بقلم أمير اسامه

كان لازم تفضل تحت الملاحظه
دانه طيب هي ليه مش فايقه
كرم مين قالك كده هي فاقت بعد العمليه وكويسه بس انا ادتها مخدر عشان تنام ومتحسش بالۏجع لكن هي كويسه وقولتلهم ينزلوها تحت خلاص انا اطمنت عليها بنفسي الوقت وكل حاجه مستقره
دانه بجد يعني هتنزل الوقت في اوضه عاديه
كرم اه هتنزل دقايق وهتلاقيها تحت بطلي عياط بقي صدقيني هي بخير ولو فيها حاجه مكنتش

هنزلها
دانه بدموع شكرا يا كرم شكرا الحمد الله انك كنت موجود مع مامي لولا وجودك كان زمان دارين حصلها حاجه 
ابتسم كرم وحس ان قلبه بيدق پعنف طبطب عليها وضمھا ليه بحب
كرم انا معملتش حاجه محتاجه شكر يا دانه ده واجبي يلا بقي نروح نطمن علي سماح وبعدين نروح لديما لو حابه تروحي تستني دارين هي هتتنقل في الدور اللي فوق غرفه 407 وهتلاقي ديما هناك كمان وهيما في الغرفه اللي جنبها 
دانه بصت لسونه لا خليني اطمن علي سماح وهنطلع سوا انا وسونه بعد كده ماشي
ابتسمت سونه وهزت راسها 
كرم تمام يلا بينا تعالو
راحوا وراء كرم مكانش عارف يلاقي فين دكتور عمرو اتصل عليه وعرف مكانه وراح وقفله بره كان مع اهالي مرضي بيطمنهم علي حاله ولادهم 
سونه انا مش هنعرف نقوله يا كرم قوله انت
كرم متقلقيش يا سونه انا هنقوله 
خرج عمرو في الوقت ده واول ما مريم شافته جريت عليه
مريم بابااااا
عمرو بفزع مريم شالها وبصلها پخوف انتي بتعملي ايه هنا فين تيته يا مريم ويا سين 
كرم اهدي يا دكتور عمرو متقلقش تعالي معايا لحظه
عمرو في ايه انا مش فاهم حاجه
كرم تعالي معايا هنفهمك بس سيب مريم هنا تعالي يا مريم
مريم لا انا عايزه بابا
سونه بدموع تعالي يا مريم مش انتي كنتي معايا وقولتلك اني هلاقيه خلاص هو معاكي بس دكتور كرم هيقوله حاجه تعالي يا حبيبتي
خدها كرم منه وعمرو مصډوم خاېف يكون في حاجه خدوا كرم وبعدوا شويه عنهم وعن الزحمه 
عمرو في ايه يا دكتور كرم مريم بتعمل هنا ايه المرفوض تكون مع والدتي واخوها هما فين
كرم انا مكنتش احب اقف معاك في موقف زي ده بس لازم اقولك
عمرو تقولي ايه قول يا دكتور كرم ارجوك انا اعصابي مش متحمله
كرم شد حيلك يا دكتور عمرو والدتك تعيش انت
بصله عمرو پصدمه ومنطقش عينه كانت بتقول كل الكلام اللي ينفع يتقال في وقت زي ده بص لبنته من بعيد وعينه بتجمع في الدموع 
كرم من كام ساعه جات هي وياسين كانوا في الحاډثه للاسف والدتك كانت واصله وهي متوفيه وياسين حالته كانت خطيره بس متقلقش هو بخير انا عملتله عمليه بنفسي وهو في الرعايه اللي شافتهم واتعرفت عليهم ممرضه معانا وقالت ان ياسين ابنك انت كنت في العمليات وقتها انا للاسف مكنتش اعرف انه ابنك اول اشوفه هو ومريم بس هو بخير متخافش مريم دخلت بعدهم كانت بتنادي عليهم وزي ما انت شايف الحمد لله مفيهاش خدش سبحان الله وست سونه دي من اهل منطقتي هي اللي لقتها وفضلت معاها وسمعت الممرضه لما اتعرفت علي والدتك وياسين وعرفت انها تبعهم فضلت مخلياها معاها عشان توصلهالك وكمان هي اللي اتبرعت لياسين پالدم انا اسف يا دكتور شد حيلك
عمرو نزلت دموعه تجري علي خده امي فين
كرم فوق متقلقش في الثلاجه كل حاجه هنخلصها وقت ما تقول
عمرو بۏجع هي اللي كانت شيلاني انا وولادي بعد امهم ما اټوفت من اربع شهور مكانش لينا اي حد غيرها كانت شايله عني كتير الصبح كلمتها وقولتلها معلش يا امي نزلت بدري من غير ما افطر معاكم عشان عندي عمليه بدري قالتلي ولا يهمك شوف شغلك شويه وهروح اودي ياسين الدرس بتاعه وهلف انا ومريم نجيب شويه طلبات ناقصه وبعدين نرجع ناخد ياسين وهنستناك علي الغداء لو اعرف انها هتبقي اخر مره اشوفها كنت علي الاقل صحيتها وودعتها قبل ما تفارقني هنعمل ايه من بعدها يا دكتور كرم ده انا مكنتش بعرف اعمل حاجه من غيرها مكنتش بشيل هم عيالي عشان مطمن عليهم وهي جنبهم ده ياسين حالته كانت صعبه بعد مۏت امه هيتحمل ازاي لما يعرف ان سته كمان راحت
كرم وحد الله يا دكتور عمرو وشد حيلك عشان بنتك وياسين محتاجلك الوقت اكتر من اي وقت وبعدين انا معاك متقلقش مش هسيبك هو انت مالكش هنا اي حد
عمرو لا ليا كل اهل امي وابويا كمان بس كل واحد ملهي في حياته بنتقابل في المناسبات وبس
كرم طيب واهل مراتك الله يرحمها فين
عمرو مراتي كانت وحيده والدتها متوفيه من زمان ووالدها راجل كبير في السن يعني مبقاش لينا حد يا دكتور احنا لوحدنا بقينا لوحدنا خالص
كرم وحد الله ربنا يخليك لولادك شد حيلك و أصلب طولك العياط
والحزن مش هيرجعوا اللي راح ده قدر ربنا ومتعرفش ايه الحكمه من كل ده بس لازم تقف
علي رجلك ياسين الوقت محتاجلك جنبه ومريم كمان وزي ما قولتلك انا جنبك اي حاجه عايزها هتلاقيني في ضهرك الوقت بس اطلع شوف والدتك وودعها وروح اطمن علي ياسين واعرف هتدفن والدتك امته وانا هخلصلك كل حاجه تكون بلغت كل اهلك
عمرو بدموع انا مش قادر اقف علي رجلي عامل زي اللي اتضرب علي راسه ومش قادر ينطق او يتحرك
كرم اللي انت في مش سهل ربنا يعينك بس اكيد انت قدمه وألا مكانش ربنا اختبرك فيه تعالي يلا انا هنطلع معاك تشوف والدتك وتطمن علي ياسين ولو علي مريم خليها مع ست سونه انا كمان اهلي كلهم هنا تقدر تقول ان شباب العيله كلهم كانوا في الترام واټصابو ومن ضمنهم بنت ست سونه سماح انت اللي عملتلها العمليه 
عمرو هي كويسه متقلقش 
كرم طيب تعالي معايا يلا وشد حيلك كده قدام بنتك وعلي فكره هي متعرفش ان جدتها اټوفت
عمرو ماشي يادكتور كرم مش عارف اقولكم ايه
كرم ولا اي حاجه احنا اخوات يلا شد حيلك كده وتعالي معايا 
مسح عمرو دموعه وراح مع كرم قرب منهم نزل علي رجله ضم مريم بقوه وهو دموعه نازله
مريم بابا بټعيط ليه هو ياسين وتيته كويسين
عمرو بابتسامه اااا اه اه يا حبيبتي كويسين هما بس تعبانين شويه وانا خۏفت عليكي لما ملاقتكيش
مريم متخافش عليا انا كنت مع سونه هي قالتلي انها هتوديني ليك لما تخلص عمليه وجابتلي عصير كمان 
عمرو بحب طيب قولتيلها شكرا
مريم لا نسيت
عمرو طيب نقولها شكرا
مريم بصت لسونه وابتسمت شكرا يا سونه
سونه بدموع ابتسمت علي ايه يا قلبي المهم اطمنتي علي بابا
مريم ايوه
وقف عمرو وبص لسونه وابتسم بحزن
عمرو دكتور كرم قاللي علي اللي عملتيه مع مريم وياسين وبجد مش عارف اشكرك ازاي انقذتي ابني
سونه متقولش كده يا دكتور انا معملتش اي حاجه دول زي بنتي شد حيلك
عمرو الشده علي الله واه بنت حضرتك كويسه اطمني عليها
سونه والنبي صحيح يعني فايقه
عمرو متقلقيش هي بخير والعمليه كويسه طلعت فوق وحالتها مستقره اطمني
سونه شكرا يا دكتور
عمرو انا اللي المفروض اشكرك
سونه لا ازاي متقولش كده اللي عملته مع بنتي جميل في رقبتي ليوم الدين انا محلتيش غيرها في الدنيا كلها 
عمرو بحزن وانتي رديتي الجميل يا ست سونه انا اللي بشكرك 
كرم سونه هتاخدي مريم وتخليها معاكي شويه اطلعي فوق اطمني علي سماح وشويه وهخليهم ينقلوها مع باقي الشباب عشان تبقوا مع بعض وانا هاخد دكتور عمرو ونطلع نشوف والدته
عمرو معلش هتعبك معايا تاني بس خلي مريم معاكي انا مش هقدر اخليها معايا الوقت ومقدرش اسيبها لوحدها
سونه لا لوحدها ده ايه ما احنا هنا معاها روح واطمن عليها يا دكتور 
عمرو شكرا
كرم خلي بالك عليها يل سونه شويه وهطلعلكم 
سونه في عنيا يا دكتور كرم
ابتسم كرم بهدوء وخد عمرو ومشيوا 
ديما بقولكم انا عايزه مامي 
نبيله يا بنتي اهدي العياط والزعيق غلط عليكي امك كويسه
زكريا دره في العمليات يابنتي بتشوف شغلها هي اطمنت عليكي
ديما عشان خاطري يا جدو من فضلك خليني اروحلها
عبدالله لا حول ولا قوة إلا بالله يا ديما يا بنتي انتي كبيره ومش صغيره وعارفه ان ده شغلها اللي بتعمليه ده هيتعبك
ديما طيب لو خاېف عليا بجد يا خالو خليني اروح لمامي لو فضلت هنا ھموت والله ھموت
نبيله بلهفه بعد الشړ يابت متقوليش كده وتوجعي قلبي اهدي شويه ما احنا جنبك اهو وبعدين انتي مش شوفتي امك كانت معاكي في الاوضه وواقفه كويسه
ديما لا مشوفتهاش
نبيله ازاي بس دي خرجت بعدك علي طول
ديما طيب شوفها فين وقولولها تيجي عايزه اشوفها واطمن علي اخواتي 
زكريا بحب اخواتك زي الفل ودره الوقت تيجي اكيد مش هتسيبك من غير ما تطلع تبص عليكم تاني
خبطت مها ودخلت هي وبكر
مها ايه القمر فاقت عامله ايه الوقت 
ديما عشان خاطري يا طنط شوفي مامي فين 
مها بابتسامه حزن اهو طول ما انتي بتقولي طنط كده مش هنسال فيكي
ديما طيب يا مها شوفي مامي انا عيزاها 
بكر القمر بيعيط ليه بس انتي مش عارفه ان العياط غلط عليكي
ديما محدش عايز يجيبلي مامي
بكر وهتعملي ايه بمامي واحنا كلنا معاكي اهو وبعدين هي بتشوف شغلها ينفع يعني تسيب كل اللي محتاج مساعدتها وتيجي تقعد جنبك 
ديما عايزه اعرف منها اخواتي فين وفيهم ايه 
بكر ولا حاجه زي الفل ودانه كانت معانا الوقت راحت مع سونه والوقت يطلعوا 
ديما طيب دارين فين
وهيما و احمد ومحمد وحسن كلهم فين انا سوفت الحاډثه كلها وشوفت الناس وهي بټموت وعارفه ان فيهم حاجه
بكر لا لا والله زي الفل
مها حسن واحمد وهيما في الأوضه اللي جانبك نروح نجيبهملك من هدومهم الوقت عشان تطمني
عبدالله هما بس تعبانين شويه هيما رجله كانت متعوره واحمد عنده كدمه في رقبته مش عايزينهم يتحركوا كتير
ديما طيب دارين وسماح ومحمد 
مها يابت يعني لو في حد فيهم جراله حاجه هنبقي واقفين قدامك وبنحاول نضحكك
بكر انتي عارفه ان الحاډثه كانت كبيره واكيد الكل اټصاب بس الحمد لله محدش جراله حاجه
ديما يعني هما حصلهم حاجه 
بكر لا زي الفل الوقت يجوا يطمنوكي اهدي بس عشان خاطرنا وعشان خاطر ستك وجدك متقلقهمش عليكي 
قعدت مها جنبها وضمتها 
مها تعالي يابت بطلي عياط كلهم زي القرود مټخافيش 
سونه اااااااه يابنتي ااااه ياقلب امك سماح ردي عليا يا حبيبتي قولي اي كلمه طمني قلبي عليكي
دانه بدموع سماح سماح انتي سمعانا 
سماح امممم عايزه اشرب 
دانه حاضر هجيبلك حالا
سونه لا استني المايه غلط عليها شويه ونشربها سماح انتي كويسه يا حبيبتي قومي عشان خاطري وطمنيني عليكي 
سماح ماما
سونه بدموع وفرحه انا هنا ياقلب امك انا هنا يا حبيبتي حقك عليا متزعليش مني سامحيني مكنتش نقصد قومي يا احلي عروسه في الدنيا قومي عشان نفرح بيكي انتي وحسن 
سماح حسن حسن 
سونه حسن كويس يا سماح زي الفل
دانه سماح ردي علينا حسن كويس ومستنيكي 
سماح الترام ھنموت ھنموت ااااه حسن يا سونه
سونه ياقلب سونه انتي كويسه يابت وهتبقي زي الفل وانا جنبك مش هسيبك يا قلب امك من جوه
الممرضه معلش ممكن تسيبوها ترتاح الكلام كتير هيتعبها
سونه حاضر حاضر هنسكت خالص بس هي ليه مش فايقه
الممرضه متقلقيش هي تحت تأثير البنج لسه بس فاقت مټخافيش عليها سيبوها بس ترتاح شويه ونص ساعه تكون فاقت خالص 
دانه تمام خلاص يا سونه سبيها ترتاح شويه والوقت تفوق