راسها المهم انك أرتاحتي وبقيتي احسن
ابتسم عبدالله بحب وحط ايده علي راسها لعب في شعرها وهي زكريا في نفس اللحظه كان دخل كرم ركن العربيه ونزل وفي نظره سريعه بص عليهم هما التلاته 
ابتسم زكريا لكرم وهو حاضن دره وعبدالله ابتسم وهز راسه بهدوء بمعني شكرا
أبتسم كرم ليهم بحب و رفع أيده بهدوء وضم صباعين قربهم من راسه وكأنه بيديهم التحيه وبسرعه دخل علي المحل 
طلعت دره علي فوق خبطت علي نبيله تشوفها فتحت دعاء
دعاء حمد الله علي سلامتك يا احلي دكتوره 
دره بابتسامه حب باستها من خدها الله يسلمك يا دودو فين بلبله
نبيله تعالي يا دره انا هنا
دخلت دره القت عليها السلام وبعدين قربت منها باست ايدها
خدتها نبيله وقعدتها جنبها 
نبيله طمنيني عليكي
دره هو انتوا كلكم قلقانين ليه كده ما انا زي الفل قدامك اهو
دعاء ديما يارب
نبيله بقيتي احسن 
سحبت دره نفسها من نبيله ومسكت
أيدها بحب
دره والله زي الفل مش عيزاكي تقلقي عليا 
نبيله يارب ما أشوف فيكي اي شړ انتي واخوكي
دره ويخليكي لينا يا ست الكل بصت لدعاء دعاء البنات رجعوا انا لمحت حسن واقف مع محمد ابن مها
دعاء اه يا حبيبتي رجعوا بقالهم شويه وطلعوا غلي فوق قولتلهم ريحوا شويه لحد ما انتي تيجي وعبدالله وابوكي يطلعوا وناكلوا سوا 
دره بتنهيده ماشي انا كنان هطلع اخد دش وهبقي انزل 
نبيله استني يا دره عيزاكي في كلمتين
دره بابتسامه لو هتقوليلي متزعليش من البنات زي ما بابا قالي فا
اطمني انا مش زعلانه انا بس الصبح كنت مش في وعيي و اتعصبت شويه 
نبيله لا مش هقولك كده يا دره عشان انا واثقه انك عارفه ان البنات متقصدش وكمان دانه مغلطتش بس سواء يا بنتي ابوهم واطي ولا لأ في النهايه ده ابوهم
دره بحزن عارفه يا بلبله وصدقيني مكالمتها معاه مش هي الحاجه اللي ضايقتني قد ما موقفه هو اللي ضايقني بالعكس انا يمكن مضايقه من نفسي اكتر عشان فضحته قدام بناته ووجعتهم 
نبيله بناتك مش صغيرين يا دره وفاهمين كل حاجه
دعاء امي معاها حق يا دره انتي مغلطتيش ومتنسيش يا حبيبتي ان بناتك مهما ربتيهم صح في النهايه هما فكرهم مختلف ومش بعيد طول ما انتي ساكته ومخبيه عليه يفكروا ان هو اللي معاه حق وانتي اللي مزوداها 
دره صدقيني يا دعاء مكانش فارق معايا وطول الوقت كنت اوقات بشوف ده في عينهم وبعديه وباجي علي نفسي واقول معلش في النهايه الصدمه في الاب مش سهله وانا مكنتش حابه اوجعهم 
نبيله واديكي قولتي اللي كان جواكي وارتاحتي وهما عرفوا حقيقته يبقي لا تزعلي منهم ولا من نفسك وكفياكي ۏجع وكتمان جواكي يا بنتي
دره انا زي الفل يا بلبله اطمني وصدقيني رجعت احسن من الاول كمان 
نبيله ابتسمت وغمزتلها بركاتك يا كيرو طول عمرك مقنع وكلامك بيداوي بس مين يسمع
دره رفعت حاجبها وبصت لدعاء لقتها بتضحك احيييييييه عليكي يا بلبله من يومك ټموتي في التطبيل وبالذات لكرم
نبيله يووووه وانا قولت حاجه انا بنشكر في الولا
دره طب يا اختي شكري فيه براحتك انا قايمه يا دعاء بدل ما نخسروا امي
دعاء بضحك ماشي يا حبيبتي
نبيله وتخسريني ليه يا واطيه عشان بنقول كلمه الحق قولناها زمان وخرجتي من البلد يا موكوسه 
دره سكتيها يا دعاء قبل ما تفتح علي الرابع وتختمها بربع
نبيله أهربي يا واجعه قلبي أهربي والنبي ما هتلاقي ضافره بلا خيبه نسوان مش عارفه مصلحتها 
قفلت دعاء الباب وراها وهي ھتموت من الضحك وبصت لنبيله 
دعاء احيييه عليكي يا بلبله مبتستريش مفيش فايده فيكي
نبيله وانا قولت ايه ياللي تنشكي انتي كمان
دعاء تيجي سيرة كيرو عينك تطلع قلوب عارفه يا بلبله لولا انه مش من سنك كنت قولت عينك عليه وبتحبيه
نبيله احيييييه نحب غير زكريا ده عشره عمري يا بت بس مش هننكر اني بنحب كرم بس حب ام لابنها يا بت
دعاء ربنا يخليكم لبعض يارب ياما ويخليلك كرم يا بتاعت كرم
نبيله حطت ايدها علي دقنها ورفعت حاجبها اه بتاعت كرم منبقاش بتاعت كرم ليه هي تلاقي زيه الواطيه ده قاعد في قلبي ومربع 
دعاء كويس ان المعلم مش هنا
نبيله بضحك كان راح علقھ علي باب الدكان وهو ابن حلال ويستاهل
دعاء قلبتي عليه في لحظه انا داخله المبطبخ قبل ما تقلبي عليا انا كمان
ضحكت دعاء ودخلت وسابتها وفضلت نبيله قاعده في مكانها مبتسمه 
نبيله والنبي ما عارفه مصلحتك يا دره بس نقول ايه القلب وما يريد وأهو راد الوكسه والخيبه يابنت بطني 
دعاء بضحك من المطبخ هتفضلي تكلمي روحك كتير يا بلبله
نبيله وانتي راميه ودنك ليه يا اللي مشوفتيش تربيه انا بناخدوا وندي مع روحك مالك ومالي احيييييه عليا الواحد ميعرفش يتفك بكلمتين في بيته عجايب 
فضلت دعاء فطسانه علي نفسها من الضحك 
طلعت دره فتحت بالمفتاح ديما ودارين كانوا واقفين بره في الريسبشن جنب الباب ودانه في اوضتها اول ما سمعوا الباب بيتفتح بصوا عليه بسرعه ووقفوا في مكانهم
فتحت دره وبصت لقتهم واقفين باصين
عليها بترقب 
دره مساء الخير يا بنات
دارين مساء الخير يا مامي
ديما اهلا مامي
قفلت دره الباب بهدوء وحطت شنطتها علي الكرسي وبصتلهم
دره مالكم واقفين كده ليه
دارين بتوتر اااا أبدا حضرتك كويسه
دره بابتسامه هاديه انا بخير يا دارين
ديما يعني مش زعلانه مننا 
بصتلها دارين عشان تسكت
دره بحب لا مش زعلانه منكم يا ديما ولا عيزاكم تزعلوا مني
ديما احنا منقدرش نزعل منك يا مامي اصلا
دره بحب قربت منهم طيب تعالوا في 
دارين بسرعه لفت دره ايدها علي ديما وباستهم من راسهم
دره انا اسفه اني اتعصبت الصبح واسفه علي اي حاجه قولتها 
دارين احنا اللي المفروض نعتذر وخصوصا انا مكانش ينفع أعلي صوتي
دره حصل خير يا روحي انا مش زعلانه منكم صدقيني فين اختكم
ديما من وقت ما جينا وهي حابسه نفسها في الاوضه ومضايقه عشان زعلتك 
دره بتنهيده طيب خدي الچاكت والشنطه اللي هناك دي ودخلوها اوضتي وانا هروح اشوفها
دارين بحب حاضر يا مامي
راحت دره علي اوضه دانه خبطت الباب وبعدين فتحت اول ما دانه شافتها قامت اتعدلت وقعدت علي السرير ونزلت عينها 
دره ممكن ادخل
دانه اكيد يامامي اتفضلي 
دخلت دره بهدوء وراحت قعدت قدامها علي السرير وبصتلها
دره ديما بتقولي انك حابسه نفسك من وقت ما جيتي ليه مش قاعده معاهم بره 
دانه بحزن بصت لتحت كنت عايزه افضل مع نفسي شويه
دره بصيلي يا دانه
رفعت دانه وشها لدره وهي عينها كلها دموع بصتلها دره بتأثر وحزن لانها اضعف حد في الدنيا قدام دموع بناتها
دره لا بصي قبل اي كلمه لو دموعك نزلت انا بجد هزعل منك
دانه مقدرتش تمسك نفسها وبسرعه دموعها نزلت انا اسفه يا مامي والله ما كان قصدي ازعلك او اجرحك او اوصلك للحاله دي
دره خدتها بسرعه شششش بس اهدي محصلش حاجه لكل الدموع دي انا مش زعلانه منك وانسي خالص اي كلمه قولتها الصبح تحسسك اني زعلانه او مضايقه منك انا لا اقدر ازعل منك ولا من اخواتك انتي مش عارفه انا بحبكم قد ايه يا دانه ده انا عايشه عمري عشان انتوا موجودين معايا 
دانه بس احنا زعلناكي وخصوصا انا مكانش ينفع ارد علي بابي
دره لا اوعي تقولي كده واوعي تفكري بالطريقه دي لو فاكره اني اضايقت انك كلمتي بباكي تبقي متعرفنيش كويس يا دانه كل الحكايه اني اضايقت منه هو يمكن اتعصبت عليكي بس انا اسفه وبعتذر علي الطريقه اللي كلمتك بيها قدام الكل بس يمكن كان ڠصب عني مقدرتش اتحمل دانه انا من يوم اللي حصل مقولتش لاي واحده فيكم اوعوا تكلموا بباكم او تردوا عليه لان مش من حقي انطق كلام زي ده وكوني أمكم ده ميدنيش الحق اني أستغل أمومتي دي في اني احرمكم منه
دانه عارفه يا مامي بس بردوا مكانش لازم اغلط غلطه زي دي هو مكانش عايزنا اصلا عشان احنا نسأل عليه
دره مين قال كده شوفي يا دانه انا يمكن اتوجعت من ابوكم ويمكن كمان ليا تار عنده بحق كل حاجه عملها معايا بس انتوا بعيد خالص عن مشاكلي معاه والاهم في كلمتين مهمين لازم تعرفيهم
خبطت دارين وديما في الوقت ده ووقفوا علي الباب
دارين ندخل ولا بتتكلموا مع بعض 
دره لا تعالوا يا بنات في كلمتين لازم تسمعوهم ادخلوا
راحو البنات قعدوا جنبهم علي السرير 
دره بتنهيده شوفوا يا بنات بعيدا عن اي ۏجع بباكم سببه فيا احنا بشړ ومفيش اي حد في الدنيا كامل ومفيش