بقلم أمير اسامه
المحتويات
الناس
نبيله بلاش السيره اللي توجع القلب دي يا كرم وجعت قلبي يا ابن نجوي
كرم ما خلاص بقي يا بلبله مكانش سؤال انا زي الفل اهو
خرجت مها مع نجوي
مها احيه علي المسلسل اللي مش راضي يخلص
كرم هنخلصوا الحلقه عشان ترتاحي يا بومه قام كرم وقف انا هنطلع نغير وننزل نشوفوا الشغل عايزه حاجه يا بلبله
نبيله عيزاك طيب يا حبيبي
نبيله يا اختي انا مش غريبه قولتلك خدي راحتك انا هنقوم بقي نكملوا المحشي
نجوي احيه انتي لاحقتي خليكي شويه
مها ما خلاص الحيله بتاعها مشي
نبيله يابت مالك ومال الولا هو قاعد فوق راسك
نجوي جديد عليها هي ودره طول عمرهم بيغيروا من اللي يقرب منك او مني
نبيله يابت كلكم حبايبي وواخدين حته من روحي
نبيله بضحك انا هنمشي بدل ما نسمعها ربع وهي تعبانه كده
نجوي ماشي يا بلبله
مها متنسيش المحشي و ابعتيلي انا كرم لأ
نبيله ده انا نبعتله هو وانتي لا
مها شوفتي اديني خلتها تعترف انه واخد حته اكبر
نبيله مش هنردوا عليكي يلا بالاذن سلامتك يا ناقصه هنيجي نبص عليكي تاني
مها حبيبتي يا بلبله سلام
رفاعي تسلم رجلك يا غاليه
نبيله الله يسلمك يا معلم بعد الشړ عن مها
زكريا عامله ايه البت
نبيله بضحك هتكون عامله ايه مش راحمه حد من لسانها الناقصه
رفاعي وانتي تايهه عن مها
نبيله بس بنحبها هنعملوا ايه
رفاعي وهي بتحبك ربنا ما يحرمكوا من بعض
زكريا امين يارب
رفاعي اذنك معاكي يا اختي
زكريا يلا اطلعي
رفاعي بضحك مبتسترش مها
زكريا ومين فيهم بيستر كلهم مسحوبين من لسانهم
رفاعي علي قولك
عند محمد واحمد
احمد حمووو بنقولك ايه
محمد قول
احمد انت عرفت هيما اننا هنخرج بكره
محمد لا لسه مش عارف اصلا نقوله رايحين فين
احمد اي حاجه نتمشوا نقعدوا في مكان اكيد مش هيقول لأ
احمد يقفش ابه ده ناسي خالص عبد ميلاده انت وصيت علي التورته صحيح
محمد انا عرفت الولا حسن وقالي هو هيتصرف
احمد طيب ما تأكد عليه حسن مسطول ممكن ينسي
محمد لا خلاص ظبط كل حاجه متقلقش
احمد هو احنا مش هنقول لهيما ان البنات جايين صح
محمد لا هنقوله احنا بس وحسن هيجيبهم ويجي او هيلحقنا الاول لسه متفقناش
محمد تعالي نجسوا نبضه كده
احمد يلا بينا
راحوا مع بعض علي المحل بتاع هيما كان واقف شغال
محمد الله ينور
هيما عليك يا حمووو خير سايبين الدكان ليه معندكوش شغل
احمد لا بس زهقانين شويه
هيما بضحك وجايين تتمشوا عندي في الدكان ولا ايه
محمد يخربيت الظرف لا يا اخويا احنا عايزين نخرجوا
هيما تخرجوا تروحوا فين
احمد اي مكان يا هيما الواحد جاضض علي الاخر ما تيجي نخرج بكره نتمشي او نقعدوا في مكان
هيما واشمعني بكره ما تخلوها انهارده
محمد بكره عشان نبقي مجهزين روحنا انهارده خلاص اليوم بيطير وملحقناش
هيما وانت محتاج تجهز عامل فيها عريس ده هو بنطلون وتشيرت هتضربهم وخلصت
احمد لا لا بكره احسن
هيما مش عارف بس بكره كان عندي مشوارين شغل وممكن منعرفش
محمد يا جدع متعقدهاش
هيما مبنعقدهاش والله بس لو هتخرجوا انهارده يبقي احسن
احمد هنقولو لبكر وهو يروح بدالك
هيما لا بكر لا حرام
يا جدع ده علي طول متدبس في كل حاجه
احمد يا جدع انت مالك لو مش هيقدر هيقول وكرم كمان موجود
هيما انتوا عارفين ان كرم بيخلع في اي وقت ووقته مش ملكه
محمد هنروح نقوله ولو هو كمان مش فاضي هيقول اسكت انت بقي متعقدهاش يلا يا ولا تعالي معايا
هيما روحوا يارب يعلقوكم علي باب الدكان
احمد اطلع منها انت بقي دي بتاعتنا احنا
هيما انا مالي روحوا منكم ليهم
راحوا الاتنين علي كرم وبكر
محمد كرم كرم خااال
احمد يا خاااال كيرو
كرم في ايييييه مالكم داخلين زي القطر كده ليه
بكر في ايه ياولا منك له
محمد طالبين منكم خدمه بس من غير ما حد يعرف
بص كرم لبكر بسخريه
كرم استر يارب
بكر هببتوا ايه
محمد مهببناش والله كل الحكايه اننا عايزين نخرجوا بكره وناخد معانا هيما وبصراحه كده احنا عاملينلوا عيد ميلاد وعايزين مفجأه وحسن وسماح والبنات هيبقوا معانا
كرم ألعببببب قولتلي بقي
محمد لا بلاش رفعة الحاجب دي يا خال
كرم طيب ايه المطلوب يا اخويا ما تخرجوا
محمد هو مش راضي يخرج بكره وبيقول خلوها انهارده عشان عندي مشوارين الصبح ومش هيقدر يخرج بليل
بكر لا ملوش دعوه بمشاوير الصبح انا اصلا اللي كنت هروح مش هو
كرم وانا موجود بردوا
احمد ماهو خاېف يكون عندك شغل
كرم لا معنديش بكره شغل وهفضل طول اليوم هنا سيبوه عليا متقلقوش
احمد المهم متجيبوش سيره عشان المفجأه متتحرقش
بكر خلاص متبقاش زنان مش هنجيبوا سيره
كرم بس خير يعني شايفكم رايحين جايين مع بنات دره
محمد الله مش زمايلنا وبقينا صحاب وجيران
كرم لا والله اسمع انت وهو لو عرفت ان واحد فيكم عمل جو الصياعه عليهم مش هنرحمكم
محمد الله متصغرناش بقي يا خال
احمد يعني بزمتك لو مشغلين شغل الصياعه عليهم كانوا هيخرجوا معانا او يعرفونا حتي
كرم انا بنعرفكم بس عشان نبقي حذرتكم
محمد اطمن يا خال ولاد اختك رجاله
كرم عارف بس الحرص واجب
بكر اعملوا حسابكم اي غلطه كرم مش هيرحمكم وانا قبله مفهوم
احمد ماخلاص بقي يا جدعان مش كده الله
كرم يلا ياولا منك ليه علي شغلكمدماااااغنا
محمد بضحك أجري يا حمووو
احمد سلام عليكم
بعد مرور كام كان البنات روحوا علي البيت وفضلوا قاعدين مع نبيله ودعاء يساعدوهم وكانوا مبسوطين خاصتا دارين بعد ما جابت هديه هيما واختارت البرفيوم
خلصت دره شغلها والمفروض كرم كان متفق معاها انهم يفطروا الصبح وبليل لما تخلص شغل يعدي عليها تاني يشوفها بس مكلمهاش وهي كانت مشغوله طول اليوم في المستشفي
دخلت قلعت البالطو وبدأت تلم في حاجتها مكانتش قادره خلاص وفصلت عايزه تروح ترتاح بأي طريقه اتصلت عليه قبل ما تمشي عشان هو ميجيش في نفس الوقت اللي هي تمشي فيه
كرم ايوه يا حبييي
دره ايوه كرم انت فين
كرم ايه ده مال صوتك في ايه
دره ابدا مفيش يا حبيبي بس مرهقه جدا ومصدعه وعايزه انام وجعانه وحجات كتر اوي
كرم كل ده
دره بأبتسامه شوفت بقي
كرم اليوم كان متعب وكله عمليات هااا
دره جدا انا كنت قيلالك ان عندي عمليه واحده بس عملت 3 وبجد فصلت
كرم ماهو لما انتي مكلمتنيش حسيت انك مشغوله عشان كده متصلتش
دره انت فين
كرم انا في الدكان في شغل كتير انهارده انتي خلصتي ولا ايه
دره اه خلصت خليك انت بقي عشان مش هقدر استني اكتر من كده
كرم طيب خليكي شويه مش هتأخر عليكي
دره مش قادره والله يا كيرو أستني اكتر من كده وكمان لسه هطلع اشوف مها
كرم طيب خلاص يا حبيبي تعالي يلا علي طول وانا مستنيكي
دره تمام يا حبيبي
كرم سوقي علي مهلك
دره حاضر
كرم سلام يا عمري
دره سلام
قامت دره خدت شنطتها وخرجت راحت علي العربيه وطلعت
بعد حوالي نص ساعه وصلت دره علي الشارع كانت العشاء بتأذن وهما لسه فاتحين وحتي عبدالله وابوها كمان مكانوش قفلوا
لمحت كرم واقف علي باب المحل كان بيتكلم مع هيما والشباب اول ما شاف العربيه رفع عينه وبصلها بحب وغمزلها
ابتسمت دره بتعب وبعدين بسرعه بعدت عينها عنه ونزلت
عبدالله حمد الله علي السلامه
دره قربت منه و باسته من خده الله يسلمك يا حبيبي
عبدالله ايه ده مالك انتي تعبانه ولا ايه
دره اه والله يا عبدالله مرهقه جدا كان عندي 3 عمليات وخلاص مش شايفه قدامي
عبدالله طب اطلعي يلا يا حبيبتي ارتاحي
دره لا لسه هطلع اشوف مها عشان تعبانه اوي
عبدالله اه ما دعاء وامك كانوا عندها انهارده
دره امال فين ابوك
عبدالله راح هو و المعلم رفاعي في المسجد بيصلوا العشاء
دره طيب ابقي قولوا بقي لما يرجع اني بنشوف مها لو فضلت مستنياه لما يجي هنقع جنبك هنا وننام في الشارع
عبدالله بضحك لا روحي انتي شكلك عامله دماغ
بنج عنب
دره تصدق والله ممكن
عبدالله هي الدماغ دي عارفها انا
دره يلا سلام
عبدالله سلام يا دره
رفعت دره عينها لكرم وبسرعه نزلتها لما لاقيته لسه باصصلها ومبتسم وبعدين دخلت علي مدخل البيت بتاعه بسرعه
طلعت دره رنت الجرس
نجوي الباب مفتوح ياللي بره
زقت دره الباب ودخلت وهي بتضحك
دره مش خاېفه حد يدخل يخطفك
نجوي دره يا حبيبتي تعالي
قامت وقفت وسلمت عليها بحب
نجوي يا اختي مين اللي هيخطفني و هيعمل بيا ايه
دره مستقله بنفسك يا نوجا ده انتي موزه
نجوي بضحك كان زمان يابت
دره كنتي بتوقفي الشارع علي رجل هااا
نجوي اختشي يابت
دره عامله ايه يا نوجا
نجوي في نعمه الحمد لله انتي مالك شكلك تعبان ووشك مصفر ليه
دره ولا مصفر ولا حاجه شويه ارهاق انهارده كان في شغل كتير وعلي رأي عبدالله اخويا شكلي عملت دماغ من ريحه البنج
نجوي طيب تعالي اقعدي هعمل كبايه عصير تجيب معاكي من الاخر وتوقفك زي الحصان
دره استني هنا عصير ايه بلبله عامله محشي ولو مكلتش هتسمعني انا وانتي اجدعها ربع
نجوي ماهي الطفسه مها قالتلها تبعتلها
دره بالف هنا يارب
نجوي طيب عشان خاطري كوبايه عصير صغيره هتكسفيني يابت
دره والله ما قادره يا نوجا نقولك خليها بكره هعدي علي مها قبل ما اروح الشغل وهاجي اشرب معاكي القهوه ايه رأيك
نجوي ماشي يا ستي لما نشوف
دره هي
مها مش طالعلها حس ليه هي فوق في شقتها
نجوي لا جوه في اوضتها
دره نايمه ولا ايه
نجوي لا كانت صاحيه بس مريحه علي السرير ادخليلها
دره ماشي يا حبيبتي
نجوي انا في المطبخ جنبكم لو احتاجتوني
دره منستغناش يا نوجا
راحت دره علي باب اوضه مها اوضتها القديمه خبطت وبعدين فتحت وبصت من وراء الباب
دره ادخل
مها بابتسامه ياااااا دره ادخلي يابت تعالي
دخلت دره وقفلت الباب وقربت منها
مها متبوسنيييش هنعديكي
دره هاتي بوسه بس تعالي
مها حبيبه قلبي انت لسه راجعه ولا ايه
دره بإرهاق ااااه وفاصله علي الاخر مش قادره
مها ليه مالكباين عليكي اصلا
دره شغل مقعدتش من وقت ماروحت عمليه وراء التانيه وفصلت خالص انتي طمنيني عليكي
مها مكسره يا دره عضمي كله واجعني و زوري و سخنت كذا مره بس من اخر مره سخنت الصبح مسخنتش تاني بس
مش قادره بقي نقف كل ما نقوم نحس ان الدنيا بتلف بيا
دره بصت جنبها علي الكومدينو هو ده العلاج اللي اخدتيه
مها اه كويس
دره اه كويس اوي بس خليني ابص عليكي
مها ياختي تبصي عليا ايه انا كويسه خلاص تعالي اقعدي جنبي
دره يابت انا هطير هقعد معاكي بس لما اكشف عليكي الاول خليني امارس مهنة الطب عليكي لأول مره
مها احييييه وانا اطول يابت
متابعة القراءة
