بقلم أمير اسامه

ومراته وولاده كل دول مكانوش كافيين ينسوه اللي حصل واللي انا لحد الوقت مش شايفه اني غلطت فيه لانه كان حقي اختار خصوصا بعد ما اتسجن لو ليه حق ياخد موقف كان خده من ابويا وامي واخويا اللي خبوا عليه مش مني انا
دعاء يمكن معاكي حق في اخر جزء من كلامك الغلط كان عليهم هما مش
عليكي لكن اللي انتي متعرفيهوش واللي انا خبيته عنك يا دره ان من يوم ما انتي مشيتي لحد اللحظه دي كرم حرم علي روحه الجواز 

بصتلها دره پصدمه وحست ان قلبها اتقبض بوج ع 
دره انتي بتقولي ايه يا دعاء كرم لحد الوقت متجوزش خالص
دعاء مفيش ست دخلت قلبه بعدك يادره لا حب ولا اتجوز ولا جنس واحده دخلت حياته ولا حتي قدر يتجوز جواز عادي عشان يجيبله حتت عيل
دره بوج ع انتي بتقولي ايه
دعاء بنقول اللي خبيته عنك يا دره
دره وليه اصلا خبيتي عليا يا دعاء حاجه زي دي
دعاء ولو كنا قولنالك ايه اللي كان هيتغير يا دره انتي مكنتيش بتحبي كرم وكنتي بتحبي غيره تفتكري لو كنا قولنالك كنتي هترجعيله مثلا وتسيبي يوسف انا لو بنقولك الوقت بنقولك عشان انتي رجعتي واكيد هتستغربي من طريقة كرم ومن اللي ممكن يعمله معاكي فا حبيت نعرفك السبب 
دره تعرفيني ايه بس انا لما شوفته واقف بيهددني قدام ابويا واخويا مقدرتش اسكت وكنت مستغربه ازاي جاتله الجرأه يعمل كل ده وازاي هما صابرين عليه كده الڠضب اللي كان في عينه مكنتش فهماه مكنتش اعرف انه موجوع بالشكل ده
دعاء مش بس كده يا دره لما كرم اتسجن وقتها كان خلص سنه تالته في كليه الطب وانتي كنتي خلصتي اولي ووقتها كنا في اول اسبوع من الاجازه الكبيره وبعدها اتحكم عليه بسنه وانتي اتجوزتي وسافرتي وقتها انا قولتلك ان كرم هيكمل دراسه سنه رابعه وهو في السچن عشان السنه متروحش عليه بس
دره بس ايه
دعاء كرم مكملش دراسه يا دره كان هيكمل وكان هيعمل كده فعلا بس لما وصله خبر انك اتجوزتي من اليوم ده وكرم حاله اتبدل ساب حلمه وطموحه وكل حاجه في البدايه كان ساكت ومش بينطق وبعدها مبقاش في سيره على لسانه غير انه هيقتلك اول ما يشوفك منكدبش عليكي يادره
انا كنت واثقه ان كرم ممكن يعملها ولما سمعنا صوته الصبح قلبي انقبض وقولت كرم هينفذ اللي مستنيه بقاله سنين بس نظرته ليكي لما شافك خارجه وسمع صوتك موتتني يا دره كرم عمره ما كرهك يا دره ويمكن كمان خليني اقولك اني مااشوفتش راجل حب من قلبه زي كرم ما حبك
دره كانت بتسمعها وهي مڼهاره ودموعها مغرقه وشها
دره بس انا مكانش ليا ذنب هما اللي عملوا كل ده انا قولت كتير كرم اخويا واقرب حد ليا بعد عبدالله مسمعوش كنت اعمل ايه انا حبيت يوسف من ثانوي وقلبي كان مع حد غيره وقتها ابويا كان لسه بصحته مكنتش اقدر اقف قصاده واقوله اني بحب سكت لحد ما لاقيتهم في يوم وليله كنت في اجازه تالته ثانوي لبسوني دبله عشان يبقي ربط كلام ولما ادخل الجامعه اي حد يعرف اني مخطوبه يبعد عني وميضايقنيش مكانش حد عارف اني بحب غيرك انتي ومها بس بعد ما لبست دبله كرم مقدرتش اقول لمها اني لسه بحب يوسف ومعاه لانه مهما كان كرم اخوها انتي اللي كنتي عارفه وبعد كده لما الموضوع دخل في الجد وبدأت اقول مش عايزه كرم ده اخويا ومكانش حد بيسمعني اتكلمت مع نوجا هي الوحيده اللي فهمتني وحاولت تتكلم مع امي بس امي مسمعتش وكانت شايفه ان كرم هو انسب حد ليا او بمعني اصح مكانتش شايفه غيره من كتر ما هي بتحبه لدرجه اني كنت بقولها انتي بتحبي كرم اكتر من بنتك صدقيني يا دعاء انا مكانش ليا ذنب ووقتها كرم كان هادي جدا مكانش حتى بيعرف يعبر عن مشاعره كان بيتحرج ويمكن انا عمري ما حسيت انه بيحبني بالشكل ده و هقولك على حاجه اول مره اقولها انا في يوم حصل بينا في البيت مشكله كبيره لما عبدالله عرف اني مش عايزه كرم اټخانق وطين عليا الدنيا في اليوم ده قولت طيب ما انا ادي نفسي فرصه يمكن هما شايفين حاجه انا مش شيفاها في كرم وقارنت بين كرم وبين يوسف بس وقتها حب يوسف ليا هو اللي كان ظاهر مكنتش شايفه حب كرم كنت شايفه اني بالنسباله جوازه مناسبه 
بنت اتربت معاه عارفها وعارف اهلها وعارف اخلاقها فا
بالنسباله جوازه كويسه لكن يوسف شوفت معاه كل حاجه تخليني اتمسك بيه
دعاء عارفه انه مكانش ذنبك وكل اللي بتقوليه ده انا عرفاه وصدقيني مكنتش نقصد نزعلك ونوجعك بس كان لازم تعرفي عشان تدي العذر لكرم لحد ما يتعود علي وجودك شويه 
كملوا كلامهم مع بعض وشويه ونزلت دعاء وسابتها
دخلت دره على اوضتها وقفلت عليها الباب وفضلت ټعيط طول الليل لحد ما نامت 
في صباح يوم جديد قامت دره حضرت الفطار كانت ساكته خالص وباين عليها الحزن 
دارين مامي اساعدك في حاجه انا خرجت كل الاطباق خلاص
دره لا روحي انتي يا دارين انا جايه وراكي خلاص
دارين اوك يا مامي
شويه واتجمعوا علي السفره ياكلوا
دانه مامي احنا هننزل امته
دره هو ممكن يا بنات نأجل مشوارنا ده لبكره معلش
دارين اكيد يا مامي
دانه ممكن طبعا بس ليه حضرتك تعبانه
دره مش تعب بس مصدعه اوي تقريبا تغيير المكان وفرق التوقيت مع تعب السفر مش مخليني مظبوطه لسه 
ديما خلاص ننزل بكره عادي يا مامي
ابتسمت دره ليهم بحب وكملوا فطار 
نزلت مها من البيت عشان تشتري شويه طلبات من السوق
كانت ماشيه حزينه وعلى غير العاده ساكته وبتفكر في اليوم اللي هتتقابل عينها مع عين دره 
وفجأه لمحت في وشها سونه ماشيه هي كمان ساكته وباين علي عينها الحزن وعلي غير العاده مش حاطه مكياچ
بسرعه استعادت
مها قوتها ورسمت الابتسامه على وشها
مها الله عروسه المولد تابت ولا ايه 
سونه بتنهيده بصتلها اطلعي من راسي يا مها مليش خلق نتعارك معاكي عالصبح 
مها مش بعاده يعني ولا اااااه صحيح هتجيبي الخلق منين بعد ما عرفتي ان اللي ما تتسمي رجعت وبعد ما عرفتي ان صاحبتك دعاء اللي كنتي حاطه راسك براسها ضحكت عليكي 
بصتلها سونه وسكتت
مها ايه ادتك الصابونه يابت وفضلت تنيم فيكي لحد ما اتفقت مع اللي ما تتسمي انها ترجع ومش بعيد تحاول تقربها من كرم ومش بعيد كرم يسامحها عشان بيحبها
سونه مهاااا اطلعي من نافوخي انا بنقولك اهو انا شياطين الدنيا بتلعب في نافوخي بمفك انتي جايه يا اختي ټحرقي في دمي ولا ما صدقتي يابت تمسكيني من ايدي اللي بتوجعني
مها ايووووه وانا قولت ايه بس انا بنفطمك وبنوعيكي وبنفتح عينك على السوسه اللي كنتي راميه روحك في حضنها عشان تكيديني انتي وهي مش كده يابت واهي باعتك في لحظه وكانت عارفه ان السنيوره راجعه
سونه وايه اللي عرفك انها كانت تعرف ما يمكن اتفاجئت زي ما الكل أتفاجئ
مها احيييييه كنت بنفكرك اذكي من كده طلعتي سيط ولسان على الفاضي عموما لا يا اختي كانت تعرف وبكر اللي قالي 
سونه انتي عايزه ايه يا مها
مها جايه يا اختي نقولك اني عندي استعداد نفتحوا صفحه جديده مع بعض ونحطوا أيدنا في ايد بعض قولتي ايه
بصتلها سونه ورفعت حاجبها وشهقت شاهقه عاليه
سونه بقي انتي جايه تحطي ايدك في ايدي احيه ده انا نصدق اي حاجه إلا دي
مها ايووه عليكي ومتصدقيش ليه يا اختي
سونه يابت ده انتي لو تطولي تخرجيني بجرسه من هنا هتعمليها عشان نبعدوا بس عن اخوكي
مها احيييه وايه اللي جاب سيره اخويا الوقت لا هو انتي فاكره يابت اني ممكن نخليكي تقربي منه
سونه امال ياختي جايه تحطي ايدك في ايدي ليه
مها هنرجعوا مع بعض شقاوة زمان فاكره يابت لما كنا نحط حد في راسنا ونخليه يكره اليوم اللي اتولد فيه
سونه ودي حاجه تتنسي انتي اللي نسيتي
مها واديني راجعه نفتكر اهو ونرجع اللي كان يا بت
سونه تقصدي ايه
مها اقصد ان السنيوره طبت علينا من غير إحم ولا دستور تتحمل بقي اللي هنعمله فيها هنحط ايدنا في ايد بعض ونكرهوها في عيشتها ويا ترجع ما كان ما كانت وتقول حقي برقبتي يا هنخلي عيشتها سواد قولتي ايه معايا يا بت
سونه بإبتسامه رفعت حاجبها وعجبها الخطه معاكي يا اختي
مها يبقي اتفقنا وبالمره نعلم مها الكلب الادب 
سونه ودي كمان سيبيها عليا خلينا نطلعوا فيها غلنا 
مها يبقي اتفقنا يا عروسه المولد سلاام
سونه اتلمي يا مهاا
ضحكت مها ومشيت وسابتها
ابتسمت سونه بسعاده وقررت تستغل موقف مها منها تطفش دره ومنها تقرب منها عشان اخوها
بص بكر في الساعه واستغرب كرم اختفي مره واحده ومقالش رايح فين ولحد الوقت مجاش طلع موبايله من جيبه واتصل عليه
بكر انت فين يا جدع غطست فين
كرم بصوت باين عليه انه بيضحك طيب اقفل اقفل انا قدامك اهو
بص بكر واول ما
لمحه بيقرب قفل
بكر ماله ده
كرم ولا يا منكششششش
منكش نعمين يا معلم كرم
كرم بنقولك ايه عايز فنجان قهوه لا عملت قبله قبل كده ولا هتعمل بعد
منكش بس كده ده انا هنطلعلك كنكه جديده وكوبايه جديده وهنبعتوا نجيبوا البن من البرازيل احنا عندنا كام معلم كرم
كرم اهو كده ولا يا ولا
منكش وعندددددك واحد قهوه كنكه جديده بن وارد البارزيل وسكر محلي محطوط عليه كريمه
ضحك كرم وهز راسه وراح علي بكر
بكر بضحك عجبك الدماغ اللي عملها علينا ابن الصرمه ده
كرم بضحك ايه كنت عايز ايه
بكر في ايه يا جدع مالك مش مريحني بتضحك ومبسوط وكنت مختفي ايه هااا
كرم هيكون في ايه يعني كنا بنقضوا مصلحه ولو عالضحك عادي مبسوط تكرهلي
بكر لا منكرهش طبعا بس عليا انا ده اللي ربي خير من اللي اشتري 
كرم بابتسامه جميله عايز ايه يا بكر
بكر ناوي على ايه يا صاحبي
كرم مسك السکينه والمسن كل خيررررر
بكر استر يا اللي بتسترررررر
كرم ولا يا ولااااا معانا يارب نزل بالسکينه على اللحمة وهو بيضحك
عدي الوقت بسرعه وبعد العشاء نزلت دره مع دعاء على تحت بعد ما طمنت بناتها وقالتلهم انها هتتكلم معاهم بهدوء
دعاء مالك يا بت مش على بعضك ليه
دره مش عارفه قلقانه شويه
دعاء متقلقيش يلا ادخلي 
فتحت دعاء الباب ودخلت هي ودره كانت داخله بتقدم رجل وتأخر رجل
دعاء سلام عليكم
الجميع ردوا السلام 
دره احمممم مساء الخير
زكريا مساء الخير
وطبعا نبيله وعبدالله مردوش
دعاء تعالي يا دره اقعدي
قعدت دره جنب دعاء وفضلت عينها في الارض الصمت دام دقايق وكل ثانيه بتعدي كانت بترتبك اكتر 
قطع الصمت ده زكريا 
زكريا فين بناتك
دره وهي باصه في الارض فوق
زكريا وانتي يا دعاء الولا حسن فين
دعاء نزل بعد ما اتعشي وقال هيروح عالبحر شويه
زكريا طيب خليه يتبسط
رجع الصمت من تاني دره كانت مش قادره تبص لنبيله
اما نبيله كانت قاعده حاطه رجل علي رجل وساندها خدها علي ايدها وعينها علي دره
صوت نفس دره كان مسموع للجميع
حبت دعاء تغير